البارت الاول والثاني
بقلم نورين عبد المنصف
في شقة في منطقة راقية شوية بنت قاعدة في البلكونة سرحانة وقطع شرودها رن موبايلها
فريدة:الو يا ريم
ريم:انزلي انا تحت
فريدة:طيب
فريدة جابت حاجتها وطلعت وكانت مامتها قاعدة
فريدة:انا نازلة عايزة حاجة يا ماما
عايدة:لا يا حبيبتي
فريدة باست مامتها في خدها ونزلت لريم
ريم:انا متوترة دا اول يوم شغل لينا!!
فريدة:متوترة لية الموضوع بسيط خالص
ريم:عندك حق اكيد الموضوع بسيط
فضلت ريم وفريدة طول الطريق يتكلمه سوا لحد ما وصله الشركه وراحه الاستقبال وكل واحدة راحت مكتبها والاتنين كانوا في الأول متوترين بس بعدين اتعودو...فات اسبوع والاتنين شغالين بجهد كبير وفي يوم الاتنين كانوا قاعدين سوا
ريم:بت يا فريدة هو فين مدير الشركة دي!
فريدة:أعتقد أن هو مسافر
ريم بتفكير:يا ترى حلو
فريدة بصتلها:وأنتِ مالك هتتجوزي يعني
ريم ضحكت:ولية لا ونعمل زي الروايات والمسلسلات التركي ويا سلام بقا لو طلع حلو زي عمر اللي في حب للإيجار
فريدة ضحكت:عمر!!قومي يا ريم على شغلك
ريم ضحكت:حاضر
فريدة راحت شغلها وريم كمان راحت شغلها...فات يومين وكل حاجة ماشية كويس...في يوم فريدة كانت في المكتب بتاعها ودخلت عليها أميرة سكرتيرة المدير
أميرة:باشمهندسة فريدة جهزتي اللي طلبته منك
فريدة:اه
أميرة:تمام المدير عايزك جوا ومعاكي الملف
فريدة:طيب
فريدة اتوترت شوية وبعدين شجعت نفسها وراحت ناحية مكتب المدير وخبطت ودخلت وهو كان معطيها ضهره
فريدة في سرها:يا نهار ابيض انا معرفش اسمه اية اعمل اية دلوقتي بقا
فريدة قربت من المكتب والمدير لف وبصلها وهي اتصدمت من المفاجآة
فريدة بصدمة:سليم!!
سليم باستغراب:سليم!! انا اسمي المهندس سليم مدير الشركة دي
فريدة اتصدمت من طريقة كلامه معاها:انت مش فاكرني
سليم:انا اعرفك اصلا علشان افتكرك؟
فريدة مش مصدقة أن سليم مفتكرهاش بس هي جمدت نفسها
فريدة بجمود:اسفة حضرتك افتكرتك حد تاني
سليم:تمام وريني الملف
فريدة راحت عند سليم واعطيته الملف وبدأت تفهمه كل النقط المهمة اللي في الملف
سليم بإعجاب:دماغك حلو يا....صح اسمك اية
فريدة باستغراب من هو مش فاكرها:اسمي فريدة
سليم:تمام يا فريدة
فريدة خرجت وراحت بسرعة عند ريم
فريدة:ريم الحقي
ريم:في اية
فريدة:رجع
ريم باستغراب:مين دا
فريدة:سليم
ريم بغباء:سليم مين
فريدة:سليم جاررري يا فريدة
ريم: اية دا بجد عرفتي منين
فريدة:طلع مدير الشركة دي
ريم:اية دا بجد يا بختك هتعبشي قصة ديمة وعمر أو مراد وحياة أيوة بقا يا فريدة
فريدة:مش فاكرني اصلا
ريم ضحكت:بتهزري
فريدة:يا ريم بقا
ريم:خلاص خلاص احكيلي اللي حصل
فريدة حكت لريم كل اللي حصل
ريم:اممم ممكن يكون عمل حادثة وفاقد الذاكرة
فريدة:ممكن
دخلت أميرة عليهم وقاطعتهم وطلبت من ريم تشوفلها ملف وفريدة مشيت راحت مكتبها طول اليوم فريدة قاعدة ومش مركزة ازاي سليم ينساها فريدة تتنسى!
