مملكة العشق الفصل الثالث
خرجت ايمان من عند سوسن وهيا مش شايفه قدامها وعماله تفكر تعمل ايه في فريدة وازاي تنتقم منها وتبعدها عن رأفت ووصلت لفكرة ومسكت تلفونها وقعدت تقلب في الأرقام وهيا بتدور على رقم حد معين لحد ما وصلت للرقم اللي عايزاه وطلبته وانتظرت الرد من الطرف الثاني
ايمان...... الوووو ازيك يا سامي ممكن تقابلني دلوقتي عيزاك في حاجه ضروري
سامي.... خير يا ايمان عايزه ايه وايه اللي فكرك بيا يا ترى انا قولت انك نسيتيني خلاص مع اني ابن خالتك وزملاء في الدراسه قبل ما تتوظفي وتنسى سامي
ايمان.... انا عمري ما انساك يا غالي لخص بقا عايزه اشوفك دلوقتي هستناك في الكافيه اللي كنا بنقعد فيه زمان يا سمسم
سامي..... وكمان فاكره الكافيه وسمسم اكيد وراكي مصيبه انا عارفك على العموم مسافه الطريق وهكون هناك نص ساعه بالكتير
ايمان..... تمام وانا هتلاقيني في انتظارك وقفلت الخط
***************
وبعد نص ساعه اتقابلو هما الاتنين في الكافيه وسلم سامي علي ايمان وقلها معقوله كل الفتره دي لا حس ولا خبر دانا سامي برضو سمسم يابت
ايمان..... على بالي وربنا بس انتا اكيد سمعت عن شغلي الجديد سفر هنا وهناك حتى خالتي وحشتني وربنا ونفسي اشوفها
سامي.... اه خالتك استلقي وعدك منها لما تشوفك بقااا
قوليلي بقا تشربي ايه الأول وبعدين نتكلم في الموضوع المهم اللي عندك
ايمان..... اشرب قهوة مظبوط وبصت في الساعه
سامي.... ايه بتبصي في الساعه وراكي ميعاد ولا ايه
ايمان.... انا من الصبح بلف وفيه موضوع شاغلني ومسبب ليا قلق ومحدش هيحله غيرك انتا بص مش هطول عليك وهدخل في الموضوع على طول وطلعت تلفونها واختارت صوره عندها لفريدة وادت التلفون لسامي وقالت بص في الصوره دي كويس
اخد سامي التلفون وشاف صوره فريدة وقال الله ايه الصاروخ ده عايزه عريس دي ولا ايه انا موجود اهوه
ايمان... مش وقت هزار انا عيزاك تخلصني منها
سامي... اخلصك منها ازاي مش فاهم انتي فاكراني ايه يا ايمان هوه انا قتال قتله ولا ايه
ايمان.... مش هلف على بعض هديك عشر تلاف جنيه وده اخر كلام انا عرفاك كويس متحورش عليا يا سامي
أنتي عمايلك مسمعه مش غايبه عني يا سمسم
سامي..... وهوه بيبص في عيون ايمان معقول اخد فلوس منك احنا عايزين الرضا بس يا قمر شويه حنيه ياعالم تطلي على سمسم بعيون الرضا وانا هجيب الدنيا كلها تحت رجليكي
ايمان.... بص ياسامي اعتبر طلبي ده شغل زيي زي اي حد وخدمتك ليا انك تظبطها مش عايزه اشوفها في طريقي تاني
سامي... هيا عملتلك ايه شكلها طيبه وكمان بجد خساره في الموت دي مينفعش نخطفها ونعمل معاها الواجب ونخليها تبعد عن طريقك
ايمان.... المشكله مش فيها المشكله في راف.... وسكتت
شوف التفاصيل مش مهم تعرفها المهم هتقدر ولا لا
سامي.... منتي بتقولي عارفه كل حاجه عني ودي حاجه بسيطه قوليلي هنلاقي المزه فين
ايمان.... انا هكتبلك العنوان وعلى فكره هيا هتخرج بالليل يعني تلاقيها فرصه مش هتتعوض وطلعت من شنطتها فلوس ادتها لسامي شوف دول خمس تلاف جنيه ولما تخلص هتاخد الباقي
سامي... طيب وليه الاحراج متخلي المشوار ده عليا
