_افندم
=بقولك تتجوزينى اى طرشة
_يعنى مجنون وقليل الادب كمان
=مجنون اه بس بيكى انما قليل الادب دى انتِ غلطانة
_بقولك امشى من هنا وحيات امك
=ماشى بس وحيات امك هتجوزك سلام يا لولى
هو مشى وانا بقول اى الواد الاهبل دا بس خرجنى من المود الوحش اللى كنت فيه وانا روحت البيت
_يا ماما يا ست الحبايب
ماما: اهلا بالازعاج
_انا ازعاج دا انا نسمة
ماما: نسمة انتِ اعصار
_هههه ماشى عاملة اى
ماما: بشاميل وبانيه
_لاء انا بسال عن صحتك
ماما: كويسة
_طب بما انك كويسة اعمليلى بقا البشاميل والبانيه
ماما: يلا من هنا يا بنت الناس الطيبة
دخلت اوضتى وغيرت وصليت انا بقى ليلى عندى ٢٥ سنة عندى شركة استيراد وتصدير ورثتها عن بابا الله يرحمه وعايشة مع ماما وكل شوية قرفانى بموضوع الجواز
ع الغدا
ماما: مش ناوية تفرحينى بيكى بقا
_اى يا ماما كل يوم الاسطوانة دى
ماما: انا ام وعايزة تفرح ببنتها و...
_اكمل انا ونفسى اشوف احفاد وكل اللى من سنك معاهم واحد واتنين
ماما: كدا يا ليلى
_انا اسفة يا مامتى والله هفرحك بيا بس مش دلوقتى لما الاقى الل يستاهل ياخد قلبى
ماما: ماشى وادينى مستنية اللى ياخد قلبك
دخلت علشان انام وفكرت ف كلامى مع ماما انا عمرى ما كلمت ولاد ف الجامعة غير ف الدراسة ولا دخلت ف علاقة حب قبل كدا محافظة على قلبى علشان ربنا يرزقنى بواحد محافظ على قلبه هو كمان ومستنى الحلال وجه ف بالى الشاب بتاع الصبح فابتسمت ونمت من كتر التفكير
تانى يوم
_مامتى انا راحة الشركة عايزة حاجة
ماما: عايزة سلامتك يا قلبى
_سلام
روحت الشركة وطبعا مركبة الوش الخشب علشان الكل يشوف شغله مظبوط وراجعت شوية ورق ولاقيت ف غلط ف الحسابات
_نهى ابعتيلى مديررالحسابات حالا
نهى: حاضر يا افندم
نهى راحت ونادت على مدير الحسابات انا مشوفتوش وندى هى الل عملت انترفيو معاه
الباب بيخبط
_ادخل
نهى: مدير الحسابات الجديد يا افندم
برفع عينى لاقيت الل مكنتش متوقعاه
_انت انت بتعمل اى هنا
=بشتغل هكون بعمل اى يعنى
_يسلام نهى سيبنا دلوقتى
نهى: حاضر يا افندم
_طالما بتشتغل مش تشوف شغلك حلو
=والله ما فى احلى منك
_ما تلم نفسك يا حضرت بدل ما اخليك خالى شغل
=الم نفسى حاضر
_اسمك اى
=يحيى
_طب يا استاذ يحيى الحسابات فيها غلط كتير
=اصلحه انا اصلا مش الل عامل الحسابات دى انا لسه ماسك الشغل امبارح ولسه كنت هظبط بس حضرتك الل طلبتى الورق
_خلاص تخلص الشغل دا انهاردا وبكرا اشوفه مالقيش ف غلطة
=تمام يا افندم
_اتفضل على شغلك
=بقولك اى فكرتى ف موضوع الجواز عايز ابقى عريس
_عرسة اما تخنقك يا شيخ شوفلك عروسة غيرى
=والله ما هاتجوز غيرك