خلص اليوم وفريدة وريم كانوا مروحين وفريدة سرحانة
ريم:فريييدة
فريدة:اية يا بنتي
ريم:انا دلوقتي عايزة افهم أنتِ مضايقة لية
فريدة:يا ريم سليم نسيني
ريم:وأية اللي فيها يعني اوعي تكوني بتحبي
فريدة:لا طبعا بس احنا جيران من وانا في صغيرين انا مش فاهمة هو ازاي كدا!!!يعني احنا مفروض اخوات وصحاب ازاي قدر ينساني يا ريم طب اشمعنا انا فكراه وكنت مستنية اليوم اللي يرجع فيه
ريم:على فكرة بقا بتحبي يا فريدة
فريدة:اية الهبل دا طب اية رايك هثبتلك أن هو بقا انسان عادي
ريم:هتثبتلي ازاي
فريدة:هعتبره مدير الشركه وهتجاهله تماما
ريم:ما نشوف يا فريدة هانم
فريدة راحت بيتها وريم كمان روحت.....فريدة كانت في البلكونة وشافت نور بيت سليم منور وجريت على مامتها
فريدة:مامااااا
عايدة:يخربيت صوتك العالي دا في اية
فريدة:بيت طنط عزيزة منور
عايدة:اه كانت في واحدة بتنضف البيت ليهم
فريدة بفرحة:اية دا يعني هما هيرجعوا هنا
عايدة:لا هما اخده ڤيلا في التجمع وسايبن الشقة دي هنا كل فترة واحدة هتيجي تفتح الشقة وتنضفها وتمشي
فريدة:وأنتِ عرفتي منين
عايدة:كنت بنشر الغسيل ولقيت النور منور قولت حرامي رحت جريت بالعصاية على بيتهم ولقيت بقا ست هناك وسألتها بس كدا
فريدة بيأس:طيب
فريدة دخلت اوضتها وافتكرت ذكرياتها مع سليم
فلاش باك*
فريدة كانت بتلعب مع جيرانها لعبت الشايب والشايب هو اللي جاء عليها
حمزة:روحي اضربي الواد دا (شاور على سليم)
فريدة:لا يا حمزة عيب
حمزة:مليش دعوة يا فريدة دا حكم
الكل أصر أن فريدة تروح تضرب سليم وفريدة راحت عند سليم وهو بصلها
فريدة:بص احنا كنا بنلعب الشايب وانا اللي كان معايا الشايب والعيال الوحشة دول قالولي اضربك بس انا مش هضربك عارف لية؟
سليم: لية
فريدة:علشان انت شكلك طيب وكبير وماما قالتلي متضربيش حد اكبر منك
سليم:وأنتِ كمان طيبة
فريدة ضحكت: شكرا
سليم ابتسم:العفو
فريدة:انت بتقعد لوحدك لية؟
سليم:علشان معنديش صحاب
فريدة:انا معايا صحاب اية رايك نبقى انا وانت صحاب واعرفك على باقي صحابي وتبقي انت كمان صاحبهم
سليم: موافق
فريدة ضحكت بطفولة وبعدين كشرت
سليم: أنتِ زعلانة لية
فريدة:علشان حمزة هيضربني علشان انا مش ضربتك
سليم: متخافيش انا معاكِ ومش هخلي حد يضربك انا هضربه
باك*
فريدة ابتسمت لذكرايتها واستغربت ازاي ممكن حد ينسى حد كان معا سنين كتير!!!ازاي سليم قدر ينسى اول صاحبة ليه!!ممكن يكون لقى صاحبة احسن منها!!
