CMP: AIE: رواية مذكرات عاشق الفصل الثالث
أخر الاخبار

رواية مذكرات عاشق الفصل الثالث


 مذكرات عاشق

 الفصل الثالث



في الصباح الباكر نهض نادر بنشاط على غير العاده

وجد امه مستيقظه

نادر..... صباح الخير ياأمي هيا ميرفت صحيت

الام.... صباح النور مش عوايدك قايم بدري كل يوم صوتي يطلع عشان تقوم

نادر.... عندي مشوار مهم هيا ميرفت فين

الام..... عايز ايه من ميرفت تلاقيها جوه غرفتها هوه فيه حد في البيت ده بيقوم بدري غيري انا وابوك انتا واخواتك البنات ماشاء الله عليكم

روح اغسل وشك هعملك تفطر

نادر..... مستعجل ياأمي ونده بصوت عالي يامرفت فينك يا زفته.......

ردت ميرفت انا اهوه عايز ايه انتا على الصبح خير

نادر...... هاتيلي غيار واكويلي قميص وبنطلون بسرعه

ميرفت.... على فين بدري وغيار وهدوم ايه عالصبح

هدومك كلها في الدولاب ومكويين كمان

نادر..... تمام اول مره تعملي حاجه عدله في حياتك

ميرفت.... انا طيب مقولتيش على فين العزم بدري كده

نادر.... معايا مشوار مهم

ميرفت...... مشوار ومهم كمان خير هتخبي على اختك

نادر...... لما اعاود هقولك اخرجي يلا عايز البس

ميرفت..... طيب براحتك خليك فاكرها

                         *******

خرج نادر ومشي ناحيه الطريق اللي متفوق يقابل فيه غاده حبيبت القلب ووقف يبص عليها من بعيد ويبص في ساعته ويقول هوه انا اللي اتاخرت ولا جيت بدري

بص لقى غاده جايه من بعيد وعماله تتلفت حوليها

قربت عليه وعلى وشها  ابتسامه كلها سعاده وقالت صباح الخير يا حبيبي هوه انا أخرت عليك ولا ايه

نادر..... صباح الحب لا ابدا بس قلقت عليكي وخوفت لا متعرفيش تيجي

غاده.... وده كلام انا اقدر ما اجيش لحبيب قلبي بس عبال ماقلت لأمي وقالت تقول لابويا واخدت فلوس وجيت لحبيبي

نادر..... حمدالله على السلامه ياروحي هنروح فين

غاده..... اي مكان بعيد عن هنا امي قالتلي متاخريش لازم ارجع قبل الضهر

نادر...... الضهر هوه احنا مش متفقين نقضي اليوم مع بعض بقى الضهر

غاده... . معلش الخروجه اللي جايه بس امشي دلوقتي يالا بينا من هنا لأحسن حد يشوفنا

نادر.... يالا ومشيو في اتجاه بره البلد ولسعت برد الصبح معي الندى بتاع الزرع في كل مكان

وصلو لمحطت القطر

نادر..... ايه رايك نركب  القطر ونروح المحافظة

غاده.... لا المحافظه بعيد وانا وقتي قليل نركب بس ننزل في اي مكان يكون قريب عن المحافظه وياريت نقعد هنا شويه ناخد نفسنا

نادر..... ماشي وقعدو على جمب في مكان بعيد عن العيون شويه وجلست غاده جنب نادر واخدت ايده وحطت راسها على كتفه وقالت ياسلام كان نفسي في كده من زمان

نادر...... رفع ايده وحطها على كتفها وردد وانا كمان كان نفسي زيك بالظبط اخيرا جات اللحظه دي

غاده..... بصت على وش نادر وعينها جات في عينيه وقالت انا بحبك قوي يانادر

وهما قاعدين وشايفين اللي داخل على المحطه من بعيد

شاف نادر وغادة محسن اللي عايز يجوز غاده داخل على المحطه.......

