الخمس بنات
(الجزء التاسع)
بقلم ايمان طايل
أميرة واقفة مرتبكة ومتوترة من نظراته وبعدين تاخد نفسها وترفع ايديها بشويش ويلاقيها ماسكة عقد الزواج ..
بدر بدهشة: انتي مقطعتيش العقد!
أميرة ببطء هتهز راسها بالنفي..
بدر بتعجب : طيب ليه!
أميرة بصوت ضعيف جدا تهمس: بدر انا انا مش بثق ف حد هنا غيرك .. و.. ومعرفش عمي هيعمل ايه لو رفضت.. انا مش عايزة ارجع اندم ع الفرصة
الي كانت قدامي.. وانا متأكدة انك هتوفي بوعدك معايا للآخر.. لانك اكتر حد هنا فاهمني وانا عارفة انك هتكون جنبي دايما..
وتعطيه العقد وهي بتقول.. اتفضل يا بدر.
بدر بحزن: أميرة انتي مش مجبرة.. انا هقنع عمك و..
أميرة تقاطعه : انا انا فكرت كويس صدقني.. اتفضل يا بدر..
بدر عينيه عليها بحزن وبشويش هياخد منها العقد وهو بيبعد من قدامها عشان تدخل الاوضة وبيقول بهدوء: ادخلي يا أميرة.
أميرة هتدخل ببطء وهي خايفة ومرتبكة وتقف ف نص الاوضة.. وبدر هيقفل الباب ويقرب منها وبصوت هادي : تعالي اقعدي..
أميرة هتتحرك بشويش وتقعد ع السرير وهي بترتعش ..
بدر هيقعد قصادها وبهدوء : اهدي يا أميرة.. اهدي خالص ومتقلقيش..
انا عارف انك متوترة وان الوضع هيبقا غريب عليكي ..بس انتي بعد فترة هتتعودي .
انا مش هقربلك وهحاول ع ماقدر اننا مش نجتمع سوا ..طبعا طول اليوم انتي هتبقي ف البيت وعند البنات ومش هتيجي غير بليل ..انا هحاول اجي بدري وانام عشان تعرفي تدخلي براحتك وتنامي.. تمام!
أميرة توترها بيخف وتهز راسها لتحت ببطء بمعني تمام.
بدر هيقوم وياخد مخدة م ع السرير ويبصلها ويقول : انتي طبعا هتنامي ع السرير وانا هنام ع الكنبة الي هناك دي.. ويتحرك ناحية الكنبة الي موجودة جنب الباب ويرمي عليها المخدة.. ويتوجه ناحية الدولاب وهو بيفتحه ويقول.. وهنا اللبس الي بنات عمك جايبينه ..ويرجع يبصلها ويقول ..ودلوقتي بقا انا هطلع برا عشان تعرفي تغيري براحتك ..تمام!
أميرة بصوت ضعيف: تمام.
ويخرج بدر ويسيبها..
أميرة تقوم من ع السرير بشويش وبتفكر ولسه بتستوعب الخطوة الي اخدتها دي ومش عارفة نهايتها هتبقا ايه.. وبعدين هتتحرك ناحية الباب بهدوء وتقفله بالمفتاح..
وتطلع الموبايل الي هي مخبياه ف الفستان وتكتب رسالة للبنات ..
"حاولت أكلمكم كتير وانتو مش بتردوا عليا ..عايزة اقولكم اني اتجوزت من بدر ابن عمكم.. بس هو وعدني انه هيبقا جواز صوري قدام البيت بس ومش هيتم رسمي ..ارجوكم ردوا عليا وعرفوني انكم ماهربتوش وسيبتوني هنا لوحدي..متسبنيش هنا يا رضوى بالله عليكي"
وتبعت الرسالة ودمعتها تنزل وبعدين تهدا وتقفل الموبايل وبسرعة تروح ع الدولاب وتخبيه وسط اللبس بتاعها ..
تحت في الاسطبل..
صابر بيضرب ف الشاب الي هرب وأشرف دخل وراح وقف جنبه وسعيد واقف بعيد ومش بيتدخل..
صابر يضربه ف وشه وبعصبية: انطق والا هنقتلك! اتكلللم .. ويضربه تاني لكمات متتالية والشاب بينزف دم كتير ومش قادر يتكلم ولا بقا ف وعيه..
أشرف يشد صابر ويزعق: اهدا شوية.. هيروح ف ايديك ومش هنعرف حاجة!
صابر يبعد عنه وهو متعصب وأشرف يفوق فيه ولكن الشاب شبه فاقد الوعي .. هيبص لصابر وبحدة: عاجبك كدا!!
صابر : انا هفوقه دلوقتي..
ويروح يجيب مايه كتير ويرميها ف وشه بقوة .. الشاب هيشهق جامد ويفتح عينيه وبياخد نفسه بصعوبة..
صابر بضحكة خبيثة يبص لأشرف: مش قولتلك هفوقه.. ويبص للشاب تاني.. اتكلم احسنلك.. مين الي هربك من هنا ومين الواد الي بيكلمكم ؟؟
الشاب بيمسح المايه من ع وشه وبصوت مكتوم وضعيف :هـ قـ لـ ك.. هـقلك..
صابر بحدة :يلاااا اتكلم.
الشاب: الـي هـ ـربني الي هـ ـربني...
صابر يضربه تاني ويزعق: مااا تنجز وقول..
الشاب: حـ حـ مــ ادة.. حمادة الي كان معاكم هو الي ساعدني أهرب.
أشرف هيبص لصابر وبدهشة : حمادة!!! بس حمادة هيعمل كدا ليه؟ وبعدين حمادة أصلا هو الي ثبته وضربه لما كان بيهجم ع بدر !!!
سعيد يقرب عليهم وبلهفة يقول: مـ ما يمكن حمادة عمل كدا عشان يبعد الشبهة عنه؟!! يعني يطلب ان حد يهجم ع بدر وهو يدافع عنه وبالتالي محدش يشك فيه!
أشرف بتعجب: معقول حمادة هو الي ورا الحكاية دي كلهاا؟؟؟
صابر بتخمين : ممكن بردو.. لانه كان عارف ميعاد التسليم وعارف ان الكمية كانت كتيره .. ويهمس ..انا اصلا كنت بشك فيه بس مش للدرجادي.
ويرجع صابر يمسك الشاب من هدومه وبغضب: عارف لو طلعت بتكذب انا هعمل فيك ايه!!
أشرف بتعجب: واحنا هنعرف ازاي يا صابر انه بيكذب! وهنتأكد ازاي ان حمادة فعلا الي عمل كدا؟
صابر بخبث : انا عندي طريقة ..لو حمادة هو الي هربه يبقا هو نفسه الي بيكلمهم.. ويبص للشاب ويقول.. انا هخليك تكلم تلاتة دلوقتي وهسمعك صوتهم وتقولي مين فيهم الصوت الي بيكلمكم.. تمام! ولو عرفت صوت حمادة احنا هنسيبك.. اما لو طلعت بتكذب..
يطلع صابر سكينة صغيرة من جيبه ويقول: أنا هعملك عملية تجميل ف وشك.. ويقرب السكينه من عينيه جامد ويقول.. وممكن اشيلك العين دي وابقا خلي سكوتك ينفعك ..
صابر هيبعد عنه ويطلع الموبايل ويبدأ يجيب الارقام..
الشاب متوتر جدا وصابر بيتصل بأول واحد ورد عليه وفتح الاسبيكر وكلمه شوية وبعدين قفل معاه..
صابر بيسأله :ها هو دا الصوت الي بيكلمكم ؟؟
الشاب متوتر وخايف جدا ومش بيرد..
صابر هيقرب منه : هو دا الصوت ولا لا؟؟؟
الشاب هيبلع ريقه وبصوت فيه رهبة: لا..
صابر بابتسامة ساخرة: طيب نشوف الي بعده.. حلوة اللعبة دي مش كدا!
الشاب مرعوب وصابر كلم الشخص التاني ورد عليه ..
الشاب خلاص هيستسلم ويحاول يتحرك ويتكلم ويقول مين الي هربه..
ف نفس اللحظة..
بدر ف أوضة صابر وواقف ف البلكونة بيتكلم ف الفون..
بدر بتعجب: حاجة ايه الي عايزة تقوليلي عليها ضروري؟؟... وطيب ليه مش تقوليلي دلوقتي؟؟ ..قولتلك مش هعرف اجي الفترة دي عشان مشغول.. يووه بقا متعصبنيش.. يا اما تتكلمي والا والله هققل خالص وما هرد عليكي... بقولك ايه روحي نامي احسن.. يلا تصبحي ع خير.
ويقفل بدر المكالمة ويهمس لنفسه بشك: ايه الي فكرها بيا دلوقتي.. واشمعنا كلمتني ف الوقت دا!!
وفجأة يقطع تفكيره صوت طلقة جاي من تحت.. بسرعة هيبص ع الاسطبل ويلاقي النور بتاعه مفتوح ..هينزل بسرعة ويروح ليهم.
ف الاسطبل..
بدر نزل ويدخل بسرعة ويلاقي صابر بيزعق لسعيد بصوت عالي وأشرف بيهدي مابينهم..
سعيد بصوت عالي: قولتلك كان بيتحرك وهيهرب..
صابر بعصبية: تقوم تضربه بالنااار!!
سعيد يزعق: كنت قاصد اعجزه وميتحركش مش اكتر ..
يقاطعه صابر: والي بيعجز حد بيضربه ف قلبه!!!!
بدر يبص ع الشاب ويلاقيه مات.. هيقف ف النص وبغضب وبصوت عالي: بــس اسكتوااا.. خلاص هو مات.. الجدال مش هيرجعه.. وهو كان فرصة قدامنا وانتو ضيعتوها خلاص.
صابر يقرب منه وبلهفة: الواد حد هربه واحنا جبناه تاني.. حد اتجرأ ودخل بيتنا وهربه يابدر ولما ضغطنا عليه قال انه حمادة بس احنا مش متأكدين وكنت لسه بتأكد من كلامه وسعيد هو الي اتهور وقتله..
بدر بتعجب شديد: حماااادة!! ازاي؟ لا يمكن..
اذا كان حمادة هو..
يقاطعه صابر: قالوا انه ممكن يعمل كدا عشان محدش يشك فيه.. ودلوقتي احنا مقدمناش اي احتمال تاني غيره.. الواد مات خلاص .
