CMP: AIE: رواية مذكرات عاشق الفصل الرابع
أخر الاخبار

رواية مذكرات عاشق الفصل الرابع

 

مذكرات عاشق 

الفصل الرابع



نادر.... وربنا يا محمود الواحد حياته اتقلبت حاجه تاني

حاسس اني روحت حته تاني بقى كل تفكيري في غاده

محمود..... ايه ياعم دنتاعلي اخرك هوه الحب حلو كده

نادر.... حلو وهيا حلو دي كلمه توصف اللي الواحد فيه تصدق مش طايق القاعده من اول يوم مش عارف هعيش ازاي واقعد ادرس فتره الكليه من غيرها

محمود..... اهدي ياعم انتا لسه جاي من اولها كده وربنا شكلك هتتعبنا معاك روق شويه  وتعالي خدلك دوش عبال ما اروح اجيبلك حاجه تأكلها

نادر..... دوش اه لاكن اكل مالي نفس للأكل

محمود.... ايه ياد هوه الحب بيسد النفس ولا ايه ايامك عال وربنا فكها كده وعيش حياتك

نادر....... واحشاني يابو عمه صورتها ما غابت عن عيني

وأيده جات على المصحف والصوره اللي ادتهاله غاده

و اتنهد بصوت عالي اااااااااه ياغاده

محمود...... دنتا على اخرك خالص الله يكون بعونك

دحنا في نعمه على كده من غير حب خد المفتاح واطلع هروح اجيب اكل ارجع الاقيك مخلص وجعت قلبي قال حب قال

                      ******* ********

بعد الغداء خرج نادر عشان يتصل بالبيت ويشوف هيعرف يكلم غاده ولا لا نفسي اسمع صوتها ياااااااارب هيا اللي ترد بعد ما كلم البيت طلع رقم غاده ورن وقلبه بيدق وهوه مستني يسمع الصوت من الطرف التاني ويشوف مين هيرد سمع صوت غاده بتقول الوووووو

مين رد انا نادر عمال بدعي واقول يارب انتي اللي تردي

غاده...... وحشتني قوي من الصبح وانا جنب التلفون مستنيا ترن حتى امي خدت بالها وبتسال مستنيا حد ولا ايه قولتلها لا

نادر....... انا وصلت من شويه محمود ابن عمي قعد يرغي معايا وصمم اني اتغدا اكلت وخلعت منه قولتله هطمن البيت وانا في بالي انتي يا روح قلبي

غادة...... ربنا يعلم انا حالتي ازاي من ساعت ممشيت طول النهار اعيط وعيوني اتورمت ومداريا وشي منهم عشان ميخدوش بالهم اليوم  كله في اوضتي ووداني مع صوت التلفون اقول دلوقتي نادر يرن

نادر...... واديني رنيت كفايا زعل بقا كلها يومين وارجع خليني اسمع صوتك انا مصدقتك انك انتي اللي رديتي

وحشتيني موت صورتك مغبتش عن عيني اشتقت ليكي قوي قوي

غاده...... وانا كمان ياحبيبي هموت عليك مكانك فاضي تعاله بسرعه عشان خاطر غاده انا مش قادره استحمل واوعى تقول من يوم حاسه انه سنه مش يوم

نادر...... حاضر يا حبيبتي هخلص وارجع بسرعه وبكره اكلمك اقولك عملت ايه بس ابقى قريبه من التلفون

غاده..... حاضر ياحبيبي من عيوني هلزق جنبه وضحكت ضحكه خطفت قلب نادر وقالت خلي بالك من نفسك ومن قلب غاده اللي معاك💓💓💓💓💓

نادر...... قل💗بك في الحفظ والصون هتوحشيني يا  قلب نادر مش عايز اقفل بس فيه حد مستني التلفون

غاده..... طيب مع السلامة هستناك بكره يا حبيبي سلام

نادر...... سلام ياحبيبتي وقفل ودفع حساب المكالمه ومشي في الشارع وكل تفكيره في غاده

ومش عارف ان القدر بيرسم حاجه تاني غير اللي في باله خالص ففي المساء كان فيه معاد تاني واتفاق تاني مش في صالح نادر خالص

