مذكرات عاشق
جريت الدكتوره صباح هيا والطاقم اللي معاها يستقبلو عربيه الإسعاف اللي فيها المصابين
وقال المسعف فيه اتنين حالتهم صعبه والاتنين التانين حالتهم مستقره واحنا عملنا الازم
معاهم في الطريق رضوض خفيفه شوفو بس الاتنين التانين بسرعه
طبعا كنت انا وإبراهيم اللي
حالتنا خطره ونزل محمد بسرعه وهوه بيقول نادر الحقو نادر
بصت عليه الدكتوره صباح وقالت اطمن بإذن الله خير
ودخلونا انا وإبراهيم بسرعه
على الاستقبال وكنا غرقتين دم...... الدكتوره صباح... عايزين نوقف النزيف الأول وبصت عليا وقالت إسمك ايه
فتحت عنيا بصعوبه وقولت اسمي نادر
قالت وصاحبك اسمه ايه تعرف قولت ابراهيم
قالت ابراهيم ايه رديت وقولت مش عارف وفي اللحظه مدت ايدهاوقالت للممرضه اعدليه معايا قعدوني على السرير وكانت في مرايا قدامي بصيت
لقيت القميص مليان دم وكان فيه جرح في راسي وقالت الدكتوره اهدي كام غرزه بسيطه
متقلقش بس هنقص شعرك ياجميل وادتني حقنه البند ومسكت المقص وبدأت تقص مكان الجرح وانا غبت عن وعيي
بدأت تخيط الجرح وتتكلم مع الممرضه شوفي حد يجهز غرفه الاشاعه بعد ما نخيط
الجرح يدخل على الاشاعه فورا ردت الممرضه حاضر وانا عمال اهزي بكلام ولاحظت الدكتوره اسم غاده اللي كنت بقوله كتير
*****************
خرجت الدكتورة صباح ولقيت محمد وهاني سالها محمد خير يادكتورة نادر وإبراهيم عاملين ايه
ردت وقالت خير وقفنا
النزيف بس نطمن اكتر بعد الاشاعه قولو ياااااااارب وسألت مين غاده دي
محمد...... غاده مالها غاده قالت الدكتوره صاحبك طول الوقت جوه بيقول اسمها انتا تعرفها
رد محمد اه اعرفها
د. صباح ان شاء الله خير اطمنو ومشيت على اوضه الكشف مستنيه نتيجه الإشاعات
محمد..... هاني انا لازم اتصل ببابا تلقيه قلقان وكمان يجي ربما نحتاج شئ هوه يقدر يصرف ربنا يسترها على نادر وإبراهيم هروح اشوف تلفون
هاني.... هوه موبيل ابراهيم مش معاك..ياخبر تصدق نسيت واحد عطاه ليا وراح من بالي
اهوه لما ارن على بابا...... جرس اهوه الووووو نغم انا محمد هوه بابا فين
نغم...... انتا أخرت ليه بابا مشغول عليكم ليه ما اتكلمت من ساعت ماوصلت
محمد...... وصلنا ايه احنا عملنا حادثه في الطريق ونادر وإبراهيم تعبانين قوي
نغم....... ياخبر حادثه ايه فيك ايه قولي يابابا الحق يابابا محمد عمل حادثه هوه وصحابه
الاب..... بتقولي ايه ومين اللي بكلمك.... هاتي التلفون الو
محمد..... ايوه يابابا انا محمد الحقنا بسرعه
الاب...... اهدي شويه فهمني حصل ايه انتا كويس كلكم كويسين.......