بدر : انا مش قادر اصدق انه حمادة..
صابر هيبص لسعيد ويقول : كل حاجة ممكنة الفترة دي ..والله اعلم مين تاني عايز يقف ضدنا.
سعيد بغضب: انا ماليش دعوة بالموضوع دا..طالما شايفيني انا الي متهور خلاص اتصرفوا انتو زي مانتو عايزين .. ويسيبهم ويمشي ..
بدر ينادي عليه: استني يا سعيد.. يا سعيد.
سعيد يمشي وهو غضبان ومتوتر ومش بيرد.
بدر يبص لصابر: قالك الطلقة جات غصب عنه.. ليه مش مصدقه! انا مش عارف انت وسعيد مش بتتفقوا خالص ليه!
صابر بغضب: لانه اصلا ضدنا مش معانا يا بدر.. لو تاخد بالك هو واخوه سبب كل المصايب الي بتحصل.. ومش عايز اقولك اني اصلا بقيت اشك فيه بعد الي عمله دا لان مش بعيد عليهم..
بدر يقاطعه بنظرة غضب: صابر.. دا اخوك ومينفعش الي بتقوله دا.
صابر بابتسامة حزينة: اخويا!.. اه صح اخويا.. عارف يا بدر انا حاسس انهم أعداءنا مش اخواتنا..
يدخل عاشور ويقاطعهم وبتعجب: صوت الطلقة دا كان جاي من هنا؟؟؟
بدر هيبصله وبيأس: ايوا يا حج.
عاشور هيشوف الشاب ميت ويبصلهم ويقول: وعرفتوا مين الي بعت العيال دي؟؟
صابر بتردد : قال قبل ما يموت ان حمادة الي بيشتغل معانا هو الي هربه..
عاشور : حمادة!!
صابر : ايوا يا حج.
عاشور بغضب شديد: تروحوا تجيبوه حالا ومترجعوش من غيره.. وفين سعيد وطارق!
بدر : سعيد طلع.. وواضح ان طارق مانزلش معاهم اصلا.
عاشور يبص لصابر: يبقا محدش هيجيبه غيرك يا صابر.. خد رجالة معاك وتروح ومترجعش غير بيه.
صابر : تمام يا حج.
عاشور يهمس لنفسه: بقا الواد دا هو الي عمل كل دا!! اما اشوفك بس يا حمادة..
صابر يمشي وهو بيعمل اتصال وهيروح علطول ع شقة حسام ..
(ف المستشفي..)
البنات ناموا جنب أمل من الارهاق..
سميرة وهدي نايمين جنب بعض ورضوى نايمة ع الكرسي الي جنب أمل..
رضوى نايمة تماما وبتحلم.. شايفة انها بتجري ف مكان واسع بتدور ع حاجة ضايعة منها وبتاخد نفسها بصعوبة.. وفجأة تقف وتحس انها شايفة حد مقابلها من بعيد.. رضوى بتقرب أكتر وأكتر وفجأة تظهر مامتها بفستان أبيض وشايلة ورد ف ايديها..
رضوى هتجري عليها بلهفة وتحضنها : مامااا.. كنتي فين كل دا! انا بدور عليكي بقالي كتير ..
مامتها هتبتسم وتعطيها الورد وبهدوء هتقول : خدي يا رضوى.. الورد دا ليكي انتي واخواتك..
رضوى بشويش هتاخد منها الورد وبتعجب تقول : بس دول اربعة بس يا ماما واحنا خمسة .. وليه الوردة دي لونها مختلف ودبلانة..
مامتها هتمسك ايديها بحنان وتقولها بهدوء: الوردة دي هتفتح وتبقا حلوة مع الوقت ..اما الوردة الخمسة هتاخديها قريب يا حبيبتي.. بس لازم تصبري.. خلاص هانت يا رضوى..هانت..
وبشويش تبعد عنها وتمشي وتسيبها..
رضوى هتنادي عليها : ماما.. استني يا ماماا.. يا ماما متسبنيش لوحدي.. يا ماماااا.
وفجأة تصحي رضوى وتفتح عينيها بشويش وهي بتقول بصوت مكتوم وضعيف: ماماا..
تفوق رضوى وتركز وتكتشف انها كانت بتحلم ..
تاخد نفسها وتقوم وتبص جنبها وتلاقي أخواتها كلهم لسه نايمين..
تفتح الموبايل عشان تشوف الوقت وتلاقي رسالة من أميرة.. قلبها هيدق فجأة وتفتح الرسالة وهي بتمسح عينيها جامد عشان تقرأ كويس..
وبعد شوية تبتسم بحزن وهتحاول تتصل بأميرة بس الموبايل مغلق.. هتقوم بلهفة وتجري ع البنات تفوقهم : سميرة.. هدي.. يا سميرة.
سميرة هتصحي وتبصلها وبصوت نايم : فيه ايه يا رضوي!! امل فاقت؟
رضوى بلهفة وتوتر : لا فيه خبر تاني كويس.. أميرة بعتت رسالة من شوية وطمنتنا وواضح انها مش استسلمت ولسه بتحاول تلاقي طريقة تهرب وانا حاولت أكلمها بس لقيت الموبايل اتقفل..
سميرة هتفتح عينيها جامد وبلهفة: بجد! فين الموبايل بسرعة.. عايزة اشوف الرسالة!
هدي تفوق وتسمعهم وتشوف سميرة وهي بتقرأ الرسالة وتشوفها معاها ..
وهما بيقروها رضوى هتقعد جنبهم بهدوء ودموعها تنزل وهي بتقول بحزن: أميرة فاكرة اننا سيبناها وخلاص هننساها.. بس والله انا مانسيتها ولا يمكن انساها.. وان شاءالله هرجعلها قريب أوي وأخدها ولو افديها بروحي ..
هدي هتصعب عليها رضوى ودموعها هتنزل وتمسك ايد رضوى وتقول: هي اكيد قالت الكلام دا بسبب الي هي فيه.. واحنا كمان لازم نعذرها لانها هناك بقالها فترة كبيرة ومش بنشوفها ولا تعرف عننا حاجة.
سميرة هتبص لرضوى وبحزن شديد هتقول : الكلام دا لازم هي تعرفه عشان تفضل قوية ..ابعتيلها يا رضوى رسالة وعرفيها اننا كنا مجبرين واننا مش هنسيبها هناك وهناخدها ان شاءالله ونرجع نتجمع احنا الخمسة تاني.. وتعطيها الموبايل وهي بتقول ... خدي يا رضوى ابعتيلها رسالة..
رضوى هتمسح دموعها وبهدوء هتاخد الموبايل وهتكتب الرسالة..
" أميرة انتي جزء مننا وروحنا مش هتكتمل غير بيكي .. الظروف هي الي اجبرتني اخد اخواتك بعيد بس صدقيني بعمل كل جهدي عشان اجي واخدك من عمك.. ماتصدقيش اي حاجة يقولوها ليكي علينا.. انتي عارفة اخواتك كويس ومتأكدة اننا عمرنا ما هنتخلي عنك ..قريب اوي هتلاقيني عندك وهترجعي معايا ونرجع نعيش كلنا سوا ..حاولي تكلمينا تاني وتطمنينا عليكي "
تبعت الرسالة وتبص لسميرة وهدي وتقول: احنا لازم نكلمها ضروري..أميرة مش لازم تثق ف بدر.. ممكن يغدر بيها ف اي وقت دا لو فعلا وعدها بكدا ومش بيعمل عليها حيلة عشان يرجعنا بيها.
هدي بتعجب: طيب ما تكتبي رسالة فيها الكلام دا.
رضوى: لا مش هينفع..اولا احنا كدا هنخوفها والكتابة غير لما اكلمها وافهمها.. لما اكلمها هتفرق كتير.. وبعدين افرض حد شاف الموبايل الي معاها..
سميرة: وافرض معرفتش تكلمنا خالص! انا مش مرتاحة الصراحة وحاسة انه بيضحك عليها عشان..
يقاطعهم صوت أمل وهي بتفوق وبتقول بصوت ضعيف جدا : رضـ ـوي.. رضوى.
البنات هيلاقوها بتفتح عينيها وتفوق ..هيجروا عليها بلهفة ويقعدوا جنبها.
رضوى هتمسك ايديها و بابتسامة ضعيفة : حمدله ع السلامة يا قلبي..
(عند شقة حسام..)
صابر وصل ومعاه اتنين وبيخبط ع الباب جامد..
ولسه هيكسر الباب هتخرج ست كبيرة من الشقة الي قصادهم وهي بتقول: ايه الدوشة الي برا دي؟
تشوفهم وتبصلهم بتعجب.. انتو عايز الشاب الي ساكن هنا !!
صابر هيبصلها : ايوا.. شوفتيه يا حجة!
الست : ايوا شوفته بالنهار كان نازل ع السلم وكان معاه بنت تقريبا لابسه نقاب ..وواضح انه مرجعش من وقتها.
صابر هيسرح شوية وبتعجب: بنت بنقاب!! ...طيب متعرفيش مين البنت دي يا حجة!
الست: وهعرفها منين يبني..
صابر بلهفة : وصفها او اي حاجة!!
الست: لا ما اخدتش بالي.. انا كنت نازلة م ع السطح وشوفتهم بالصدفة م ع السلم.. وتمسك الباب و هي بتقول.. بطلوا تخبطوا بقا عشان الناس نايمين وانتو عاملين ازعاج.. وتقفل الباب وتدخل.
صابر هياخد الرجالة وينزلوا ع السلم وهو مشغول وبيفكر وبعد ما يوصلوا عند العربية هيرجع تاني ويطلع بسرعة للست ويخبط عليها..
بعد شوية الست هتفتح وبتعجب: عايز ايه تاني؟
صابر بلهفة: طيب متعرفيش البنت دي يعني جات عنده من امتي!!
الست : يبني انا ست كبيرة وذاكرتي ضعيفة واكيد مش فاكرة..
ولسه هتقفل الباب صابر هيزقه.. وبتردد هيقول: تقريبا حتي؟؟
الست :تقريبا بقالها كام يوم كدا يجي اسبوع.. يلا بقا يبني عايزة انام.
