قصة عمارة العُزَّاب. الجزء الرابع
انا سبت السكن وهدومي واي حاجه تخصني في السكن .....ممكن يكون زي ما المثل مابيقول انفد بجلدك .....وانا نفد او ممكن اكون هربت ورجعت علي البلد ........
وصلت بيتي في حدود الساعه 12 بليل دخلت البيت او الدار زي مابيتقال عندنا في الارياف ......كله كان نايم في سابع نومه ......وانا اول مادخلت الاوضه ولقيت السرير رميت نفسي عليه .....عامل زي العيل لما بيدخل حضن امه .....اطمنت اننا في بيتي ونمت .........
**********************************************
-وائل. .....انت ياض ...... الواد مات ولا اي ....انت يلا .....
-ها .....
-ها اي يالا ......انت جيت امتي .....مش كنت تقولي كنت حضرتلك لقمه تاكلها لما توصل .....قوم يلا .....
- حاضر ياما ......
-انت جيت امتي. .....!؟
-جيت بليل وانتوا نايمين ...
-بس انت المرة دى عوقت علينا .....تقعد اسبوعين برا بعيد عني يابني ......
-نعم!؟.....أسبوعين اي ياما .....دول كام يوم .....
-كام يوم اي يابني .....يابني متبقاش تبعد وتغيب عني دة انت معزتك كبيرة عندي. .....
-اسبوعين ازاي .....هوة فين اخويا ......
-اخوك راح الغيط من بدري ......
-طيب ......
-رايح فين يابني بس ......مفيش رايح لاخويا الغيط اساعده بدل ماهوة لواحدة كدي ......
-طب استني لما تفطر ......
-لا ياما لما اجي. ......
***********************
*روحت لاخويا الغيط ......وكان بيريح شويه تحت الشجرة المعتادة بتاعه ........*
-تعالي يا وائل. .....مش عاوايدك يعني تيجي دلوقت .......في حاجه في الدار ولا اي !؟
-مفيش حاجه ......انا عاوز ةسالك علي حاجه كدي !؟
-خير .....!؟
-انا بقالي ادد اي منزلتش البلد من الشغل !؟
-اممممم......حوالي أسبوعين تقريبا .....بس لي يعني بتقول كده !؟
-اسبوعين. .....انت كمان بتقول اسبوعين ......
-مالك يانبي. .....
-انا ياجدعان مكملتش كام يوم ورجعت ......
-يابني عادي الايام من كتر مابتكون شبهه بعض .....والشغل بيلهيك عن عد الايام ....وعن اهلك وكده .......عادي يعني ....
-اهاااا......عادي ......مهوة انت متعرفش حاجه !؟
-ايه .....!؟
-لا ولا حاجه ........ع الازنك لاحسن امنا في البيت لوحديها .......سلام .....
-سلام ......صحيح صحيح مين مدحت الي كنت بتناديله وانت نايم دة ......
-هاا.......!؟
-هااا!؟........روح صلي الظهر يا وائل. ......متنحش .....
***********************************************
*بلفعل روحت صليت الظهر .....وقعدت شويه في الجامع ودماغي بتقلب في الي فات وفي الي حصل و الأصعب من كده الايام والأسابيع الي بتمر من حياتي وانا مش عارف خلصت في اي وامتي وازاي........وفي وسط كل التفكير دة ......لقيت اثنين كانوا قاعدين جمبي وبيتكلموا مع بعض وصوتهم علي شويه وحد بيقول للتاني ......
-متسالش ولا تفكر كتير ......علشان متتعبش .....
واتدير وابتسملي ضحكه صفرة
مشيت روجعت ع البيت ......لقيت امي مستقبلاني ......
-اي يا وائل يابني !؟......انت فينك من ساعتها ......
-خير ياما انا كنت بصلي الظهر. ......في حاجه ....!؟
-ايوة. .....في حد بيقول جوة بيقول انه زميلك في الشغل وعاوزك .......
-حد مين !؟.......سلام عليكوا. ......
-سلام وحمه الله.........
-عم فتحي!؟......
