الفصل الرابع من ادم وشمس
المحامي... طيب استأذن انا يا استاذ شوقي
شوقي.... تعبناك معانا يا استاذ وشك حلو علينا
المحامي... ولا يهمك وحمدالله على سلامه قريبك
وخرج الكل من القسم ودخل ادم وشوقي الحاره وصمم شوقي ان ادم يروح معاه البيت
ولما وصلو باب الشقه اللي كانت على نار شمس مستنيه باباها لما يجي وعايزه تطمن على ادم وفتحت الباب بسرعه وما صبرت باباها يدخل وسألت هوه ادم عامل ايه
طبعا كان ادم واخد جنب من باب الشقه
الاب.... ادم بشحمه ولحمه معايا اهوه اتفضل ياسي ادم
شمس... بجد. ازاي وكيف فين ولقيت ادم قدامها واختلط الفرح بالدموع حمدالله على السلامه يا آدم خرجت ازاي
الاب... يابنتي اهدي شويه خليه ياخد نفسه الاول
سيبينا ندخل من الباب
شمس.... طبعا تدخلو انا بس مش مصدقه نفسي
وجات الام ونوره يشوفو مين اللي جه لقيو الاب وآدم داخلين... نوره... ادم جه.. ادم جه طبعا الام اول مره تشوف ادم... اهلا وسهلا ياابني الحمد لله انك جيت بالسلامة تعالي ارتاح وخد نفسك
شمس... انا مش قادره اصبر حد يحكيلي بسرعه ايه اللي حصل... ادم... الحمد لله اللي جعل خروجي على ايد قطه
الجميع ماعدا الاب قالو في صوت واحد قطه. قطه ايه وازاي.... الاب... ياعالم خلوه يرتاح الأول روحي ياام شمس جهزو لينا حاجه ناكلها علشان ادم
شمس... اه جرى اهوه بس ماتحكو حاجه غير لما نقعد مع بعض وراحو للمطبخ يجهزو الاكل وبعد الاكل سألت شمس... احكيلي يا آدم على كل اللي حصل وشرح ادم كل الموضوع
شمس... ياه على (((((الصدفه)))))
قطه تعمل كل ده الحمد لله اللي ظهر الحق ورجعت بالسلامة والمجرمين اخدو جزائهم ناوي تعمل ايه دلوقتي يا آدم
ادم.... انا خلاص الإمتحانات قربت هقعد. اذاكر بقا والحمد لله اللي رسيت على كده كان مستقبلي هيضيع في لحظه... ام شمس.. انتا ابن حلال يا ابني وربنا مش هيسيبك وبإذن الله هتنجح وبتقدير ان شاء الله
انتا ذاكر ومتحملش هم اي حاجه احنا زي اهلك وهنقف معاك لحد ما تخلص امتحانات
ادم.... انا تعبتكم معايا كتير كفايا عمي شوقي اللي ساب شغله وجاني القسم
شوقي... ياابني انتا جميلك سابق وده جزء بسيط وااقل واجب اعمله معاك انتا حافظت على شرفي
ادم... مفيش جمايل ولا حاجه
شمس... خلاص تسمع الكلام وزي ماما ما قالت انتا تذاكر وبس ولا هتكسر كلام ست الكل
ادم... هوه انا اقدر. بس انا هنزل البلد يوم اطمن امي واطمن عليها وارجع على طول
الام.... اه طبعا تلاقي قلبها مشغول عليك واجب برضو ربنا يحميك انتا واللي زيك
ادم... طيب استأذن انا علشان الحق اوصل قبل الليل
شمس... عند الباب هتتاخر في البلد
ادم بإذن الله بكره اكون هنا بس انا عارف امي تلاقيها قلقانه عليا طول عمرها بتحس بيا لما اكون في مشكله
شمس.... طيب ما تجيبها وياك وربنا اخدمها بعنيا يا حبي.....وبصت حوليها لحسن حد يكون قريب منهم
ادم... عارفك ما تقصري يا شمس بس امي متعوده على البلد انا حاولت كتير معاها بس لما اخلص واقعد هنا مش هسيبها في البلد تاني لوحدها بس اكيد هيكون معانا حد تالت انا هحكيلها عن شمس الشموس حبيبت قلبي وهتفرح قوي بيكي بإذن الله يالا اشوفك بخير
شمس... مع السلامة وسلمت عليه ومشي
*************
وصل ادم البلد وفعلا لقى امه على نار وكانت مشغوله قوي وحكي ليها كل اللي حصل معاه ووقفت ابو شمس معاه كمان شمس وامها واختها نوره وكلامهم ليه
الام... انا حسيت بيك وبشدتك وقومت صليت وفضلت ادعي ليك وربنا الحمد لله قبل دعايا يااارب يا آدم يا ابني يحفظك وديما يوقفلك ولاد الحلال كده على طول
وقضي ادم اليوم مع أمه وطلب رضاها ومشي عشان الامتحانات اللي قربت وطلب دعواتها ليه
ورجع على الحاره وراح على بيت شمس وطمنها انه وصل وفرحت شمس برجوعه
