قصة #عيون_القطط
#الجزء_الاول
انا عارف انه نسبه كبيره مش هتصدق كلامي او بمعني الصح انه بتوع الارياف بس اللي هما ممكن يصدقو وبالاخص الكبار في السن بس انا لازم احكي لازم .
انا اسمي مروان عندي ٢١ سنة كليه الطب البيطري جامعه القاهره
و الحمد الله حياتنا كويسه ابويا و امي عايشين و نحن ساكنين في احد الارياف بس الكليه بتاعتي زي ما
قلتلكم في القاهره فبروح الكليه ١٥ يوم مثلا او شهر في القاهره و برجع البلد يومين و اروح تاني الكليه فبحكم
دراستي بقيت ضيف في البلد يعني شهر في القاهره و باخد اجازه يومين دي
خلاني انسي جو البلد شويه و اللي زودها اني انا مش من الناس الخلطيه
جامد مع اهل البلد . و برغم من اني هكون دكتور بيطري قريبا الا ان
بخاف جدا من القطط و مش بطيق اشوفها و لو عدت من قدامي بصدفه ممكن
اموت فيها او اموت القطه و الموضوع دي من صغري بسبب موقف
حصل معايا كنت نايم وحدي في الاوضه و ابويا و امي راحو فجاءه عند بيت جدي علشان تعب و اتاخرو
فالنور قطع علي فصحيت من الحر علشان المروحه فصلت قمت لقيت النور قاطع
فضلت انادم علي ابويا او امي مفيش حد بيرد . بصراحه كنت مرعوب جبت الكشاف وقلت اقوم دورت
عليهم في البيت بس ملقيتهمش قلت انزل اشوفهم في اي حته تحت ونازل علي السلم لقيت قط اسود شكله
مرعب و بيبصلي بصه كانه بيبتسم والله بيبتسم زينا و فجاءه جره علي
وقع مني الكشتف في جريته علي دي وانا صغير عندي ٧ سنين رعبتني و من يومها
و انا عندي فوبيا من القطط و ممكن اقطع و اموت اي قطه اشوفها قدامي
و دي تسببلي مشاكل في الكليه كتير بما ان نحن في كليه طب بيطري فالحاجه دي طبيعيه في ناس
هتقلي ليه دخلت الكليه دي بالاخص ابويا اللي غصب علي ادخلها علشان
امسك المزارع اللي فتحينها ابويا فاتح اكبر مزارع في الصعيد فدخلتها غصب عني . و اهو فاضل سنتين و اتخرج
منها . خلصت امتحانات الترم الاول و راجع البلد . بسب ان حضرنا الشنط و كانو كتير و كنت مستني صديقي امتحاناته
مسائيه معايا من نفس البلد بس هو في اليوم و نفس دفعتي بس انا دخلت بيطري و هو علوم حجزنا تذكرتين قطر ووصلنا علي 12 بليل
كان الطريق ممل جدا دخلنا البلد كانت البلد هس هس كلها نايمه خالص كنا ماشسن انا و صاحبي و بنتكلم عن الدراسه
و الامتحانات و بنرغي
فجاءه لقينا قطتين بيجرو علينا و قطعو علينا الطريق و كانهم مش عاوزينا نعدي انا اترعبت بمعني الكلمه
انا مش بحبهم دي الحمد الله اني صديقي معايا لو كنت وحدي كنت ممكن يغمي علي او اموت فيها لقتني بقول في رعب
_بس بس هش امشي من هنا غورو مشيهم يا حسني حسني مشيهم
حسيت اني كانو فاهمين كلامي و بيبصو علي و اول ما قلت مشيهم يا حسني جرو عليه و راح حسني و فضل يمشيهم مش
عاوزين يمشي انا بصراحه خفت فضلت اجري و حسني يجري و فضلو
القطط يجرو ورانا لحد ما اتخفقت منهم قمت مسكت شويه قولب (الظلط) من الشارع
و حسني شكله فهمني فمسك شويه قوالب هو كمان و رمينا القوالب عليهم بحس يمشو او يتعور علشان يمشو فضلنا نرمي القوالب
و هما وقفين لحد ما جه عليهم قالب و لقيتهم وقعو هما و الاتنين قلت لصاحبي و انا مرعوب
_شكلهم ماتو روح روح شوفهم
=سيبهم يلا بينا
_حرام ياخي روح شوفهم
فعلا راح حسني لقيهم ماتو
=ماتو يا مروان ماتو
بصراحه انا دمعت و حسيت بالزنب جدا دي روح كمان اخدهم صاحبي و رماهم في صندوق الزباله بتاعت الشارع . روحت
و انا حاسس بالزنب جدا من اللي عمنا ايوه انا موتهمش وحدي حسني موتهم معايا روحت دخلت الاوضه بتاعتي من غير ما اقول لاهلي اصلا اني جيت
و غيرت هدومي و اخدت
دش و نمت علي طول و حلمت بابشع حلم حلمت بكل اللي حصل بس القطط كانو مش بينونو و كانهم بشر زينا كانو بيطلعو اصوات
اطفال و بيبكو و يضحكو و اول ما موتهم حسيت اني انا في مكان ضلمه و في اطفال كتير اطفال كتير قوي شكلهم مرعب تخيل تشوف الكائن الطفولي