قال كدا وسابنى ومشى يا ترى شغله عندى صدفة ولا قدر وهو من اول مرة عايز يتجوزنى ومُصر عليا يا ترى عايز يلعب بيا بس على مين دا العبه ف كاس العالم ولا يلعب عليا
مر اليوم عادى وخرجت انا وصحابى ندى ونهى وروحنا كافيه قعدنا فيه
_ههههه خلاص هموت م الضحك
نهى: انتِ الل يشوفك هنا مايشوفش الوش الخشب ال ف الشركة
ندى: ما هى لازم تعمل كدا علشان مايبقاش ف استهتار ف الشغل
_بقولكوا اى ما تيجوا نتمشى وناكل ايس كريم
نهى وندى : تمام يلا
اتمشينا وكلنا ايس كريم وفجاة لاقيت حد من ورايا بيقولى
يحيى: على فكرة لو اتجوزتيتى هعملك ايس كريم احلى من دا
_انت تانى هو انا مفيش ورايا غيرك ولا اى
يحيى: ما هو انتِ لو وافقتى هنخلص
_بطل جنان وخلص شغلك علشان ما تترفدش بكرا
يحيى: شغلى خلصان ومش هتقدرى ترفدينى سلام يا لولى
سابنا ومشى
نهى: الواد دا دمه تقيل اوى على قلبى
ندى: بالعكس دا دمه خفيف ويتحب ولا اى رايك يا لولا
_رايى اى انتِ وهيا الواد دا من ساعة ما ظهر وانا مش عارفة مالى خصوصا لما بيقولى لولى دى
ندى: اهو دلع والسلام عادى يعنى
_لاء انا الدلع دا مفيش حد كان بيقولو ليا غير بابا وحد كمان بس مش فاكرة مين لانى كنت صغير وهو كمان كان صغير يلا مش مشكلة انا هروح تعالو اوصلكم
وصلت كل واحدة لبيتها وانا روحت ومرت الايام وكل يوم يحيى بيعمل حركات مجنونة بتخطف قلبى وواحدة واحدة اتعلقت بيه وخلاص ما بقتش قادرة اقعد يوم من غير ما اشوفه او يفاجأنى بجنانه لحد ف يوم مجاش الشغل
_ندى هو يحيى مجاش انهاردا لى
ندى: مش عارفة يا ليلى هو كمان ما قالش انه مش هيجى
_هاتيلى الملف بتاعه
ندى: حاضر
جابت الملف بتاعه وانا جيبت رقم فونه وعنوانه اتصلت بيه مش بيرد فقررت انى اروح له البيت
_ندى تعالى معايا نروح نشوفه
ندى: ماشى بس دلوقتى
_ماله دلوقت احنا لسه بدرى
ندى: ماشى
روحنا عنده البيت ووالدته الل فتحت لينا شكلها مش كان غريب عليا وهى اول ما شافتنى شوفت ف عينها حاجات كتير اوى ورحبت بينا
_مساء الخير ياطنط يحيى موجود
مامت يحيى : ايوا موجود اتفضلوا
_شكرا
اخدتنا ودخلنا لاقيناه نايم ف السرير ومعلق محاليل
انا بلهفة وخوف عليه: مالك يا يحيى حصلك اى
يحيى: مفيش حاجة انا بس تعبت شوية مش اكتر
_الف سلامة عليك انا قلقت اوى لما انت مش جيت الشغل
يحيى: بجد والنبى قلقتى عليا
_نفسى تبطل بقى حركات الجنان دى ع العموم الف سلامة عليك همشى انا بقى
يحيى: خليكى كمان شوية
_خلاص انا اطمنت عليك اسيبك بقى علشان ترتاح هستناك بكرا
يحيى: وانا هخف واجى بسرعة
خرجت من عنده وانا متلخبطة
ندى: مالك يا ليلى
_مش عارفة حاسة انى شوفت مامته دى قبل كدا انا حاسة ناحيتهم بحاجة غريبة يا ترى اى الل وراهم.......
