رواية حلة محشي / الجزء الثامن
(الأخير)
بقلمي / مي علي
قراءه ممتعه ليكم حبايبي ف الجزء الأخير من
حلة محشي .....
خضرا بقت تحت طوعي ع الأخر يعني وحطيت رقبتها تحت رجلي بكل معني الكلمه
واترجتني موديهاش ف داهيه بس انا كان ف دماغي خطه هتوديهم كلهم ف داهيه
- اسمعيني كويس وتعملي اللي هقولهولك بالحرف الواحد
- والله هعمل كل اللي تقولي عليه
- حلو أوي قوليلي بقي يا خضورا .... بتعرفي تمثلي
- نعم ... أمثل ؟
- اه تمثلي ياشيخه ده انتي ممثله رائعه اي التواضع ده ...ده انتي اقذر ممثله شوفتها ف حياتي
- ياست هانم بلاش الكلام ده وفهميني قصدك اي ؟
- اسمعيني بقي كويس .... انا عوزاكي تمثلي انك لسه بتدي الأدويه لحسام لما انا امشي
- تمشي تروحي فين ؟
- مش شغلك تسمعي اللي هقولهولك وبس
- حاضر حاضر
- دلوقتي حسام واعي وفاهم لكل حاجه وانا هفهمو علي اللي ف دماغي كلو .... هنعمل خطه كده وهخليه يزعق ويشخط فيا وانا هسيب البيت وامشي واتنازل عن المهمه دي وهوهمهم اني هكتب تقرير بأنو مفيش أمل للعلاج وأنو فعلا شخص مش طبيعي
- وبعدين
- وبعدين انا لما امشي انتي هتمثلي انك بتديه الأدويه زي ما كنتي .... لحد يوم الجلسه بتاعة المحكمه
- طيب وأستاذ حسام
- ملكيش دعوه بيه حسام عليا انا هفهمو كل حاجه .... المهم مش عاوزه حد يشم خبر منهم ولا يحسو بحاجه وأي حركه كده ولا كده أظن انتي عارفه هعمل اي
خليكي حلوه كده وانا هراضيكي
- حاضر يا ست مني
- انا هفكك دلوقتي ... وهنطلع لحسام انا وانتي وهتحكيلو كل اللي قولتهولي وهتسمعي كويس اللي هقولهولو تمام
- حاضر
وفعلا فكيتها ومكنش في منها خطر خلاص حطيتها تحت رجلي
طلعت لحسام وقعدنا وقولتلو ...
- اسمع اللي هيتقال ده
وبدأت خضرا تحكي وهو ياعيني متفاجئ أخوه ومراتو وكل اللي حواليه عالم مبيخافوش ربنا
بعد ما خلصت كلام قولتلو ...
- حسام دلوقتي عوزاك تسمعني كويس ..... عوزاك تبقي هيبر أكتر من الاول ومنفعش معاك علاج عوزاك تمثل الجنان علي أصولو
خضرا هتوهمهم انك بتاخد الأدويه وهيبر أوي علي الأخر وبتديك الحقن ف نفس الوقت علي أساس انها اتعلمت مني ضرب الحقن
فهمتني لحد بس ما ياخدوك ع المحكمه عشان انا مضمنش ممكن يهربو او دماغهم توديهم فين ف انا عوزاهم يتحاوطو ويبقي مفيش مجال للخروج
وأنا هكتب تقرير وهمشي عشان الحكايه تتسبك ودلوقتي عوزاك تقوم وتضربني علقه مخدهاش حمار ف مطلع
- بتقولي اي يا مني اضربك اي بس ؟
- اسمع الكلام ...انت هتضربني وخضرا تتصل بالهانم وتحكيلها اللي حصل وتخليها تيجي جري وعشان نحبك الحكايه عوزاكو تجيبولي دكتور
- بس مش لدرجة اضربك يا مني
- ياعم منا اخدت منك ضرب من ساعة ماجيت يعني هيا جت علي دي
اضرب اضرب وسيبها علي الله
ياعم يا بتاع الحله اضرب
ومد ايدو واداني بوكس صغير اوي ف وشي
- اختي بطه ده ضرب ده ... طب بلاش ضرب اديني بأي حاجه علي نفوخي
اتردد كتير اوي
- هديك ضهري اهو وانت اضربني بأي حاجه علي دماغي
فضل باصصلي وبيضحك
- انت مش متعاون لأ
خلاص انا همثل اني اغمي عليا .... طب حتي اديني تعويره ف وشي طيب
قالي ...
