مملكة العشق الفصل التاني
رأفت.... يافريدة مش كده خليني اوصلك وافهمك اللي شوفتي.......
فريدة ..... اللي شوفته شوفته بعنيا ولو سمحت خلينا امشي الناس بدأت تبص علينا روح لحفلتك يا رأفت وكمل رقص مع الست ايمان بعد اذنك
وركبت التاكسي ومشيت ورافت واقف في الشارع وبعد ما بعدت رجع للحفلة تاني ولقى ايمان قدامه
ايمان..... اسلوبها متعجرف فريدة دي انسانه قز....
رأفت.... لو سمحتي يا ايمان ولا كلمه تاني عشان متسمعيش مني كلام يزعلك انا الغلطان اني رجعت تاني وكمان غلطت لما سمعت كلامك ورقصت معاكي انا وعدتها فعلا وهيا قالت ليا كل ده بس نفسي اعرف هيا رجعت ليه الحفله وضرب التربيزه اللي قدامه وكمل نفسي اعرف حتى هيا مارضيتش تسمعني
ايمان.... ليه كل ده وعلى ايه فكك منها هتلاقي الف واحده تتمناك بس بص انتا قدامك
رأفت.... ولا مليون وحده زي فريدة انا جرحتها ووقف وقال انا لازم امشي وحاولت ايمان تمسك فيه زق ايدها قدام الناس ورفعت بيه اخد باله ونده عليه يارافت تعاله عايزك دقيقه تعالي يا ايمان انتي وسوسن ووقفو على جنب
رفعت... ايه اللي بيحصل في الحفله ده ممكن افهم الناس اخدت بالها ازاي انتو موظفين علاقات عامة مش عارف
رأفت.... مفيش حاجه حضرتك سؤ تفاهم بس ولو سمحت انا عايز امشي
رفعت... قبل ما تمشي جهز نفسك انتا وسوسن عشان تسافرو الغردقه كام يوم في فوج مهم لازم تكونو معاهم
ايمان..... وليه سوسن يارفعت بيه مش ممكن اسافر انا
رفعت.... انا قولت سوسن انتي هتقعدي هنا اظن كلامي واضح للكل وبص على رأفت الصبح نتقابل في المكتب
***************
خرج رأفت وحاول كذا مره يتصل بفريدة وهيا مش عايزه ترد عليه وبص في الساعه لقى الوقت متأخر ومش هينفع يروحها البيت دلوقتي ورن لآخر مره ياااااااارب تردي يا فريدة ردي عليا وفضل طول الليل سهران وما صدق الشمس تطلع اخد دش وغير هدومه وراح على بيت فريدة وضرب الجرس وفتحت ام فريدة ولقيت رأفت قدامها وقالت خير يا ابني فيه حاجه مالك عيونك حمراء كده ليه
رأفت.... لا يا مامامفيش حاجه قله نوم بس عايز اشوف فريدة برن عليها مش عايزه ترد عليا وانا يمكن اسافر النهاردة ولازم اتكلم معاها
الام.... فريدة رجعت بالليل بتعيط وسالتها ما ردت عليا ودخلت وقفلت على روحها الباب ومش عايزه ترد عليا انا كمان ونور غرفتها مولع لحد دلوقتي
رأفت..... معلش ممكن ادخل انا ليها
الام.... اتفضل يا ابني البيت بيتك
راح رأفت على اوضه فريدة وخبط على الباب وقال افتحي يا فريدة انا رأفت عايز اتكلم معاكي ضروري
فتحت فريدة الباب وباين على وشها الإرهاق وواضح انها منمتش هيا كمان
رأفت..... يافريدة انا طول الليل برن على تلفونك ليه مش عايزه تردي عليا فهميني طيب ايه اللي حصل وليه رجعتي الحفله تاني
فريدة..... رجعت عشان اشوفك وانتا بترقص مع الهانم اللي انتا عارف كويس انها مش بتنزلي من زور وقولتلك على ده امبارح وقبل امبارح وبرضو رحت ليها
وكمان واخدها في حضنك وبترقص معاها وتتفلق فريدة اللي اتصل بيا كان عنده حق فعلا
رأفت... اتصل بيكي مين اللي اتصل بيكي وقالك ايه قوليلي يا فريدة مين هوه
فريدة..... قول مين هيا اللي كلمتني واحده ست مش واحد وقالت ليا اجي اشوف حبيب القلب
رأفت.... تشوفي ايه وتقصد ايه بكده
فريدة.... تقصد اللي شوفته هوه اللي انا شوفته قليل قبل ما تخرج من عندي قولتلك على كل ده وكمان انتا ليه رجعت تاني الحفله
رأفت... ايمان كلمتني وقالت رفعت بيه عايزني
فريدة.... اه ايمان هوه مفيش غير ايمان في الشغل معاك
رأفت.... يا فريدة انا مسافر الغردقه النهارده ومش عايزك تكوني زعلانه
فريدة... الغردقه انتا والهانم طبعا
رأفت... لا ايمان مش مسافرة معايا سوسن هيا اللي مسافرة وبعدين ده شغل ياحبيبتي
فريدة.... اه شغل والرقص تبع الشغل وحرقه دمي انا تبع الشغل حرام عليك يا أخي كده كتير عليا اعصابي مش مستحمله قلبي بيوقف من القهر عليك
رأفت...... وليه كل ده انا بحبك انتي مش بحب حد غيرك