#الجزء_التانى
تانى يوم يحيى جه الشغل وكان كويس
_حمد لله على سلامتك بقيت كويس
يحيى: الحمد لله كان برد وراح لحاله
_الف سلامة عليك مرة تانية روح شوف شغلك بقى
يحيى: اعوذ بالله براحة يا شيخة دا قايم من تعب انتِ بتقلبى بسرعة كدا لى
_شوف شغلك
يحيى:حاضر
خرج وانا مبسوطة انه رجع تانى وانا بشتغل كلمت ماما علشان اطمن عليها اتصلت بيا وقالتى اروح لها فى الكافيه وروحت وكانت صدمة ليا انى اشوف مامت يحيى قاعدة مع ماما
_مساء الخير
ماما: اهلا يا كتكتوتة ماما تعالى مفاجأة
_هو مش حضرتك مامت يحيى
مامت يحيى: ايوا انا
_تعرفيها منين يا ماما
مامت يحيى: انا اقولك انا ابقى عمتك
_نعم حضرتك بتقولى اى عمتى ازاى احنا مش لينا قرايب اصلا
ماما: اهدى بس اقعدى علشان افهمك
_ادى قعدة فهمونى بقى
مامت يحيى: ياستى انا وباباكى كان حصل بينا خلافات بسبب الشغل وكان حد وقع بينه وبين جوزى وورط جوزى ف صفقة مضروبة وباباكى صدق وقتها لانه خسر خسارة كبيرة وكمان كل الادلة ضد جوزى ف باباكى طرد جوزى واتخانق معايا وسافرت لحد ما باباكى اكتشف الحقيقة واتكلمنا تانى ورجعت كل حاجة زى الاول بس مش كان ينفع انزل من السفر علشان شركة جوزى ابتدت تكبر واسمها يتردد لحد ما يحيي اخد كل حاجة من بعد باباه الله يرحمه وصفى كل حاجة هناك واشتغل ف الفرع الل هنا لحد ما خلها اكبر شركة ف مصر
_ثوانى كدا لما ابنك مدير شركة كبيرة جاى يشتغل عندى لى
مامت يحيى: يحيى بيحبك من زمان يا ليلى وعلى طول كان بيسأل عليكى ويقول عايز اشوف لولى علشان كدا جه اشتغل عندك علشان يشوفك
_هو يحيى عارف الكلام دا كله طب ماقليش لى بدل ما انا زى الاطرش ف الزفة
جه صوت من ورايا
يحيى: كان لازم كل حاجة تتقال ف وقتها
_يحيى كنتوا عاملين حزب ومتفقين عليا ولا اى
ماما: يا حبيبتى احنا كلنا بنحبك
يحيى: طب بمناسبة اللمة العائلية دى تتجوزينى بقا
_يووووه لسه معلق على موضوع الجواز
يحيى: ما هو انا لو متجوزتكيش هموت
_خلاص سيبنى افكر
يحيى: وهو كل دا لسه مفكرتيش
_خلاص يومين وارد عليك
مامت يحيى: ربنا يسعدكم ويتمم لكم على خير
ماما: وافقى بقا علشان يبقى عندى احفاد
_جه موضوع الجواز على هواكى صح
خلصنا القعدة وكل واحد روح لبيته ومر اليومين وقولتلهم انى موافقة
_انا موافقة
يحيى نط من مكانه وقالى:
والله لو كنت اعرف ازغرط كنت زغرط اخيرا نشفتى ريقى يا شيخة
_الحصول عليا مش ببلاش
ماما: اخيرا اللهم لك الحمد هشوفك عروسة
مامت يحيى: مبارك وربنا يسعدكم يارب
مر الوقت وكانت كل التجهيزات علشان حفلة الخطوبة وجه يوم الخطوبة وكنت فرحانة اوى لحد ما جالى ظرف غير كل حاجة انا سيبت البيت ومحضرتش الخطوبة
عنديحيى
يحيى:ليلى راحت فين اكيد ف حد خطفها
ماما: لا يا بنى هى الل سابت البيت
يحيى: عرفتى ازاى
ماما: سابت الورقة دى
انا اخدت الورقة وقرات
"كنت اتمنى اكون اول واحدة ف حياتك انت خدعتنى ومثلت عليا الحب وانا زى الهبلة وصدقت حركاتك وجنانك كانوا بيخطفوا قلبى لكن بعد ال عرفته على قد الحب الل حبتهولك على قد الكره الكبير ال جوايا دلوقت ناحيتك"
انا كنت هموت من الكلام الل مكتوب دا واى ال خلاها تقول كدا ومين ال عمل فينا الحركة البايخة ال خليتها تبعد عنى واقسمت انى مش هسيبه ف حاله ابدا.......