- طيب طيب لفي كده
- اهو
فضل ساكت مش سامعه صوت خالص
- اي انت روحت ف ...... اااااااااااااااه
الله يخر .... ب ...ي...تكو
ووقعت ع الارض محستش بنفسي غير وهما بيفوقوني وحواليا الدكتور ومراتو وخضرا وسامعه صوت حسام بيصوت
- اااه يا دماغي اااه
ف سري قولت ...
الله يخربيتك يا حسام يا بتاع الحله
فوقت وخضرا قالتلهم ان حسام طق خالص ونزل فيا ضرب ورزعني علي نفوخي بالفاظه
والدكتور مشي
انا قمت بقي وهيصت ف الهيصه .... وعملت حته من فيلم رد قلبي
وفضلت ازعق وأقول ...
أنا مش ممكن استني هنا لحظه مع المجنون ده انا تعبت
ده مفيش حاجه بتنفع معاه
ونزلت جري علي أوضتي ولميت حاجتي
خضرا بقت واقفه شايفاها هتموت وتضحك
ومراتو متكلمتش بس حسيت انها فرحانه اني ماشيه
ندهت علي خضرا واديتها بسرعه ورقه فيها رقمي وقولتلها اول ماخرج وتبقي وحدك ترني عليا
وبعدين عليت صوتي وانا خارجه من الطرقه ....
- تديه الدوا بقي متديهلوش انا مش مسؤله ده كان المفروض يروح يعيش بقية حياتو ف المستشفي مش تجيبو الناس تبهدلوهم كده
سلللاااااام
وخرجت ورزعت الباب ورايا
وروحت وانا هموت من الضحك وحكتلهم كل حاجه ف البيت وهما كمان فطسو علي نفسهم من الضحك
ورجعت المستشفي عادي وبقيت بتابع خضرا أول بأول وكانت بتنقلي كل الأخبار تمام ..وكانت بتخلي حسام يكلمني ساعات
عدي أسبوعين وكتبت التقرير وبعتهولهم ع البيت
عرفت بعدها علي طول من خضرا
ان الجلسه يوم الخميس أخر الأسبوع
وان مراد ولبني هيكونو حاضرين
جهزت نفسي وظبطت ورقي كويس أوي
وفضلت مستنيه يوم الخميس بفارغ الصبر
والصبح خضرا كلمتني وعرفتني انهم طلبو منها تدي لحسام جرعه قبل ماياخدوه
وان حسام كان عامل نفسو مجنون خالص وهو معاهم
ف نفس الوقت ده انا كنت بظبط نفسي وأخدت التسجيل معايا وكمان قبل ما امشي كنت أخدت عينه من الأدويه اللي بيدوها لحسام وظبطت كل حاجه وطلبت من خضرا تحصلني واني مش هخليها تتأذي وهشهد انها كانت بتساعدني
روحت ودخلت الجلسه معاهم بس هما مشافونيش كنت قاعده ورا ... وكان في ناس ف الجلسه معرفش مين دول
وابتدي المحامي يتكلم ويوجه اسئله لحسام اللي كان عامل نفسو تايه ومش عارف حاجه
لحد ما القاضي ابتدي يوجهلو كلام
حسام بص ورا وعمل نفسو بيتلفت وابتسم ابتسامه خفيفه اول ما شافني
وبدأ يرد علي اسئله القاضي
وطلب من المحامي يستجوبو تاني
وحسام بدأ يرد بمعلومات عن نفسو وشغلو ومراتو وكل حاجه
مراد مبقاش مصدق وعمالين يبصو لبعض وفجأه حسام طلب يتكلم مع القاضي وقال ...
