الحب في سطور
رواية الحب فى سطور
الجزء السادس
بقلم حنان درويش
وقفنا لما رامز سأل كريم اللي حصل وأيه اللي عمل في العربية كدا فكريم قاله
كريم: إمبارح باليل وأنا وعماد كنا بنتمشي بالعربية وفي عربية خبطتنا من ورا ولما وقفت على جنب ونزلت أشوف مين ،كانت العربية التانية مشيت
رامز :مش مشكلة المهم أن إنت بخير ،فداك ألف عربية
كريم:ربنا يخليك ليا ياعمي ،والعموم أنا قررت أنزل أشتري عربية وكمان عماد عايز يشتري واحدة زي
رامز:تمام ،أعمل اللي انتي عايزه يا حبيبي
نزل رامز من عند كريم وراح علي الجامعة علي طول
أما كريم فأتصل بعماد وقرروا ينزلوا يشتروا العربية بالليل
عند سارة في البيت
سارة كلمت رنا وقالتلها تجهز نفسها عشان الجامعة ، فرنا قالت لها:يخرب بيت دماغك يا سارة يا بنتي أرحمي نفسك في واحدة خطوبتها بكرة وعايزة تروح الجامعة مش المفروض تشوفي الحاجات اللي ناقصاكي ،وكمان تشوفي ترتيبات الخطوبة في البيت أيه 🤔🤔🤔🤔
سارة :يابنتي ماكل حاجة مترتبة،وكمان ما أنتي عارفة أني مبحبش قعدة البيت دي 😏😏😏
رنا : طيب يا فقرية ربع ساعة وأجهز 😏😏😏
بعد فترة راحت سارة ورنا الجامعة ودخلوا قاعة المحاضرات وقعدوا في أول المدرج
شوية وجه الدكتور المحاضر
د/كريم : السلام عليكم ،النهاردة المحاضرة عن ،،،،،،
بعد ساعتين انتهت المحاضرة خرج الطلاب من المدرج نادي كريم علي سارة وراح يتكلم معاها وسألها
كريم: عاملة ايه يا آنسة سارة دلوقتي
سارة :الحمد لله
كريم:طيب فهمتي المحاضرة كويس
سارة:أيوة فهمتها كويس
كريم: طيب تمام ،لوحبيتي تسألي عن حاجة في المنهج أنا موجود
سارة:متشكرة ،عن إذنك رنا صاحبتي مستنياني
كريم:أتفضلي
طلعت سارة من القاعة هي ورنا وراحوا الكافتيريا يشربوا حاجة لحد المحاضرة الجاية
في الليل
راح كريم وعماد لمعرض عربيات وأشتري كريم عربية لونها احمر وعماد عربية لونها اسود
في اليوم التالي
يوم خطوبة سارة ورامز
كانت سارة متفقة مع رنا تجيلها البيت بدري شوية عشان تساعدها في اللبس وكمان سارة كانت متفقة مع خبيرة تجميل عشان تجهزها للخطوبة
في حفلة الخطوبة
كانت سارة لابسة الفستان التلجي اللي كانت جيباه و كانت لابسه طرحة مناسبة ليه وكمان ميكاجها كان بسيط فكانت طالعة زي القمر ،وكمان رنا كانت لابسة فستان موڤ غامق وكانت قمر هي التانية 😍😍😍
جه رامز. هو وكريم ومعاهم عماد واخته عاليا
رامز لبس هنا دبلة الخطوبة ومعاه خاتم ،وهي لبسته الدبلة كمان وسط أغنية يا دبلة الخطوبة
رنا كانت عايزة تشغل أغاني مهرجانات بس سارة و قالت لها أنه لو عملتها هتخلص عليها
أما عماد مكنش مصدق عنييه لما شاف رنا وشاف جمالها وقال لنفسه :معقول البت رنا ام لسان طويل تكون مزة كدة ،شكلنا هنطب يا واد ياعماد 🤔🤔🤔
وكريم لاحظ نظرات عماد لرنا فراح لكزه فى دراعه
عماد:أي ، في أيه يا أخي بتضربني ليه 🤨🤨🤨
كريم:يخرب بيتك ،مش شايف نفسك عمال تبص للبت إزاي وهتأكولها بعنيك 😏😏
عماد:أعمل أيه يعني ما البت حلوة النهاردة بزيادة 😍😍😍
كريم:طيب يكش الحلوة تيجي تديك كلمتين حلوين زيها 😂😂😂
عماد بنبرة ضاحكة وأنا مستنيها تيجي 😂😂😂
كريم :طب تعالي نسلم علي عمي وخطيبته
عماد:تعال يالا
وراحوا الأتنين يسلموا علي رامز وسارة ويباركوا ليهم
وعماد كان مركز مع رنا وعمال بيصلها وهي لاحظت كدا فقالت لنفسها :ماله ده بيبصلي كدا ليه 😏😏😏
وكريم شاف كدا فسحب عماد من إيده وخده لبعيد وقاله :ما لو عجباك كدا قوي روح أخطبها 😏😏
عماد:اخطبها والله فكرة🤔🤔🤔
وساب كريم وراح يدور علي عاليا أخته
أما كريم ففضل يتعجب من عماد وحاله ،أزاي كان من فتره كان مش طايقها ودلوقتي مش قادر ينزل عينيه من عليها
راح عماد لأخته عاليا وفاتحها بالموضوع وقالها أنه هيشوف رأي رنا وبعدين يروحوا يطلبوها من أهلها
ساب عماد أخته وفضل يدور علي رنا وليقها رائحة علي الجنينة فمشي وراها وحاول يكلمها ،فرنا لما شافته قالت :جرا أيه يا أستاذ أنت ماشي ليه ورايا وعايز مني أيه ،بني آدم معندوش ذوق نهائي 😏😏😏:
عماد:أيه لوك لوك علي طول كدا ،اهو أنا هستعجل حمايا عشان أعرف اقصلك لسانك ده براحتي 😊😊😊
رنا:حماك مين ،ولسان مين 🙄🙄شكلك شارب حاجة وجاي تطلعهم عليا ،وسابته ومشيت
أما عماد فقال :بكرة تعرف يا قمر
تاني يوم
سال عماد عن عيلة رنا وعرف عنوان بيتها وقال لكريم أنه خلاص قرر يخطبها وعايز كريم يجي معاه ،وكريم مكنش مصدق عمايله عماد وجنانه 🤨🤨☹️
في الليل
في بيت رنا
رنا سمعت الباب بيخبط فراحت تفتح الباب فلقيت اللي بيخبط هو،،،،،