مملكة العشق الفصل الخامس والأخير
سمع سامي صوت الصراخ وهوه بيتكلم مع ايمان
ايمان اقفلي دلوقتي شكل عادل عملها من دماغه هشوف
ايمان.... عادل مين واصرف ازاي قولي حصل ايه
سامي... اقفلي دلوقتي هشوف واقولك سلام
وجرى على مكان الصراخ والناس اللي على الكورنيش اتجمعت ودخل وسط الزحمه لحد ما وصل ولقي رأفت واقع على الأرض ولما شاف وشه عرفه على طول رأفت اللي كان معاه في الجامعه هوه وإيمان وقال بصوت عالي رأفت... مالك حصل ايه وبص على وش فريدة وقال انتي وايه اللي جاب رأفت معاكي وحصل ايه وسمعو صوت عربيه الإسعاف وهيا جايه ناحيه المكان
اخدت عربيه الإسعاف رأفت وصمم سامي علي الركوب معاهم وفريدة منهاره ودموعها ماليه وشها وسالها سامي انتي تعرفي رأفت منين وايه اللي حصل
فريدة..... رأفت ده خطيبي وفيه عربيه خبطته وجريت
سامي.... خطيبك خطيبك ازا........ وسكت وهوه بيفتكر كلام ايمان وبدأ يشكل صوره لكل الحكايه
ووصلت عربيه الإسعاف للمستشفى واخدو رأفت على قسم الحوادث بسرعه
ورن تلفون سامي بص لقى عادل اللي بيرن ورد
انتا عملت ايه يازفت ليه دخلت في الراجل
عادل.... عملت ايه هوه اللي عمل فدائي وزق البنت وقعد في وش العربيه خد نصيبه انتا فين
سامي.... انا في المستشفى معاهم الراجل طلع معرفه
عادل.... ياخبر اسود معرفه ازاي وليه مقولتش
سامي... معرفتوش من قفاه كنت حاسس اني اعرفه كله من الكلبه ايما..... وسكت من غير ما يكمل اسمها ورجع قال اختفى انتا لما نشوف هترسي على ايه
***********
خرج واحد من طقم الدكاتره وجريت عليه فريدة بسرعه
وسألت الدكتور طمني يا دكتور رأفت عامل ايه
الدكتور.... المصاب نزف دم كتير ولازم دم وبص على سامي وفريدة حد فصيله دمه ((o)) أصلها مش موجوده عندنا ولازم دم بسرعه
فريدة انا فصيلت دمي زيه خدو اللي عايزينه خدو عمري كله المهم رأفت يقوم بالسلامه
الدكتور... تمام اوي بس لازم نعملك تحليل فيروسات الأول عشان نطمن اتفضلي معايا بسرعه مفيش وقت وجريو هما الاتنين
ورن تلفون سامي لقى ايمان اللي بتتصل فصل الخط لاكن رجعت اتصلت تاني ورد عليها
ايمان... ليه مش بترد عليا ياسامي حصل ايه
سامي.... انتي مقولتيش ليه أن رأفت خطيب البنت ليه خبيتي عليا
ايمان..... رأفت انتا عرفت وحصل ايه
سامي.... رأفت زق فريدة من قدام العربيه وهوه اللي اتخبط
ايمان.... بتقول ايه رأفت ماله رأفت قولي بسرعه
سامي.... انا معاه دلوقتي في المستشفى والدكتور بيقول نزف دم كتير وفريدة هتتبرع ليه بالدم
ايمان..... فريدة هيا اللي هتديه دم انتو في انهي مستشفى انا هجيلك بسرعه
سامي..... بلاش تظهري انتي دلوقتي يا ايمان وكمان انا قولت للواد اللي معايا يختفي انا موجود وهقولك على اللي بيحصل
كملت فريدة التبرع بالدم وقالها الدكتور ممكن ترتاحي دلوقتي وهيا قالتله طمني يا دكتور
الدكتور... لازم يقعد في العنايه لمده اربعه وعشرين ساعه وبإذن الله يبقى كويس ربنا كبير احنا هنتابعه
فريدة... ياااااااارب يا دكتور ياااااااارب