نادر لغادة مش هوه ده محسن  غاده ايوه تلاقيه رايح شغله هوه شغال في المحافظة في مدريه الامن

نادر..... ايه رايك اروح انا وانتي نكلمه ونقوله احنا بنحب بعض....      غاده.  ... ينفع ممكن يعمل دوشه عالمحطه ويروح يقول لابويا بلاش يا نادر خليني انا اصرف

نادر..... انا بهزر يا حبيبتي هوه انا مجنون عشان اعمل كده وانتي معايا لو عايز اكلمه هروح له لوحدي

وشافو محسن من بعيد خارج من المحطه باتجاه موقف العربيات شكله لقى القطر هيتاخر

غاده..... احسن اهو مشي شكله هيركب عربيه

نادر..... ولا يهمك يالا نتمشى احنا كمان حتى لحد المحطه التانيه انا عارف طريق مختصر مش هلاقي ناس كتير فيها لحد منوصل للمحطة التانيه بس خايف تتعبي من المشي

غاده..... وهيا ماسكه ايد نادر انا طول منتا معايا امشي لآخر الدنيا اهم شيء اكون معاك انتا يا قلبي

نادر..... تمام يا حبيبتي يالا بينا ومشيو في الطريق اللي قال عليها نادر لحد ما وصلو المحطه التانيه

                             ********

وسالو عن القطار قال ليهم ناظر المحطه خلاص على وصول قدامه خمس دقايق

ابتسم نادر وقال كويس وصلنا في الميعاد بالظبط

ضحكت غاده وقالت يا سلام على مواعيدك يا قلبي

وصل القطر وركبو ونزلو بعدها بمحطتين وهما طول الوقت يكحو في كل حاجه مره في الحب ومره عن احلام المستقبل وعش الزوجيه ومره عن الأكل والشرب

كل واحد بيحب ايه ومبيحبش ايه

لحد ماسالت غاده نادر الساعه كام قال الساعه ١١

غاده..... ياخبر الوقت جرى بسرعه لازم نرجع يدوب نلحق وكمان انا لسه ما اشتريت  حاجه هقولهم معجبتنيش حاجه اشتريها وخلاص وابقى اخرج انا وامي نشتري انا اليوم ده ليك انتا ياحبيبي

نادر.... ده احلا يوم في عمري على العموم القطر اللي راجع قرب معاده يالا نروح المحطه وتوصلي في معادك يا حبيبتي متقلقيش

أنا مسافر بكره وهقعد يمكن كام يوم هخلص كام حاجه وأرجع 

غاده..... طول منا معاك مش قلقانه ياحبيبي وربنا يصبرني الكام يوم دول بس اوعا عينك تروح كده ولا كده وتكلمني كل يوم الرقم معاك

وصلو المحطه ووصل القطار وركبو راجعين على البيت

                              *********

دخل نادر البيت لقى ميرفت قدامه قالت حمدالله على السلامه من اولها هنخبي على بعض على العموم انا عرفت المشوار فين ومع مين 

نادر.... عرفتي ايه يا بركه تكوني مخاويه واحنا منعرفش

ميرفت..... بضحكه اختك دماغ يا نادر بتفهمها وهيا طايره انا لما انتا خرجت شوفت  العصفوره خارجه بعدك

ودلوقتي من شويه رجعت وانتا بعدها على اختك دنا عجناك وخبزاك يا واد

ضحك نادر وقال شاطره يابت بس اوعي حد يعرف هاتيلي اتغده وهحكيلك بعدين كان يوم حلو قوي قوي 

وجهزي ليا هدومي والشنطة الصغيره عشان هوضب  حالي همشي بكره على القاهره

ميرفت........ حاضر بعد الغداء هجهزها ليك ولا بالليل انتا مش هتمشي الصبح

نادر..... ايوه الصبح بإذن الله هتغداء وانام شويه 

                             ********

صحي نادر بعد العصر وطلب كوبايه شاي من ميرفت تجيبها له عند شجرة التوت المكان المفضل 

ميرفت...... اعملك بس تحكيلي على اللي حصل الصبح مع العصفوره روح وانا جايه وراك

نادر...... ماشي قدامك انا ووصل الشجره وعينه على بيت  غاده لقيها بشاور ليه من الشباك وابتسامه ماليا وشها

جات ميرفت وفي ايدها كوبايه الشاي لنادر وقعدت جنبه وقالت احكيلي بقا عملت ايه 

نادر..... كان يوم يابت ولا في الأحلام مكنتش عايزه يخلص ابدا

ميرفت..... ياسيدي ياسيدي اروح اندها تقعد معانا

نادر... ينفع قصدي تعرفي 

ميرفت...... ياواد دنا ميرفت والاجر على الله هتشوف وقامت على بيت غاده ورجعو سواء وقالت اي خدمه ياعم نادر عد الجمايل بس