- تسمحلي بس بكلمتين يا سيادة القاضي
- عاوز تقول اي اتفضل
- عاوز اقول ... ان الورق اللي قدامك قضية حجر مرفوعه ضد شخص مجنون اللي هو انا .... المجنون اللي اخوه عاوز يدمرو ويأذيه ويحجر عليه وهو حي
المجنون اللي جشع مراتو وخيانتها وعطشها للفلوس خلاها تعمل كده ف جوزها
ايوه انا مجنون يا سيادة القاضي واتجننت لحظه ما طلقت مراتي وجريت ورا شهوتي وورا اوهامي مع واحده أقبح ما يكون
واحده فتحت بيتي طريق للشيطان وسرقتني وخانتني وكانت بتسقيني الدوا اللي يشلني بإيديها
بس الحق مش عليها الحق عليا انا
والله الحق عليا انا
بعت الغالي بأرخص الرخيص وكان لازم ادفع التمن
- القاضي رد...
- قصدك يا حسام انت بتتهم مراتك وأخوك بأنهم السبب للي انت فيه
- لا انا مبتهمش يا سيادة القاضي انا بأكد وبستشهد دلوقتي بمني الممرضه اللي جابوها تعالجني وكشفت لعبتهم كلها وبخضرا الخدامه اللي شروها بفلوسهم تنفذ طلباتهم وبس
مني تعالي يا مني بعد اذنك
انا قومت وقلبي كان بيترعش ياختي عليا بقي بعد كل ده أجي هنا وأقلب بطه بلدي كده
وقفت قدام القاضي واتكلمت بكل اللي حصل وندهت علي خضرا اللي كانت واقفه بره واللي بردو شهدت باللي حصل
مراد بقي هيتجنن وهو اللي قلب مجنون وفضل يزعق ويصرخ ويقول لا كدابين لااااا
القاضي أمر بالقبض عليهم وأمر بالتحقيق معاهم وسقوط دعوه الحجر
وفعلا الاتنين اتاخدو واتحقق معاهم ولبني اعترفت بكل شئ وجرت مراد معاها
وخضرا أنا وقفت جمبها وشهدت انها كانت بتساعدني انا وحسام بس شهادتي مش كفايه وكان لازم تتعاقب
ووفاء لعهدي معاها قومنالها محامي يدافع عنها او يخففلها الحكم
واتحكم عليهم الاتنين ب 15 سنه سجن
وخضرا اتحكم عليها بسنه ونص بس ... ويمكن تخرج قبل كده كمان
حسام بقي مبقاش عارف يعمل اي ولا يجبلي اي يشكرني بيه علي اللي انا عملتو
بس اللي انا عملتو ده كان واجبي ... انا ممرضه وقبل ما اكون ممرضه انا انسانه وربنا خلق ف قلبي الرحمه والدنيا لسه فيها خير
طبعا انتم كنتم عشمانين ان انا وحسام نتجوز ...امي كمان كانت عشمانه ف كده
بس انا مشاعري ناحيتو متعدتش حدود الحب والرأفه بشخص مظلوم محتاج مساعده
زي ماهو كمان احساسو بيا ....هو إحساس طوق النجاه اللي اترمالو وهو ف وسط بحر وضلمه كحل
وعشان ابقي كملت واجبي للنهايه
بعت للست حليمه اللي كانت شغاله معاه ومربياه ورجعتها البيت تاني
وطلبت منها عنوان نور مراتو الأولانيه
معرفش اي اللي خلاني أروحلها
روحت علي بيت أهلها ...
عرفت منهم أنها اتجوزت وبقي معاها بيبي كمان
كان نفسي اوي أرجعهم لبعض لكن مفيش نصيب
رجعت لحسام وقولتلو اني روحتلها ...
هو قال ...
انا ظلمتها وأخدت العقاب اللي استحقو وندمان أشد الندم عليها لأن عمري مهلاقي ضفرها
بس انا مبسوط جدا انها بدأت حياه جديده وياااارب اللي معاها يقدرها ويعوضها عن اللي شافتو معايا
ده كان كلامو عنها
حسام باع الفيلا واشتري شقه علي أدو ...ورجع تاني يباشر شركتو
وانا رجعت تاني بقي لشغلي ولمجانيني اللي بعشقهم
وبجد تجربة حسام أثرت فيا جدا
عدي فتره معرفش عنو حاجه ....سبع شهور ويمكن أكتر
وف يوم روحت الشغل كالعاده وبلغني من دكتوره سوسن ان في حد جه وحط مبلغ كبير جدا ف حساب المستشفي للرعايه بالعيانين
وقالتلي انو طلب يشوفني
توقعت ان يكون حسام وفعلا توقعي كان ف محلو
بس اليوم ده كان أجازه ليا
زعلت اني مشوفتوش بس مسير الحي يتلاقي
ف نفس الاسبوع كنت قاعده ف العمبر علي سرير من السراير زي ماكون واحده منهم بالظبط
لقيت حد حط ايدو علي كتفي وقال...