وخرجت لقيت سامي قاعد وعلى وشه علامات التوتر ظاهره ولسان حاله بيقول اه يا ايمان ليه كده رأفت معقوله.... وسأل فريدة انتي مشوفتيش مين اللي في العربيه ولا اخدتي الرقم
فريدة... انا ملحقتش افهم حاجه فجائه لقيت رأفت بيجري عليا ويزقني ولما بصيت لقيت العربيه بتخبطه وفضلت اصرخ لحد الناس ما اتلمت علينا
سامي.... اكيد حد من الناس اخد نمرة العربيه وهما بيتكلمو شاف سامي ظابط واتنين معاه جايين عليهم
الظابط..... بعد ما القى سلم عليهم مين فيكم كان معا المصاب وقت الحادث
فريدة.... انا كنت معاه وهوه اللي نبهني وكمان زقني وهوه اللي اتخبط مكاني
الظابط..... يعني حضرتك اللي كنتي مقصوده مكانه
فريدة.... انا مليش عداوه مع حد خالص وحتى رأفت كمان انا خطيبته على فكره وهوه في حاله ده لسه يدوب راجع من السفر النهارده
سامى.... اللي كان بيتكلم بالعافيه وظاهر على وشه القلق حضرتك مفيش حد اخد نمره العربيه اللي خبطته
الظابط.... للأسف لان الوقت كان ليل والكل اجمع على صوت الصراخ بتاع الانسه والعربيه جريت بس احنا هنكثف البحث واكيد هنوصل لحاجه بإذن الله وسأل هوه فين الدكتور المشرف علي الحاله عايز اسأله ممكن نشوف المصاب امتا
شاورت فريده على غرفه الدكتور المسؤول عن متابعه رأفت وراح الظابط على الغرفه اللي شاورت فريدة عليها وخبط على الباب وسمع صوت الدكتور بيقول ادخل
ودخل الظابط وسلم على الدكتور وساله عن حاله رأفت
الدكتور.... احنا عملنا الازم وهوه حالته مستقره احنا وقفنا النزيف وبإذن الله هيبقى كويس الظابط ممكن اشوفه... الدكتور مش هينفع دلوقتي غير لما يفوق ويبقى كويس ممكن وقتها تقدر تشوفه وتكلمه انا ممكن اتصل على حضرتك
خرج الظابط من عند الدكتور وبص على سامي وفريدة
سامى... الله هخرب بيتك يا ايمان زفت انا كان مالي بالليله دي وكمان مجيش غير فيك انتا يا رأفت ربنا يعدي الحكايه دي على خير بس يفوق رأفت وهقوله على كل شيء انا مالي بايمان وحواراتها
وعده الليل وطلع النهار وسأل سامى الدكتور عن رأفت وطمنه الدكتور انه حالته مستقره
ورنت ايمان على سامي وشاف رقمها ومرضيش يرد
وقال مش وقتك خالص كان يوم اسود يوم ما هودتك وسمعت كلامك ورنت تاني قام قافل التلفون
ايمان.... كمان بتقفل التلفون يا زفت طيب اطمن ازاي انا بقا اكيد لو رحت لرافت المستشفى هلاقي فريدة في وشي ايه الحظ ده تلاقيها لازقه عنده دلوقتي بقا اجي اخلص عليها اقوم اخدمها وتنهدت تنهيده طويله وقالت اعمل ايه انا دلوقتى
قبل العصر فاق رأفت ولقى فريدة قاعده جنبه وبص على وشها لقاها بتعيط ومسكت ايده وقلها انتي بتعيطي ليه.... فريدة. انا خفت عليك قوي ياحبيبي حمدالله على سلامتك كده برضو ليه عملت كده
رأفت.... انا قولتلك يا فريدة لو أطول افديكي بروحي مش هتاخر انا لما شوفت العربيه جايه عليكي مشوفتش قدامي ولا عارف عملت ايه ولا ايه اللي حصل بعدها كل تفكيري كان فيكي
فريدة... انا بحبك اوي يا رأفت قوم بقا بسرعه انا مقدرش اعيش من غيرك ثانيه وحده
ودخل سامى عليهم وقال حمدالله عالسلامة يابطل قلقتنا عليك وسلم على رأفت
