قصة عذراء ولكن الفصل الثامن8 بقلم احمد سليم
امي قالت لحماتي ممكن كلمتين علي انفراد وسابت صحبتي معايا ولما رجعوا وخلصوا الكلام الي كانوا بيتكلموا فيه امي رجعت وطبطبت علي ظهري براحه وبتقول ليا ايه الي حصلك تاني يابنتي ما انتي كنتي كويسه وكنتي خفيتي من الي كنتي فيه
قلتلها بعصبيه ماما انا كويسه ومفيش فيا حاجه انتي هتسمعي كلام حماتي وتقولي عليا مجنونه طيب صحبتي اهه خليها تحكيلك الي حصل طلما انا مجنونه بقي صحبتي ردت وقالت احكي ايه بس دا انا لسه دخله البيت مع مامتك دلوقتي ومعرفش حاجه ولا فهمه حاجه فاقلت لهم بعصبيه انتوا عيزين تجننوني صح بس انا مش مجنونه وقلت لصحبتي قولي الحقيقه وقولي الي حصل من الراجل المجذوب في الشارع صحبتي قالت وهيا بتعيط والدموع مغرقه وشها مجذوب ايه يا حببتي بس ايه الي انتي بتقوليه ده مالك كده ارجعي لعقلك ايه الي حصلك
فاقلتلهم انا عقله وانتوا الي عيزين تجننوني محدش له دعوه بيا سبوني في حالي صحبتي قالت ل
مامتي هيا بطلت تاخد العلاج بتعها ولا ايه فا امي قالت للاسف اه فا حماتي قالت علاجه ايه الي بتاخدوا فا امي قالت علاج للوسواس القهري مهدأت للاعصاب حماتي قالت مهدأت للاعصاب يعني بنتك تعبانه نفسيا وجوزتيها لابني حرام عليكي الي عملتيه ده حسبي الله ونعم الوكيل
امي قالت والله هيا كانت كويسه ورتاحت خالص الدكتور هوه السبب
حماتي قالت دكتور ايه ده كمان
امي قالت دكتور النسا هوه الي قال لازم تبطل العلاج عشان يحصل حمل
حماتي قالت وابني فين من كل إلي حصل ده
امي قالت ابنك يعرف كل حاجه وحكيالو كل حاجه قبل الجواز وهوه الي اثر انك متعرفيش حاجه
حماتي قالت طيب ماشي انا ليا كلام معاه لما يرجع من السفر والوسواس القهري ده بيعمل ايه كمان
امي قالت بيخليها تعمل قصص في خيالها وتصدقها كأنها حقيقه وعيشاها
حماتي قالت يا مصبتي السوده يا ابني وعلي الي عملته في نفسك وفيا وفي ابنك كمان الواد هيطلع مجنون زي امه
امي قالت مالوش لزمه الكلام ده دلوقتي انا هاخد بنتي وارجع بيتي لما جوزها يرجع من السفر ويشوف هيعمل ايه
حماتي قالت الواد هيفضل معايا انا مش مطمنه لبنتك لاتعمل حاجه في الواد ولما ابني يرجع ليا كلام تاني معاه
وفعلا رجعت البيت مع امي ورجعت وانا هتجنن معقوله كل اللي حصلي ده وهم معقوله اللي شوفته وعيشته كان وهم انا هتجنن حالتي ساءت اكتر وحجزوني في مستشفي للامراض النفسيه ...وحالتي بتسوء يوم بعد يوم لحد ماصاحبتي جتلي زياره واول ماشافتني حضنتني وقالتلي سامحيني انتي ست العاقلين قولتلها قصدك ايه انطقي حرام عليكي دانتي اختي قبل ماتبقي صديقتي قالتلي حماتك هي السبب هي اللي خلتني اعمل فيكي كده وخلتني اقنع مامتك انك مجنونه سامحيني قولتلها وليه سمعتي كلامها وبعتيني قالتلي هقولك حاجه مش هتتوقعيها ابدا