- ازيك يا مجنونه
بصيت لقيتو حسام
- حساام اي اللي جابك هنا
- جايه ازور واحده عيانه اسمها مني
- لا والله ده انا بردو يا بتاع حلة المحشي
- لا ده كان زمان ....تصدقي والله نفسي هفاني علي حلة محشي
- بس بس متفكرنيش الله
- هههههههه انتي جعوتي ع السيره
- اه والله
- وحشتيني والله يا مني
- وانت كمان يا حسام جدا ...عامل اي طمني عليك
- انا تمام والله فوقت وبقيت أحسن وشركتي بقت كويسه الحمدلله
- والحاله الإجتماعيه
- مجنون سابق مع مرتبة الشرف
- ههههههه مبهزرش ...مش ناوي
- والله حاليا لا ....بس لو ناويت عندك عروسه ليا
- تعالي معايا عمبر تسعه نقيلك واحده .....اه اه لقيتها لولاااااا
عرووووسه قمر تعالي اوريهالك تعالي
- استني بس ...عندها كام سنه دي
- والله هيا مقردنه كده ميبنش عليها سن هتنفعك اوووووي
- طب معندكيش عروسه من طقم الممرضات
- عاوزها مقلم ولا ساده
- هههههههه نعم يعني
- انا بضاااحك معاك
- هههههههههههههههههههه
واحنا قاعدين كده عدي من جمبي كهربا
حااااااااسبي الكهرباااااا شدي الفيشه
حسام فضل يضحك
ده مين ده ....
- ده كهربا مريض هنا
كهربا جه قعد جمبو وقالو ...
- انا كام مره قولتلك شد الفيشه الكهربا تمسك ف صباعك هههههههه
حسام فضل يضحك ويقولي ....
- انا مش فاهم حاجه بس ماشي
- ولا عمرك هتفهم خليك انت ف الحله بتاعتك
- مااااشي يا مني يا عاقله .....المهم هشوفك تاني ....لازم توعديني اني وقت ما احتاجك هلاقيكي
- طبعا انا موجوده دايما
- وانا هحتاجك دايما يا مني
وبصلي جامد أوي
قطعتنا سلوووي الرخمه
- مني مني مني
- اي ....اي
- عوزينك ف عمبر حداشر أحسن واقفين يتخانقو عشان أخد منو ودانو وملط هايص ف الهيصه وقلع كل هدومو
- طيب ياختي جايه
بصيت لحسام وقولت ....
- معلش بقي هروح أشوف البلاوي دي
- ههههه روحي طيب روحي انا كمان لازم امشي ....هشوفك قريب هاااا
- انشالله
ومشيت علي عمبر حداشر كان دكتور ممدوح سيطر علي الوضع
روحت ناحية الشباك وكان بيطل ع الشارع
بصيت عليه وهو بيركب عربيتو وماشي
- ههههههههح باي يا حسام يا بتاع الحله يا أحلي مجنون شوفتو ف حياتي
مني اي يا مني اللي بتقوليه لنفسك ده ....انتي حبيتيه ولا اي اعقلي....شكلك كده وقعتي ف الحله وجمال الحله ...اه ياني ياما ما الواد قمر وحاجه كده تشرح القلب الحزين يعني ..يا عالم يمكن
- مني
- دكتور ابراهيم حضرتك هنا من امتي
- من ساعة ما وقعتي ف الحله وف جمال الحله ....اي يا مني نحضر سرير ولا اي
- ههههههه معلش بقي دماغي بااااظت خاااالص
حاااااسبي الكهرباااااا شدي الفيشه
- طب هستأذن انا هشوف كهربا هيحط الفيشه فين ....قصدي هيشدها منين ....هيحطها ف مين .... يووووووه
.....سلامو عليكو
تمت بحمد الله ...