               ********* ***********

بعد صلاه العشاء كان فيه معاد مع أهل غاده وأهل محسن عشان يطلبو ايد غاده لمحسن

شافت ميرفت دخول اهل محسن لبيت غاده وراحت سألت غاده مالهم دول عايزين ايه

غاده.... دول جايين يطلبو ايدي للزفت محسن

ميرفت...... يطلبو ايدك ياعيني عليك يا اخويا هتعمل ايه

غاده...... هيعمل ايه انا مش هوافق على حد غير نادر حبيبي مش هجوز حد غيره يكش اموت نفسي هقول له

ميرفت..... ربنا يستر ياغاده احنا البنات ملناش رائ في الحجات دي انتي ناسيه احنا عايشين فين

غاده...... هتشوفي غاده هتعمل ايه بس مجبيش سيره لنادر لو اتكلم وانا هتصرف

ميرفت..... هتخبي عليه هوه الكلام ده بيداره اكيد هيعرف مني ولا من غيري

غاده..... عشان خاطري اصبري شويه خليني اتصرف

               ********** **********

عده الليل ونادر عينه ما شافت النوم حاسس انه مش مرتاح حاجه مش مطمنه قلبه حاسس انه تايه مش عارف من ايه وهوه مش عارف حب حياته في البلد

واحد فتح الباب وجاي عايز ياخد حلمه من بين ايديه

توكل على الله وخرج يسأل على التنسيق بتاع الكليه ووصل هناك لقى محمد صاحبه  قدام باب الكليه ومعاه اتنين تاني سلم على نادر واخده بالحضن حبيبي ياابو البلديات نورت مصر وناسها جيت امتا

نادر...... وصلت امبارح وقولت اكيد هشوفك النهارده ولو مكنتش قابلتك كنت هرن عليك

محمد......ياه ياقلبك من امبارح  خليني اعرفك الأول  بصاحبي ابراهيم وهاني أصدقاء الطفوله وده نادر اخويا وابن بلدي سلمو على بعض ورد نادر اكيد صحابك صحابي يا واد اهلا بيكم تعالو نسأل ونشوف الدنيا

دخلو من الباب واتجهو لمكتب الاستعلامات سألو قلهم الموظف بكره بإذن الله تيجي الاوراق

نادر...... لسه بكره....... محمد جري ايه ياعم بيقولك بكره

مستعجل ليه كده انتا مش قاعد معانا كام يوم ولا ايه

نادر...... لا ياعم كام يوم ايه انا يدوب

محمد..... ايه وراك ايه منتا قاعد نتغدى بكره مع بعض في بيتنا وفرصه تتعرف ببابا انا كلمته عنك ونفسه يشوفك... نادر.... اكيد وانا نفسي اشوفه واتعرف بيه بس مش هينفع بكره الايام جايه كتير ونتقابل  ونتغدي بإذن الله................ محمد ايه ياعم مالك مستعجل ليه من غير حلفان منتا ماشي بكره من غير مانتغدي مع بعض

نادر....... لا والنبي من غير ماتحلف احنا اخوات وانا مش غريب للكلام ده بس سيبني براحتي ورايا مصالح هناك

محمد....... مصالح ايه يانادر انتي هتقولي عالبلد وبعدين عمي الحج مش مخليك تعمل حاجه مصالح ايه بقا

نادر......... هحكيلك بعدين تعالي نتمشى ونسأل على سكن قريب من الكليه

محمد....... سكن ايه يا عم وانا موجود انتي عبيط متعولش هم للسكن موجود وقريب كمان انتي هتقعد معايا في بيتنا

نادر بيتكم انتا اتجننت بيتكم فين وازاي

محمد..... ياعم مفيش في البيت غير انا وبابا واختي نغم

نادر...... ابوك واختك على راسي انا عايز اوضه على قدي عشان المذاكره والكلام ده

محمد...... ومالها المذاكره انا ليا مكان لوحدي مش هشوف حد فيهم وانا وانتا نذاكر مع بعض هوه انتا مش اخويا وابن بلدي منا اكلت في بيتكم عيش وملح وامك زي المرحومه امي

