ادم وشمس الجزء الخامس والأخير
خلصت شمس كلام مع امها او بالمعنى الاصح هربت من قدام امها عشان تسكت وتبطل كلام
الام.... خليكي كده كل ما اجيب سيره ادم تسبيني وتمشي تقولشي عدوتك مش امك
دخلت شمس غرفتها ودموعها مغرقه وشها وبصت على روحها في المرايه ولاحظت وشها اللي دبل وقالت كده برضو يا ادم هانت عليك شمس قدرت تبعد كل ده الاسبوع يجيب شهر مش عارفه هستحمل بعدك وغيابك اللي مش عارفه تفسير ليه ولا هستحمل كلام امي كل يوم ورفعت وشها للسماء وقالت ياااااااارب ريح قلبي وطمني عليه ياااااااارب يكون كلام امي مش في محله وانه راح ونسيني وشاف دنيته بعيد عني بعيد عن قلب شمس وبتنهيده كلها شوق قالت
هانت عليك شمس الشموس يا ادم
**************
وفي فرع الشركه اللي في اسكندريه وصل ادم لمقر الشركه واستلم شغله هناك وفعلا لقى كلام أدهم مظبوط والكل في انتظاره ومن غير ما يضيع وقت بعد ماعرف مكتبه واتعرف على الموظفين بسرعه وعرف المساعد بتاعه اللي قدم نفسه باسم همام شخص عدي سن الأربعين لابس نضاره نظر باين عليه علامات الارتباك اهلا بيك يا استاذ ادم نورت فرع شركتنا ونورت اسكندريه كلها... ادم ... اهلا بيك انتا يا استاذ همام ممكن بعد اذنك اشوف حاجه من الحسابات اللي عليها مشاكل وافهم ايه الحكايه وسامحني هاخرك النهارده عن المرواح شويه انا اسف استحملني شويه لحد ما اعرف المشكله فين
همام..... ولا يهمك يا استاذ أدام أدهم بيه موصي عليك جامد واحنا كلنا هنا تحت امرك
ادم.... تمام روح هاتلى الحسابات ونبه على موظفين الحسابات اللي معانا انه هيكون فيه اجتماع الصبح كفايا انتا معايا النهارده وبكره في الاجتماع نتقابل وندرس الموضوع مع بعض
خرج همام ورجع بعد شويه حامل كوم أوراق وقال اتفضل حضرتك
ادم... ايه ده كله كل دي أوراق هوه الفرع ضايع كده
وقال في نفسه شكلها مش هترسي على اسبوع بس
وفضل سهران يراجع في الأوراق لوقت متأخر ولاحظ على همام التعب وقله التركيز
ادم.... طيب كفايا كده انا اخدت فكره وبكره الصبح في اجتماع موظفين الحسابات نشوف الباقي ونقسم المشاكل ونشوف الحلول مع بعض
*****************
وفي الصباح الباكر جه ادم لفرع الشركه واستقبله الاستاذ همام على باب المكتب وقال لادم حمدالله على السلامه يا استاذ ادم على الله يكون الفندق اللي اخترناه لحضرتك عجبك
ادم.... اه تمام كلمت الموظفين جاهزين ولا لسه
همام... على معادنا حضرتك كلهم في انتظارك
ادم... تمام يالا بينا وراحو هما الاتنين ودخلو غرفه الاجتماعات ولقى فعلا كل الموظفين في انتظاره رحب الموظفين بيه واتعرف عليهم
ادم.... نتكلم في الشغل وطلع ورقه كانت معاه وقال اولا احنا عندنا كذا مشكله ونحاول نمسك اول تلات مشكلات مستعجلين وأولهم مشكله الضرايب...........