البرئ بالمنظر المرعب دي و تخاف منه كانو بيلعو و كانهم حسو اني في المكان بصو علي بصه رعب و فضلو يجرو علي لغايه ما قربو مني و قالو مش
هسيبك ازاي اطفال في السنه دي بيتكلمو بالطريقه دي و بصولي بصه جلتني
اتخنق كانهم بيخنقو في و بحاول افلت منهم مش قادر و اصرخ اصرخ لحد ما لقيت امي جات
=مروان مروان اصحي يبني في اي
صحيت مش مصدق نفسي الحمد الله كابوث
_ كابوث كابوث يمي
جريت امي جابت ميه شربت و اخدت نفسي
=ليه يبني مصحتنيش احضرلك اكل اول ما جيت امبارح انا دخلت عليك الاوضه لقيتك نايم استحرمت اصحيك
_مكنتش جعان يمه عامله اي و عامل اي ابويا هو فين صح
=في الواجب يبني
_واجب ! واجب مين؟! مين مات ؟
=اولاد ابو علي
_ابو علي !
=لا لا عياله ما ام علي خلفت من شهرين توام صحيت انهارده الصبح لقيتهم ميتين ربنا يبعد عنا
حزنت جدا و زعت من ابويا ازاي ميخدنيش معه ربنا يصبر اهلي دول شهرين عيوني دمعت .
_ماتو ازاي يمه
=معرفش يبني والله يجي ابوك و قله بس بيقولو انه هما صحيو لقيهم مضروبين في راسهم مين اللي معندهمش رحمه اللي
يموت عياله بس دي متحصلش غير من مرات عصمت مره شلق و تعملها متغايظه علشان معندهاش اولاد . الخلفه دي يبني بتاعت ربنا و هي كل يوم تعمل مشكله بسبب الخلفه بتضرب ولد اخو جوزها . ربنا يحفظنا يبني .
في ناس تعمل كدي . ازاي دول معندهمش رحمه تموت اطفال ملهمش زنب علشان مش مخلفه . ربنا مش هيسيب حقه و اكيد هتاخد عقابها و.....
=مروان . مرواااان .
قاطعتني امي عن التفكير
_هاااا
= اي يابني رحت فين اما اقوم اعملك فطار
_ماشي يما ماشي
قمت اخدت دش و رحت افطر و استنين ابويا لحد ما يجي من الواجب عملت فنجان قهوة و دخلت البلكونه بقرأ قصه من
قصص مايكل قابيل علي صفحته في الفيس بوك بتنزل كل خميس كنت مقرتهاش علشان كان معايا امتحان فكنت بقراها و مندمج بصراحه كان قصه من قصص حكايتي معاهم و علي ما اتذكر
انها قصه #انتقام_عهد لحد ما سمعت خربشه قطط في باب البلكونه مخدتش في بالي قوي مع اني اتخضيت بس نسيت
و كمل في القصه لحد ما اتنفضت حرفيا من مكاني و لقيت قطتين تحت رجلي صرخت صرخه خلت امي جات بسرعه
=مالك يا بني في اي
_في قطه كانت هنا
=قطه اي يا مروان نحن مش بنربي قطط علشان خطرك و لا حتي اي حيوان و كل الناس مربيه حيوانات مش عارف انت ازاي دكتور بطيري
حاولت اهدي نفسي شويه من الخوف و اخدت نفس
_متفكرنيش انا مكنتش عاوز ادخلها كل اصحابي بيحفلي علي بسبب ابوبا . هو اللي خلاني ادخلها غصب عنب
=طب تعاله يا بني الاكل علي الصنيه بره
طلعت و رحت افطر لحد ما جه ابويا من الواجب و قعد يفطر معايا
_صباح الخير يا ابويا
رد علي ابويا و الظاهر كان مخنوق و حزين فظل علي حاله و مبصش علي اصلا
_يا ابويا صباااح الخير
نظر ابويا لي و كانه كان شارد فعدل نفسه
_صباح النور يا مروان جيت امتي
_اي يا ابوبا جيت امبارح بليل بس كنتم نايمين فمحبيتش اصحيكم . هو في حاجه مزعلتك
رد ابويا بحزن
= البلد يا ابني ما فيهاش ضمير بقيت الناس بقيت كلها عديمه الضمير برضو حد يجيله قلب يقتل طفلين مكملوش شهرين
حزنت جدا بصراحه مين اللي معندهوش قلب دي اللي يعمل كدي .كمل ابويا كلامه وهو بيصب الشاي
= بس اكيد العمل العمله دي من البيت دي مضروب بحجر او حاجه تقيله في راسهم فتحو راسهم
وقعت علي الكلمات دي زي سيف في قلبي صدمه
_ازاي دي و مين اللي عمل كدي
=معرفش و الله يا ابني و الكارثه اللي مخلياني متاكد اني مفيش حد عملها من البيت انه عمال النظافه لقيو قطتين مقتولين بنفس الطريقه و مرميين في سله الزباله
كلام ابويا لي خلاني كنت هفقد الوعي بس تماسكت شويه ازاي يعني انا اللي .... لا لاا مش انا
كمل ابويا كلامه و هي بيخبطني علي كتفي لاحظ اني شارد و بكلم نفسي و لحظه و هيسمعوني
=مروان مالك .
