قصة زواج استثنائي - الجزء الرابع -
وصلت لبيتنا جانت السيارات تارسة الفرع الله يستر دخلت لاكاني أخوية حسين
- لك أنت شمصخم
- حسين تدري بية احترمك لتخليني اطلع من طوري
- لا بال...
ماكمل أخوية و طلع اخوية من ابوية كرار شافني وطب يركض اخوية حسين
كال
- هاي هية
صرت اسمع اصياح ابوية وصوتة علة دخلت للإستقبال وجان متروس رجاجيل من بينهم ملازم أول كاضم بس شافني اجة علية يغلط ويسب و اتضاربنا اني ويا صاروا الرجاجيل بينة وفكونة كلشي وكف كلها سكتت على ضربة أبوية الية هاي اوف مرة يضربني ضربني راجدي نهاني سكتني نساني كلشي
اجة أخوية حسين سحبني من ايدة و كام يهدي بالناس خلاهم يكعدون إلي عرفتة انو هذولة أهل البنية أبوها حامي و يريد يشتكي علية واعمامها يريدون يحلوها بينا إحترام ﻷبوية إلي بعد ما كمل كل واحد كلامة
- شوفوا خالي إبني غلط و غلطتة جبيرة وهاي آني أبوه متبري منة ليوم الدين و ركبته الكم شتردون اتسوون سو
عمها الجبير كال
- انتة ياشيخ ابن أصول واحنة نعرفك كلش زين ولهذا اجينة لهنا حتى نلكة حل بدون فضايح و مشاكل
اهنا انفتحت الباب ودخلت بيبي سلمت عليهم وةابوية كام و سوالها مجال و همات احترموها و كعدوا يسمعون منها
- احنا وجهنا اسود منكم ومن عملة ابننا و حك داحي الباب هاي عملتة السودة ما اقبلها لعدويني بس يا جماعة كولة "أبو زيد عمها الجبير " هية الصدك احنا ما نريد فضايح فآني عندي حل الولد نزوجهم ونلم السالفة وبتكم نحطها على راسنا ونطيح صبغها اليدنالها و بعدها يطلكون إذا ما رادوا
يكملون
طبعا أبوها صار يعيط ويصيح وكال
- اني انطي بتي للمغتصبها ولكم اششايفني رجال جاهل من البدو ولكم إني أستاذ جامعي و بنتي دارسة و متعلمة انطيها لهذا المهتلف
طبعا اني احتركت روحي بس اخوية كان لازم أيدي منعني اتحرك وكان كل شوية يهمسلي انتة لتحجي و تعقدها
انوب أبوها كال
-إذا على الستر فإبن عمتها كاضم يحبها وشاريها انزوجهم و يستر عليها بس ابد ما أتنازل عن الشكوة
عمها الجبير التفت لملازم اول كاضم و كلة
-ابني صدك هالحجي
-لا خالي آني ماخذ وحدة شايفها غيري
ابوها ضل صافن و كلة
-ليش كاضم من مات ابوك كبرتك وربيتك مثل ويلادي و شفتك تحجي وياها وما حجيت ﻷن كلت ابن عمتها وهي عرضة وشرفة تاليتك تضربني بضهري
بصراحة انقهرت اني صدك دمرتها يعني الي تحبة اتخلة عنها بسببي ابوها دنك راسة وبعدين رفعة وباوعلي عيونة حمر وادموعة تجري كلي
-ليش هيج تاليتي اتوسل بالزعاطيط تستر على عرضي ولك جانت ضحكة البيت شمعته ونستنا ولك جمارة كلبي هاية اخذت منها كلشي حلو بحياتها الله لايوفقك ولا يهنيك مثل ماسلبت البسمة من وجه بنتي
كلامة خلاني احس نفسي وحش وظالم يعني اني من زمان اسهر وية البنات و دائما جدد بس ليش ادافع لنفسي هية كلتلي خطفوني و ما سمعتلها يعني لوكانت اختي بمكانها بديت اراجع نغسي يمكن الله ديعاقبني على هالوصاخة الي امارسها همة يحجون واني مو يمهم انوب طلعوا واني ضليت كاعظ ابوية غلط علية واعمامي اجوي وضلوا يصيحون دخلت غرفتي وسديت الباب علية
طبعا الانسان وصفة رب العالمين وصف دقيق بالقرآن الكريم
(إذا مسه الشر فإنه ذو دعاء عريض)
رحت اتوضيت وكعدت على السجادة ردت اتذكر من يمتة اني ما مصلي اوه من زمان من زمان كمت ابجي وﻷول مرة منكسر ذليل حقير من صدك الساعة 12 بالليل اندكت الباب وانوب انفتحت دخلت اختي (فاطمة) و اخوية (حسين)جابوا اكل وبالكوة اكلت لكمتين حطيت راسي على رجلها وهي تمسح على شعري دخل زوجها (سامر) ابن عمي معين هو كلش حباب ويحبها ﻷختي اتذكر مرة رحت لبيت عمي حتى اتغدة سمعت صوتة يصيح عليها صعدتلة واتعاركت وياه وحتر ضربتة بس هو ابد ماكبر المشكلة لا واعتذر مني ومن اختي
كللها يالا فطومة باوعتلة وانوب اندارت علية وقبل لتحجي كللها
-اوك باتي الليلة اهنا يالا اودعناكم