فريدة اضايقت جدا من فكرة أن سليم لقى صاحبة احسن منها وقررت تنسى سليم زي ما هو نسيها
في ڤيلا سليم الغرباوي
سليم وصل الڤيلا ودخل وكانت مامته وأبوه قاعدين بيضحكه
سليم:بتضحكه على اية
عزيزة:ابوك قال نكته
سليم ضحك:اه منك يا محسن انت ونكتك
محسن ضحك:يابني انا طول عمري نكتي حلوة ودمي خفيف
عزيزة:لا يا محسن مش كلها في نكت رخمة اللي زي بتاعت زمان
محسن بتريقة:عارف يا سليم اللي بتقول نكت زمان وحشة دي كنت بقولها نكتة زمان تفضل تضحك لحد ما تقع وطبعا مامتك كانت تخينة كنت افضل أشد فيها لحد ما نفسي يتقطع
عزيزة شهقت:تخينة!!يا سليم دا انا كان جسمي حلو كدا ابوك كان معصعص ومفهوش نفس
سليم ضحك عليهم وكلهم هزاروا سوا
عزيزة:اه صح النهاردة بعت ام ايمن تنضف الشقة القديمة
محسن:كويس انك عملتي كدا
عزيزة:انا عايزة اروح عند عايدة وحشتني اوووي
محسن:اه ست طيبة وجدعة
عزيزة ابتسمت:عندك حق....تيجي معايا يا سليم
سليم بص لامه كتير:هي عايدة دي اللي كانت جارتنا تقريبا
عزيزة:اوعى تقول انك مش فاكر عايدة دا انت مكنتش بتاكل غير رز باللبن من أيدها
سليم بصلها:لا للاسف مش فاكر بعد اذنكم
سليم طلع فوق اوضته واتنهد ودخل ياخد دُش ونام
تاني يوم سليم صحي بدري ونزل كالعادة يجري شوية وبعدين رجع لبس ونزل....وفريدة وريم راحوا الشغل وبدأ يشتغلوا
سليم طلب أميرة وأميرة راحت عنده
أميرة:امرك يا باشمهندس سليم
سليم ابتسم:الأمر لله يا اميرة... عايز المهندسة اللي كانت هنا مش فاكر اسمها
أميرة:قصدك مهندسة فريدة
سليم ابتسم:اه هي
أميرة:حاضر يا فندم
اميرة راحت عند فريدة وقالتلها أن سليم عايزها وهي راحت عنده
فريدة: نعم يا باشمهندس سليم
سليم بجدية:انا عندي اجتماع برا الشركة وعايزك معايا
فريدة:اسفة بس دا مش تخصصي انا شغلي جوا الشركة بس
سليم بحزم:نعم!!أنتِ تنفذي الأوامر بس
فريدة بغضب:اوامر!!!انا مش عابدة عندك علشان انفذ أوامرك انا مهندسة زي زيك
سليم بغضب:زي انا!!!انا مدير الشركة وأنتِ مجرد موظفة عندي
فريدة اتصدمت من كلام سليم!!من امتى سليم بيبص للناس من فوق!
فريدة بصتله بتحدي:وانا استقالت ودلوقتي وريني هنفذ أوامرك ازاي
سليم:_
البارت التاني
فريدة:وانا استقالت ودلوقتي وريني هنفذ أوامرك ازاي
سليم بغضب:استقالتك مرفوضة
فريدة بغضب:مش بمزاجك
سليم:الشركة شركتي وكل حاجة بمزاجي هنا
فريدة بتحدي: وانا استقالت يا سليم الغرباوي ومبقتش من الشركة
فريدة خرجت من قدام سليم وسليم ابتسم لما خرجت وعحبته شرستها
سليم:ماشي يا فريدة مش سليم الغرباوي اللي تتحدي
فريدة خرجت بسرعة من الشركة ولقت ريم بتتصل بيها
فريدة:الو يا ريم
ريم:أنتِ فين يا فريدة مش هنتغدى سوا
فريدة:انا استقالت
ريم بذهول:اية!لية مقولتليش
فريدة: انا لسة مستقيلة دلوقتي
ريم:خلاص وانا كمان هستقيل
فريدة:بطلي هبل يا ريم
ريم:أنتِ اللي هبلة يا فريدة وعلى فكرة أنا زعلانة منك جدا احنا من يوم ما عرفنا بعض واحنا كل حاجة بنعملها سوا دلوقتي مش عايزاني اسيب الشغل!!لا طبعا انا هسيب الشغل وندور على شغل انا وأنتِ مع بعض
فريدة ابتسمت:احنا فعلا كل حاجة مع بعض وايدنا في ايد وهنفضل دايما مع بعض بس انا مش هسمحلك تسيبي الشغل
ريم:لا يا فريدة
فريدة:خلص الكلام يا ريم روحي لشغلك يلا
فريدة قفلت مع ريم وراحت تدور على شغل
ريم:انا مش فاهمة سليم بيعمل كدا لية دي فريدة جارته انا لازم اروح اتخانق مع سليم دا
ريم طلعت لسليم ولقت سليم واقف برا وبيزعق وهي اتخضت ورجعت ورا بس خبطت في شاب
ريم:اه يا أعمى مش تشوف قدامك
الشاب:انا بردو وبعدين اية اعمى دي