صابر بلهفة: طيب حد تاني عندك شافها او يعرف يوصفهالي ؟
الست اتضايقت وهتقول: يبني دا وقت نوم وكل الناس نايمة.. وبعدين لما يجي صاحبك ابقا اسأله بنفسك وبطل دوشة بقا.
صابر : طيب طيب انا آسف ع الازعاج.
الست هتقفل الباب ..وهو هينزل وهو سرحان وبيفكر وبيحاول يربط شكوكه ف حسام بكلام الست ومع الي حصل مع اخواته ف تسليم البضاعة..
وفجأة هيهمس لنفسه : ياتري انت تطلع مين يا حمادة!
يوصل للعربية ويركب ويرجع ع البيت علطول وهو لسه بيفكر..
(ف بيت عاشور..)
ف الصالون..
بدر قاعد سرحان وبيفكر ومش قادر يستوعب ان حمادة الي عمل كدا وحاسس ان الموضوع فيه إن وبدأ يربط كلام صابر بالي حصل..
يقطع تفكيره عاشور وهو بيقول : روح انت يا بدر اطلع لعروستك وسيبك من وجع الدماغ دا واخوك هيتصرف وهنجيب الواد دا ونقرره ع كل حاجة.
بدر بتعجب: انت فاكر حمادة جه يشتغل عندنا من امتي يا حج!
عاشور يخمن: مش من كتير يعني.. بقاله كام شهر.. بتسأل ليه!
بدر : لا ابدا.. بفكر ف حاجة كدا.
يقاطعهم صابر الي وصل..
عاشور يقوم وبتعجب : فين حمادة؟؟
أشرف يقاطعهم: أكيد هرب بعد الي عمله..
صابر يدخل ويقعد ويرفع عينيه عليهم ويقول: مش هناك..
بدر يبص لصابر: انت دخلت الشقة؟؟
صابر بتردد: لا.. جارته قالت شافته خرج بالنهار ومارجعش.
عاشور: راح فين؟؟
صابر: معرفش..
عاشور بغضب: يعني ايه متعرفش؟؟
بدر بهدوء : اهدا يا حج.. هو هيجي بنفسه.
عاشور يبصله : انت بتقول ايه؟
بدر: لو هو الي هرب الواد الي مات ف هو ميعرفش اننا مسكناه تاني وانه اعترف عليه..ولا يعرف ان صابر راح سأل عليه ف الوقت دا الا اذا جارته قالتله ووقتها هيعرف اننا شكينا فيه ويهرب.. غير كدا فهو هيجي الشغل بكره كالعادة ومش هيوضح حاجة.
أشرف : والله فكرة بردو.
بدر مش هيبصله وهيبص لعاشور: ايه رأيك يا حج!
عاشور بعصبيـة: طيب اما نشوف.. خلينا نستني للصبح ونشوف هيحصل ايه..
وانتو يلا روحوا ارتاحوا وناموا عشان هنروح الوكالة من بكرا ونرجع لشغلنا تاني..ويسيبهم ويمشي.
صابر قاعد سرحان وعينيه ف الارض ومش مركز معاهم..
بدر هيبصله : مالك يا صابر؟
صابر ينتبه ليه ويهمس : الست جارة حمادة..
بدر بتعجب : مالها!
صابر: قالتلي انه كان نازل مع بنت منتبقة.
بدر بتعجب: يعني ايه!!
صابر هيبص لأشرف ويرجع يبصله ويهمس: هفهمك كل حاجة بعدين.. عشان مش عايز حد يعرف.
بدر : طيب تمام.. ويقوم وهو بيقول ..تصبح ع خير..ويطلع فوق.
(ف أوضة بدر..)
بدر يدخل الاوضة وعينيه تروح ع السرير ومش يلاقي أميرة.. وهو بيقفل الباب يلمحها ع الكنبة قاعدة منكمشة وضامة نفسها وغلبها النوم..
بدر هيقرب منها وهو مستغرب هي ع الكنبة ليه! وبعدين يقعد جنبها ويبصلها ويلاقيها لابسه بيچامة ونايمة مش حاسة بيه تماما وشعرها البني نازل ع كتفها وايديها ومغطيها ..عينيه عليها بتركيز ف كل جزء ف ملامحها وبعدين يبتسم ابتسامة هادية ويقوم يشيلها بشويش وعينيه عليها وهو حاضنها وشايفها قد ايه هادية ويفتكر يوم المستشفي وهو شايلها وهي بتصرخ وتبكي وينيمها ع السرير بهدوء ..
وهو بينيمها هتفتح عينيها بشويش وتلاقيه واقف جنب السرير بيغطيها ..هتفتح عينيها جامد وتقوم تقعد بسرعة وبتوتر وصوت نايم: انت انت جيت امتي! انا انا كنت قاعدة ع الكنبة وبعدين وبعدين..
بدر بهدوء : اهدي يا أميرة.. انا لسه داخل ولقيتك نمتي ولسه جايبك ع السرير.
أميرة وعينيها لتحت: بس بس انا كنت عايزة انام ع الكنبة.
بدر بتعجب: ليه؟؟
اميرة هتبصله تاني: اصل اصل الكنبة صغيرة وانت مش هترتاح ف النوم عليها.. اما انا..
بدر يقاطعها بضحكة : اما انتي صغيرة وهتعرفي تنامي وترتاحي عليها مش كدا!
أميرة بابتسامة ضعيفة: ايوا.. متهيألي كدا.
بدر : طيب شوفي كدا يا أميرة..
ويروح عند الكنبة ويشدها يفردها وتبقا زي السرير.. ويرجع يبصلها وبابتسامة.. هي ايوا ممكن تبقا مش مريحة زي السرير بس مش صغيرة .
أميرة بابتسامة ضعيفة: مكنتش أعرف انها بتتفرد كدا.
بدر : ولا يهمك.. نامي انتي بقا الوقت متأخر اوي..يلا تصبحي ع خير.
وينام ع الكنبة ويمسك الفون بيشوف فيه حاجة.. وأميرة قاعدة لسه ع السرير وعينيها عليه وقلقانة.. وبشويش هيلتفت ناحيتها ويشوفها ..أميرة بسرعة هتبص قدامها.
بدر بتعجب: مانمتيش ليه!
أميرة بتوتر من غير ماتبصله : هـ هنام دلوقتي.
بدر هيرجع يبص ف الفون وفجأة ياخد باله وهيقوم يطفي النور ويقولها : معلش نسيت النور .
أميرة بهدوء: ولا يهمك..
بدر هينام.. وأميرة تفضل قاعدة كتير لحد ماتتأكد انه نام وبشويش هتنام وهي قلقانة ومش مرتاحة وبعدين تهمس: يارب الحكاية دي تعدي ع خير..
(الصبح ف المستشفي..)
الدكتور : هي خلاص حالتها بقت كويسة وتقدر ترجع البيت بس أهم حاجة تلتزم بالعلاج وهي هتتحسن اكتر ان شاءالله.
رضوى: تمام.. شكرا جدا يا دكتور.
وترجع رضوى للبنات وتقول : يلا عشان نرجع الشقة.
أمل بتوتر: الشقة دي تاني!
سميرة: خلاص يا أمل المجرم اتحبس وكمان عمك أكرم قال اننا هنبدل مع البنات الي ساكنين تحت واحنا هنبقا ف الدور الأول قصاده عشان ياخد باله مننا .
رضوى هتحاول تهديها وتقولها : واصلا كلها كام كدا وهننقل خالص ونروح شقة كبيرة عشان تاخدنا وكمان لما أميرة ترجع.
أمل بخوف: بجد يا رضوى!
رضوى تبتسم وبتردد: ايوا طبعا بجد.. يلا بينا بقا.
والبنات يسندوا أمل وياخدوها ويمشوا من المستشفي.
(ف الوكالة..)
عاشور موجود واولاده ف الفرع الرئيسي ..
حسام داخل طبيعي كالعادة ومش عارف حاجة..
صابر يبص لعاشور ويبتسم : والله بدر كان عنده حق.
يقرب ع حسام ويقول: اهلا يا حمادة.
حسام بتعجب: فيه حاجة!
صابر بنظرة تخمين : هو انت كنت فين انبارح.. ويشاور لاتنين ف الوكالة يقفلوا الباب.
حسام هيبص وراه ويلاقيهم قفلوا الوكالة ويلاقي ولاد عاشور والرجالة اتجمعوا حواليه.. هيشك انهم عرفوا ان البنات كانوا عنده.. وهيرد بتوتر : كنت بزور خالتي.
صابر هيضربه جامد ف بطنه ويقول بغضب: اتكلم عدل.. كنت مختفي فين انبارح؟؟
حسام هيرفع نفسه ويقول بثقة: قولتلك كنت بزور خالتي.
صابر هيضربه تاني وبعدين حسام هيصده ويضربه ف وشه يوقعه..
عاشور بغضب يبص للرجالة : انتو واقفين تتفرجوا؟؟ كتفوووه.
بسرعة هيتلموا عليه وحسام بيقاوم لكن هيمسكوه..ويقوم صابر وهو بيمسح الدم من جنب بوقه ويقول بغضب: انا بقا هعلمك الادب..ويضربه جامد ف وشه والضربة التانية هيفوتها وتيجي ف الي جنبه ويخبط الاتنين الي ماسكين ايديه ف بعض وبسرعة هيفلت منهم ويبعد عنهم ويبص لعاشور ويزعق: انا مش فاهم حاجة.. اايه الي بيحصل ياا معلم؟؟
عاشور بغضب شديد: بقا عايز تسرقني وتقتل ابني وتقولي مش فاهم!!
حسام بتعجب شديد: اسرقك واقتل ابنك!!! انت بتشك اني الي عملت كدا؟؟
عاشور يزعق: ايوااا وكمان جيت هربت الواد الي عندنا بس احنا مسكناه واعترف عليك..
حسام يسرح وهو بيقول: اعترف عليا!! طيب ليه يعمل كدا؟.. يا معلم انا اول مرة اسمع الكلام دا منك وعشان تصدقني انا انبارح كنت مش موجود ف المنطقة كلها ورجعت متأخر جدا.
صابر بغضب: كنت فين؟؟ اتكلم
حسام يرجع يبصله : انت ليه مش عايز تصدقني ؟ قولتلك كنت عند خالتي.
صابر يغضب جدا ويزعق: كتفوووه ..
