قصة #احببتك_بعد_عذاب الجزء الاول والثاني
في الكليه في امريكا تقف بنوته جميله جداا اسمعا نور وبتتكلم ف الفون
نور:- الو يا تيتا
جدتها:- الو يا قلب تيتا وحشتيني
نور:- والله وانتي كمان
جدتها:- ايه يا حبيبتي مش هترجعوا ولا ايه
نور:- والله يا تيتا انا زهقت من القعده هنا وعايزه ارجع بس مينفعش اقول لبابا عشان شغله هما عارفين ايه الي بيعملوه انا مش هغصب عليهم يا تيتا بس انا نفسي ارجع بجد زهقت اووي من القعده هنا
جدتها:- اوعي يكون حد من الشباب الامركيين بيضايقك
نور:- يضايق مين يا تيتا دنا نور حفيدك بميت راجل
جدتها:- انا بحسب
نور:- انا اصلا مش بكلم حد غريب يعني مثلا انا مصاحبه البنات المصريه بس والاجانب من بعيد لبغيد كدا مفيش اختلاط بيني وبينهم اووي
جدتها:- اوعي التقاليد بتاعتهم تاثر عليكي اتعاملي كانك ف مصر يا حبيبتي
نور:- ايه يا تيتا الفيلم القديم داا انتي مش عارفه نور ولا ايه
جدتها:- ههه طب يا حبيبتي عايزه حاجه
نور:- سلامتك يلا باي
جدتها:- باي
........
نور ماشيه ف الطرقه وعماله تقلب ف الشنطه هووووب خبطت ف واحد ووقع الكتب بتاعتها
نور:- اوووه بجد اسفه معلش ، يختاااي دنتا اجنبي صحيح لازم اقلب انجليزي
نور:- I am sorry
الراجل:- ايه دا انتي مصريه
نور:- اوووه انت مصري
الراجل :- ايوا انا اسلام
نور:- وانا نور
اسلام:- بس ازاي انا متعرفتش عليكي قبل كدا انا بقالي هنا اكتر من سنه
نور:- ربك باه ، انت منين من مصر
اسلام:- اسكندريه
نور:- بلديتنا يعني
اسلام:- بلديتنا ههه اه حاجه زي كدا
نور:- طب بعد اذنك باه يا اسلام عشان المحاضره هتبدا اسفه عن اذنك
ملحقش يرد حتي عشان هي كانت مشيت بسرعه
الفون وقع من نور واسلام اخده ( دماغكوا متروحش بعيد دا هيرجعهولها مش هيسرقه😂😂)
.........
نور راحت المحاضره
نور:- اوووووه فين الفون ياربي ليكون نسيته ف البيت اووه بيت ايه اومال ازاي كلمت تيتا يارب خير خير ان شاء الله
فجاه واحده لقت واحد بيندهلها
اسلام:- يا نور
نور:- ايه دا اسلام
اسلام:- مش ضايعلك حاجه
نور:- الفون ...... وانت مين الي قالك
اسلام:- انا لاقيته هناك
نور:- اه انا عمال ادور عليه من بدري
اسلام:- اممم وبعدين
نور:- ايه
اسلام:- المفروض ان الي يلاقي حاجه يشكر الي للقاها أو اي نيله
نور:- والي ميشكرش
اسلام:- مياخدش حاجته
نور:- طب حلال عليك يا معلم
اسلام:- خدي خدي اللهم طولك ياروح
نور:- شكرا
اسلام:- العفو يختي
.......
