(#قصه الصديقه الوافيه )🥰الفصل الاول
#يوسف: حضرتك قريبة العروسة
#عائشة: تؤ تؤ مش قريبتها
#يوسف: بس ندي مقالتليش ان ليها اخوات بنات!!
#عائشة: منا مش اختها فعلا
#يوسف: اومال انتِ مين!؟
#عائشة: انا عائشة البيست فريند بتاعتها يعني حماتك التانية و جاية اشوف انا هوافق عليك ولا لا
#يوسف: نعم!!
#عائشة: هششش متعطلنيش لو سمحت .. ( طلعت ورقة و قلم من شنطتها)
قولي يا يوسف .. انت بتشتغل اي
#يوسف: هو انتِ بتعملي اي!؟
#عائشة: جاوب علي الأسئلة لو سمحت و انت ساكت دنتا سابع واحد اعمل معاه انترفيو يعني لازم اخد بالي كويس
#يوسف: انا بشتغل دكتور اسنان
#عائشة: تمام تمام .. طب قولي كدا يا يوسف .. لو ندي مثلا كانت مضايقة و مخنوقة اصلها بومة بعيد عنك دايما ضاربة بوز .. و قالتلك يا يوسف احنا لازم نسيب بعض هتعمل اي
#يوسف: انا بقدر جدا ظروف اي شخص و خصوصا انها خطيبتي و هتبقي مراتي ان شاء الله فهحاول اهديها و اخليها تطمن كدا
#عائشة: الله عليك يا جو .. هو دا اللي كنت منتظراه من زمان ... انت كدا عديت المرحلة الاولي .. مرحبا بيك في المرحلة التانية (مدت ايدها تسلم عليه)
#يوسف في سره: ( دي مجنونة دي ولا اي)
طب الحمدلله هو لسه في تاني كمان
#عائشة: هو احنا لسه بدأنا .. قولي يا يوسف
ناوي تسكن ندي فين .. احنا برضو بنتنا لازم تسكن في مكان كويس .. و اعمل حسابك انكوا هتسكنوا قريب مني و الشقة هيتكتب فيها نصيب بأسمي .. افرض حصل خناقة كدا ولا كدا البنت هتتصرف ازاي ما هي محتجاني جمبها طبعا
#يوسف: لا تمام تمام معاكي حق .. هو حضرتك ساكنة فين
#عائشة: في التجمع يرايق
#يوسف: طب كويس انا برضو شقتي في التجمع هناك متقلقيش من الحتة دي
#عائشة: لا دا كدا عظمة اوي .. طب يا يوسف .. شايف ندي فين كمان خمس سنين
#يوسف: شايفاها مراتي و ام عيالي ان شاء الله
#عائشة: اه و اعمل في حسابك انكوا لو جبتوا بنت هتسموها علي اسمي و دا اجباري مش اختياري
#يوسف: لا تمام انتِ حتي اسمك حلو مش وحش
#عائشة: تمام .. طب يا يوسف قولي بقي .. لو انتوا خرجتوا مع بعض .. و عايزين تطلبوا ماك ... هتطلب تشيكن ماك ولا بيج ماك!؟
#يوسف: والله انا بحب البيج ماك ف ممكن نطلبه
#عائشة: يعني مش هتاخد رأيها الاول و تقولها تاكلي اي يا حبيبتي!؟ .. انا اسفة يا يوسف بس انت مش هتتجوز ندي يلا اللي بعده
#يوسف: ليه بس كدا يا عائشة انا بحبها والله
#عائشة: انت سقطت في الاختبار دا يا يوسف ونا مقدرش اطمن علي ندي معاك لا لا
#يوسف: طب اديني فرصة كمان ونبي اخر فرصة
عائشة: امرنا لله كله عشان خاطر ندي ..
طب يا يوسف قولي .. لو انتو مسافرين مصيف .. و هي حبت تنزل البحر هتنزلها بمايوه ولا لا
يوسف: لا طبعا هنزلها .. بس بمايوه شرعي عشان مينفعش مراتي تلبس عريان ابدا
عائشة: ابتديت تعجبني يا يوسف هي دي الحمشنة هيييح .. طب يا يوسف فاضل اخر سؤالين
يوسف: يارب استر قولي
عائشة: اولاً كدا لازم تعرف انك داخل علي خراب و سواد هيملي حياتك .. ندي دي والله يا احمد مبتع..
يوسف: احمد مين انا يوسف!
عائشة: يوه شوف لخبطت الابلكيشن بتاعك مع ابلكيشن احمد اللي ساكن فوقيها لامؤخذة .. نكمل بقي
يوسف: اه طبعا اتفضلي
عائشة: كنت بقولك ان ندي دي مبتعرفش تطبخ ولا تمسح ولا تعمل اي حاجة و فوق كل دا نكدية و مملة و باردة اوي يا محمد والله ..
يوسف: يا عائشة محمد مين بس انا اسمي يوسف يوسف!!
عائشة: شوف لخبطت تاني ازاي!!
لامؤخذة اصل محمد دا لسه مكلم عليها امبارح ف ملحقتش املي الابلكيشن بتاعه ..
المهم بعد كل اللي قولتهولك دا هتقدر تعيش معاها!؟
يوسف: اه طبعا انا .. انا بحبها و هساعدها ف اي حاجة كمان
عائشة: دي مش بتتحمل مسئولية يا يوسف!!