وبسرعة هيتلموا عليه ويحاول يقاومهم لكن هيربطوه ويكتفوه ..
(ف بيت عاشور..)
ف اوضة بدر..
يصحي بدر ع صوت رسالة من صابر..يفوق ويقوم يمسك الموبايل ويقرأها: "كان عندك حق.. حمادة جه واحنا كتفناه وهنعمل معاه اللازم ولو وصلنا لحاجة هعرفك"
بدر هيمسح عينيه ويبص ع السرير هيلاقي أميرة مش موجودة..
هيقوم وياخد شاور ويلبس .. وهو بيلبس الباب يخبط خبطة صغيرة وتدخل أميرة..
أميرة اول ما تشوفه بسرعة هتنزل عينيها ف الارض وبترجع تاني وهي بتقول بتوتر : انا انا آسفة .
بدر ينادي عليها بلهفة : ااستني.
أميرة هتقف وعينيها ف الارض ومتوترة وبهدوء : نعم!
بدر يلبس الچاكت وياخد الفون ويقرب منها وبابتسامة يقول : الاول صباح الخير.
أميرة هترفع عينيها عليه وتبادله ابتسامة خفيفة وبصوت ضعيف :صباح النور .
بدر بتعجب: انتي كنتي جاية عايزة حاجة !
اميرة بتوتر : اصل اصل عمتي سمية هي الي قالتلي اجي أصحيك لأن لأن الوقت اتأخر و..
بدر يقاطعها : انتي صحيتي امتي؟
أميرة: تقريبا من ساعتين.
بدر بتعجب : يعني مش عارفة تنامي طول الليل وصاحية بدري كدا!
أميرة بدهشة: وعرفت منين اني معرفتش انام!
بدر بابتسامة هيقرب ويهمس لها : مش انتي بس الي الوضع دا جديد عليكي..
ويسيبها ويطلع من جنبها ويمشي وأميرة عينيها عليه لحد ما اختفي م الطرقة الي قدام الاوضة .. وبعدين تبتسم ابتسامة خفيفة..
يقطع سرحانها سمية الي جات وخضتها بصوتها العالي: يلا بقاااا.. انا قولتلك صحيه وتعالي مش تقفي تتكلمي معاه وتضحكي .. وتتعودي كل يوم تصحيه ف ميعاده عشان يشوف شغله واوعي تقوليله اني الي قولتلك كدا.. انا بس بعلمك نظامه.. ويلا ياختي قدامي نشوف هنعمل ايه ع الغداا..
وبنظرة غيظ وهي ماشية تتمتم.. هو مفيش حد غيرها اتجوز دي ولا ايه..
( عند البنات.. )
البنات وصلوا البيت ورضوى ساندة أمل والبنات جنبها..
وهما طالعين اول دور يلاقوا البنات الي ف الشقة الي قصاد أكرم بيحضروا كل حاجتهم وفضوا الشقة وأكرم يقابلهم بابتسامة ويبص لأمل ويقول: حمدله ع سلامتك يابنتي.. تعالو ..تعالوا عندي لحد مانخلص نقل الشقة.
رضوى بابتسامة: انا مش عارفة اقولك ايه والله ياعمي أكرم.
اكرم بابتسامة: متقوليش حاجة.. انا عايز بس اتنين منكم يطلعوا يجيبوا الحاجة بتاعتكم من فوق عشان البنات الي هنا خلاص خلصوا وجاهزين يطلعوا..
رضوى هتبص لهدي : تعالي يا هدي خليكي هنا مع أمل.. وانتي يا سميرة تعالي معانا نجيب حاجتنا بسرعة.
هدي هتسند أمل ويدخلوا يقعدوا عند أكرم ورضوى وسميرة يطلعوا فوق ويلموا كل حاجة بسرعة وبعد شوية ينزلوا وهما بيبصوا ع شقة الي كان جارهم بقرف ورضوى تهمس: الحمد لله اننا خلصنا منك.
ينزلوا ويقابلوا البنات الي هيبدلوا معاهم ويشكروهم والبنات هيدخلوا يسلموا ع أمل ويدعولها بالشفاء ..وبعدين رضوى وسميرة يدخلوا الشقة الجديدة ويرتبوا كل حاجتهم فيها ويروحوا عشان ياخدوا أمل وهدي..
يدخلوا ويلاقوا أكرم قاعد يكلمهم ويهزر معاهم وبيضحك أمل وهو بيعمل فطار وأصر انهم يفطروا معاه ..
رضوى هتبص لأمل وتبتسم وتبص لأكرم وتقول : احنا ربنا بيحبنا عشان كتبلنا نعرف شخص زي حضرتك ياعمي أكرم.
اكرم يبصلهم وبابتسامة خفيفة : وانا تحت أمركم ف اي حاجة تحتاجوها يابنتي..
انا طول عمري بعامل البنات هنا زي بناتي بالظبط.. ومن يوم مازوجتي توفت وانا سيبت بيتي وجيت اسكن هنا عشان أفضل جنبهم ..وانتو واضح عليكم بنات محترمين جدا وولاد ناس ..ربنا يحميكم يابنتي ..
تقاطعهم نجات وهي داخلة بلهفة وهي بتنادي : يا عمي اكــ.. واول ماتشوفهم كلهم متجمعين عنده هتسكت شوية متنحة وبعدين فجأة تقول بتعجب...هو انا فاتني ايه بالظبط؟!!
( ف الوكالة..)
بدر وصل ودخل الوكالة وهو بيقفل الفون ..
عاشور هيشوفه وبتعجب: انت جيت ليه انهارده يا بدر!!!
بدر يرد عليه وهو داخل ع جوا : وهقعد ف البيت ليه..وهيبص لسعيد وهو واقف جنب عاشور نظرة غريبة ويدخل علطول ..
يدخل بدر ف أوضة قديمة ف الوكالة وفيها كراكيب كتير.. اول ما يدخل يلاقي حمادة متكتف ع كرسي وصابر قاعد قصاده بيسأله ..
صابر اول مايشوفه هيقوم بسرعة ويقوله بتعجب: بدر!! انت جيت ليه!
بدر يبصله وبتعجب: وصلت لحاجة ؟!
صابر بيأس: لا مش عايز يتكلم وبينكر كل حاجة..
بدر هياخد الكرسي ويقربه م حمادة ويقعد ويرفع رجليه وهو بيقول بهدوء : هو ايه بقا بالظبط الي بينكره!
عند عاشور برا..
سعيد جاله اتصال من واحد م رجالته..
سعيد هيبعد عن عاشور ويرد بصوت واطي: ها وصلتوا لحاجة؟
:ايوا يا باشا.. انت قولتلنا نراقب كل البنات الي داخلين المنطقة والي خارجين منها.. انبارح حصلت حاجة غريبة.
سعيد بلهفة: حصل ايه انطق؟؟
:انبارح لما قولنالك ان فيه بنت منقبة شكلها غريب جات ع المنطقة ورجعت مع حمادة هي وكمان واحدة قصيرة منقبة بردو وركبوا عربية ملاكي ومشيوا.. الغريب بقا اننا فضلنا مراقبين بيت حمادة والشارع شوية لقينا بليل اخوك صابر جاي مع رجالة وطلعوا عنده وبعديها رجع حمادة ومن غير البنتين..
سعيد هيفكر شوية وبعدين يقول: طيب لو وصلتوا لاي حاجة تانية عرفوني بردو وانا هزودكم..
: تمام يا باشا.
سعيد هيقفل معاه ويقف شوية يفكر وسرحان ومش فاهم حمادة كان عنده البنات دول ليه وبعدين فجأة هيفتكر حاجة ويدخل الوكالة ويتسحب يدخل عند الاوضة ويتصنت عليهم..
ف الاوضة..
صابر بيقول بغضب : والست جارته دي مقالتليش حاجة غير كدا.. انا بقا الشك هيموتني لانها قالت ان البنت دي عنده من فترة وهدي كان لا يمكن تهرب منه بسهولة كدا واكيد هو الي اخدها او هربها ..
حسام هيبص لبدر وبثقة :صدقني انا معرفش هدي دي راحت فين لما هربت وبعدين انتو الي قولتو انها هربت مع اخواتها.
صابر بغضب هيروح عليه ويضربه ف وشه وهو بيقول : الكلام دا ميدخلش عليا.. هدي لا يمكن كانت تلحق اخواتها وتهرب معاهم لان بيتنا بعيد عن بيتهم.. انا مش هسيبك غير لما تتكلم وتقول هي فين! ولا اقولك انا هروح لجارتك دي وهخليها تقول كل حاجة بالعافية..
بدر يشده وبغضب : انت هتعمل ايه؟؟ دي ست كبيرة.. ماينفعش طبعا.. اهداا كدا وروح انت شوف الشغل الي برا وانا هتكلم معاه شوية.
سعيد هيسمعهم ويجري يبعد عن الاوضة بسرعة وصابر هيطلع وهو غضبان ومتنرفز..
بدر هيقعد تاني ع الكرسي ويبص لحسام ..
حسام بثقة وجدية : انا ماليش اي دخل بالي حصل دا كله وانا عارف انك هتصدقني..
بدر يقاطعه بابتسامة خبيثة : انا فعلا مصدقك وعارف ان مش انت الي عملت كل دا..
حسام بتعجب : عااارف!!!
بدر بهدوء: ايوا عارف.. وعرفت مين الي عمل كدا..
حسام بلهفة: طيب ما تقولهم!!! قولهم اني مظلوم
بدر يقاطعه : انا لسه مخلصتش كلامي ..انا متأكد ان مش انت.. بس عايز اعرف انت مين بالظبط وليه الواد الي مات قال اسمك انت بالذات! وماتحاولش تكذب عليا لاني شوفتك وانت بتصيب العيال الي هاجمتنا وانا الوحيد الي كان يعرف انك اول مرة تستخدم سلاح ولا يمكن هيدخل عليا انك مجرد صبي عادي عندنا..
(ف نفس الوقت.. )
سعيد بسرعة طلع وركب عربيته وراح ع شقة حسام وهيروح لجارته ويخبط عليها بلهفة ..
اول ماتفتح الباب بتعجب هتقول: انت مين!؟
سعيد بسرعة هيطلع سكينة ويمسكها ع رقبتها وهو بيقول بهمس: لو حاولتي تصرخي هخلص عليكي .. انا بس بهدوء هسألك ع اسم البنت الي كانت موجودة ف الشقة قصادك هنا! اكيد جارة حشرية زيك عارفة! انطقي!!