نادر....... ياعم انتا اخويا وبيتكم زي بيتنا بس سييني براحتي والنبي ودور معايا على اوضه قريبه

محمد....... يخرب بيت دماغك كلكم كده دماغكم ناشفه لما تصممو على حاجه يالا السلام ساهله متعلش هم طلبك عندي تعالي بس اعتبرها مقضيه

نادر....... بيتكم لا..... محمد ياعم...... مش بيتنا بس عماره بتاعتنا واحنا لينا شقه خاصه بينا معايا مفتاحها ونقعد نذاكر فيها بابا هيتبسط قوي  صدقني هوه بيشكر فيك وفي عمي الحاج يعرفكم كويس

نادر...... على بركة الله متيسرة باقي اطمن على التنسيق وامشي على طول وباله في غاده💕💕💕

محمد....... مصمم برضو على المرواح بكره

نادر..... اه مصمم

محمد...... تعاله اوصلك طيب انتا مش قاعد عند ولاد عمك انا معايا العربيه اوصلك واسلم على محمود ولد عمك واحشني قوي

نادر....... تمام يالا بينا وركبوا العربيه وتفكير نادر في حته تاني غير القاهره وزحمتها ولا صوت الاغاني اللي مشغلها محمد في العربيه بصوت عالي

محمد....... ايه ياعم مالك وصلت فين اللي واخد عقلك مش هتقولي مالك سارح في ايه من ساعت ما ركبت وانتا ولا كلمه اوعي تكون بتحب

نادر........ هوه كل اللي يكلمني يقولي بتحب باين عليا قوي كده

محمد...... ايوه سارح وساكت  هوه انا مش عارفك احنا بقالنا تلات سنين مع بعض هوه انا مش عارفك

نادر....... ابدا  ياعم بالي مشغول شويه عمك الحاج تعبان شويه قلقان عليه

محمد...... سلامته عمي ماله فيه ايه

نادر...... ياعم كويس بقصد تعبان في الغيط المحصول وكده.......... محمد....... الله يسامحك افتكره بعافيه شويه

عمي الحاج متعود عالغيط اللي اعرفه انك مبتحبش الغيط قوي ايه اللي جري

نادر....... ابدا عادي بس بساعد في لم المحصول

محمد...... ماشي ياعم ساعد احنا وصلنا متعرفش محمود ابن عمك في الشقه ولا المحل  دلوقتي

نادر....... اكيد في المحل انا خرجت الصبح كان نايم اهوه هناك قاعد قدام المحل

محمد...... تمام انزل بقا عبال مركن العربيه واجيلك انا وهوه على الله الاقي ركنه عدله

نادر.... تمام أركن جنب المحل واسعه اهيه انا هقف معاك ركن محمد وشافهم محمود ووقف يسلم عليهم محمد بيه منور واللهي الحته كلها نورت  اتلميت على روميو بتاعنا فين. هههههههه

محمد...... روميو مين نادر بقا روميو خير ولا اعرف

نادر....... اتلم ياعم محمود بلاش تريقه

ضحك محمود وبص على محمد طيب ماشي عشان محمد بس هسكت محمد لا تسكت ليه عرفونا ياعم فيه ايه....... نادر...... مفيش حاجه ده بيهزر انتا مش عارفه

محمود..... تمام  اقعدو بس تشربو ايه شاي ولا حاجه غير الشاي....... محمد...... ولا حاجه انا قولت اوصل نادر وفرصه اسلم عليك مدام انتا مبتسالش علينا

محمود..... واللهي ابدا مشاغل الدنيا بس لازم تشرب حاجه مينفعش دنتا ابن بلد وعارف

نادر....... خلاص ياعم محمد شوف هتشرب ايه انا عن نفسي شاي....... محمد...... وانا كمان شاي

محمود...... تمام كله شاي ونده  على بتاع القهوه وطلب تلاته شاي وبص عليهم وقال اتلميتو فين على بعض وانتا يا نادر خرجت بدري يعني اقوم ابص عليك ملقتكش