ايمان... لا لو مش هتاخد الفلوس هشوف حد تاني
سامي... حد تاني مين بقاااا
ايمان... ملكش دعوه متمسكنيش من ايدي اللي بتوجعني انا عايزاها تموت النهارده خد الفلوس وانجز
سامي.... بضحك بس لوله انك بتحلفي هاتي العنوان وابعتي الصوره ليا وهتسمعي خبرها قبل ما تنامي يا ايمان انتي تؤمري يا غاليه واخد العنوان والصوره وقال هتحاسبي ولا أحاسب انا
ايمان.... لا هحاسب انا روح انتا ويا ريت لما تخلص تتصل بيا على طول
سامي.... تمام يا قلب سمسم سلام
اتصل رأفت على فريدة ولما ردت عليه الوووو ياقلبي انا جي في الطريق وحشتيني موت عايز اطير واشوفك
فريدة..... لا ياحبيبتي سوق على مهلك وخلي بالك من الطريق انا هجهز عبال ما توصل مستنياك على نار ياقلبي
رأفت.... اه ياقلبي اسبوع وانا هجنن منهم لله اللي حاولو يفرقو بيني وبينك نفسي اعرفهم
فريدة... ياحبيبي المهم اننا عرفنا الحقيقه اقفل بقا خليني اقوم اجهز ولا عايز تيجي تتلطع عبال ما اجهز يالا باي يا حبي
رأفت... اتلطع مش هستني ولا دقيقه انا هاخدك زي منتي الحقي نفسك انتي والبسي بسرعه
فريدة.... ياخبر مجنون انتا يالا سلام وقفلت الخط
ولما وصل رأفت مخدش باله من العربيه اللي راكنه في الناحيه التانيه وفضل يضرب تلكسات عشان فريدة تنزل
وجات فريدة تجري من على الباب وقالت ايه يا حبيبي الجيران يا حب اهدي يا واد
رأفت.... ولا يهمني ياقلبي طول منتي معايا
اركبي بسرعه وحشتيني موت يا فريدة
فريدة..... وانتا كمان ياقلبي
ايه يا سامي هيا دي اللي عليها العين دي حلوه قوي لازم تموت دي متخليني اخطفها واوعدك مش هشوفها تاني
بص سامي لصاحب الصوت وقال ايه يا عادل احنا هنخيب ولا ايه الزبون ديما على حق نسيت ولا ايه وبعدين انتا معايا عشان ظروفك صعبانه عليا وشكوتك كل شويا من القعده وكمان الالف جنيه اللي هتطلع بيها مش قليله انا كنت اقدر انفذ لوحدي وسيبني مركز لحسن يفلتو مننا
عادل.... انا مقولتش حاجه يا كنج انتا تؤمرني من غير اي حاجه وكمان مين ده اللي يفلت منك
سامي.... دول شكلهم رايحين على الكورنيش اهدي بقا لحسن ارميك من الشباك
عادل.... خلاص سكت اهوه ياكن
رأفت..... ها يا قلبي تحبي نروح فين
فريدة..... يا حبيبي اي مكان ابقي فيه معاك هيبقى احلا مكان خلينا نتمشى الأول شويه
رأفت..... تمام نروح على الكورنيش مدام عايزه تتمشى
ولما وصل للكورنيش ركن العربيه ونزلو هما الاتنين ومسكت فريدة ايد رأفت ومشيو سوا وهما مش شايفين العربيه اللي ماشيه وراهم
وشافت فريدة بتاع الدره وقالت الله ياحبيبي نفسي في الدرة المشوي قوي
رأفت.... بس كده يا قلبي انتي تؤمري وراحو عند بتاع الدرة واشتروا منه وكملو مشي
عادل..... ايه يا كنج احنا هنفضل كده الليل بطوله ولا ايه
سامي.... انتا مش شايف يا زفت البنت مكلبشه فيه ازاي هيا المطلوبه مش هوه خليها تسيب ايده بس
عادل..... دي شكلها هيمانه يا كنج ولا حاسه بالدنيا موزه بنت الكل......... وسكت
سامي قولتلك اهدي متعصبنيش في ليلتك دي مش هلاقيها منك ولا منهم مش عارف ايه اللي خلاني اجيبك معايا..........