الست خايفة وبترتعش وبصوت ضعيف وتوتر شديد : اسـ اسمـ اسمها هدي.. سـ سمعتهم بليل من كام يوم بيتخانقوا وكان بيقولها يا هدي.. والله دا الي أعرفه يبني..
الجزء العاشر من هنا
وتعطيه العقد وهي بتقول.. اتفضل يا بدر.
بدر بحزن: أميرة انتي مش مجبرة.. انا هقنع عمك و..
أميرة تقاطعه : انا انا فكرت كويس صدقني.. اتفضل يا بدر..
بدر عينيه عليها بحزن وبشويش هياخد منها العقد وهو بيبعد من قدامها عشان تدخل الاوضة وبيقول بهدوء: ادخلي يا أميرة.
أميرة هتدخل ببطء وهي خايفة ومرتبكة وتقف ف نص الاوضة.. وبدر هيقفل الباب ويقرب منها وبصوت هادي : تعالي اقعدي..
أميرة هتتحرك بشويش وتقعد ع السرير وهي بترتعش ..
بدر هيقعد قصادها وبهدوء : اهدي يا أميرة.. اهدي خالص ومتقلقيش..
انا عارف انك متوترة وان الوضع هيبقا غريب عليكي ..بس انتي بعد فترة هتتعودي .
انا مش هقربلك وهحاول ع ماقدر اننا مش نجتمع سوا ..طبعا طول اليوم انتي هتبقي ف البيت وعند البنات ومش هتيجي غير بليل ..انا هحاول اجي بدري وانام عشان تعرفي تدخلي براحتك وتنامي.. تمام!
أميرة توترها بيخف وتهز راسها لتحت ببطء بمعني تمام.
بدر هيقوم وياخد مخدة م ع السرير ويبصلها ويقول : انتي طبعا هتنامي ع السرير وانا هنام ع الكنبة الي هناك دي.. ويتحرك ناحية الكنبة الي موجودة جنب الباب ويرمي عليها المخدة.. ويتوجه ناحية الدولاب وهو بيفتحه ويقول.. وهنا اللبس الي بنات عمك جايبينه ..ويرجع يبصلها ويقول ..ودلوقتي بقا انا هطلع برا عشان تعرفي تغيري براحتك ..تمام!
أميرة بصوت ضعيف: تمام.
ويخرج بدر ويسيبها..
أميرة تقوم من ع السرير بشويش وبتفكر ولسه بتستوعب الخطوة الي اخدتها دي ومش عارفة نهايتها هتبقا ايه.. وبعدين هتتحرك ناحية الباب بهدوء وتقفله بالمفتاح..
وتطلع الموبايل الي هي مخبياه ف الفستان وتكتب رسالة للبنات ..
"حاولت أكلمكم كتير وانتو مش بتردوا عليا ..عايزة اقولكم اني اتجوزت من بدر ابن عمكم.. بس هو وعدني انه هيبقا جواز صوري قدام البيت بس ومش هيتم رسمي ..ارجوكم ردوا عليا وعرفوني انكم ماهربتوش وسيبتوني هنا لوحدي..متسبنيش هنا يا رضوى بالله عليكي"
وتبعت الرسالة ودمعتها تنزل وبعدين تهدا وتقفل الموبايل وبسرعة تروح ع الدولاب وتخبيه وسط اللبس بتاعها ..
تحت في الاسطبل..
صابر بيضرب ف الشاب الي هرب وأشرف دخل وراح وقف جنبه وسعيد واقف بعيد ومش بيتدخل..
صابر يضربه ف وشه وبعصبية: انطق والا هنقتلك! اتكلللم .. ويضربه تاني لكمات متتالية والشاب بينزف دم كتير ومش قادر يتكلم ولا بقا ف وعيه..
أشرف يشد صابر ويزعق: اهدا شوية.. هيروح ف ايديك ومش هنعرف حاجة!
صابر يبعد عنه وهو متعصب وأشرف يفوق فيه ولكن الشاب شبه فاقد الوعي .. هيبص لصابر وبحدة: عاجبك كدا!!
صابر : انا هفوقه دلوقتي..
ويروح يجيب مايه كتير ويرميها ف وشه بقوة .. الشاب هيشهق جامد ويفتح عينيه وبياخد نفسه بصعوبة..
صابر بضحكة خبيثة يبص لأشرف: مش قولتلك هفوقه.. ويبص للشاب تاني.. اتكلم احسنلك.. مين الي هربك من هنا ومين الواد الي بيكلمكم ؟؟
الشاب بيمسح المايه من ع وشه وبصوت مكتوم وضعيف :هـ قـ لـ ك.. هـقلك..
صابر بحدة :يلاااا اتكلم.
الشاب: الـي هـ ـربني الي هـ ـربني...
صابر يضربه تاني ويزعق: مااا تنجز وقول..
الشاب: حـ حـ مــ ادة.. حمادة الي كان معاكم هو الي ساعدني أهرب.
أشرف هيبص لصابر وبدهشة : حمادة!!! بس حمادة هيعمل كدا ليه؟ وبعدين حمادة أصلا هو الي ثبته وضربه لما كان بيهجم ع بدر !!!
سعيد يقرب عليهم وبلهفة يقول: مـ ما يمكن حمادة عمل كدا عشان يبعد الشبهة عنه؟!! يعني يطلب ان حد يهجم ع بدر وهو يدافع عنه وبالتالي محدش يشك فيه!
أشرف بتعجب: معقول حمادة هو الي ورا الحكاية دي كلهاا؟؟؟
صابر بتخمين : ممكن بردو.. لانه كان عارف ميعاد التسليم وعارف ان الكمية كانت كتيره .. ويهمس ..انا اصلا كنت بشك فيه بس مش للدرجادي.
ويرجع صابر يمسك الشاب من هدومه وبغضب: عارف لو طلعت بتكذب انا هعمل فيك ايه!!
أشرف بتعجب: واحنا هنعرف ازاي يا صابر انه بيكذب! وهنتأكد ازاي ان حمادة فعلا الي عمل كدا؟
صابر بخبث : انا عندي طريقة ..لو حمادة هو الي هربه يبقا هو نفسه الي بيكلمهم.. ويبص للشاب ويقول.. انا هخليك تكلم تلاتة دلوقتي وهسمعك صوتهم وتقولي مين فيهم الصوت الي بيكلمكم.. تمام! ولو عرفت صوت حمادة احنا هنسيبك.. اما لو طلعت بتكذب..
يطلع صابر سكينة صغيرة من جيبه ويقول: أنا هعملك عملية تجميل ف وشك.. ويقرب السكينه من عينيه جامد ويقول.. وممكن اشيلك العين دي وابقا خلي سكوتك ينفعك ..
صابر هيبعد عنه ويطلع الموبايل ويبدأ يجيب الارقام..
الشاب متوتر جدا وصابر بيتصل بأول واحد ورد عليه وفتح الاسبيكر وكلمه شوية وبعدين قفل معاه..
صابر بيسأله :ها هو دا الصوت الي بيكلمكم ؟؟
الشاب متوتر وخايف جدا ومش بيرد..
صابر هيقرب منه : هو دا الصوت ولا لا؟؟؟
الشاب هيبلع ريقه وبصوت فيه رهبة: لا..
صابر بابتسامة ساخرة: طيب نشوف الي بعده.. حلوة اللعبة دي مش كدا!
الشاب مرعوب وصابر كلم الشخص التاني ورد عليه ..
الشاب خلاص هيستسلم ويحاول يتحرك ويتكلم ويقول مين الي هربه..
ف نفس اللحظة..
بدر ف أوضة صابر وواقف ف البلكونة بيتكلم ف الفون..
بدر بتعجب: حاجة ايه الي عايزة تقوليلي عليها ضروري؟؟... وطيب ليه مش تقوليلي دلوقتي؟؟ ..قولتلك مش هعرف اجي الفترة دي عشان مشغول.. يووه بقا متعصبنيش.. يا اما تتكلمي والا والله هققل خالص وما هرد عليكي... بقولك ايه روحي نامي احسن.. يلا تصبحي ع خير.
ويقفل بدر المكالمة ويهمس لنفسه بشك: ايه الي فكرها بيا دلوقتي.. واشمعنا كلمتني ف الوقت دا!!
وفجأة يقطع تفكيره صوت طلقة جاي من تحت.. بسرعة هيبص ع الاسطبل ويلاقي النور بتاعه مفتوح ..هينزل بسرعة ويروح ليهم.
ف الاسطبل..
بدر نزل ويدخل بسرعة ويلاقي صابر بيزعق لسعيد بصوت عالي وأشرف بيهدي مابينهم..
سعيد بصوت عالي: قولتلك كان بيتحرك وهيهرب..
صابر بعصبية: تقوم تضربه بالنااار!!
سعيد يزعق: كنت قاصد اعجزه وميتحركش مش اكتر ..
يقاطعه صابر: والي بيعجز حد بيضربه ف قلبه!!!!
بدر يبص ع الشاب ويلاقيه مات.. هيقف ف النص وبغضب وبصوت عالي: بــس اسكتوااا.. خلاص هو مات.. الجدال مش هيرجعه.. وهو كان فرصة قدامنا وانتو ضيعتوها خلاص.
صابر يقرب منه وبلهفة: الواد حد هربه واحنا جبناه تاني.. حد اتجرأ ودخل بيتنا وهربه يابدر ولما ضغطنا عليه قال انه حمادة بس احنا مش متأكدين وكنت لسه بتأكد من كلامه وسعيد هو الي اتهور وقتله..
بدر بتعجب شديد: حماااادة!! ازاي؟ لا يمكن..
اذا كان حمادة هو..
يقاطعه صابر: قالوا انه ممكن يعمل كدا عشان محدش يشك فيه.. ودلوقتي احنا مقدمناش اي احتمال تاني غيره.. الواد مات خلاص .
بدر : انا مش قادر اصدق انه حمادة..
صابر هيبص لسعيد ويقول : كل حاجة ممكنة الفترة دي ..والله اعلم مين تاني عايز يقف ضدنا.
سعيد بغضب: انا ماليش دعوة بالموضوع دا..طالما شايفيني انا الي متهور خلاص اتصرفوا انتو زي مانتو عايزين .. ويسيبهم ويمشي ..