نادر....... روحت الكليه بدري وقابلت محمد هناك كان معاه صحابه عايز امشي بكره

محمود...... بكره ومين هيسيبك تمشي بكره اقعد اسبوع ونروح مع بعض..... محمد.... وربنا بقله كده من الصبح

نادر....... ولا اسبوع ولا غيره بكره اروح الكليه واطمن وامشي واهو موضوع السكن ارتحنا بيه هقعد في شقه محمد..... محمود.... ياولدي قاعدة البلد واللي فيها وغمز بعينه بابتسامة مش هطير وكمل بصوت واطي يادي غاده وسنين غاده

محمد.......بتقول ايه يا محمود

نادر...... مهيقلش ده فايق يا عم شوف يامحمود انا ماشي بكرة هتيجي معايا يا مرحب مش جاي براحتك همشي لوحدي

محمود طيب اشوف بالليل ولو كان كده نركب بكره مع بعض فيه عربيات بتروح البلد  نركب معاهم من هنا لحد البيت بيركنو بالليل عند القهوه هنا

محمد...... على خير اقوم امشي انا ونتقابل الصبح عند الكليه يا نادر هستناك على الساعه تسعه

محمود..... ياعم مستعجل ليه اقعد قضى اليوم معانا

محمد..... الايام جايه كتير مهو نادر لو قعد كنا روحنا اتفسحنا يوم في اي مكان عايز يطير عالبلد

محمود...... هههههههه سيبه انا عارفه ومرتاح بيه لسه جديد مش قادر يصبر

محمد...... جديد على ايه ويصبر كمان على ايه

نادر....... وبعدين ياعم بقولك ده رايق فكك منه

محمود...... هههههههه هههههههه رايق مروقش ليه خليك انتا كده زي اللي مسحور ولا واخد على دماغك

محمد....... فيه ايه وربنا فيه حاجه هتخبي عليا يانادر هوه انا مش زي محمود ولا ايه

نادر...... يابوي وبعدين متسلوش عليا انتو الاتنين قوم ياعم اتوكل على الله نتقابل بكره

محمد...... ماشي ياعم خلاص انتا بقيت رخم سلام اشوفك بكره

محمود...... معلش يا عم محمد غصب عنه هههههههههه 

نادر....... واللهي لا ماشي انا سلام هروح اكلم البلد

محمود....... البلد طيب سلملي عالبلد ههههههههه

                  ****************

رن نادر على البيت وردت ميرفت

ميرفت....... ازيك يا نادر عملت ايه خلصت

نادر.... اه بكره هروح الكليه واعرف النظام واركب بالليل

ميرفت....... مش هتفسح كام يوم يعني متقعد شويه

نادر....... ايه اقعد شويه ده انا منمتش امبارح طول الليل حاسس اني ضايع هوه فيه حاجه عندكم ابويا وامي وسوسن وانتي وووووو غاده كمان كويسه شوفتيها عامله ايه قوليلي قاعده زعلانه عشان سافرت

ميرفت...... كلنا بخير المهم انتي تبقي بخير وغادة بخير انتا خلي بالك من نفسك هوه انتا مكلمتش غاده

نادر....... كلمتها امبارح بعد ماوصلت بشويه وصوتها معجبنيش بس بتقولي عشان سفري هوه فيه حاجة

ميرفت....... لا مفيش منا تيجي تفرج

نادر...... مالك يامرفت فيه ايه طمنيني

ميرفت...... مفيش انتا مش بتقول جاي بكرة

نادر...... اه ويمكن محمود ابن عمك يجي معايا هنركب بكره بالليل نوصل عندكم الصبح

ميرفت....... توصل بالسلامه ايه تكلم حد من هنا

نادر...... لا سلميلي عليهم اشوفكم على خير سلام

وقفل ورن على رقم غاده مره واتنين وتلاته محدش رد

حس بنفس الانقباض بتعاع باليل وقال ياتري فيه ايه كلام مرفت مطمنيش ودلوقتي  غاده مش عايز ترد خير انا ارن تاني لا كفايا اكيد عندها ظروف يمكن مشغوله بحاجه معرفتش ترد عزرها معاها حبيبتي💓💓💓