محمد..... انا وهاني كويسين بس نادر وإبراهيم تعبانين قوي احنا في مستشفى مطروح العام
الاب.....اهدي طيب انا مسافه السكه هكون عندك
نغم..... انا هاجي معاك يابابا لازم اطمن على محمد
الاب..... اقعدي وانا هطمنك... لا مش هقعد هاجي معاك
بعد ساعتين وصل الاب ودخل شاف محمد واقف هوه وصاحبه هاني جرى محمد عليه بابا نغم نادر وإبراهيم تعبانين قوي
الاب.... اهدي شويه وفهمني بالراحه فين الدكاتره اللي هنا.. شاور محمد علي غرفه الدكتوره صباح.. الدكتوره اللي متابعه من ساعت ماوصلنا غرفتها هناك اهي
خبط الاستاذ شوقي على الباب
د. صباح.... ادخل دخل الاستاذ شوقي وسلم على الدكتوره.. انا الاستاذ شوقي المحامي والد محمد اللي مع صحابه اللي جم في الحادثه ممكن اطمن
عليهم لو سمحتي..... صباح الإشعاعه يدوب جايه قدامي اهي نادر عنده شرخ في الفقرات اللي في الصدر وكام غرزه في رأسه. وصاحبه ابراهيم
ده بقا شرخ في الحوض
الاب.... ياساتر كل ده طيب ننقلهم مستشفى تاني
د.. صباح.... مش هينفع مش قبل ٢٤ ساعه نطمن على الحاله واحنا عملنا الازم اكيد نادر يكون فاق من البند ممكن تطمن عليه ولو أمكن تطمن اهله
شوقي.... انا بلدياته واعرف ابوه وهكلمه واطمنهم عليه
د... صباح... تمام اتفضل ممكن تدخل تشوفه حضرتك
دخل محمد وابوه واخته نغم وهاني سلامتك يانادر
نادر.... محمد هوه حصل ايه انا مش فاكر حاجه ايه اللي حصل وإبراهيم فين
الاستاذ شوقي... اطمن ياابني ان شاء الله تبقو تمام ابراهيم كويس والدكتوره طمنتني عليكم
نادر.... انا مش قادر اعدل نفسي انا فيا ايه انا شوفت دم كتير على قميصي وراسي انا فيا ايه
الاب.... اهدي شويه ياابني دي رضوض من الحادثه وهتبقي كويس الدكتوره بتقول
راحه بس وراسك تمام خبطه بسيطه.... دخلت الدكتوره صباح وقالت ايه يابطل اخبارك ايه.... محمد اهي الدكتوره جات تطمنك بنفسها
د... صباح... الاشاعه بتاعتك زي الفل اهدي وارتاح وهتبقي تمام..... نادر... انا مش قادر اتعدل يادكتورة حصلي ايه كتفي وصدري مش عارف اخد نفسي.
د.. صباح... دي آثار الخبطة ولا نجيبلك غاده تطمنك
نادر.... غاده. وبص الكل عليا مالها غاده
د... صباح.. انتي اسمها مفرقش لسانك الحب دي ولا ايه
محمد..... دي بقا حكايه يا دكتوره نطمن عليه هوه الأول
***********
دخلت الدكتوره صباح على نادر ها عامل ايه دلوقتي يا نادر... نادر.... احسن ان شاء الله يادكتورة اناهخرج امتا
د.صباح...في اي وقت تحب بس لازم ترتاح ومفيش مجهود اعتبر نفسك في اجازه
لحد ما ترتاح موضوعك مش عينفع فيه لا جبس ولا حاجه لازم راحه
نادر.... طيب والكلية بتاعتي اعمل ايه تروح عليا السنه هوه انا ناقص... د.. صباح صحتك أهم وكمان ممكن تذاكر في البيت روح وقت الامتحان بس
اوعدني مفيش مجهود وتخلي بالك من نفسك اناعرفت انك مش من القاهره انزل بلدكم
وارتاح الكام شهر وطمن اهلك عليك كمان..... نادر... انا كلمتهم بس فعلا هما قلقانين ابويا وامي واخواتي و........
