قصة عمارة العزاب
الفصل الخمس
بقلم عبدالله شوقي
-يا وائل اصحي يابني .....انت يابني اصحي احنا بقينا العصر .....
-ها .......عصر.....!؟.......ازاي !؟
-ازاي اي يابني انت نايم عامل زي السطيحه ....ومين مدحت الي انت كل شويه تنادي عليها دة ....؟
-مفيش .....انا هقوم اتوضا واصلي .......
*دخلت الحمام واقف قصاد المرايا لقيت شكلي بيتشكل علي هيئه شكل ابويا .....(جسمي اتلبش )
-ارجع ...ارجع واسمع الكلام ......بدل ماؤمون مصير امك واخوك زي الي شوفته دة والعن من كدي......ارجع يا وائل. .....
*بعد كدي اختفي ......
اتوضيت وخرجت من الحمام لقيت تليفوني بيرن ......
-الو ......استاذ وائل. ....!؟
-ايوة. .....خير ...مين معايا .....!؟
-انا دكتور مصطفي ..... الطبيب المعالج لاستاذ عزيز .....كنت بس عاوز ابلغ حضرتك ان استاذ عزيز تعيش انت ......
-لا إله إلا الله .....البقاء لله وحده .....بس حضرتك انا معرفش حد من اهله والله ......
-حضرتك بس كلم حد من زمايلك معاك في الشغل ممكن يكون عارف حد من اهله او ع الاقل يكون معلومات عنهم .....
-تمام ....حاضر يادكتور ......سلام عليكوا ....
************************************************
-في اي يبني ......اي الي جرا ...
-واحد صاحبي معايا في الشغل مات يا اما .......
-لا إله الا الله ....... طيب يابني روح شوفوا واقف مع زمايلك مهما كان زميلك برضوا .....
-حاضر هرجع ياما .....هرجع ......
*وفعلا رجعت بس المرة دى اول حاجه رجعتلها كانت المستشفي ...... وظبطت إجراءات خروج زميللي وطلبت منهم انهم يحطوة في تلاجه الميتين ......لحد مانشوف هندفنه فين ونتواصل مع اهله ........
بعدها روحت المصنع. .....واول مادخلت المصنع قابلت عم فتحي ......
-اي دة وائل. .......انا مش مصدق عنيا .......دة احنا نحتفل بيك بقي .......
- عم فتحي.......عزيز مات.......
-لا حول الله ....... معلش كلنا هنموت .....انت عامل اي ......
-عامل اي !؟......انت بتقول اي ......بقولك حد مننا مات .....وانت تقولي معلش كلنا هنموت!؟...... ماتخس علي دمك ياعم الحج .......
-احس علي دمي!؟ .......طيب ياسيدي ......انا هحس علي دمي وهمشي ....... ع الازنك .......
************************************************
*كنت عاوز اقابل واحد مخصوص هو عم سعيد .....فضلت ادور واسال عليه مش لايقه لحد ماطلعت لعم طه المسؤل
عن سجلات وأحوال العمال في المصنع ......
-سلام عليكوا ياعم طه .....
-سلام ورحمه الله. ....اؤمر يابني .......
-لو سمحت بس كنت عاوز رقم تليفون حدمن طرف عزيز زميلنا علشان المستشفي اتصلت بيا وقالتلي انه اتوادفي وانا ظبطت الإجراءات ع الدفن بس عاوز حد من اهله علشان المقبرة وكدي !؟
-لا إله إلا الله ..... ربنا يرحمه يارب.......طيب يبني انا هدور وهكلمك ......وهبلغ المدير برضوا ورئيس القسم بتاعكوا .....
-تسلم ياعم طه ......بس كنت عاوز عنوان عم سعيد علشان بسال عليه مش لاقيه ......وبيقولو انه فترة مجاش ....
-دي حقيقه ....وبصراحه كدي هوة صاحبي جدا وعاوز تروح تشوفههديلك عنوانه تروح تشوفه مبيجيش لي ......لاحسن انا قلقان عليه ......
-تمام.....ياريت ياعم طه .....
-هبقي اكلمك واديك العنوان ......
-ماشي ......سلام عليكوا .....
************************************************
طلعت من المصنع ورجلي حافظه وعارفه هي راحه لفين .....روحت السكن ......ودخلت الاوضه بتاعي وقفلت عليا الاوضه وقفلت الشباك ونمت ...........
وائل. ........يا وائل ....... احنا مبسوطين منك اووي انك رجعت .....كنت واحشنا اوي ......