اهدي يا نادر خير مفيش حاجه مالك فيك ايه 

تلاقيها مشغوله بجد بلاش أفكارك دي تروح لبعيد طيب ارن تاني مره وخلاص سمع صوت من وراه خلصت يا استاذ عايزين نتكلم زيك بص نادر عليه........ وقال اتفضل ومشي وعقله في غاده فينها وبتعمل ايه معقول نسيت معادي ولا بتعمل ايه..... خير ان شاء الله 

                     ***************

رجع لقى محمود قاعد مكانه 

محمود..... خير ياعم كل ده كلام محنا ماشيين بكره خلي شويه لما نروح

نادر...... محمود اسكت الله يرضى عليك 

محمود...... مالك مكلمتش العصفورة ولا ايه ههههههه. اوعي تكون ردت امها ولاابوها عليك ااااااخ يانهار هههههههه

نادر...... بتضحك حقك ولا ردت امها وال ابوها ولا حتى هيا وكمان كلمت ميرفت بنت عمك وكلامها معجبنيش

محمود..... خير فيه حاجه قولي

نادر..... ولا فهمت حاجه 

محمود..... ياعم خير انتا اللي غاده واخده عقلك مفيش حاجه اطمن انا مروح معاك وكلمت السواق وحجزت لينا انا وانتا بكره بعد صلات العشاء 

نادر....... خير انا هطلع انام عشان مصدع شويه شكلي منمتش امبارح كويس

محمود..... تنام طيب نام ابقى قابلني لو على كده الواحد يعمل حسابه وميحبش احسن روح نام هصحيك على العشا........ نادر...... ماشي 

وطلع ونام على السرير ومسك صوره غاده وقال مالك ياحبيبتي فينك بتعملي ايه نسيتي معادي ولا ايه اللي شغلك عني لسه بتعيطي يا  حبيبتي كلها بكره واجي ليكي وحشتيني ياغاده وضم الصوره على صدره وغمض عنيه وعقله وفكره مع غاده ياااااه

كنت عايز اسمع صوتك واطمنك اني لقيت السكن وهركب بكره فتح عنيه وبص عالصورة فينك يا غاده

                  ****************

في بيت غاده كان الحوار ده شغال بين ابو غاده وامها

ابو غاده...... ايه سالتي بنتك على رأيها الناس مستنيا ارد عليهم شكلهم مستعجلين 

الام........ بنتك بتقول هكمل تعليم معيزاش تجوز دلوقتي

الاب........ تعليم ايه مش دي اخر سنه ده دبلوم تعليم ايه هيا البنت ليها غير بيت جوزها بلا تعليم انتي شكلك مدلعاها ومش عارفه تكلميها قومي اندهي عليها يما اشوف اخرها مالو محسن موظف في الشرطه ومعاه شقه مشطبها لوكس هتلاقي زيه فين

كانت غاده واقفه سامعه كل الكلام اللي بين ابوها وامها ولما امها ندهت ياغاده يا غاده

غاده...... ايوه يا أمي ....... تعالي كلمي ابوكي 

ايوه جايه اهوه نعم يابا 

الاب....... تعالي ياغاده اقعدي جنبي هنا امك قلتلك على العريس الراجل كويس وظروفه تمام

غاده...... يا اب....... انا........ انا

الاب...... انتي ايه مالك اتكلمي قولي

غاده.... انا لسه قاعد لي سنه  في المدرسه ولسه على الجواز بدري

الاب....... بدري ايه اللي اصغر منك اتجوزو ومعاهم عيال 

وتعليم ايه دي سنه نصبرو السنه دي بس هما عايزين يعرفو عايز ارد عليهم

غاده...... والدموع ماليا عنيها ياابويا انا معيزاش اجوز 😥😥😥😥😥😥لسه صغيره انا مليش دعوه بحد 

الاب....... يعني اطلع صغير انا قدام الناس ارد عليهم اقولهم لسه صغيره وضرب كف على كف 

الام...... اهدي يا راجل  شواية بالراحه الكلآم متعرفش تتكلم بصوت هادي

الاب........ متشوفي كلام بنتك عاجبك كلامها الست غاده 

الام.... مالها غاده قالت ايه بالراحه الكلام 

غاده...... انا مهجوزش دلوقتي مليش دعوه بحد 

الاب..... بصوت عالي شايفه كلام بنتك وتقولي اهدي عليا بيمين مقوم لكسر عضمك يابت ال.........  

