مذكرات عاشق
وقفنا عندما باحت غاده بحبها لنادر
وهما بيتكلمو جاات ميرفت وقالت الله الله
العصافير سابت شجره التوت وقعدت تحتها
ضحكت غاده وجريت على بيتهم وميرفت بتكمل ايه هيا اذا حضرت ال.....
ذهبت العصافير ولا ايه
غاده.... امي بتنده عليا هشوفها عايزه ايه وبصت على نادر بنظره شوق وسلام
نادر..... لميرفت عايزه ايه يا ش...... وسكت مكملش الجمله طبعا عارفه نفسك انتي
ميرفت.... دلوقتي انا بقيت كده منا قولتلك الصبح العصفوره بسلم عليك معرفش انها سبقتني وطارت لعندك تحت الشجره
نادر.... انجزي وقولي عايزه ايه بركاتك يا ستي
ميرفت.... انا مش عايزه امي بعتتني بتقولك مش هتروح لابوك ولا نسيت متعرفش ان العصفوره وخداك من الدنيا
وعلى فكره عصفورتك جيلها عريس عشان تكون عارف
نادر... عريس عريس مين ده
ميرفت... واحد يقرب ليهم يمكن تعرفه انتا محسن ابن فلان اللي شغال في الشرطه
نادر.... اه اعرفه بس مسمعتش حاجه زي كده مش بقولك بركاتك
ميرفت..... وانا مالي يا اخويا هوه انا اللي جبته شوف نفسك انتا وانتبه لحالك هروح اشوف سوسن ورانا شغل كتير خلينا نخلص وانتا قوم روح لابويا
نادر.... حاضر هقوم اروح اهوه
وهوه دماغه عماله تزلزل بأفكار يدوب لحق يعرف حب غاده. جاتله ميرفت بخبر محسن هيا ناقصه محسن كمان
ياااااااارب
مشي باتجاه الغيط وكل فكره في غاده اللي كان قلبه كل مايشوفها يدق ومش عارف يبدأ ولا يفتح معاها كلام
بقا لما تيجي هيا برجليها وتقوله بحبك يتغير الفرح في ثواني طيب هيا ماقلتش ليا...
وهيا لحقت.. دي ميرفت طبت زي القضاء المستعجل الله يسامحك يا ميرفت انا ماصدقت كنتي اصبري شويا ياااه غاده دقات القلب ويا اسمك بذيد 💓💓💓💓
وصل لعند الغيط وشاف ابوه ازيك يا حاج ليه مصحتنيش اجي معاك
الاب..... صح النوم انتا جيت وربنا عايزك تيجي مره من نفسك الغيط انتي مش فاضي غير لقعده التوته دي
نادر..... مبتسم هيا ايه الحكايه انتا وامي مركزين قوي مع التوته دي اهي شجرة اتعودت اقعد تحتها بذاكر وكمان اقرا شويه واديني جنب البيت..
الاب.... طيب شد حيلك مفيش اخبار عن الكليه طولو قوي مفيش حد كلمك من زمايلك ولا حاجه
نادر.... لسه يابا ده كله اسبوع مفيش تأخير ولا حاجه
ممكن اسبوع كمان بس انا عايز اسافر اهو اسأل وكمان اشوف سكن عشان اقعد فيه وكمان قبل الزحمه اشوف حاجه قريبه من كلية الحقوق
الاب... انتا مصمم قوي على الحقوق دي من قله المحامين دول مليين البلد
نادر... بحب الدراسه فيها وكمان ليا واحد صاحبي ابوه محامي نشتغل في المكتب بتاعه
محمد شوقي انتا عارفه ابوه راجل مشهور
الاب.... شوقي بيه اه راجل محترم من بلد جنبنا بس عايش من زمان في القاهرة واسمه ملمع قوي ربنا يكرمك يابني
وانتا عرفت ابنه منين ده عايش في القاهره
نادر... ابوه صمم انه ياخد التانويه من البلد بيقول المدرسين هنا تمام
الاب..... اه اديك شايف العيشه والتعب شد حيلك وربنا يكرمنا فيك انتا راجل البيت من بعدي واخواتك البنات وامك ملهمش غيرك من بعدي
نادر.... ربنا يخليك ويحفظك لينا ياحاج ادعيلي انتا
الاب... ربنا معاك انا ليا مين غيركم انتو اللي ليا في الدنيا
زرعتي وشقايا ليكم وعشانكم
يالا انا خلصت قوم عشان نعدي على عمك همام نقله خلصنا ونروح نتغدى انا من بعد الفجر وانا هنا
نادر.... يالا ياحاج
بعد الغداء اخد نادر كوبايه الشاي وراح لعند شجره التوت وعينه على بيت غاده يمكن تبص من هنا ولا هنا
يدوب قعد ولقى غاده جايه نحيته بدأت دقات قلبه في الزياده وعينه عليها وبيدور على كلام يبدأ بيه كلامه
غاده.... ازيك بعد ما مشيت ميرفت رجعت ملاقتكش قاعد روحت فين كنت هجيبلك عصير بدل الشاي ده
نادر.... تسلمي روحت لابويا الغيط اه قوليلي صح هوه فيه حد متقدملك للزواج
غاده.... اه محسن ابن عم محمود بس انا رافضه