نادر...... وعنيه على غاده شكرا يا احلى ميرفت في الدنيا انتي عارفه ان اخوكي مسافر بكره اقعدي ساكته بس

وفضلو يتكلمو هما التلاته لحد غروب الشمس 

                    ***************

في الصباح الباكر قام نادر عشان يروح محطه القطار عشان يركب للقاهره وصبح على ابوه وأمه واخد دعواتهم ليه أن ربنا يسهله اموره

الاب..... الاب هتروح عند ولاد عمك ولا فين اقعد عندهم الكام يوم دول 

نادر...... اكيد يابا هروح عندهم دول كلهم كام يوم

الام..... خلي بالك من نفسك يا ولدي وكل واشرب كويس

نادر..... حاضر يا أمي متقلقيش خليها على الله 

كل ده وهوه تفكيره في حته تاني عايز يخرج يبص على حب حياته قبل ما يمشي ويسافر

انا هوصل شجرة التوت ابص على حاجه 

الام...... شجره ايه عالصبح اقعد افطر عشان تلحق القطار بتاعك....... 

نادر..... ثواني بس وبعدين مليش نفس هبقي اشتري اكل في الطريق فين ميرفت عايزها يا ميرفت 

ميرفت..... نعم يا نادر  الشنطه اهي جاهزه كل حاجه فيها

نادر..... سيبك من الشنطه وهمس في ودنها روحي شوفي غاده عايز اسلم عليها قبل ما امشي 

ميرفت..... الصبح كده طيب ازاي 

نادر..... اصرفي اعملي اي حاجه اي حجه من عندك بسرعه الوقت بيجري 

ميرفت...... وانا كان مالي بالشغلانه دي انا هاخد ايه منك انتا والست غاده غير التعب عالصبح اروح اشوف

نادر..... حتى عشان خاطر اخوكي حبيبك اعملي ثواب في دنيتك منا برضو نادر وليا وقتي مش هنفتح لبعض

خرجت ميرفت ونادت لغادة تعالي عايزاكي

البيه عايز يشوفك قبل ما يمشي

غاده..... وانا كمان عايزه اشوفه انا من الفجر صاحيه مستنياه يخرج تعالي يالا

ميرفت..... الله الله عالحب تعالي قاعد تحت الشجره 

لقيو نادر مستني وسلمت غاده عليه وعيونها مليانه دموع....... 

نادر.... ليه كده مش عايز دموع انا انا عايز اشوف ضحكتك قبل ما امشي  تنور طريقي وبعدين دول كلهم يومين مسافه الطريق 

غاده..... يومين وقلبي يستحمل ازاي بعدك عنه يومين قولي انتا 

نادر.... انا قلبي معاكي وهحاول اخلص بسرعه وارجع المهم اضحكي وبلاش  دموع الوقت بيجري يدوب 

غاده.... تروح وتيجي لغادة بالف سلامه خلي بالك من نفسك ومن قلب غاده اللي معاك  خد صورتي خليها معاك هيا والمصحف ده اوعا يبعدو عنك يفكروك بغاده

نادر..... حاضر في قلبي مش معايا بس يالا اشوفك على خير.  لا اله الا الله 

غاده..... محمد رسول الله 

                   **************

اخد نادر شنطته ومشي وكل العيون وراه ابوه وأمه وأخواته البنات وكمان عيون غاده حبيبته

وصل المحطه وركب القطار اللي رايح على القاهره وطول السكه باله وفكره مع غاده 

وصل القاهره وراح عند ولاد عمه وهوه فكره شارد

لاحظ محمود ابن عمه شرود نادر وقال ايه ياعم اللي واخد عقلك نحنو هنا وصلت  فين ومالك فيك ايه عقلك مع مين احكي لاخوك يا واد

نادر..... اه انتا اخويا  قلبي وعقلي وحياتك 

محمود..... ايه ياعم انتا وقعت ولا ايه حد اعرفه ولا مين

نادر..... اه تعرفه عز المعرفه كمان غاده

محمود...... غاده غاده مين بنت عمك لطفي

نادر..... اه هيا بنت عمك لطفي 

محمود..... ازاي اللي اعرفه ان فيه حد متقدم ليها 



                      الفصل الرابع من هنا

لقراة باقي الفصول من هنا


تعليقات



حجم الخط
+
16
-
تباعد السطور
+
2
-