تهمهمت و بصيت لابويا
_لا لا مفيش و عرفتو منين
=اصلي يا بني الاطفال التؤام دول ممكن يطلعو قطط و ممكن ولد حرام شافهم بيشاغبو و ضربهم . هما قبل كدي جو البيت
عندنا و كسرو حاحات في المطبخ بس كنا عارفينهم و رحنا رجعناهم لاهلهم و في الفرج بيختفو و يرجعو لطبيعتهم و لو حد ضربهم
بتلاقي الاثر علي الاطفال و اول ما ماتو القطط ماتو الاطفال . ربنا يرحمهم . اما اقوم انا انام علشان مش شايف قدامي
سابني ابويا و نام و انا نش قادر استوعب مش قادر اتنفس حاسس كلام ابويا كتم نفسي
_ يعني اي انا القاتل صح
_ بس يا عم انا دكتور
هتاخد علي التخاريف دي بلا قطط بلا كلام فاضي . قطط اي اللي تطلع من توام و يموت القطه يموت توام ......
_طب الحلم اللي حلمته امبارح دي اي ......
_الحلم دي ممكن تانيب ضمير من اللي عملته امبارح
كلام دي كله كان بيفور في نفسي واحد خايف و عنده تانيب ضميرو واحد
تاني عنده لا مبالاة بس انا مقتلتش حد دي صح روح بس دي مجرد قطه مزعجه و انا مموتش القطه وحده ما حسني كان معايا . اما اقوم اتصل علي اشوفه .
قمت و اخدت الموبيل من علي الكوميدينو و طلبت الرقم كان مغلق فضلت ارن مغلق قلت خلاص اكيد مقتول نوم ما هو بينام
اكتر ما بيتنفس و عده اليوم عده زي اي يوم بكون في في البلد يوم ممل مستفز قاعد محبوس امي كل شويه داخله طاله بالاكل كانه بتزغطني و دي ممكن اجمل حاجه اني وسط اهلي اللي بيحشوني بجد بس
انا في القاهره بطلع و بعيش شبابي معرفش ازاي هقدر اعيش بعد الكليه . خلص اليوم و جه الليل اللي كان اسوء يوم في حياتي . كانت تقريبا الساعه عشره و نص البلد كلها نامت علي الساعه ٩ و فضلت انا
بحضر شيت علشان المفروض هسلمه بعد بكره خلصته و قعدت علي الموبيل شويه بكلم اصحابي لحد ما لحظت اني في حاجه وره باب الاوضه بتعتي فيها دره
(ظل الشئ) بس الغريبه
بتكبر حجمه او بمعني صح الدره(ظل الشئ) بيكبر . بطريقه غريبه مخيفه كنت مركز جامد بس قاطعني صوت صاحبي اللي بكلمه خلاني اتنفض من الرعب
=مروااااااان مالك في اي ماله وشك عامل ليه كدي
_لا لاااا مفيش حاجه
ببص تاني ملقيتش حاجه علي الباب بص لقيت صاحبي بيقلي كلمه
خلتني اتنفض من مكاني رعب
=مروان اي دي جبت قطه امتي مش بتقول بخاف من القطط يا نمس جبتها امتي و ملقيتش غير الاسود و تجيبه شكلها وحش جدا