*لقيت المرايا نورت و ظهر جواها مسخ اسود عينه حمرا سنانه بيضا بيخرج منها دم وفضل يقرب يقرب يقرب لحد ماطلع ايدة ليا وبشكل غير إرادي قمت من مكاني وقربت من المرايا وانا مسلوب الإرادة. .......لحد ما التليفون رن .......كل الي بيحصل اختفي .....حتي المسخ اختفي وكل حاجه رجعت لطبيعتها .......
-الو.....مين!؟
-استاذ وائل .......حضرتك بس لقينا ورق ومزكرات مكتوب عليها الي صديقي العزيز وائل. ......حضرتك مممكن تيجي تاخدها .....علشان هي تخصك بس .....
-حاضر ....حاضر .....مش هتاخر مسافه السكه بس .....
************************************************
سمعت صوت هبده علي السقف مصدرها الدور الي فوقي الدور الثالث مع العلم ان الدور الثالث مقفول محدش ساكن فيه .......
الهبدة اتكررت كمان مرة ....بعدها خرجت من الاوضه وطلعت علي فوق كل الغرف مقفوله....... حاولت افتحها لكنها مقفله كلها .......كل الغرف الابواب بتاعتها كانت عليها لون اسود زي الفحم كدي والي كان بيدهن مكملش........ الجو كان فيه برودة غير مبررة غير الجو الي برا وغير الجو الي في الدور الثاني
فضلت ماشي ماشي ماشي ....... حاسس ان حد ماشي ورايا ....اتلفت مالقيتش حد .....كملت ماشي .....سمعت صوت حد بيعيط جاي من الغرفه الي واقف قصدها ......فتحت الباب وفتح معايا بسهوله........لقيت شاب واقف قصاد الشباك وظهره ليا .......
-انت مين ....
*فجأه اتلفتلي كان وشه شاحب عينه بيضه مدبوح الدم الي علي رقبته كله متجلط ......في لحظه كان مقرب من الباب
الللعنه ......اللعنه ......الآن. ......
*ورزع البااب .......لقيت باب الغرفه الي جنبها اتفتح ولقيت حد خرج منها جري ونط من شباك الممر .......بصيت عليه مالقيتش اي حاجه ولا اثار لدم ولا اي حاجه ......
باب تاني اتفتح بس محدش خرج .....قربت منه بحرص شديد وقفت قصادة لقيت واحد مشنوق فى مروحه السقف وبينزف دم من بوقه ......وبيسقط ع الارض زي الحنفيه .....
لقيت ايد اتحطت علي كتفي .... لقيت حد اعور وسنانه شبهه مش موجود وبيقولي ....
انت بتعمل اي هنا .......مطلعش هنا تاني .......هنا الاسياد......هنا مش للي امثالك .......وفي لحظه جريت ونزلت في الشارع .......
لقيت الست قاعدة في الجنينه وبتبصلي وعنيها عاوزه تقولي حاجه ......
************************************************
روحت المستشفي علشان اخد الي اطلب مني........لقيت الشخص الي كنت متفق معاه اقابله بيقولي .....
الحاجه خادها مني الاستاذ فتحي ......قالي انك بعته ييجي ياخدها مني علشان انت مش فاضي .........
-مش فاضي اي ........يانهار اسود .......لي كدي بس ......لي ....
-والله يباشا هوة قالي كدي .......
-خلاص تمام .....حصل خير ......
*حاولت ارن علي فتحي اكتر من مرة لكنه مش بيرد .......
رجعت السكن ودخلت الاوضه .....لقيت عم فتحي مشنوق في مروحه السقف النور قطع فجأه حسيت بحرارة مالهاش تفسير ......المكان اترج وصوت صريخ صوت حد كانه بيدبح لحد صوت رزعه اترزعت ع الارض وكل حاجه رجعت لطبيعتها تاني.........
************************************************
نزلت جري قعدت في الجامع طول اليوم وبعد العشا إمام الجامع جيه كلمني .....
-انت يابني .....احنا هنقفل المسجد ....بعد ازنك ......
-ياحج سيبني بالله عليك ....انت متعرفش اي فيها .....سيبني بس ........
-اسيبك اي .......هي لوكاندا ......قوم قوم.......
-طيب ياحج انت متعرفش شيخ ابن حلال بيعالج روحاني ويقول اذكار لحد يخصني .......
-خير في اي ........
-حضرتك بتعالج ........
-ايوة ......في اي .........
*حكيتله كل حاجه من الاول
-بص يابني احنا نروح نقرا ونقول اذاكر وبإذن الله خير
-ان شاء الله. ........ربنا يخليك ياعم الشيخ ........