رأفت..... ابو السام انتي جيت هنا ازاي وعرفت منين اني هنا..... فريدة.. هوه معايا من وقت الحادثه ممشيش من وقتها جه على صوتي وانا بصرخ وعرفك لما شافك
سامى... انا كنت بالصدفه على الكورنيش وقتها وسمعت صوت فريدة وجريت على المكان لقيتك هناك مرمى على الأرض مصدقتش نفسي يااااه قلقتني عليك يا عم
وقعدو هما التلاته لحد ما دخل الدكتور واطمن على رأفت وقال بسيطه هتبقى زي الفل
وعده الوقت وسامي متردد يحكي لرافت ولا بلاش لحد ما خد قرار انه يقول لرافت كل حاجه وطلب من فريدة انها تخليه هوه ورافت شويه واندهشت فريدة لطلبه وبصت على رأفت اللي قال خير يا عم سامي فريدة خطيبتي قول اللي عايزة قدامها
فريدة... لا عادي انا هخرج واستاذنت وخرجت سايبه سامى مع رأفت اللي باين علي وشه الارتباك
رأفت.... مالك يا عم اهي فريدة خرجت اتكلم بقاااا
سامى... بصراحه مش عارف ابدا منين............
وقال لرافت على كل شيء
رأفت.... ايمان معقوله تعمل كده وليه وكمان عايزه تخلص من فريدة هيا اتجننت رسمي
سامى... انا مكنتش اعرف انه انتا ولا كنت اعرف فريدة المشكله اني روحت اجيب حاجه والواد اللي معايا اتصرف من نفسه شوف يا رأفت انا قولتلك كل اللي حصل وانا راضي باللي هتعمله حتى لو اتسجنت هبقي مش زعلان المهم انك انتا بخير انا عملت حجات كتير غلط وده الوقت اللي هاخد فيه جزائي وكده كفايا انها وصلت لحد كده انا حبيت اقولك عشان اريح ضميري واديك عرفت مين اللي عمل معاك كده عشان محدش يظلم بدالي وزي ما قولتلك اللي عايز تعمله انا راضي بيه
ايمان..... انا هقعد كده مش عارفه حاجه ولا شايفه اللي بيحصل هناك واسيب فريدة تتهني برافت انا لازم اروح اشوفه وأظهر نفسي وتولع فريدة على الله تفتح بوقها بكلمه معايا وان المره دي اللي هخلص عليها باديا
وخرجت وباين في عنيها الشر
ولما وصلت المستشفى وفضلت تسأل لحد ما وصلت الغرفه اللي فيها رأفت وخبطت على الباب ودخلت لقيت فريدة في وشها ولقيت سامى كمان موجود
وقبل ما تتكلم ولا حد ينطق في الغرفه اتكلم رأفت وقال ايه اللي جابك يا ايمان
ايمان.... اناجيت اطمن عليك يا رأفت انا من ساعت ما سمعت الخبر وانا هموت من القلق
رأفت.... تموتي ياسلام ياريت تبطلي تمثيل يا ايمان سامى حكالي على كل حاجه
ايمان.... حكالك ايه
رأفت... مكنتش متوقع كميه الحقد اللي جواكي دي يا ايمان معقوله توصل بيكي للدرجه دي انك تحاولي تقتلي نفس علشان غيرتك
فريدة.... هوه ايه الحكايه انا مش فاهمه حاجه
رأفت... افهمك انا يا حبيبتي الانسانه دي حاولت تبعدنا عن بعض مرتين مره لما طلبت من سوسن انها تتصل بيكي عشان ترجعي الحفلة
وتاني مراه اتصرفت بابشع طريقه اجرت ناس عشان تخلص منك تفتكر اني هقدر اعيش من غيرك لحظه واني ممكن اروحلها واتخلي عنك ولا تعرف ان وقت الجد افديكي بروحي متعرفش يعني ايه الحب
الحب اللي يخليكي تتبرعي بدمك وتقولي لآخر نقطه بس ابقى كويس الدكتور قال ليا على اللي عملتيه يافريدة