بدر ينادي عليه: استني يا سعيد.. يا سعيد.
سعيد يمشي وهو غضبان ومتوتر ومش بيرد.
بدر يبص لصابر: قالك الطلقة جات غصب عنه.. ليه مش مصدقه! انا مش عارف انت وسعيد مش بتتفقوا خالص ليه!
صابر بغضب: لانه اصلا ضدنا مش معانا يا بدر.. لو تاخد بالك هو واخوه سبب كل المصايب الي بتحصل.. ومش عايز اقولك اني اصلا بقيت اشك فيه بعد الي عمله دا لان مش بعيد عليهم..
بدر يقاطعه بنظرة غضب: صابر.. دا اخوك ومينفعش الي بتقوله دا.
صابر بابتسامة حزينة: اخويا!.. اه صح اخويا.. عارف يا بدر انا حاسس انهم أعداءنا مش اخواتنا..
يدخل عاشور ويقاطعهم وبتعجب: صوت الطلقة دا كان جاي من هنا؟؟؟
بدر هيبصله وبيأس: ايوا يا حج.
عاشور هيشوف الشاب ميت ويبصلهم ويقول: وعرفتوا مين الي بعت العيال دي؟؟
صابر بتردد : قال قبل ما يموت ان حمادة الي بيشتغل معانا هو الي هربه..
عاشور : حمادة!!
صابر : ايوا يا حج.
عاشور بغضب شديد: تروحوا تجيبوه حالا ومترجعوش من غيره.. وفين سعيد وطارق!
بدر : سعيد طلع.. وواضح ان طارق مانزلش معاهم اصلا.
عاشور يبص لصابر: يبقا محدش هيجيبه غيرك يا صابر.. خد رجالة معاك وتروح ومترجعش غير بيه.
صابر : تمام يا حج.
عاشور يهمس لنفسه: بقا الواد دا هو الي عمل كل دا!! اما اشوفك بس يا حمادة..
صابر يمشي وهو بيعمل اتصال وهيروح علطول ع شقة حسام ..
(ف المستشفي..)
البنات ناموا جنب أمل من الارهاق..
سميرة وهدي نايمين جنب بعض ورضوى نايمة ع الكرسي الي جنب أمل..
رضوى نايمة تماما وبتحلم.. شايفة انها بتجري ف مكان واسع بتدور ع حاجة ضايعة منها وبتاخد نفسها بصعوبة.. وفجأة تقف وتحس انها شايفة حد مقابلها من بعيد.. رضوى بتقرب أكتر وأكتر وفجأة تظهر مامتها بفستان أبيض وشايلة ورد ف ايديها..
رضوى هتجري عليها بلهفة وتحضنها : مامااا.. كنتي فين كل دا! انا بدور عليكي بقالي كتير ..
مامتها هتبتسم وتعطيها الورد وبهدوء هتقول : خدي يا رضوى.. الورد دا ليكي انتي واخواتك..
رضوى بشويش هتاخد منها الورد وبتعجب تقول : بس دول اربعة بس يا ماما واحنا خمسة .. وليه الوردة دي لونها مختلف ودبلانة..
مامتها هتمسك ايديها بحنان وتقولها بهدوء: الوردة دي هتفتح وتبقا حلوة مع الوقت ..اما الوردة الخمسة هتاخديها قريب يا حبيبتي.. بس لازم تصبري.. خلاص هانت يا رضوى..هانت..
وبشويش تبعد عنها وتمشي وتسيبها..
رضوى هتنادي عليها : ماما.. استني يا ماماا.. يا ماما متسبنيش لوحدي.. يا ماماااا.
وفجأة تصحي رضوى وتفتح عينيها بشويش وهي بتقول بصوت مكتوم وضعيف: ماماا..
تفوق رضوى وتركز وتكتشف انها كانت بتحلم ..
تاخد نفسها وتقوم وتبص جنبها وتلاقي أخواتها كلهم لسه نايمين..
تفتح الموبايل عشان تشوف الوقت وتلاقي رسالة من أميرة.. قلبها هيدق فجأة وتفتح الرسالة وهي بتمسح عينيها جامد عشان تقرأ كويس..
وبعد شوية تبتسم بحزن وهتحاول تتصل بأميرة بس الموبايل مغلق.. هتقوم بلهفة وتجري ع البنات تفوقهم : سميرة.. هدي.. يا سميرة.
سميرة هتصحي وتبصلها وبصوت نايم : فيه ايه يا رضوي!! امل فاقت؟
رضوى بلهفة وتوتر : لا فيه خبر تاني كويس.. أميرة بعتت رسالة من شوية وطمنتنا وواضح انها مش استسلمت ولسه بتحاول تلاقي طريقة تهرب وانا حاولت أكلمها بس لقيت الموبايل اتقفل..
سميرة هتفتح عينيها جامد وبلهفة: بجد! فين الموبايل بسرعة.. عايزة اشوف الرسالة!
هدي تفوق وتسمعهم وتشوف سميرة وهي بتقرأ الرسالة وتشوفها معاها ..
وهما بيقروها رضوى هتقعد جنبهم بهدوء ودموعها تنزل وهي بتقول بحزن: أميرة فاكرة اننا سيبناها وخلاص هننساها.. بس والله انا مانسيتها ولا يمكن انساها.. وان شاءالله هرجعلها قريب أوي وأخدها ولو افديها بروحي ..
هدي هتصعب عليها رضوى ودموعها هتنزل وتمسك ايد رضوى وتقول: هي اكيد قالت الكلام دا بسبب الي هي فيه.. واحنا كمان لازم نعذرها لانها هناك بقالها فترة كبيرة ومش بنشوفها ولا تعرف عننا حاجة.
سميرة هتبص لرضوى وبحزن شديد هتقول : الكلام دا لازم هي تعرفه عشان تفضل قوية ..ابعتيلها يا رضوى رسالة وعرفيها اننا كنا مجبرين واننا مش هنسيبها هناك وهناخدها ان شاءالله ونرجع نتجمع احنا الخمسة تاني.. وتعطيها الموبايل وهي بتقول ... خدي يا رضوى ابعتيلها رسالة..
رضوى هتمسح دموعها وبهدوء هتاخد الموبايل وهتكتب الرسالة..
" أميرة انتي جزء مننا وروحنا مش هتكتمل غير بيكي .. الظروف هي الي اجبرتني اخد اخواتك بعيد بس صدقيني بعمل كل جهدي عشان اجي واخدك من عمك.. ماتصدقيش اي حاجة يقولوها ليكي علينا.. انتي عارفة اخواتك كويس ومتأكدة اننا عمرنا ما هنتخلي عنك ..قريب اوي هتلاقيني عندك وهترجعي معايا ونرجع نعيش كلنا سوا ..حاولي تكلمينا تاني وتطمنينا عليكي "
تبعت الرسالة وتبص لسميرة وهدي وتقول: احنا لازم نكلمها ضروري..أميرة مش لازم تثق ف بدر.. ممكن يغدر بيها ف اي وقت دا لو فعلا وعدها بكدا ومش بيعمل عليها حيلة عشان يرجعنا بيها.
هدي بتعجب: طيب ما تكتبي رسالة فيها الكلام دا.
رضوى: لا مش هينفع..اولا احنا كدا هنخوفها والكتابة غير لما اكلمها وافهمها.. لما اكلمها هتفرق كتير.. وبعدين افرض حد شاف الموبايل الي معاها..
سميرة: وافرض معرفتش تكلمنا خالص! انا مش مرتاحة الصراحة وحاسة انه بيضحك عليها عشان..
يقاطعهم صوت أمل وهي بتفوق وبتقول بصوت ضعيف جدا : رضـ ـوي.. رضوى.
البنات هيلاقوها بتفتح عينيها وتفوق ..هيجروا عليها بلهفة ويقعدوا جنبها.
رضوى هتمسك ايديها و بابتسامة ضعيفة : حمدله ع السلامة يا قلبي..
(عند شقة حسام..)
صابر وصل ومعاه اتنين وبيخبط ع الباب جامد..
ولسه هيكسر الباب هتخرج ست كبيرة من الشقة الي قصادهم وهي بتقول: ايه الدوشة الي برا دي؟
تشوفهم وتبصلهم بتعجب.. انتو عايز الشاب الي ساكن هنا !!
صابر هيبصلها : ايوا.. شوفتيه يا حجة!
الست : ايوا شوفته بالنهار كان نازل ع السلم وكان معاه بنت تقريبا لابسه نقاب ..وواضح انه مرجعش من وقتها.
صابر هيسرح شوية وبتعجب: بنت بنقاب!! ...طيب متعرفيش مين البنت دي يا حجة!
الست: وهعرفها منين يبني..
صابر بلهفة : وصفها او اي حاجة!!
الست: لا ما اخدتش بالي.. انا كنت نازلة م ع السطح وشوفتهم بالصدفة م ع السلم.. وتمسك الباب و هي بتقول.. بطلوا تخبطوا بقا عشان الناس نايمين وانتو عاملين ازعاج.. وتقفل الباب وتدخل.
صابر هياخد الرجالة وينزلوا ع السلم وهو مشغول وبيفكر وبعد ما يوصلوا عند العربية هيرجع تاني ويطلع بسرعة للست ويخبط عليها..
بعد شوية الست هتفتح وبتعجب: عايز ايه تاني؟
صابر بلهفة: طيب متعرفيش البنت دي يعني جات عنده من امتي!!
الست : يبني انا ست كبيرة وذاكرتي ضعيفة واكيد مش فاكرة..
ولسه هتقفل الباب صابر هيزقه.. وبتردد هيقول: تقريبا حتي؟؟
الست :تقريبا بقالها كام يوم كدا يجي اسبوع.. يلا بقا يبني عايزة انام.
صابر بلهفة: طيب حد تاني عندك شافها او يعرف يوصفهالي ؟
الست اتضايقت وهتقول: يبني دا وقت نوم وكل الناس نايمة.. وبعدين لما يجي صاحبك ابقا اسأله بنفسك وبطل دوشة بقا.
صابر : طيب طيب انا آسف ع الازعاج.
الست هتقفل الباب ..وهو هينزل وهو سرحان وبيفكر وبيحاول يربط شكوكه ف حسام بكلام الست ومع الي حصل مع اخواته ف تسليم البضاعة..