-ربنا يحفظك ......يلا بينا .......
*وفعلا اول مادخلنا السكن .....اتوتر ومسك ايدي .......
-انت ساكن هنا في العُزَّاب!؟
-ايوة ياعم الشيخ .......
-لي يابني.......مش لاقي غير هنا .......
-تعالي ياعم الشيخ محمد نعمل الي علينا بس ........
-تعالي ..........
*دخلنا المدخل*
-يابني المكان مش مريح ....عتبته وحشه .......
-اتفضل ياعم الشيخ .....
*كملنا وطلعنا ودخلنا الاوضه مالقيناش حاجه ولا لقينا فتحي مشونوق ولا اي حاجه ......... كان الشيخ رجل برا ورجل جوة ودخلنا فضل يدعي ويقري قرآن ويقول ادعيه .....وسكت مرة واحدة ......وخرج ومشي ......نزلت وراه
-ياعم الشيخ ......ياعم الشيخ......في اي .....
-امشي من هنا يابني .......لو مشيتش من هنا هتتلعن .......محدش ادد المكان دة ........المكان ريحه وحش ......امشي ......
-بس بيقولولي ارجع وبيهددوني باهلي........
-محدش هيقدر يعمل معاك حاجه مدام انت متحصن ومع ربك محدش هيمسك لانت ولا اهلك .......اللهم بلغت اللهم فاشهد ........سلام عليكوا ......
-سلام ورحمه الله وبركاته..........طلعت الاوضه .......فضلت قاعد لحد أذان الفجر وبعدها لقيت حد بيقول في مايك الجامع ........
*البقاء لله عز وجل توفي الي رحمه الله تعالي الشيخ محمد إمام وخطييب المسجد والدفنه عقب صلاه الظهر في مدافن عائلات عزام*
الشيخ محمد مات ........ازاي .......دة كان معاايا .......هوة طيب ازاي ........
*نزلت جري علي المسجد واتلكمت مع المؤذن وكان منهار .......
-انت بتقول اي !؟........مين مات !؟
-الشيخ محمد ......ربنا يرحمه .......ويجعل مآواه الجنه ...
-مات ازاي .........
-منتحر ..........
-منتحر ازاي........انت بتقول اي ........
-ع الازنك ..........
*ودخل المسجد وكمل قراءه في المصحف .....*
فضلت مطبق للظهر وصليت الجنازة وحضرت الدفنه واحنا في المقابر لقيت فتحي واقف بعيد شكله بشع ......شاحب .......بوقه ومنتخيرة بينزفوا .......وبيضحك ضحكه مفزعه .........وفجاه لف وجري ودخل اخترق تربه كأنه شئ هلامي ......بعدها لقيت المسخ الكبير الي بجنحات واقف علي التربه وبيبصلي بغضب كانه بيتوعدلي .........وبعدها اختفي زي ماظهر ........
رجعت السكن علي قبل العصر ونمت من التعب .........
صحيت علي المغرب علي رنه التيلفون بتاعي ......كان عم طه ........وادالي العنوان بتاع عم سعيد ........ونزلت وطلعت عليه ......فضلت مستني قصاد البيت مستنيه يخرج ومخرجش دخلت البيت وطلعت الدور الثاني لقيت باب الشقه مفتوح دخلت .........
-عم سعيد .....عم سعيد ......انت فين ......
لاقيته مرمي ع الارض وبينزف من دماغه وعلي وشه أشد علامات الفزع .......جريت عليه علشان الحقه .....لاحظت ان المكان متبهدل فيها اثار ان كان فيه خناقه حصلت هنا ......لسي خارج لقيت مسخ قصادي ......لونه لون الجمر ....دعينه شكل مثلث وحمرا طويل ايده كبيرة ورفيعه وكذلك رجله جسمه بيطلع منه دخان
-طبعا مستغرب من الي بيحصل .....انت مطلوب بالاسم ....احنا عاوزينك .......
-عاوزني في اي .......
-عاوزينك تحت الارض .........خادم لينا ........خادم مخلص .........بديل للكلب الخاين الي اسمه فتحي انا الي خصلت عليه وخلصت علي كل الي شوفتهم في السكن ........كانوا خدام ليا .....ليا انا ....انا ابن ابليس الي اتخلقنا من نار وانتوا من طين .......لزم تبقوا خدام لاسيادكوا ......دلوقت دورك انا محتاجك بديل للكلب فتحي .......حاسس انك هتكون خادم مخلص لينا ......متخيبش اساسي ..........يلا ......