وفضل الاجتماع لاكتر من أربع ساعات
وطلب همام من ادم انهم يوقفو لحد كده عشان معاد الغداء وراحت الموظفين
وبص ادم في ساعته يا خبر اسف جدا مخدتش بالي
الموظفين ولا يهمك احنا كلنا معاك ويهمنا نخلص كل المشاكل دي بسرعه
ادم.... في نفسه اه لو تعرفو انا ورايا ايه وسرح في شمس ويا ترى بتقول عليه ايه وقطع أفكاره صوت الاستاذ همام... يا ترى الاستاذ ادم هتتغدي فين هتروح الفندق ولا اي مطعم
ادم... هوه مفيش اكل ديلفري انا عايز اتغدا هنا واكمل دراسه في الأوراق دي
همام... ممكن اقول كلمه بعد احترامي ليك
ادم... قوي قوي اتفضل انتا زي اخويا الكبير ويهمني اسمع نصيحتك
همام... الدنيا مش هطير يا استاذ ادم ولازم تريح الفرع هيقفل وكل الموظفين هتمشي ويرجعو في الفتره المسائيه وانتا كمان لازم ترتاح انتا امبارح وصلت امتا وسهرنا لحد الساعه كام انا مقدر حماس الشباب اللي فيك وكمان المسؤليه اللي عليك بس لازم ترتاح عشان تقدر تقاوم الورق اللي قدامك ده وكل المشاكل دي مش هتتحل في يوم
ادم.... كلامك صحيح بس لو تعرف انا سايب ورايا ايه
همام... مهما كان اللي سايبه وراك دي نصيحه زي ما قولت من اخوك الكبير انا يسعدني تقبل عزومتي على الغداء وكمان نتكلم مع بعض احسن من قعده الفندق
ادم... ده شرف ليا بس مش عايز اتقل عليك
همام... ياخبر تتقل عليا متنساش انك ضيفنا هنا والضيف ليه واجبه وياريت تخلينا نقوم بالواجب
وخرجو هما الاتنين وعدت الايام اسبوع جاب اسبوع وآدم على نار لحد ماجه تالت اسبوع وكان أدهم على تواصل دايم بادم وبيعرف التفاصيل اول بأول
وآدم بيطمنه على كل التطورات اللي بتحصل
وادهم سعيد بكل ده وفي مكالمه قال لادم انا اخر الاسبوع هكون عندك انا وهند حتى تتعرف عليها انا كلمتها عنك ونفسها تشوفك من كتر ما بجيب سيرتك
أنا مكنتش متوقع كل اللي عملته ده وفعلا ثقتي كانت في محلها
ادم.... تشرف ويارب اكون عند حسن ظنك
أدهم.... نتقابل اخر الاسبوع
***************
وفي آخر الأسبوع وصل أدهم بيه ومعاه بنته هند وتقابلو مع ادم واخد أدهم ادم بالحضن اهلا بالبطل بتاعنا احسن مدير حسابات في الدنيا واحب افرحك انك بقيت مدير حسابات كل فروع الشركه وده اقل واجب اقدر أقدمه ليك على مجهودك ده
هند.... بصراحه يا بابا على كلامك عن اللي عمله ادم يستاهل اكتر من كده
أدهم... اكيد يستاهل بس يااارب يوافق على اللي في دماغي..... هند... وايه بقا يا سي بابا اللي في دماغك
أدهم... اكيد هتعرفي بس لما اعرف رائ ادم الاول
هند... يعني هوه سر عليا انا الله يسهلك يا ادم اكلت عقل المدير بابا مش بيرتاح لحد كده بسرعه مش عارفه عملت معاه ايه انتا
ادم... وربنا يا انسه هند كل خير
وبصت هند على ابوها وضحكو بصوت عالي
ادم... خير انا قولت حاجه تضحك
هند... اه انسه دي متخليها هند كده على طول احسن
أدهم... اه هند حلوه وكمان عمي احسن من أدهم بيه دي اظن اننا اتفقنا عليها قبل كدة وبعدين شوفو انتو الاتنين هنعشاء ايه انا ميت من الجوع
هند... بعد الشر عليك يا سي بابا نشوف ادم هياكل ايه
ادم.... اللي تامرؤ بيه اي مكان يعحبكم
أدهم... اه هنبدأ نتعازم ادم وهند وااقع انا من الجوع مفيش فايده يالا بينا كده كده انا اللي عازم وكمان انا اللي هدفع
وضحكو هما التلاته مع بعض
ووصلو لمطعم شيك قوي وبعد ما تعشو واخدو سهرتهم راحو كلهم على الفندق
أدهم.... تعرف يا ادم احنا عندنا شقه هنا بس فضلت نقعد معاك في الفندق وبص على هند هنوصلك وهخرج اتمشي انا وآدم شويه عايز اكلمه في موضوع
هند.... اه السر اياه تمام انا فعلا تعبانه وعايزه انام