واستمر يذاكر وشمس ونوره كل شويه يروحو يشوفو طلباته وتقعد شمس معاه وهوه بيذاكر وكانو بيتكلمو مع بعض في حجات كتير لحد ما خلصت الامتحانات وظهرت النتيجه ونجح ادم بتقدير حلو
واكتر وحده فرحت بنجاحه هيا شمس
شمس... الف مبروك يا حبيبي يااارب عقبال الوظيفه
ادم... الله يبارك فيكي يا قلبي انتي ليكي نصيب في النجاح اللي انا وصلت ليه ده انتي طول الامتحانات وانتي واقفه جنبي والحمد لله وشك حلو عليا وجبت تقدير كويس عقبال ما تكمل فرحتنا انا عايز اطير افرح امي وكمان هجيبها معايا عشان نطلبك رسمي من عم شوقي انا بس هغيب اسبوع وارجع انا وهيا
شمس... تروح وترجع بالسلامة يا قلب شمس انا هعد الأسبوع ده بالدقيقة عبال ما ترجع ليا
ومشي ادم علشان يطمن امه ويرجعو مع بعض علشان يطلب ايد شمس وهوه مش عارف ان فيه قدر تاني مرسوم ليه ومستنيه في البلد
**********
نروح لادهم اللي خرج ورجع لبنته وشركته
دخل احد الموظفين على أدهم بيه وقدم ليه بعض الأوراق... وساله أدهم بيه ايه الاخبار يا رفعت
رفعت...... كله تمام يا أدهم بيه مفيش غير مشكله في فرع الشركه اللي في اسكندريه
أدهم.... مشكله ايه بقا مش عارف ماله الفرع ده ديما المشاكل بتيجي من هناك فيه ايه يارفعت اتكلم
رفعت... بتوع الحسابات الدنيا بايظة عندهم هناك
أدهم... ازاي بايظة والبهوات اللي هنا وهناك بيعملو ايه معقوله كل موظفين الحسابات اللي عندنا ومش عارفين يصرفو نجيب مين كمان معاهم نجيب مي.......
وسكت وجه على باله ادم
أدهم.... قولي يا رفعت احنا كام في الشهر هيا الامتحانات خلصت
رفعت... اه خلصت وكمان النتايج ظهرت من حوالي اسبوع
أدهم.... طيب تمام خليني انا اتصرف اتفضل انتا وابعت ليا حسين السواق خليه يجيني فورا
رفعت.... تمام يا أدهم بيه حالا يكون عندك وخرج وجه السواق اؤمر يا أدهم بيه
أدهم.... تعرف العنوان ده يا حسين بص حسين علي العنوان اللي كتبه أدهم بيه وقاله اعرفه ماله العنوان ده يا بيه..... أدهم عايزك تروح هناك وتسأل ليا على واحد وتجيبه معاك ضروري
ولا اقولك انا هاجي معاك روح جهز العربيه هنروح سوا
ووصلو الحاره وسأل على مطعم الحاج حسن اللي اتفاجي بالعربيه الفخمه والناس اللي بتسأل عليه وراح يشوف لقى أدهم بيساله عن ادم ولو ممكن ينده عليه
حسن... ادم بقاله اسبوع في البلد راح يفرح امه بنجاحه وكمان قال هيجي معاها
يعني بقاله اسبوع في البلد تمام شكرا لحضرتك
حسن طيب نقوله مين حضرتك لما يرجع
أدهم... لا انا هروح ليه البلد بنفسي اصلي عايزه ضروري
************
طلب أدهم من حسين انه يطلع على بلد ادم
ووصلو البلد وسالو على بيت ادم لحد ما وصلو لهناك
واتفاجئ ادم بادهم بيه ودخلو للبيت عنده وعرف ادم امه على أدهم وقالها هوه ده الراجل اللي حكيتلك عنه اللي كان معايا ساعت القضيه
ورحبت الام بادهم بيه وعملت الواجب بسرعه
أدهم.... تعبناكي معانا يا ام آدم ربنا يبارك ليكي في ادم ده ليه جميل في رقبتي ده انقذ حياتي
ام آدم.... بارك الله فيك يا بيه ادم زي ابنك برضو
أدهم.... هوه فعلا كده وقال لادم الف مبروك النجاح انا روحت الحاره وسألت عنك هناك وقالو ليا انك هنا
ادم... ياخبر كمان روحت الحاره بجد انتا يا أدهم بيه طيب قوي
أدهم.... بلاش يا أدهم بيه دي انتا مش كنت بتقولي ياعمي ولا ايه هوه انا مبقتش عمك
ادم... ياه دنا اتشرف بيك
أدهم.... طيب يا سيدي انا ليا طلب عندك وياريت متكسفنيش انا واقع في مشكله
ادم... مشكله ايه كفالله الشر انا تحت امرك يا عمي
أدهم.... انتا كليه تجارة صح
ادم... ايوه كليه تجارة مالها بقا
أدهم... انا عندي فرع للشركة بتاعتي في الإسكندرية
وعندي مشاكل في الحسابات هناك وفكرت فيك ومش هلاقي حد ااتمنه على الموضوع ده غيرك وبطلب منك انك تمسك ليا فرع الشركه هناك وتظبط ليا الأمور وهمسكك مدير الحسابات لشركتي كلها
ادم.... يا خبر ده منصب كبير يا أدهم بي.... قصدي ياعم أدهم.....