قولت مهجوزش دلوقتي
نادر.... انتي رافضه هوه فيه حد موافق
غاده.... ابويا بيقول كويس وموظف في الشرطه
نادر... ابوكي وامك طيب امي رأيها من رأيي مبتحبش الجماعه دول اصلا
نادر... ايه شيفالك حد تاني من جماعتها هيا ولا ايه
غاده.... نادر انا بحبك انتا وعايزاك انتي ولو سألوني هقول عايزه نادر
نادر.... تقدري تقولي كده
غاده... ايوه اقول قدام الدنيا كلها هما هيجوزو معايا ولا ايه مهخدش غير حبيبي اللي قلبي عايزه واختاره
نادر... مبتسم وشفايف مرتعشه الله عليكي ياجامد انتا
ضحكت غاده وبصت للارض خلاص متكسفنيش
اروح اجيبلك العصير اناحطاه في التلاجه من بدري جيت ملاقتكش قاعد
نادر... مش عايز اتعبك معايا
غاده... تتعبني انتا تددلل هوه انا عندي كام نادر وجريت عالبيت سايبه نادر في حاله سكون مجمد مكانه ايه الجراءة دي في كده مالك يا واد مش بتحبك عايز ايه انتا فك لسانك انطق امال ام القصص اللي بقراها دي فايدتها ايه الحب قدامك ومعاك غاده حبك جه لعندك
جات غاده ماسكه كوبايه عصير ماشيه بشويش عماله تتلفت شويه يمين وبصه شمال
وصلت نادر وقعدت جنبه اتفضل احلى عصير لااحلي حبيب قلبي نادر
نادر..... ياه حبيب قلبك قوليها تاني كده اه يانا ياقلبي
اخيرا سمعتها منك
غاده... ايه هوه انتا كنت مستنيها كده من زمان
امال مش باين عليك ياقلبك ومتحمل ولا باين عليك
دنا كل ما تقعد هنا مبطلش ابص عليك وانتا مركز قوي في القراية مش عارفه بتذاكر ولا بتعمل ايه بتقرا ايه كل ده.......
نادر.... شويه روايات رومنسي على بوليسية كده وكده
غاده.... رومنسي مش باين فين ده بتحب ولا ايه
نادر.... بصراحه بحب واللي بحبها طلعت اشجع مني
وجات لعندي انا سعيد قوي قوي
بجد مكنتش عارف اقولك ازاي فكري سارح فيكي
وكل ما اشوفك اتلخبط وابص عليكي شويه واقول شافتني ولا ايه
غاده.... كنت حاسه بيك بس بقول لو بيحبني كان بين حاجه ليا انا ديما بسأل ميرفت عليك حتى يوم النتيجه بتاعتك ما عرفت انام طول الليل عايزه اطمن عليك
صعبه الثانويه دي انا ريحت نفسي ودخلت دبلوم على قدي........
نادر... اهو جاب نتيجه العرسان هلت من اول سنه اهي هنعمل ايه احنا انا لسه قدامي الكليه وبعدها ادور على شغل كويس انه مفيش جيش انا وحيد ابويا مش هدخل جيش....
غاده..... متشلش هم انا مش هكون غير ليك انتي حلم حياتي.....
نادر.... وانتي عمري وحبيبتي وقلبي وروحي
غاده.... يا سلام اخيرا نطقت قلبي مش مستحمل
فين كل ده مستخبي عن غاده
نادر.... مخلاص مش هيتخبه تاني كله هيطلع ليكي ياقلبي💓💕💗💞
غاده بحبك قوي يا نادر عايزه امسك ايدك
نادر يا سلام ايدي بس اهي ملكك وانا كلي ملكك يا روح نادر بس لحسن حد يبص علينا انا خايف عليكي
مش هينفع حد يشوفك قاعده معايا هنا لوحدك كلام الناس.....
غاده.... خليني امسكها دقيقه وهمشي انا سايباهم قدام التلفزيون قاعدين
نادر..... ماشي ياقلبي اديكي مسكتي ايدي انا لو عليا تقعدي العمر كله جنبي بس خايف
بصي لازم نشوف مكان نقعد فيه غير هنا
غاده.... مكان فين وعند مين ينفع
نادر.... هشوف حتى نروح عند عمتي مريم هيا بتحبني قوي هشوفها واقولك انا مسافر اخر الاسبوع
غاده.... مفيش حاجه واجعة قلبي غير سفرك ده هتعملي ايه يا غاده يعني اول ما اكلمك تمشي وتسافر
نادر.... دول بالكتير تلات اربع ايام وهرجع
غاده... منتا هتقعد اربع سنين هناك بعيد عن غاده
نادر... ياه اربع سنين دي فتره الدراسه وكل كام يوم هحاول اجي اشوفك وهكلمك كل يوم
غاده..... برضو بعيد عني عايزه اشوفك بعنيا
أنا هخرج بكره اشتري شويه حجات ماتيجي نقضي اليوم مع بعض
نادر.... ينفع ازاي وأخرج معاكي كيف
غاده... هستناك في الطريق اللي هناك وشاورت على اتجاه تقابلني هناك ونكمل سواء يوم مع بعض قبل ما تسافر يا حبيبي...............