-اي يابني فينك كدي .....سألت عليك زمايلك في المصنع وفي السكن .....ها السكن ......قالولي انك بقالك يومين مش بتيجي ولا بتظهر ......
-مفيش........اعمليلنا حاجه نشربها ياما ........
-ايوة ياحجه والنبي ......اعمليلي ينسون .....لاحسن صدري مغشلق ........
-لا يابني الف سلامه ......حاضر .......ع الازنكوا ........
-اي يانبي ....قولي بقي .......
-قبل ما تقولي ولا اقولك ......اي الي بيحصل معايا في السكن دة ......ولي السكن كدي ......مفيش غيري في المكان دة لي !؟
-انا مش قولتلك متشغلش بالك ......ولا تفكر كتير علشان تعيش ...يابني مش قولتلك علشان انت جديد والمكان جديد فانت بيتهيألك كل الي بيحصل دة ......عادي يعني .....
-لا مش عادي .....انا مش هقدر استحمل ... انت متعرفش اي الي بيحصلي ......لا ......مش راجع ...والشغل مش راجع .....انا هشتغل في الغيط عندي والله الغني ياعم ......
-امممممم.......طيب انت حر .....بس اعمل حسابك هترجع .......بس هترجع غصب عنك .....صدقني لما ترجع دلوقت بكيفك احسن ماتىجع غصب عنك ......سلام .....
-اتفضل .......
************************************************
-في اي يابني .....الراجل دة مش مرتحاله ......كان عاوزك في اي .......
-مفيش ياما .....دة زميلي وكان جاي يطمن عليا ......
-انت هترجع امتي الشغل يا وائل!؟
-مش راجع ياما .....
-لي يابني !؟
-مش عاوز اكمل مش مرتاح ......هشتغل مع اخوايا في الغيط
-يابني ازاي بس ......والبيت هيمشي ازاي .....وهنجوزك ازاي بس ......انت عارف البير و غطاه .......وبعدين ابوك الله يرحمه معلمني ان مفيش عيل يقعد من غير شغل زي ال ......
-خلاص ياما .......ربنا يسهل .........هتصرف .......
-ماشي يابني ......
************************************************
عدي اليوم كله عادي .....لكني في حدود الساعه 11 بليل دخلت نمت ....قلقت علي صهد وحر غير مبرر في الاوضه ...
قولت اقوم اتمشي شويه بليل في الطراوه وارجع ...
خرجت وفضلت ماشي وافكر وعقلي يجبني مابين الرجوع و عدم الرجوع .....لقيت صوت ورايا مجهول غريب كأن حد بيتدبح وبيقول .......
(الرجوع. .....يا اما النهايه ......ارجع احنا عاوزينك )
بصيت ورايا مالقيتش حد ......بصيت في الترعه مالقيتش حاجه.... اي دة ....لقيت بقاليل كان حد بيتنفس تحت المايه
حاولت اجري لقيت حاجه مسكتني من رجلي وقعت ع الارض ......حاولت اقوم مقدرتش ....حاسس اني مشلول ......مش عارف اتحرك .....لقيت اقدام شخص بتقرب عليا ووطي وقرب مني كان جسم شخص عادي لاكنه مش باينله ملامح ملامح وشه مطموسه ولابس سترة علي دماغه ......وطبطب علي دماغي وقالي ....
(ارجع احسنلك )
ومشي
بعدها فقدت الوعي تدريجي ........
حلمت اني في الغيط بتاعنا ......وبتحرك حركه لا إراديه ناحيه شجرة اخوايا الي بيقعد تحتها لقيت اخويا مدبوح وعينه وبوقه بينزلو دم اسود .... وفجأه الزرع كله ولع ......
والنار طالع منها اصوات كان حد بيتعذب مخلوطه بصوت حد بيقول (ارجع .....ارجع يا وائل ).......
لقيت في لحظه امي خارجه من النار شكلها بشع وشها وجسمها محروق وعينها بارزه من مكانها وسنانها بيضه .....وبتضحك ضحكه مرعبه وجايه جري عليا .....وقبل ماتلمسني .........
-وائل. .......يا وائل. ......قوم يابني .......احنا بقينا العصر اي الخيابه دى ......