ريم:اعمى يعني مش بيشوف
الشاب:اية دا بجد مكنتش اعرف
ريم ببرود:اديك عرفت
الشاب بصلها وبعدين راح ناحية سليم ونط على ضهر سليم والكل كان بيبصلهم
سليم بضحك:دا اكيد انت يا فارس
فارس ضحك:أيوة
فارس نزل من على ضهر سليم وحضنه بعض بضحك
سليم:وحشني
فارس:وانت كمان
سليم:تعالى جوا
سليم وفارس دخله جوا
سليم:جيت امتى
فارس:امبارح بليل
سليم:كنت تقولي كنت جيت اخدتك من المطار
فارس:حبيت اعملهالك مفاجأة
سليم:احلى مفاجأة
فارس ابتسم:حبيبي...احكيلي بقا عملت اية الكام يوم دول من غيري
سليم:ولا حاجة
فارس وسليم فضلوا سوا مع بعض واخر النهار كانوا مروحين وفارس نزل قبل سليم وسليم كان بيخلص حاجة في الشغل والمواظفين مشيوا
فارس خرج من عند سليم وشاف ريم ركبت الاساسنير فابتسم وراح لعب في الاسانسير وعرف يعطل الاساسنير والاسانسير وقف بريم....ريم كانت في الاسانسير وفجأة وقف بيها
ريم برقت وبصوت عالي:يا جماعة انا هنا... الاسانسير وقف بيا
فارس سامعها وبيضحك عليها
ريم:اه يا ريم مكنش يومك الموظفين مشيت والأكسجين هيخلص وهموت مخنوقة زهرة شبابي راحت خلاص وداع يا دنيا
فارس كان عمال يضحك عليها وبعدين حرك الاسانسير وريم فرحت ان الاساسنير اتحرك....الاسانسير طلع فوق تاني واول ما وصل ريم نزلت بسرعة ولقت فارس في وشها
فارس بيحاول يكتم ضحكه:أنتِ كنتِ محبوسة في الاسانسير؟
ريم:اه والحمدلله أن حضرتك سحبت الاساسنير ربنا بعتك ليا
فارس:كنتِ خايفة الأكسجين يخلص
ريم:اه كنت خاي(سكتت وبصيتله)انت عرفت منين
فارس ببرود:اصل انا عطلت الاسانسير
ريم بصت لفارس بصدمة:اه يا حيوان والله هوريك
ريم نطت على فارس وفضلت تعضه وهو بيحاول يبعدها بس هي ماسكة فيه وماسكه شعره
فارس بزعيق:يا مجنونة يا مجنونة والله هوريكي
سليم طلع برا لما سمع صوت فارس بيزعق وشاف ريم وهي ماسكة شعر فارس
سليم زعق:اية اللي بيحصل هنا
ريم بعدت بسرعة عن فارس وبصت لسليم
ريم:البيه كان بيتهجم عليا
فارس بصلها بصدمة:يا كدابة والله هوريكي
ريم طلعت تجري وفارس جري وراها وسليم جري مسك فارس
سليم زعق:في اية يا فارس اية شغل الاطفال دا
فارس بغيظ:سبني أمسك البت دي اربيها
سليم بزهق:أهدى بقا يا فارس
فارس بصله بغيظ وسكت....ريم جريت برا الشركة وراحت عند فريدة وقالت لفريدة على اللي حصل
فريدة بضحك:جدعة
ريم بضحك:عارفة لو سليم دا مكنش طلع كان زماني خلصت عليه
فريدة ضحكت عليها والاتنين فضلوا سوا لحد بليل
فات يومين وفريدة بتدور على شغل بس مش لايقة...في يوم سليم صحي بدري وكان بيتشمى وشاف فريدة وبصلها وهي بصتله
سليم حط أيده في جيبه:اية دا الأستاذة الجبانة
فريدة ببرود:اية دا الاستاذ المغرور
سليم:بتعملي اية هنا
فريدة:أعتقد أن دي مش شركتك علشان تسالني فدا شئ ميخصحكش
سليم:لسانك طويل
فريدة ببرود:طويل زي جسمك
سليم قرب منها خطوة وهي رجعت خطوة
سليم بتريقة:خايفة لية
فريدة:وانت مين علشان اخاف منك
سليم:انا سليم الغرباوي
فريدة:هو دا اللي انت فالح فيه كل شوية انا سليم الغرباوي انت تبقى مين من غير اسمك
سليم:مشكلتك انك متعرفنيش يا...اه صح أنتِ اسمك اية
فريدة:اسمي فريدة وفعلا انا معرفكش ومش عايزة اعرفك سلام
فريدة مشيت وسليم فضل واقف مكانه وبعدين روح البيت وشاف مامته لابسه
سليم:رايحة فين كدا
عزيزة:رايحة عند عايدة
سليم:طيب
عزيزة:تيجي معايا؟
سليم:لا
عزيزة:برحتك
سليم طلع وبعدين جت في دماغه فكرة ونزل تاني
فريدة فضلت تدور على شغل بس كالعادة ملقتش وبعدين روحت وفتحت الباب بالمفتاح وسمعت صوت ناس جوا دخلت واتصدمت لما شافت عزيزة وسليم!!