جريت غاده وهيا بتبكي بصوت عالي واللهي اموت روحي وما اخده 

قريب من المكان كآنت ميرفت سامعه الصوت وميزت شويه من الكلام ورجعت للبيت وهيا محتاره استر ياااااااارب الموضوع شكله اتلخبط 

                       ****************

محمود...... اصحى ياعم نادر قوم عشان تاكل كفايا نوم

نادر....... صاحي اهوه الساعه كام 

محمود...... الساعة تسعة امال هتنام ازاي باليل قوم قوم

نادر....... هوه انا نمت كنت سبتني للصبح انا ما صدقت

محمود...... يا عم كل وتعالي نقعد عالقهوة شويه وتعالي نام للصبح...... نادر...... ماشي

بعد الأكل خرجو سهرو عالقهوة لحد ما قال نادر يالا بينا عشان هقوم بدري اروح الكليه اسأل 

محمود...... تمام يالا 

راح نادر في الصبح الكليه ولقى محمد قاعد وقله ايه اتاخرت ليه نادر المواصلات

محمد....... تعاله نقعد عالكفتريا شويه لحد ما يفتح مكتب الاستعلامات نشرب حاجه انا اعرف واحد جوة من يجي هيخلص كل حاجه انا خليت بابا كلمه امبارح وعلى فكره زعل قوي لما عرف انك هنا  وقال ليه مجبتوش معاك سمعت الكلام عشانك يفتكر السبب مني ميعرفش انك السبب وحلفت ليه وبرضو ما صدق وليه ماجيت نمت عندنا امبارح

نادر..... وربنا ابوك راجل جدع وحقك عليا يا سيدي عشان الكلمتين دول قوم يالا نشوف الراجل 

محمد...... نفسي اعرف انتا مستعجل على ايه مش عاجبني ابدا من امبارح اقطع دراعي لو مكان فيه حاجه 

نادر....... مفيش ياعم انجز

قابلو الراجل ورحب وقال لمحمد اخبار شوقي باشا ايه واحشنا واللهي سلملي عليه على فكره الورق يدوب واصل ثواني ابص واقولك انتا والأستاذ...... 

رده محمد... نادر 

تمام ثواني....... بعد شويه تمام يا استاذ محمد هتنور انتا وصاحبك في الكليه عندنا ان شاء الله بعد اسبوع تبداء الدراسه بالتوفيق وسلملي على السيد الوالد

خرج نادر ومحمد من الكليه محمد....هتيجي معايا ولا ايه نتغدى وامشي كفايا اللي سمعته من بابا امبارح

نادر....... لا انا هتمشي شويه لوحدي روح انتا اهو بعد اسبوع هتقعد في وشي على طول مش هتخلص مني انا همشي باليل واعتزر ليا من عمي شوقي لحد ما ارجع وابقى اقابله واشرحله سلمو على بعض دماغكم غريبه توصل بالسلامه وسلامي لعمي ومرات عمي واخواتك البنات خلي بالك من نفسك 

جه الليل وعقل نادر في  البلد وفي غاده 

وكل شويه يسأل محمود العربيه هتيجي امتا

محمود...... يا عم سألت ميت مره قربت اهي انتا مش عايز عربيه انتا عايز طياره الصبر ياااااااارب 

نادر..... طياره ياااريت تبقى عين العدل فينها بس

محمود..... تمام يا كبير نوصي على وحده حالا 

كل ده ونادر مش عارف اللي حاصل في البلد والمفاجئه اللي في انتظاره 

وغادة اللي هتروح منه وحبه اللي محكوم عليه بالاعدام

      

                       الفصل الخامس من هنا 

لقراة باقي الفصول من هنا



تعليقات



حجم الخط
+
16
-
تباعد السطور
+
2
-