************
ووصلو الفندق ونزلت هند وكمل أدهم لحد ما وصلو لمكان هادي وبعد ما قعدو
ادم.... خيريا عمي ايه اللي شاغل بالك وايه يا ترى الموضوع المهم اللي عايز تقوله ليا
أدهم.... خير بإذن الله بس قبل ما اتكلم وتعرف انا هقولك ايه انتا مش مجبر على حاجه من الكلام اللي هقوله.وليك مطلق الحريه انك تختار
ادم.... شغلتني بجد يا عمي خير فيه ايه
أدهم... كل خير انتا عارف اني مليش في الدنيا غير هند والمثل بيقول اخطب لبنتك ولا تخطبش لابنك وانا مش هلاقي حد مناسب لهند اكتر منك يا ادم
ادم.... بارتباك مش فاهم بجد
أدهم.... بصراحه انا عايزك تجوز هند بنتي انتا اكتر واحد ممكن ائامنه على مستقبل هند بنتي والشركه من بعدي
يعني بنتي وكل ثروتي ليك يا ادم
ادم.... ده شرف كبير ليا انا لوله فضل ربنا ومساعدتك ليا مكنتش هوصل للي انا فيه بالسرعه دي
أدهم... انتا قدمت مجهود تتحسد عليه انتا عملت المستحيل خرجت فرع كان ضايع عندي وكان ممكن انا نفسي اتسجن تاني بسبب المشاكل دي وكله بفضلك ومجهودك مفيش حد ينكر اللي انتا عملته
ادم... انا معملتش غير الواجب وثقتك دي على راسي من فوق بس انا بصراحه مرتبط مع واحده بعهد وربنا وحده اللي عالم هيا عامله ايه وبتقول عليا ايه دلوقتي انا فعلا بعد الدقايق والثواني عشان ارجع ليها كنت فاكر نفسي هقعد اسبوع شوف عده عليا اكتر من خمس اسابيع هنا من غير ما يوصلها مني خبر وانا مقدرش اتخلى عنها وهند زي اختي ويا ريت ماتزعل مني يا أدهم بيه
أدهم.... رجعنا تاني لادهم بيه راحت فين عمي انا طلبي ده سواء قبلت ولا رفضت مش هيغير ثقتي فيك كفايا توعدني انك تخلي بالك من هند لو مش هتبقى مراتك تبقى زي اختك
ادم... طبعا يا عمي هند اختي وفي عنيا كمان
أدهم..... شوف نسيتني هديت جوازك
ادم.... هديه هوه فيه اكتر من كده هدايا
أدهم.... طبعا وخرج مفتاحين من جيبه وقال لادم اتفضل
ادم.... ايه ده مفتايح ايه دي
أدهم.... انا وعدتك ان هيجي يوم وارد لك الجميل دي مفاتيح الشقه والعربيه بتوعك
ادم... شقه وعربيه وجميل ايه ده انتي زي ابويا وبعدين انتا اللي عملته مش قليل واحد وثق في شاب لسه متخرج جديد ومسكه شركه بالحجم ده ده في حد زاته مش شيئ هين لزمتها ايه بقا الشقه والعربيه
أدهم.... اولا مشوار الشركه انتا اثبت وجودك فيه والكل بيشهد بكده ثانيا الشقه والعربيه دول هديه جوازك هوه انا مش في مقام المرحوم ابوك ولا ايه
ادم.... انتا فعلا اب وعم حنين قوي ولو حد من دمي مش هيعمل اللي عملته ده ونزلت دموعه واخد أدهم بالحضن وقال متشكر قوي يا عمي
أدهم... انتي فعلا ابني اللي مخلفتوش وربنا عوضني بيك وخلاص بقا دموعي هتنزل انا كمان قولي هنروح للعروسه امتا مش دي اللي جاتلك في القسم ولا مش عايزني معاك
ادم.... يا خبر حد يروح يخطب من غير ابوه انا اتشرف بيك يا اد.... ياعمي
أدهم.... تمام نستعجل بقا شوف حد من الموظفين اللي هنا عشان يمسك مكانك لأنك هتبقى في الفرع الرئيسي للشركه وهتشرف على الكل من هناك
ادم... اكيد الاستاذ همام ده راجل محترم ووقف معايا لحظه بلحظه من ساعت ما وصلت
أدهم.... تمام الصبح تكلفه بالموضوع ده ونمشي ولما نوصل تستلم العربيه وتشوف الشقه
ادم.... اكيد وهطير على امي واخدها ونروح لشمس
**************
نزلو كلهم القاهره واستلم ادم العربيه وراح على بلدهم وفرحت امه قوي بكل الاخبار اللي قالها ادم ليها وطلب ادم منها تتجهز حالها عشان يروحو لشمس
ادم..... مش عارف يا أمي شمس هتقول عليا ايه دلوقتي الاسبوع جاب اكتر من شهر مش عارف هوريها وشي ازاي.