فريدة.... حركات ايمان دي بتغيظني مش بقدر استحمل لو بتحبني سيبني لما اهدي مش قادره اتكلم
رأفت... تمام يافريدة هسيبك لما تهدي بس حبيت اعرفك اني مسافر ويمكن اقعد اسبوع هناك وياريت تكوني هديتي كده وفكرتي كويس وتعرفي اني بحبك
**************
راح رأفت للمكتب ولقى رفعت بيه في انتظاره هوه وإيمان وسوسن وفتح رفعت الكلام وقال اولا لعب العيال اللي حصل في الحفله امبارح مش عايزه يتكرر تاني
رأفت... يا رفعت بيه
رفعت... انا مش بحقق معاكم الموضوع انتهى ده شغل ومكتب محترم وياريت الكل يهتم بكده خلينا في شغلنا وطلع ملف واداه لرافت كل المعلومات عن الفوج اللي هتقبلوه في الغردقة هنا ويارب اسمع اخبار حلوه تقدر تروح انتا وسوسن تجهزو نفسكم للسفر التذاكر وكل حاجه مع الملف
ايمان.... كان نفسي اسافر انا مكان سوسن يا رفعت بيه
رفعت... انا قولت سوسن
بصت ايمان لسوسن بغيظ وقالت تمام حضرتك
رفعت... تقدرو تتفضلو
*************
وطول الطريق رأفت سرحان وبرضو كل شويه يحاول يتصل بفريدة وهيا مش بترد
سوسن.....مالك يا رأفت طول الطريق سرحان وشكلك مرهق قوي حاول تنام حتي
رأفت..... فريدة قالت ليا في وحده اتصلت بيها مين هيا وتقصد ايه بالاتصال ده
ظهر على وش سوسن الارتباك وحده مين دي مقلتش ليك على اسمها
رأفت..... بتقول معرفهاش كل اللي قالته ليها تعالي شوفي حبيب القلب بيعمل ايه وجات لقيتني برقص مع ايمان وقتها نفسي اعرف هيا مين عشان افهم ليه تعمل كده وليه عايزه توقع بيني وبين فريدة انا طول الليل منمتش فعلا ودماغي هطير منها لله
سوسن.... هدى نفسك انتا بتحب فريدة وهيا كمان بتحبك اكيد الأمور هتصلح وهترجعو احسن من الاول بس انتا قول ياااااااارب
رأفت...... ياااااااارب ينتقم من اللي عملت كده
بلعت سوسن ريقها بالعافيه وقالت ربنا يسامحها لو كانت تقصد شر... وقالت في نفسها ايه اللي خلاني اطاوعك يا ايمان انا كان مالي بالحكايه دي وبصت على الطريق من الشباك وقالت اعمل ايه انا اصرف ازاي ورطت نفسي في حكايه ملهاش اخر
فضل رأفت طول الاسبوع يحاول يكلم فريدة عشان ترد عليه وبأن على وشه التعب وكان الاسبوع قرب يخلص وخلاص هيرجعو للقاهرة تاني وسوسن طول الاسبوع وهيا صعبان عليها رأفت وحاله وتلفونه اللي ديما واضح انه مستني رد أو مستني مكالمه مش عايزه تيجي
وقررت انهم لما يرجعو القاهره هتكلم فريدة وتشرح ليها اللي حصل
**************
ولما رجعو القاهره قالها رأفت انه هيروح يرتاح ويروح لفريدة بالليل ويحاول يتكلم معاها
سوسن.... ارتاح الأول من السفر وان شاء الله الامور بالليل هتبقا تمام واخدت قرار انها لازم تتصل بفريدة وتفهمها على كل حاجه وانها مكنتش تقصد
ولما روحت اتصلت على فريدة وبعد كام اتصال ردت اخيرا وشرحت كل حاجه من غير ما تذكر اسامي حد عشان رأفت ميعرفش مين اللي اتصل
وفرحت فريدة قوي واتصلت برافت وسلمت عليه وطلبت منه انهم يتقابلو بالليل وحددوا المعاد وقال رأفت انه هيجي ياخدها بالليل وقفلو الخط
وبعد اشويه اتصلت سوسن على رأفت تطمن عليه وعرفها باللي حصل وهوه مبسوط قوي وقفلت معاه
وسمعت صوت جرس الباب وقامت فتحت لقيت ايمان في وشها على الباب
دخلت ايمان وقالت كده يابت ترجعي من الصبح ولا ترني عليا اكيد انبسطي في الغردقه ياريت كنت انا بدالك لاكن المدير رفعت الغبي صمم عليكي انتي وانا طول الاسبوع مش طايقه نفسي حتى حاولت اكلم رأفت مش عايز يرد عليا
سوسن... يا ريت تسيبي رأفت وفريدة في حالهم وحكت ليها على اللي حصل وانها كلمت فريدة وشرحت ليها اللي حصل وعرفتها انهم هيتقابلَو بالليل
ايمان..... بصوت عالي انتي ازاي تعملي كده وبعدين على جثتي لو رجعو لبعض حتى لو وصلت اني اقتلها بأيدي ولا تاخد رأفت مني
سوسن..... تقتليها انتي شكلك اجننتي خالص
ايمان..... ايوه اتجننت وهتشوفي انا هعمل ايه في فريدة دي وقامت تجري لبره وخبطت الباب وهيا خارجه وفي دماغها مليون فكره شيطانيه