د.. صباح... وايه غاده هيا تقربلك ولا معاك في الكليه قصدي من هنا ولا عندك في البلد
نادر... من البلد
د... صباح... ربنا يسعدكم انا هديك رقمي تبقى تطمني عليك اعتبرني زي اختك
نادر.... انا اتشرف بيكي يا دكتورة انتي فعلا انسانه محترمه.... ودخل محمد وابوه ونغم واحنا بنتكلم
محمد... ها ياسيدي عامل ايه بابا ونغم صممو يجو معايا وتروح معانا لحد البيت
بابا قال لحسن ميرضاش يجي معاك وجم هما الاتنين الاب ده بيته وانتا ونغم اخواته حد ميجيش لبيته
نادر.... انا بجد متشكر قوي ياعمي انتا زي والدي تعبتك معايا وبصيت على نغم وكانت دي اول مره اشوفها بالقرب ده شوفتها مره مع محمد في البلد
نغم.... حمدالله على السلامه يا نادر والف سلامه عليك
نادر.... الله يسلمك ياارب تعبتكم معيا
الاب.... ولا تعب ولا حاجه احنا أهل ومفيش بين الأهل كده الدكتوره طمنتني وبتقول
انك هتيجي معانا ارتاح كام يوم وبعدين انا كلمت ابوك بنفسي وكان مصمم يجى هوه وامك وانا اقنعته انك بخير وانا موجود وانك هترتاح عندي كام يوم
لحد ما تبقى تمام والتلفون في البيت وابقى طمنهم ومحمد ونغم دول اخواتك مفيش حد غريب.... نادر.... طبعا ياعمي انتو اهلي وربنا يديم المعروف
ورغم كل اللي انا فيه وبالي مشغول في غاده وعامله ايه الدنيا معاها لسه عالعهد وياتري عملت ايه لما سمعت خبر الحادثه مين يطمن قلبي
عليها فينك ياميرفت وقتك دلوقتي
قبل ما امشي روحت اطمنت على ابراهيم وسلمت عليه واهلو كان جم وقاعدين معاه مشينا
وركبنا عربيت ابو محمد ووصلنا عندهم البيت ودخلت واخدني محمد علي اوضته وقال انتا هتنورني بقا اليومين دول
نادر.... ياعم انا عايز انزل البلد اكيد مشغولين خالص
محمد.... انتا مش كلمتهم
واطمنو عليك ولا عايز تطمن حد تاني قول متخبيش اجيبلك التلفون لحد عندك واتكلم براحتك ثواني بس هجيبه لعندك
*************
اول حاجه اكلم البيت واشوف ميرفت اكيد عندها اخبار
كلمت ابويا..... ايه يابني عامل ايه مجتش ليه عمك شوقي طمني بس لازم اشوفك
خطفت امي التلفون ... نادر فيك ايه يا ولدي هموت عليك تعالي عشان قلبي يهدأ مش هرتاح غير لما اشوفك قدامي
نادر..... حاضر يا أمي بس عمي شوقي مصمم
امي.... ربنا يكرمه في أولاده زي ما طمنا عليك ماشي يا ولدي بس حاول متأخر خد سوسن عايزه تكلمك
سوسن... عامل ايه يانادر طمني عليك هتيجي امتا
نادر.... انا تمام الحمدلله فين ميرفت... ميرفت اهيه واقفه هاتيها اكلمها.... ازيك يا ميرفت...
ميرفت..... عامل ايه يا اخويا طمني عليك انتا مش كويس.... نادر... انا تمام الدنيا عامله ايه عندك وغادة أخبارها مش عارف اكلمها
ميرفت..... غاده كويسه
خلي بالك من نفسك انتا ومتشغلش بالك بحد المهم صحتك
نادر..... فيه ايه يا ميرفت اتكلمي فيه جديد هيا ماسالتك عني يعني حالتها ايه لما عرفت باللي حصل
ميرفت.... يا اخويا ريح نفسك مش عايزه اتكلم وانتا تعبان امسك صحتك انتا الأول وكله ساهل
نادر.... انا كويس اتكلمي بس
ميرفت.... اتكلم اقول ايه عارف بقولها نادر تقولي مش بقى كويس الناس بتقول انه زين غاده خلاص اتخطبت يانادر وخلاص هيحددو الفرح قريب
قفلت وانا مش مصدق اللي سمعته غاده وفرح ووعدي وكلامنا مع بعض حتى الموت رفض يخدني منها مع انه كان قريب ياربي غاده معقول مش مصدق ابدا
عده شهر وانا قاعد بالعافيه عايز امشي باي طريقه مع انهم مش مقصرين في حاجه عمي شوقي ومحمد ونغم
كلهم واقفين ليا مش مخليني عايز حاجه
نادر.... محمد انا لازم اروح مش قادر بجد عشان خاطري كلم عمي لازم امشي النهارده