أدهم.... مفيش حاجه كبيره عليك انتي تستاهل اكتر من كده كتير بس الموضوع ده مستعجل قوي ميتحملش تأخير لو ليا خاطر عندك عشان عمك أدهم ميقعش في مشكله
ادم.. يعني ميستناش حتى يومين انا عندي مشوار مهم وكنت نازل انا وامي عشان نخلصه
أدهم.... ياريت لازم تكون هناك بكره بأقصى حد عشان خاطري بقولك وبص على ام آدم وقال ما تحضرينا يا ام آدم ساكته ليه
ام آدم... هقولك ايه يابيه انتي جيتك لينا هنا شرف كبير ومش ممكن نرفضلك طلب وبصت على ادم وقالت تعالي ياابني اقولك على حاجه وقام ادم ووقف مع أمه على جنب وقالت الام...
الراجل جه بنفسه وطلبك بلاش نكسفه
ادم... يا أمي طيب وشمس انا قولت ليها اسبوع وهرجع انا وانتي عشان نطلبها من أهلها هتقول عليا ايه دلوقتي
الام مش هتقول حاجه لو موجوده معانا وعرفت لو بتحبك هتفرح كتير وكمان هوه فيه فرصه زي كده حد لاقي شغل وكمان مدير شركة خلص اللي الراجل عايزك فيه وبعدين نروح نطلب شمس على طول بس انتا شد حيلك وخلص اللي عايزك فيه الراجل بسرعه لو بتحب شمس بجد
ادم... ياه يا أمي بحبها بس كلمه بحبها دي قليله
الام... ربنا يسعدك يا ابني روح بقا طمن عمك أدهم
ورجعو لادهم وقال ادم... خلاص يا عم أدهم انا هروح معاك... أدهم... الف مبروك عليك الوظيفه يا آدم
ادم... ياااااااارب اكون عند حسن ظنك
أدهم... انا واثق فيك يا ابني اجهز بقا ويالا بينا
ادم.... على بركه الله وودع امه اللي طلبت منه يشد حيله ويخلي باله من نفسه ويرجع بسرعه
ووصلو للشركه وجهز أدهم لادم جواب التعيين وطلب من السواق انه يوصله وقله انا هتصل بيهم هناك هتلاقي كل حاجه جاهزه هناك متشغلش بالك من حاجه كل الصلاحيات معاك يا آدم وانا هجيلك في أقرب فرصه
***********
وفي الحاره انتظرت شمس رجوع ادم وكلام امها اللي كل شويه تسالها هوه جاي امتا واخر ليه مش قال اسبوع
وفضلت الايام تعدي واسبوع جاب اسبوع ودبل وش شمس اللي كل يوم في انتظار رجوع ادم
وكلام امها اللي زي المطرقه اللي كل يوم تسمعه منها وهيا بتقولها تلاقيه نسيكي وشاف مصلحته في حته تاني الاسبوع قرب على شهر اهوه
ولا حس ولاخبر قولتلك من الاول بلاش تتعلقي في حبال دايبه
شمس.... كفايا يا ماما والنبي انا مبقتش قادره على كلامك ده بيقولو الغايب حجته معاه انا عارفة ان ادم بيحبني ولا يمكن يتخلى عني
الام... بيحبك خليكي كده بكره نقعد جنب الحيطه ونسمع...... ولا بلاش
شمس... والنبي بلاش يا ماما عشان خاطري
الام... يابنتي انا عايله همك مش عايزاكي تتعلقي نفسك في الوهم أدم قال اسبوع وشوفي عده كام يوم بصي حتى على نفسك في المرايا شوفي نفسك بقيتي عامله ازاي....
شمس.... مالو شكلي وحالي ياماما منا كويسه اهوه
على فكره انا هستني ادم العمر كله لاني عارفه انه مش هيتخلي عني ابدا وسؤال حالها بيقول فينك انتا يا ادم
وليه تحطني في الموقف ده تعالي بقا