وفجأة هيهمس لنفسه : ياتري انت تطلع مين يا حمادة!
يوصل للعربية ويركب ويرجع ع البيت علطول وهو لسه بيفكر..
(ف بيت عاشور..)
ف الصالون..
بدر قاعد سرحان وبيفكر ومش قادر يستوعب ان حمادة الي عمل كدا وحاسس ان الموضوع فيه إن وبدأ يربط كلام صابر بالي حصل..
يقطع تفكيره عاشور وهو بيقول : روح انت يا بدر اطلع لعروستك وسيبك من وجع الدماغ دا واخوك هيتصرف وهنجيب الواد دا ونقرره ع كل حاجة.
بدر بتعجب: انت فاكر حمادة جه يشتغل عندنا من امتي يا حج!
عاشور يخمن: مش من كتير يعني.. بقاله كام شهر.. بتسأل ليه!
بدر : لا ابدا.. بفكر ف حاجة كدا.
يقاطعهم صابر الي وصل..
عاشور يقوم وبتعجب : فين حمادة؟؟
أشرف يقاطعهم: أكيد هرب بعد الي عمله..
صابر يدخل ويقعد ويرفع عينيه عليهم ويقول: مش هناك..
بدر يبص لصابر: انت دخلت الشقة؟؟
صابر بتردد: لا.. جارته قالت شافته خرج بالنهار ومارجعش.
عاشور: راح فين؟؟
صابر: معرفش..
عاشور بغضب: يعني ايه متعرفش؟؟
بدر بهدوء : اهدا يا حج.. هو هيجي بنفسه.
عاشور يبصله : انت بتقول ايه؟
بدر: لو هو الي هرب الواد الي مات ف هو ميعرفش اننا مسكناه تاني وانه اعترف عليه..ولا يعرف ان صابر راح سأل عليه ف الوقت دا الا اذا جارته قالتله ووقتها هيعرف اننا شكينا فيه ويهرب.. غير كدا فهو هيجي الشغل بكره كالعادة ومش هيوضح حاجة.
أشرف : والله فكرة بردو.
بدر مش هيبصله وهيبص لعاشور: ايه رأيك يا حج!
عاشور بعصبيـة: طيب اما نشوف.. خلينا نستني للصبح ونشوف هيحصل ايه..
وانتو يلا روحوا ارتاحوا وناموا عشان هنروح الوكالة من بكرا ونرجع لشغلنا تاني..ويسيبهم ويمشي.
صابر قاعد سرحان وعينيه ف الارض ومش مركز معاهم..
بدر هيبصله : مالك يا صابر؟
صابر ينتبه ليه ويهمس : الست جارة حمادة..
بدر بتعجب : مالها!
صابر: قالتلي انه كان نازل مع بنت منتبقة.
بدر بتعجب: يعني ايه!!
صابر هيبص لأشرف ويرجع يبصله ويهمس: هفهمك كل حاجة بعدين.. عشان مش عايز حد يعرف.
بدر : طيب تمام.. ويقوم وهو بيقول ..تصبح ع خير..ويطلع فوق.
(ف أوضة بدر..)
بدر يدخل الاوضة وعينيه تروح ع السرير ومش يلاقي أميرة.. وهو بيقفل الباب يلمحها ع الكنبة قاعدة منكمشة وضامة نفسها وغلبها النوم..
بدر هيقرب منها وهو مستغرب هي ع الكنبة ليه! وبعدين يقعد جنبها ويبصلها ويلاقيها لابسه بيچامة ونايمة مش حاسة بيه تماما وشعرها البني نازل ع كتفها وايديها ومغطيها ..عينيه عليها بتركيز ف كل جزء ف ملامحها وبعدين يبتسم ابتسامة هادية ويقوم يشيلها بشويش وعينيه عليها وهو حاضنها وشايفها قد ايه هادية ويفتكر يوم المستشفي وهو شايلها وهي بتصرخ وتبكي وينيمها ع السرير بهدوء ..
وهو بينيمها هتفتح عينيها بشويش وتلاقيه واقف جنب السرير بيغطيها ..هتفتح عينيها جامد وتقوم تقعد بسرعة وبتوتر وصوت نايم: انت انت جيت امتي! انا انا كنت قاعدة ع الكنبة وبعدين وبعدين..
بدر بهدوء : اهدي يا أميرة.. انا لسه داخل ولقيتك نمتي ولسه جايبك ع السرير.
أميرة وعينيها لتحت: بس بس انا كنت عايزة انام ع الكنبة.
بدر بتعجب: ليه؟؟
اميرة هتبصله تاني: اصل اصل الكنبة صغيرة وانت مش هترتاح ف النوم عليها.. اما انا..
بدر يقاطعها بضحكة : اما انتي صغيرة وهتعرفي تنامي وترتاحي عليها مش كدا!
أميرة بابتسامة ضعيفة: ايوا.. متهيألي كدا.
بدر : طيب شوفي كدا يا أميرة..
ويروح عند الكنبة ويشدها يفردها وتبقا زي السرير.. ويرجع يبصلها وبابتسامة.. هي ايوا ممكن تبقا مش مريحة زي السرير بس مش صغيرة .
أميرة بابتسامة ضعيفة: مكنتش أعرف انها بتتفرد كدا.
بدر : ولا يهمك.. نامي انتي بقا الوقت متأخر اوي..يلا تصبحي ع خير.
وينام ع الكنبة ويمسك الفون بيشوف فيه حاجة.. وأميرة قاعدة لسه ع السرير وعينيها عليه وقلقانة.. وبشويش هيلتفت ناحيتها ويشوفها ..أميرة بسرعة هتبص قدامها.
بدر بتعجب: مانمتيش ليه!
أميرة بتوتر من غير ماتبصله : هـ هنام دلوقتي.
بدر هيرجع يبص ف الفون وفجأة ياخد باله وهيقوم يطفي النور ويقولها : معلش نسيت النور .
أميرة بهدوء: ولا يهمك..
بدر هينام.. وأميرة تفضل قاعدة كتير لحد ماتتأكد انه نام وبشويش هتنام وهي قلقانة ومش مرتاحة وبعدين تهمس: يارب الحكاية دي تعدي ع خير..
(الصبح ف المستشفي..)
الدكتور : هي خلاص حالتها بقت كويسة وتقدر ترجع البيت بس أهم حاجة تلتزم بالعلاج وهي هتتحسن اكتر ان شاءالله.
رضوى: تمام.. شكرا جدا يا دكتور.
وترجع رضوى للبنات وتقول : يلا عشان نرجع الشقة.
أمل بتوتر: الشقة دي تاني!
سميرة: خلاص يا أمل المجرم اتحبس وكمان عمك أكرم قال اننا هنبدل مع البنات الي ساكنين تحت واحنا هنبقا ف الدور الأول قصاده عشان ياخد باله مننا .
رضوى هتحاول تهديها وتقولها : واصلا كلها كام كدا وهننقل خالص ونروح شقة كبيرة عشان تاخدنا وكمان لما أميرة ترجع.
أمل بخوف: بجد يا رضوى!
رضوى تبتسم وبتردد: ايوا طبعا بجد.. يلا بينا بقا.
والبنات يسندوا أمل وياخدوها ويمشوا من المستشفي.
(ف الوكالة..)
عاشور موجود واولاده ف الفرع الرئيسي ..
حسام داخل طبيعي كالعادة ومش عارف حاجة..
صابر يبص لعاشور ويبتسم : والله بدر كان عنده حق.
يقرب ع حسام ويقول: اهلا يا حمادة.
حسام بتعجب: فيه حاجة!
صابر بنظرة تخمين : هو انت كنت فين انبارح.. ويشاور لاتنين ف الوكالة يقفلوا الباب.
حسام هيبص وراه ويلاقيهم قفلوا الوكالة ويلاقي ولاد عاشور والرجالة اتجمعوا حواليه.. هيشك انهم عرفوا ان البنات كانوا عنده.. وهيرد بتوتر : كنت بزور خالتي.
صابر هيضربه جامد ف بطنه ويقول بغضب: اتكلم عدل.. كنت مختفي فين انبارح؟؟
حسام هيرفع نفسه ويقول بثقة: قولتلك كنت بزور خالتي.
صابر هيضربه تاني وبعدين حسام هيصده ويضربه ف وشه يوقعه..
عاشور بغضب يبص للرجالة : انتو واقفين تتفرجوا؟؟ كتفوووه.
بسرعة هيتلموا عليه وحسام بيقاوم لكن هيمسكوه..ويقوم صابر وهو بيمسح الدم من جنب بوقه ويقول بغضب: انا بقا هعلمك الادب..ويضربه جامد ف وشه والضربة التانية هيفوتها وتيجي ف الي جنبه ويخبط الاتنين الي ماسكين ايديه ف بعض وبسرعة هيفلت منهم ويبعد عنهم ويبص لعاشور ويزعق: انا مش فاهم حاجة.. اايه الي بيحصل ياا معلم؟؟
عاشور بغضب شديد: بقا عايز تسرقني وتقتل ابني وتقولي مش فاهم!!
حسام بتعجب شديد: اسرقك واقتل ابنك!!! انت بتشك اني الي عملت كدا؟؟
عاشور يزعق: ايوااا وكمان جيت هربت الواد الي عندنا بس احنا مسكناه واعترف عليك..
حسام يسرح وهو بيقول: اعترف عليا!! طيب ليه يعمل كدا؟.. يا معلم انا اول مرة اسمع الكلام دا منك وعشان تصدقني انا انبارح كنت مش موجود ف المنطقة كلها ورجعت متأخر جدا.
صابر بغضب: كنت فين؟؟ اتكلم
حسام يرجع يبصله : انت ليه مش عايز تصدقني ؟ قولتلك كنت عند خالتي.
صابر يغضب جدا ويزعق: كتفوووه ..
وبسرعة هيتلموا عليه ويحاول يقاومهم لكن هيربطوه ويكتفوه ..
(ف بيت عاشور..)
ف اوضة بدر..
يصحي بدر ع صوت رسالة من صابر..يفوق ويقوم يمسك الموبايل ويقرأها: "كان عندك حق.. حمادة جه واحنا كتفناه وهنعمل معاه اللازم ولو وصلنا لحاجة هعرفك"
بدر هيمسح عينيه ويبص ع السرير هيلاقي أميرة مش موجودة..