نور كانت ماشيه خبطت ف واحد جامد
(كل الكلام الي جلي دا بالانجليزي بس انا مترجمهالكوا😂😂)
الواحد:- مش تفتحي
نور:- اسفه
الواحد:- وانا اعمل باسفك دا
نور:- قلنا اسفه مره هو حوار يعني
نور جت تمشي الراجل دا مسك ايديها جامد
الواحد:- انتي مش عارفه انا مين ولا ايه
نور:- كتك نيله ف شكلك هتكون مين يعني ، اهههه ايديي سيب ايدي
فجاه واحده واحد كمان جه وراهم
الواحد:- سيب ايديها يا جون
جون:- وانت مالك انت اصلا
الواحد:- قلت سيب ايديها يا جون
جون:- هي تبعك ولا ايه بس تصدق ذوقك حلو المرادي
الواحد:- انا ميتقاليش الكلام دا قلت سيب ايديها
جون:- ولو مسيبتش هتعمل ايه يعني
الواحد:- هعمل كدا
وبدا الضرب ما بين الواحد وجون وضربه من هنا ع ضربه من هنا ضربه من هنا ع ضربه من هنا لحد ما جون مشي من الاخر خلع
نور:- انا اسفه يا اسلام اني سببتلك مشاكل اسفه (دلوقتي عرفنا ان الي كان بيضرب الاخ اسلام)
اسلام:- وانتي ازاي تقفي مع شاب انتي متعرفيهوش
نور بعياط: انا موقفتش مع حد انا حجاتي وقعت وهو الي اتخانق مش انا
اسلام:- خلاص خلاص حصل خير وياريت متتكررش تاني يلا سلام
نور مشيت وراحت تقعد شويه ع البحر
💌💌💌💌
اسلام:- خلاص خلاص حصل خير وياريت متتكررش تاني يلا سلام
نور مشيت وراحت تقعد شويه ع البحر وقعدت تكلم نفسها
نور:- هو ازاي يكلمني كدا ازااي يعاملني بالطريقه دي انا مش بسيب حقي لحد ازااي لا انا مش هتكلم معاه تاني وعلت صوتها جامد وقالت . انا مش هتكلم معاه تاااااااااااااااااااااااني.
فجاه واحده هوب لقت اسلام وراها :- هو مين دا الي امه داعيه عليه
نور بارتباك:- انت بتعمل ايه
اسلام:- ايه هو مكان خاص ولا حاجه انا قاعد ف مكان عام يعني عادي وقدام البحر اهوه بس بقولك الاول
نور:- نعم
اسلام:- هو مين دا الي امه داعيه عليه ومش هتكلميه
نور بتبص ف الارض وتتكسف
اسلام:- طب انا اسف ع الي عملته والله مكان قاصدي وبعدين انتي ازاي كنتي واقفه مع شاب انا خفت عليكي الصراحه
نور:- اولا انت ملكش حق انك تزعقلي بالطريق دي وبعدين هو انت تقربلي او حاجه عشان تكلمني بالطريقه دي
اسلام:- طب انا اسف معلش حقك عليا وبعدين احنا مصريين زي بعض
نور:- اعتقد ان انا قلت الي عندي
اسلام:- انتي ناشفه اووي المهم انا كدا قلت كل الي عندي ودلوقتي انا مش غلطان انا خلاص اعتذرت تقبلي او متقلبيش براحتك باه يلا سلام
اسلام مشي ونور وهي ف السكه كانت زعلانه وفرحانه فرحانه عشان رجعت كرامتها وزعلانه عشان نشفتها معاه بس هي هتتعامل معاه ازاي مهو شاب زي اي شاب
......
نور روحت البيت ومامتها فتحتلها الباب
امها وكان اسمها خديجه:- ايه يا حبيبتي انتي جيتي
نور:- اي ياماما انا اهوه
خديجه:- طب يلا يا روحي ادخلي غيري وتعالي عشان تاكلي
نور:- لالا انا عايزه انام هاكل لما اصحي باه
خديجه:- اه بقولك
نور:- نعم يماما
خديجه:- طنط هايدي الي انتي كنتي بتحبيها وانتي صغيره جت هنا من اسبوع وقعدت ف الشقه الي قصادنا ع طول وهتيجي بكره هي وابنهاااا تقعد معانا من اول اليوم
نور:- امممم ابنها طيب