محمد... تروح ازاي طيب لما تخف قاعده البلد
نادر..... قلبي مش مرتاح غاده حاسس انها هتروح مني انا هموت لو راحت يا محمد خليني امشي كل ده وفيه حد واقف سامع الكلام اخر حد ممكن
اتوقعه نغم وفي عنيها دمعه واقفه وغصه بعد ما سمعت الكلام عن غاده لمحتها واقفه وسكت وشاورت لمحمد اللي بص لقى نغم واقفه.... تعالي يانغم واقفه ليه عندك
نغم.... لا ابدا كنت جايه اقولكم تشربو حاجه وسمعتكم بتتكلمو ليه يانادر عايز تمشي احنا قصرنا في حاجه ولا زهقت مننا.... نادر... ابدا دنا مش عارف ارد جميلكم ازاي بس لازم اروح اطمن ابويا وامي
نغم... جمايل ايه انتي مش زي محمد ولا ايه ربنا يعلم معزتك عند... قصدي عندنا ومشيت من غير ماتقول ولا كلمه تاني
بعد محايله مع عمي وافق بالعافيه اني اروح على شرط محمد يكون معايا وافقت علشان تعبان
*********
وصلنا البلد وناس كتير جات تطمن ومن ضمنهم ابو غاده وامها وانا كنت راقد من التعب
ومش عارف اخرج ونفسي اشوف غاده اللي مكنش ينفع تيجي عندنا البيت وعدت الايام وغاده مش عارف اشوفها ولا جاني
مرسال منها كل اللي اعرفه انهم بيجهزو للفرح وكان لازم اشوف غاده او حد يروح ليها ملقتش غير مرات ابن عمي هيا اللي تنفع لأنها مش من العيله
وتقدر تروح هناك وطلبت منها تقابل غاده عشان ارتاح فعلا راحت وانا قاعد على نار مستني تيجي واسمع الرد وقولت لها على وعدي اللي قولناه
لبعض تفكرها بيه لو سمعت كلام غير اللي مستنيه تعتبرني مت وتنسا خالص حد اسمه نادر
وجات بعد شويه وعلى وشها علامات مرتحتش لها
هاه قولي..... اصبر اخد نفسي الاول
طيب قولي نادر.. بتقولك انا موعدتكش بحاجه وربنا يسعدك مع واحده احسن مني
نزل عليا الكلام زي الصاعقه وعقلي طار وزاد ألم صدري
وحاجه عصرت قلبي عصر ومنطقتش ولا كلمه كنت متوقع اي حاجه منها غصب عنها غصبوها على الجواز
اللي انها تقول موعدتكش بحاجه 💔💔💔
وعرفت ان الفرح كمان اسبوع واسودت الدنيا في وشي وطبعا مكنش ينفع اقعد في البلد واشوف حب عمري بيروح لغيري وتطلع قدامي بفستان الفرح
اللي حلمنا بيه مع بعض وبيتنا وحتى اسامي عيالنا اللي اخترناهم مع بعض وشار عليا واحد من ولاد عمي اروح اسكندريه عند قريبنا ولقيتها فكره وسافرت فعلا
**********
وفي يوم الفرح خرجت وقعدت عالبحر
مش عارف يابحر اعاتب مين ولا ألوم مين غاده ولا نفسي ولا الظروف اعاتب الموت اللي كان قريب وسابني لعذابي من غيرها ولا الدنيا اللي ازاي اعيش فيها من غير غاده ااااه يا قلبي بدق لمين وعشان ايه هتكمل ليه
فين غاده وراحت لمين
لازم يا نادر توفي بوعدك انتا ميت بالنسبه لغاده
هعيش وهكمل مش عشان نفسي عشان ابويا وامي واخواتي وافتكرت الدكتوره صباح لازم اكلمها
قومت ومشيت لحد أقرب تلفون ورنيت الرقم
وسمعت صوتها الووو... مين
د صباح... ايوه مين انا نادر بتاع......
اه نادر فاكراك طمني عليك كده برضو ولا تسأل عليا عامل ايه وغاده شوفتها
غاده فرحها اليوم يا دكتوره
يا خبر النهارده الفرح انتا فين وبتتكلم منين
أنا بكلمك من اسكندرية
بتعمل ايه عندك..... مكنش ينفع اقعد. واشوفها لغيري
صباح ولا يهمك انتا ابن حلال وربنا هيرزقك بأحسن منها خلي بالك من نفسك وفكر في مستقبلك
نادر.... إن شاء الله انا حبيت اسمع صوتك جيتي على بالي.... تسلم ياااااااارب عيش
حياتك وخليني اشوفك
نادر... حاضر بإذن الله سلام
ودي نهايه حكايه نادر وغادة
بس الدنيا ما وقفت لكل واحد حياته
وماشيه الدنيا
مع تحياتي ليكم والي لقاء مع حكايه جديده
النهاية