الام.... بعد ما تشوف اللي انتا بقيت فيه هتفرح قوي وتقدر غيابك عنها راجع ليها مدير شركه قد الدنيا وكمان شقه وعربيه شوفت كلام امك وكمان دعواتي ليك
ادم.... هوه ربنا ساترها معايا غير بدعواتك يالا بقى قبل الليل ما يهل علينا عايزين نوصل قبل المغرب
الام... مستعجل قوي يا ولدي مش هطير شمس
ادم.... وحشتني قوي يا أمي
الام.... ربنا يتمم فرحتك يا ولدي ويملي حياتك كلها فرح
**************
ونروح لشمس اللي حالها بقى حال وكل كلام امها اللي شكله في محله فات الشهر وبعد الشهر ولا حس ولا خبر وحبست نفسها في اوضتها مش عايزه تخرج منها
وفي قلب الحاره كانت عيون الناس بتبص على العربيه الفخمه اللي دخلت الحاره ووقفت قدام مطعم الحاج حسن ونزل منها شاب وسيم لابس بدله شيك وجنب منه ست كبيره لابسه لبس فلاحي ومن ((((الصدفه)))))
كان قاعد حسن والحاج احمد صاحب العماره اللي كان ساكن عنده ادم ودخل عليهم ادم ورمى السلام
في الأول معرفوش مين وقال ادم جرى ايه يا عم حسن انتا وعمي احمد نسيتوني ولا ايه انا ادم جرى ايه يا عم حسن..... حسن ما شاء الله عليك يا ادم البدله والعربيه انتا فين الغيبه دي كلها معقوله هونا عليك
ادم.... هحكيلكم كل حاجه بس في الأول انا معايا امي حبيت اعرفكم عليها ونروح لبيت عم شوقي وبعدين ارجع اقعد معاكم...
وسلمو على ام آدم.. واستأذن منهم عشان يطلع لبيت شمس..... وطلعو وضرب ادم الجرس مرتين
لحد... ما فتحت نوره الباب ولقيت واحد لابسه بدله ويقولها ازيك يا نوره انا ادم نسيتيني انتي كمان
نوره... ادم جه يا ماما ياشمس وسابتهم واقفين على الباب وجريت لجوه وبصت الام على ادم وابتسمت
نوره فتحت الباب على شمس شمس... شمس.. ادم جه
شمس... ادم فين فين... وجريت على بره تشوف ادم
اللي لسه واقف على الباب وسكتت وعنيها كلها دموع
ادم... ايه مفيش اتفضلو كل مره تعيطي انا جبت امي وجيت.. اهوه
شمس...كل ده غياب معقوله هانت عليك شمس الشموس اكتر من شهر ونص ولا تطمني عليك وبصت على ام آدم وقالت اتفضلي ياماما اسفه جدا
ودخلو وجه شوقي وأم شمس واجتمعو كلهم في الصاله وحكي ادم كل اللي حصل معاه من ساعت ما مشي من الحاره وفرحو كلهم وطلب ادم من أبو شمس عشان يحددوا معاد عشان يجيب أدهم وهند ويعملو الشبكه وكمان معاد الفرح وقال لشوقي بص ياعمي الشقه جاهزه من كل شيء انا عايز شمس زي ماهيا كده احنا اتاخرنا كتير
وقعد مع شمس شويه وطلب منها تسامحه على تأخيره عليها والظروف اللي كان فيها وكمان الفرصه اللي جات ليه ونصيحت امه وانه عمل كل ده عشانها وطلب منها تمسح دموعها ويشوف ابتسامتها الحلوه خلاص بقا انا جيت ومش هنفترق تاني ابدا يا حبيبتي
شمس... انتا مش عارف انا حصلي ايه في غيابك والكلام اللي سمعته من ماما وغيابك اللي مش عارفه ليه تفسير
ادم.... خلاص بقا قولتلك مفيش غياب تاني عايزين نحدد الفرح بسرعه مش قادر على بعدك تاني خلاص
شمس..... خلاص ياحبيبي مسمحاك انا ليا غيرك انا بحمد ربنا على ((((الصدفه)))) اللي جمعتني بيك
وفعلا جه أدهم واجتمعو كلهم وتم الفرح وعاش ادم وشمس في تبات ونبات
النهاية