-لا ....لا ....لا
-عندنا مفيش لا ......عندما الطاعه .......دة مش وقت الاختيار ......انت لست مخيرا ........
*فجأه المكان سخن ........المكان بيترج ......اصوات صريخ من تاني بس المرة دي اعلي .......
بدا يقول طلاسم وتعاوز وكل مايقول حاجه المكان يسخن وقوتي ضعف ويفضل يقرب مني واحسن بنار بتقرب مني حااس ان جلد وشي بيسيح مش قادر ......وفي لحظه
نطيت من الشباك .........
اخر حاجه فاكرها صويت الستات الي في الشارع وناس بتتلم حواليا از لما وقعت في الشارع بعدها فقدت الوعي ...........
فوقت لقيتني في المستشفي وجسمي كله متسلسل وفيه عسكري جنبي اول ماشفيني فوقت جري ناده للدكتور والتمريض........
- حمد الله علي سلامتك .....انت للاسف مش هتقدر تتكلم بعد كدي .........وهتضر تدخل عمليات علسان الكسور والجروح الي حصلتلك بس دة بعد اذن النيابه طبعا ......
-في بني ادم يدبح راجل ومراته وعياله بدم بارد وتقتل صاحبك الي معاك في الشغل تديله سم حسبي الله ونعم الوكيل فيك وفي الاخر تنتحر !؟
انت كنت شارب اي .........(صوت ظابط كان واقف )
*دبحت ...دبحت مين ......مدبحتش حد .......عم سعيد !!!
صاحبي مين .......عزيز !!
-اتفضل حضرتك اطلع برا من فضلك. ........مش وقته الكلام دة
خرجهم كلهم برا وقالي ........
-فيه حد عاوز يشوفك برا .....ادخله !؟
هزيت دماغي اني موافق وعاوز اشوف ......
*كانت الست الكبيرة .....الي كانت ساكنه قصادي وداخل معاها البنت الصغيرة......
-سيبنا لوحدنا من فضلك.......
-حاضر .......متتاخريش بس لو سمحت !!.... ع الازنك
-انا اسمي آمنه يابني .......انا ابني كان شغال زيك في نفس الشركه وكان ساكن في نفس السكن بتاعكوا بتاع العُزَّاب دة جالي خبرة من المجحوم فتحي ......عملتلهم مشاكل وكنت هفضحهم .....هددوني .....وعرضوا عليا البيت الي شوفتني قاعده فيه دة ....ووفرولي كل حاجه فلوس وكل حاجه ......
وفي مرة وانا قاعدة قصاد البيت سمعت صوت تكسير عظام كبير صوت فظيع وعدها انتحار جماعي حصل كل الشبابيك كله نط منها وكان قصاد العمارة بركه من الدم وكانت نصيبه كبيرة علي الكل ........
والشركه قفلت فترة والسكن انقفل لكن صاحب المصنع بمعارفه وفلوسه فتح الشركه تاني واشتغلت .........كنت انت اول واحد يدخل بعد الكارثه الي حصلت ............عارف ابني متدفنش في مقبرة .......انا ابني اتدفن في الجنينه الي كنت بتلاقيني قاعدة فيها ......ابني مات مولع في نفسه .....ابني كان بيصلي وبيقرا قرآن وعارف ربه ......اكيد دي غصب عنه ........
انا ببقي قاعده يابني اشوف حد معدي ..... اشوف حد وتقف مالهوش ملامح .....مرة لقيت حد مدبوح واقف قصادي وبيقولي ابنك معانا ........انت يابني محدش كان في العمارة غيرك اصلا .......لو كنت شوفت حاجه فادول مالهمش وجود ......اموات ..........
واختفي بعدها ...... يابني العمارة دي لعنه علي اي حد يدخلها صدقني ........وليها لغز كبير لا يعلمه الا الله ........
*فجأه. ......ظهرت البنت الي كانت بتكون معاها وقتها كان عينها بيضه من وراها ودبحتها .........وقربت السكينه مني مليانه دم ومسحتها في الملايه ......
خرج المسخ من المرايه الي في الاوضه ومبتسم جدا .......
اي رايك ..........!؟ بقي عندك خيارين ........يا تخليك هنا وهتتعدم وهناخدك برضوا ولا تسمع الكلام وتيجي معانا تحت الارض خادم مطيع .....اصلك كدي كدي جاي ........
ها اي رايك .......
اه نسيت اني قطعت لسانك علشان متتكلمش هاهاهاها ........
الآن. ...الآن. ......الآن
عمارة العُزَّاب
ملف في إحدي المستشفيات النفسيه التي يتم دراسه حالاتها حتي الآن ............
النهاية