يوسف: مش مهم مش مهم كل دا انا بحبها زي ما هي والله
عائشة: دي مبتعرفش تعمل غير اندومي يا يوسف!!
يوسف: انا بحب الاندومي جدا علافكرة😂
عائشة: دي غبية و فهمها بطئ و هطلع عين اللي جابوك خلي بالك يا يوسف!!
يوسف: انا بالي طويل و هفهمها الحاجة براحة متقلقيش
عائشة: لا يبقي نقول مبروك لولولولولولوي تعالي يا ندي خلاص انا اشتريت
لو سمحت ممكن توقعلي هنا
يوسف: ده هيفيد حضرتك في الابلكيشن برضو!!
عائشة: اه طبعا دا شغلي .. لو سمحت وقعلي هنا
يوسف: اهه يا ستي اديني وقعت ...
يا ندي تعالي بقي عشان في حاجات هنا غريبة😂
( ندي جت هي و اهلها و عائشة كانت لسه قاعدة مكانها .. و ندي جت تقعد جمب يوسف)
عائشة: تعالي يا بت اقعدي جمبي هنا
ندي بصوت واطي: ما تخليني قاعدة هنا يا عائشة بقي يووه
عائشة: بقولك تعالي جمبي هنا سمعتي!!
ندي: هفففف حاضر
الاب: بالنسبة للشبكة و المهر احنا مش هنختلف فيهم
يوسف: لا طبعا يا عمي ازاي .. ندي تنزل بنفسها تنقي الشبكة اللي تعجبها .. و المهر اللي حضرتك عايزه يا عمي هيكون موجود
الاب: يبقي علي بركة الله نقرأ الفاتحة
عائشة: سوري يا عمي بس انا عايزة اقول حاجة
يوسف: يا جدعان حد يربط البت دي!!
عائشة: اعمل حسابك ان انت هتدفع حق فستانين مش واحد .. واحد لندي و واحد ليا عشان انا البيست فريند بتاعتها و لازم ابقي اشيك واحدة في الفرح بعد ندي طبعا
يوسف: حااضر .. اي طلبات تاني!؟
عائشة: اه
يوسف: اتفضلي
عائشة: اعمل حسابك اني هاجي معاكوا شهر العسل .. افرض البنت حصلها حاجة هناك هنتصرف ازاي ما هي محتجاني جمبها!؟
يوسف: ايوا صح معاكي حق .. حاجة تاني!؟
عائشة: لا بس كدا .. نقرا الفاتحة
يوسف: متقرأيهاش انتِ لتتحرقي😂
عائشة: وربنا افركش الجوازة اتلم يولا!!
يوسف: طيب حااضر حاضر
الام: طب نسيب ندي و يوسف لوحدهم شوية
الاب: طب يلا بينا احنا نقعد في البلكونة شوية
الام: يلا
( بيقعد هو و ندي و معاهم عائشة)
يوسف: احم .. واضح انك مسمعتيش طنط قالت اي
عائشة: قالت اي
يوسف: نسيب يوسف و ندي لوحدهم شوية
عائشة: يبني ما انتو لوحدكوا اهه
يوسف: لوحدنا اي اومال انتِ قاعدة هنا بتهببي اي!؟
عائشة: لا اسمعني بقي .. من هنا و رايح و لحد ما تتجوزها كل كلامكوا و تليفوناتكوا مع بعض هتبقي متراقبة .. فل!؟
يوسف: ينهار اسود!!
متراقبين!! .. الحقي يا ندي بتقولك متراقبين
ندي: معلش يا يوسف يمكن متقصدش هي بس قصدها ان احن...
بتقاطعها عائشة: هششش بس يا بت لما اتكلم متتكلميش انتِ سامعة!!
ندي: حاضر
عائشة: اه متراقبين يا يوسف .. اه نسيت اقولك لما تيجي تكلمها هتبقي مواعيدك من الساعة 5 للساعة 8 .. غير كدا مشوفكش اونلاين سامع .. و المكالمات هتبقي في حدود من ساعة لساعة و نص .. اكتر من كدا ممنوع .. و ممنوع المكالمات هاتفياً بعد الساعة 10 بليل
و لو حابب تزورها او تخرج معاها ياريت تبلغني قبلها .. ممنوع الخروج يوم الجمعة و السبت عشان دول اجازة ونا باجي اقعد معاها ..
يوسف: ما تيجي تتجوزيها بدالي احسن!!
عائشة: اسمع و نفذ اللي بقولك عليه يا اما هحلف ما انت متجوزها!!
يوسف: خلاص خلاص حااضر .. هعمل كل اللي انتِ عايزاه ياكش نتجوز و نخلص
عائشة: الزيارة انتهت ..
يوسف: نعم!
عائشة: اي مسمعتش !
بقولك الزياة انتهت يلا .. يلا عشان ورانا شغل كتير انهردة
( ندي بصت ليوسف و بتهمسله و بتقول معلش حقك عليا)
يوسف: ماشي .. ماشي يا عائشة
عائشة: يلا اتفضل
( يوسف و ندي اتخبطوا و بعدها بشهرين كانوا خلاص هيتجوزوا)
و في الفرح