هيقوم وياخد شاور ويلبس .. وهو بيلبس الباب يخبط خبطة صغيرة وتدخل أميرة..
أميرة اول ما تشوفه بسرعة هتنزل عينيها ف الارض وبترجع تاني وهي بتقول بتوتر : انا انا آسفة .
بدر ينادي عليها بلهفة : ااستني.
أميرة هتقف وعينيها ف الارض ومتوترة وبهدوء : نعم!
بدر يلبس الچاكت وياخد الفون ويقرب منها وبابتسامة يقول : الاول صباح الخير.
أميرة هترفع عينيها عليه وتبادله ابتسامة خفيفة وبصوت ضعيف :صباح النور .
بدر بتعجب: انتي كنتي جاية عايزة حاجة !
اميرة بتوتر : اصل اصل عمتي سمية هي الي قالتلي اجي أصحيك لأن لأن الوقت اتأخر و..
بدر يقاطعها : انتي صحيتي امتي؟
أميرة: تقريبا من ساعتين.
بدر بتعجب : يعني مش عارفة تنامي طول الليل وصاحية بدري كدا!
أميرة بدهشة: وعرفت منين اني معرفتش انام!
بدر بابتسامة هيقرب ويهمس لها : مش انتي بس الي الوضع دا جديد عليكي..
ويسيبها ويطلع من جنبها ويمشي وأميرة عينيها عليه لحد ما اختفي م الطرقة الي قدام الاوضة .. وبعدين تبتسم ابتسامة خفيفة..
يقطع سرحانها سمية الي جات وخضتها بصوتها العالي: يلا بقاااا.. انا قولتلك صحيه وتعالي مش تقفي تتكلمي معاه وتضحكي .. وتتعودي كل يوم تصحيه ف ميعاده عشان يشوف شغله واوعي تقوليله اني الي قولتلك كدا.. انا بس بعلمك نظامه.. ويلا ياختي قدامي نشوف هنعمل ايه ع الغداا..
وبنظرة غيظ وهي ماشية تتمتم.. هو مفيش حد غيرها اتجوز دي ولا ايه..
( عند البنات.. )
البنات وصلوا البيت ورضوى ساندة أمل والبنات جنبها..
وهما طالعين اول دور يلاقوا البنات الي ف الشقة الي قصاد أكرم بيحضروا كل حاجتهم وفضوا الشقة وأكرم يقابلهم بابتسامة ويبص لأمل ويقول: حمدله ع سلامتك يابنتي.. تعالو ..تعالوا عندي لحد مانخلص نقل الشقة.
رضوى بابتسامة: انا مش عارفة اقولك ايه والله ياعمي أكرم.
اكرم بابتسامة: متقوليش حاجة.. انا عايز بس اتنين منكم يطلعوا يجيبوا الحاجة بتاعتكم من فوق عشان البنات الي هنا خلاص خلصوا وجاهزين يطلعوا..
رضوى هتبص لهدي : تعالي يا هدي خليكي هنا مع أمل.. وانتي يا سميرة تعالي معانا نجيب حاجتنا بسرعة.
هدي هتسند أمل ويدخلوا يقعدوا عند أكرم ورضوى وسميرة يطلعوا فوق ويلموا كل حاجة بسرعة وبعد شوية ينزلوا وهما بيبصوا ع شقة الي كان جارهم بقرف ورضوى تهمس: الحمد لله اننا خلصنا منك.
ينزلوا ويقابلوا البنات الي هيبدلوا معاهم ويشكروهم والبنات هيدخلوا يسلموا ع أمل ويدعولها بالشفاء ..وبعدين رضوى وسميرة يدخلوا الشقة الجديدة ويرتبوا كل حاجتهم فيها ويروحوا عشان ياخدوا أمل وهدي..
يدخلوا ويلاقوا أكرم قاعد يكلمهم ويهزر معاهم وبيضحك أمل وهو بيعمل فطار وأصر انهم يفطروا معاه ..
رضوى هتبص لأمل وتبتسم وتبص لأكرم وتقول : احنا ربنا بيحبنا عشان كتبلنا نعرف شخص زي حضرتك ياعمي أكرم.
اكرم يبصلهم وبابتسامة خفيفة : وانا تحت أمركم ف اي حاجة تحتاجوها يابنتي..
انا طول عمري بعامل البنات هنا زي بناتي بالظبط.. ومن يوم مازوجتي توفت وانا سيبت بيتي وجيت اسكن هنا عشان أفضل جنبهم ..وانتو واضح عليكم بنات محترمين جدا وولاد ناس ..ربنا يحميكم يابنتي ..
تقاطعهم نجات وهي داخلة بلهفة وهي بتنادي : يا عمي اكــ.. واول ماتشوفهم كلهم متجمعين عنده هتسكت شوية متنحة وبعدين فجأة تقول بتعجب...هو انا فاتني ايه بالظبط؟!!
( ف الوكالة..)
بدر وصل ودخل الوكالة وهو بيقفل الفون ..
عاشور هيشوفه وبتعجب: انت جيت ليه انهارده يا بدر!!!
بدر يرد عليه وهو داخل ع جوا : وهقعد ف البيت ليه..وهيبص لسعيد وهو واقف جنب عاشور نظرة غريبة ويدخل علطول ..
يدخل بدر ف أوضة قديمة ف الوكالة وفيها كراكيب كتير.. اول ما يدخل يلاقي حمادة متكتف ع كرسي وصابر قاعد قصاده بيسأله ..
صابر اول مايشوفه هيقوم بسرعة ويقوله بتعجب: بدر!! انت جيت ليه!
بدر يبصله وبتعجب: وصلت لحاجة ؟!
صابر بيأس: لا مش عايز يتكلم وبينكر كل حاجة..
بدر هياخد الكرسي ويقربه م حمادة ويقعد ويرفع رجليه وهو بيقول بهدوء : هو ايه بقا بالظبط الي بينكره!
عند عاشور برا..
سعيد جاله اتصال من واحد م رجالته..
سعيد هيبعد عن عاشور ويرد بصوت واطي: ها وصلتوا لحاجة؟
:ايوا يا باشا.. انت قولتلنا نراقب كل البنات الي داخلين المنطقة والي خارجين منها.. انبارح حصلت حاجة غريبة.
سعيد بلهفة: حصل ايه انطق؟؟
:انبارح لما قولنالك ان فيه بنت منقبة شكلها غريب جات ع المنطقة ورجعت مع حمادة هي وكمان واحدة قصيرة منقبة بردو وركبوا عربية ملاكي ومشيوا.. الغريب بقا اننا فضلنا مراقبين بيت حمادة والشارع شوية لقينا بليل اخوك صابر جاي مع رجالة وطلعوا عنده وبعديها رجع حمادة ومن غير البنتين..
سعيد هيفكر شوية وبعدين يقول: طيب لو وصلتوا لاي حاجة تانية عرفوني بردو وانا هزودكم..
: تمام يا باشا.
سعيد هيقفل معاه ويقف شوية يفكر وسرحان ومش فاهم حمادة كان عنده البنات دول ليه وبعدين فجأة هيفتكر حاجة ويدخل الوكالة ويتسحب يدخل عند الاوضة ويتصنت عليهم..
ف الاوضة..
صابر بيقول بغضب : والست جارته دي مقالتليش حاجة غير كدا.. انا بقا الشك هيموتني لانها قالت ان البنت دي عنده من فترة وهدي كان لا يمكن تهرب منه بسهولة كدا واكيد هو الي اخدها او هربها ..
حسام هيبص لبدر وبثقة :صدقني انا معرفش هدي دي راحت فين لما هربت وبعدين انتو الي قولتو انها هربت مع اخواتها.
صابر بغضب هيروح عليه ويضربه ف وشه وهو بيقول : الكلام دا ميدخلش عليا.. هدي لا يمكن كانت تلحق اخواتها وتهرب معاهم لان بيتنا بعيد عن بيتهم.. انا مش هسيبك غير لما تتكلم وتقول هي فين! ولا اقولك انا هروح لجارتك دي وهخليها تقول كل حاجة بالعافية..
بدر يشده وبغضب : انت هتعمل ايه؟؟ دي ست كبيرة.. ماينفعش طبعا.. اهداا كدا وروح انت شوف الشغل الي برا وانا هتكلم معاه شوية.
سعيد هيسمعهم ويجري يبعد عن الاوضة بسرعة وصابر هيطلع وهو غضبان ومتنرفز..
بدر هيقعد تاني ع الكرسي ويبص لحسام ..
حسام بثقة وجدية : انا ماليش اي دخل بالي حصل دا كله وانا عارف انك هتصدقني..
بدر يقاطعه بابتسامة خبيثة : انا فعلا مصدقك وعارف ان مش انت الي عملت كل دا..
حسام بتعجب : عااارف!!!
بدر بهدوء: ايوا عارف.. وعرفت مين الي عمل كدا..
حسام بلهفة: طيب ما تقولهم!!! قولهم اني مظلوم
بدر يقاطعه : انا لسه مخلصتش كلامي ..انا متأكد ان مش انت.. بس عايز اعرف انت مين بالظبط وليه الواد الي مات قال اسمك انت بالذات! وماتحاولش تكذب عليا لاني شوفتك وانت بتصيب العيال الي هاجمتنا وانا الوحيد الي كان يعرف انك اول مرة تستخدم سلاح ولا يمكن هيدخل عليا انك مجرد صبي عادي عندنا..
(ف نفس الوقت.. )
سعيد بسرعة طلع وركب عربيته وراح ع شقة حسام وهيروح لجارته ويخبط عليها بلهفة ..
اول ماتفتح الباب بتعجب هتقول: انت مين!؟
سعيد بسرعة هيطلع سكينة ويمسكها ع رقبتها وهو بيقول بهمس: لو حاولتي تصرخي هخلص عليكي .. انا بس بهدوء هسألك ع اسم البنت الي كانت موجودة ف الشقة قصادك هنا! اكيد جارة حشرية زيك عارفة! انطقي!!
الست خايفة وبترتعش وبصوت ضعيف وتوتر شديد : اسـ اسمـ اسمها هدي.. سـ سمعتهم بليل من كام يوم بيتخانقوا وكان بيقولها يا هدي.. والله دا الي أعرفه يبني..
الجزء العاشر من هنا