عزيزة قامت بحب حضنتها:فريدة حبيبتي عاملة اية وحشتيني
فريدة بحب:وأنتِ كمان وحشتيني اووي يا طنط
عزيزة:ما شاء الله كبرتي وبقيتي عروسة
فريدة ابتسمت وقعدت قصاد سليم
عايدة:ما شاء الله يا سليم كبرت وبقيت راجل
سليم ابتسم:تسلمي يا طنط
عايدة بصت لعزيزة:فاكرة سليم لما كان صغير وعمل حمام على نفسه وطلع عندك وضربتي وهو جري عندي
عزيزة ضحكت وفريدة ضحكت وسليم بص لفريدة بغيظ
عزيزة: فاكرة لما فريدة نزلت ببنطلون مقطوع وفضلت تجري في الشارع وبعدين في ست قالتلها بنطلونك مقطوع راحت قلعت بنطون خالص
عايدة ضحكت هي وسليم وفريدة كانت متغاظة من سليم وعزيزة
عايدة بضحك:وساعتها سليم زعقلها علشان قلعت البنطلون
فريدة ابتسمت لما افتكرت الموقف
عايدة:تعالي يا عزيزة معايا اعمل الرز باللبن اللي سليم بيحبه
عزيزة ابتسمت:يلا
عزيزة قامت هي وعايدة وقعد سليم وفريدة
فريدة بإبتسامة:طب ما انت فاكرنا اهو بتعمل اهبل لية
سليم باستغراب:ومين قال إني فاكركم انا امي قالت أن هي رايحة عند صاحبتها وقالتلي اجي معاها بس إنما انا مش فاكركم وبالصدفة عرفت انك بنت صاحبة ماما
فريدة ابتسامتها اختفيت وبصت لسليم وبعدين بصت الناحية التانية...بعد شوية عايدة وعزيزة خرجوا
عزيزة بفضول:أنتِ مش مخطوبة يا فريدة
فريدة ابتسمت:لا
عزيزة:لية كدا دا أنتِ حتى زي القمر
عايدة:متعباني معاها يا عزيزة كل شوية عريس يتقدم وهي ترفض
سليم ببرود:اكيد مش هتعرف تشيل مسئولية بيت
فريدة بغيظ:لا بعرف
سليم:دا أنتِ مقومتيش تعملي شاي حتى لينا هتعرفي تشيلي مسئولية بيت
فريدة وقفت:هقوم اعملكم شاي
سليم ببرود:انا عايز قهوة
فريدة بغيظ:ماشي
فريدة دخلت المطبخ وكانت متغاظة من سليم وبعدين جت في دماغها فكرة وعملت القهوة وطلعت برا واعطيت لعزيزة وعايدة وبعدين سليم وقعدت قصاد سليم...سليم شرب بق من القهوة وكشر وبعدين شربها عادي
فريدة:انت ازاي شربت القهوة
سليم باستغراب:ومشربهاش لية
فريدة بغباء:علشان فيها ملح
فريدة اخدت بالها من غباءها وعايدة بصتلها بغضب وسليم ابتسم بانتصار
عايدة بصت لفريدة:شكل الشبشب وحشك يا فريدة
فريدة سكتت وسليم اتكلم
سليم:صح يا فريدة مشيتي لية من الشركة بتاعتنا
عايدة:اية دا هي دي شركتك
سليم:اه
عايدة بصت لفريدة: وأنتِ استقالتي لية يا فريدة من بكرا تروحي الشركة معا
فريدة:بس يا ماما
عايدة قاطعتها:بكرا هتروحي يا فريدة أنتِ اصلا مش لايقة شغل بدل المرمطة دي روحي مع سليم
فريدة بصت لسليم بغيظ وسكتت وهو ابتسم بانتصار