الحب اللي خلاني اطير عشان ابعدك من قدام العربيه
الحب اللي لا يمكن وحده زيها تعرفه ولا تقدره
تعرف بس تحقد وتغير وتحاول تفرق بين اتنين بيحبو بعض كل الحجات دي لا يمكن وحده زيها تعرفها ولا تحس بيها لان الحقد والكره مالي قلبها عمرها ما هتعرف يعني ايه حب
اللي زي دي لازم يكون مصيرها السجن عشان اللي عملته عشان تتعلم ايه هوه الحرمان
ايمان... انا.... رأفت مش عايز اسمع منك ولا كلمه انا ربنا كتبلي عمر جديد وعايز اعيشه مع فريدة ياريت تبعدي عننا
وفجأه دق الباب ودخل الظابط وبص على رأفت وقال إن عرفت انك فوقت من الدكتور وجيت اخد أقوالك
ظهر على وش سامى وإيمان القلق وطلب منهم الظابط انهم يخرجو شويه لحد ما يتكلم مع رأفت
طلب رأفت من الظابط ان فريدة تقعد معاه وجلست فريدة ومسكت ايده ونظرات القلق والحقد بطل من عيون ايمان وشاور الظابط على الاتنين عشان يخرجو بره وفعلا خرج سامى وإيمان وقفلو الباب وراهم وبص الظابط على رأفت وساله ها يابطل طمني عليك انتا ليك عداوه مع حد ولا تعرف مين اللي كان سايق العربيه
لأننا لحد دلوقتي مش لاقيين شاهد ولا حد يوصلنا لأول الخيط
وبره الباب كانت ايمان بتزعق لسامي وبتقوله انتا ايه اللي هببته ده ازاي تقول لرافت اني انا اللي قولتلك
سامى... خلاص يا ايمان اللي حصل انا ريحت ضميري حتى لو دخلت السجن مش هزعل
ايمان..... وعشان تريح ضميرك تاخدني انا في رجليك
سامى.... مهو كله منك انا لو اعرف انه رأفت المقصود ما كنت طاوعتك من الاول
ايمان... تلاقيه هيقول الظابط دلوقتي علينا جهز نفسك هنروح في داهيه زي منتا عايز بقى جاي تتوب دلوقتي
وخرج الظابط وبص عليهم من غير ما يتكلم
ولما سامى شاف انه ما كلمهم نده على الظابط وساله هوه رأفت مقلش حاجه لحضرتك
الظابط.... بيقول ما شاف حاجه ومش بيتهم حد واحنا مطرين نقفل المحضر على كده ومشي
بص سامى لايمان وبأن عليهم وفي عنيهم ذهول من كلام الظابط وسالها شوفتي اهو طلع احسن مني ومنك ياااريت تسيبيه في حالة
ايمان.. حطت راسها في الأرض وقالت بصوت مرتجف تفتكر هوه سامحنا بجد
سامى... انا هدخل اشوفه
فريدة انتا ليه قولت للظابط انك متعرفش حاجه
رأفت.... يا حبيبتي سامى ندم على اللي عمله انا شوفت في عيونه كده وحسيت انه عايز يتوب مش هقف قدامه واضيع مستقبله
وإيمان لو قولت عليها هتاخد كام سنة وهتفضل تحقد علينا ومش هنخلص منها انا عايز اعيش حياتي معاكي من غير قلق بعيد عن المشاكل والحمد لله انها وصلت لحد كده
خبط سامى على الباب ودخل وبص على رأفت وقال انا مش عارف اشكرك ازاي
رأفت..... انتي صاحبي يا سامي وانا عارف انك صادق معايا وَكل اللي طالبه منك انك تخلي ايمان تبعد عننا وتسيبني انا وفريدة نعيش حياتنا
سامى... انا قولت ليها كده فعلا لما عرفت اللي قولته للظابط وهيا عرفت غلطها وعايزه تعتزر بنفسها
رأفت.... انا قبلت اعتزارها من غير ما اشوفها ياريت تفهمها كده انتا
سامى... تمام يا صاحبي بس اوعي تنسى تعزمني على الفرح وسلم عليهم ومشي
وعاش رأفت وفريدة في سعاده
النهاية