ثائر: شلونج حوراء
حوراء: ثائر
ثائر: اسمعيني حوراء تركتج تقرين وتنتبهين على دراستج ومن خلصتي خابرتج احجي واتفق وياج وافهمج
حوراء: مااريد اسمع منك شي
ثائر: كافي حوراء ام تبارك مو زوجتي مطلكها صارلي سنتين
حوراء: هاي جذبه جديده
ثائر: لاوالله اسمعيني ولج والله مشتاقلج
حوراء: ثائر قصي رجعلي قبل ماتحجي
ثائر: انجبي لاضوجيني
حوراء: لاتغلط انت الك حياتك وانتهى كلشي بينا واني الي حياتي
ثائر: حوراء تعبان اني كافي ارحميني واسمعيني شكد سمعتج بس فترة علاقتنا ابد ماحاولتي تسمعيني او تسأليني اسمعيني اليوم حوراء اترجاج
حوراء: اسمعك ثائر احجي
ثائر: اني جنت متزوج وعمري 20سنه وام تبارك اكبر مني بسنتين وموظفه اول سنه زينين حياتنا وكدرت اكمل بيتي وصارت عدنا تبارك بدت المشاكل واهمالها لبتها والي وملتهيه بالدائره صارت مغروره براتبها ودكوم وتكعد راتبي وراتبي بعدها صار حمل وصار عندي بنوته ثانيه احب بناتي اموت عليهن مرتي تخبلت ويوم بعد يوم تتغير ماتحملت الامومه وبيوم وليله طلبت مني اطلكها ولج ليش بناتي شنو ذنبهن دكلي اخذهن مااريدهن وهيه قبل طلاكنه بفتره ماتقبل تتقربلي ونافرتني بغير غرفه انام وتحملت لخاطر بناتي وماكو فايده اطلكنا اني وياها وتنازلت عن حقوقها بس النفقه لبناتي واتفقت وياها تاخذ بناتي يمها مااكدر اربيهن ووعدتها من اتزوج اخذهم يمي ومره يمي بناتي ومحتار بيهن يومين عافتهم عندي تركت شغلي وكاعد يمهم وهيه يوميه تسافر وتروح وتذبهم عندي انتي خابرتيني بيومها سمعت صوتج بنوتي ردت عليج ومااعرف كلبي رف عليج وضليتي ابالي بقيت ادك واتصل الى ان صار كلام بينا وحبيتج وحبيتيني وخطبتج ام تبارك انخطبت وكلتلي مايقبل بناتك وياي كلتلها اصبري كم شهر اني خطبت ومنتظر موافقتهم وحتى مامبلغها على بناتي يرادلها وقت افهمها وكلتلي اني اساعدك انت طليقي وافهمها وخابرتج ماادري خربت عليه وخربت سالفتي اني وياج وقبل جم اسبوع تعاركت هيه واختها واختها فتنت عليها شنو حجت وياج اختها تصير زوجة ابن حماة اختي وتخبلت وتعاركت وياها وانتظرت تخلص امتحاناتج واحجي وياج
اني ساكته وصافنه على كلامه
ثائر: حوراء شبيج ساكته
حوراء: كلامك غريب زين تريدني لخاطر بناتك
ثائر: وروح امي اريدج الج قبل بناتي والله طيبه وحنينه وعشقتج
وبقى يسولف وياي ومستغربه من كلامه وسوالفه وتصرفاته سديت منا وعافني افكر بالموضوع
دايخه انقهرت على قصتي شويه ودك عليه وسام
وسام: هلاو حبي طمنيني شلونج
حوراء: شنو حبيبي وسام
وسام: اسكتي وانجبي انتي الي ومنتظر امتحانات تكمل حتى نتخابر واحجي وياج جد ووكفت وياج لان احبج واموت عليج واريدج اني تعذبت ونجرحت من حبي الاول وتعذبت لاانتي هم تجرحيني وتعذبيني احبج واعشقج فكري بيه والله اخطبج بدون مااشوفج وصادق بكلامي وياج وعوضيني على حبي الاول وماصدكت التقيت بحب نساني حبي
حوراء: انت كلش حلو مربة مشمش بربك مو مال ازوجك البنات يفشخوني من اطلع وياك
وسام: هههههههههههه المهم اني احبج ولج محسستني احجي ويه حياة الفهد مو رانيا حبي فكري زين والله قصي مو حب بس لان اول انسان سمعتي وسمعج تعلقتي بي
هم بقى يحجي واني صافنه عليه ومستغربه من كلامه يريدني ويحبني وانطاني فتره افكر وماكلتله اليوم يخطبوني ناس
سد التلفون وانقهرت على وسام خطيه
ليش هيج حباني ويريدني دوخوني
كمت سبحت وغسلت وتغديت
صعدت اتحضر دايخه بقصتي
قصي مااتصل بيه والله جاي افكر بي وخابرني قصي
ابن الحلال بذكره
قصي: هاحبي شلونج
حوراء: زينه وجاوبت بلامتحان قصي كملت امتحانات اريد اشوفك
قصي: ههههههه والله مستعجله
حوراء: اريد اشوفك قصي
قصي: اذا حلو شتتصرفين واذا موحلو هم شتتصرفين
حوراء: اني ماحبيت جمالك حبيت شخصيتك وروحك
قصي: اعرف ولهذا اني احبج صدمتيني من شفتيني موحلو واستمريتي وياي وتخبلت لان من شفتج حلوه ووجهج بريء ومو مال واحد اسود تزوجينه وتحبينه استخصرتج على نفسي واني حبيتج بجنون وردت اختبرج اكثر وعرفت تحبيني وتسامحيني وترجعيلي مهما يكون زعلنا واني اسمي عدي وخريج علوم سياسه وضابط وعمري 29 مو 33 وعندي 2اخوان فقط واخت وامي ووالدي بلوجود وجنت ضايج احب واتزوج وحده عن طريق تلفزيون احنه ناس عالين وكلنا خريجين ومانقبل ندخل زوجه بيتنا عاديه وانتي من حجيت لامي عليج قبلت بيج وحبتج من خلال كلامي عليج وصورتي هسه ارسلها والباجر الصبح امر لبيتكم تشوفيني بالحقيقه وتتأكدين ها شدكولين واني مااذيتج حوراء حافظت عليج حالج حال اخواتي بكلامي واسلوبي
هم بقى يسولف وياي وصافنه على كلامه واسلوبه وتصرفاته دايخه بي
سكتت ماكلتله على قسمة اليوم خطابه تجيني
بقيت ساكته وسد الموبايل ومادزلي صورته دزيتله رساله
وين صورتك قصي العفو عدي
ماجاوب عليه وبقيت اتحضر واختي صعدت تساعدني وبدلت وكملت واجونا الناس
ناديه : تعاي حوراء انزلي امي تصيحج اجني النسوان وادخلي بثكل ماشي
حوراء : ماشي
دايخه ب ثائر ووسام وعدي
طلعت من غرفتي
سمعت صوت رساله ركضت لغرفتي فتحت صورة عدي
هنا الصدمه 😱😱😱
من شفت قصي صدمني ودزيتله رساله ( هسه اكو ناس جاي تخطبني وراح ارفضهم مهما يكون حبك اذا حقيقي او كذبه وراح اخابرك واسمعك كلامهم هسه حتى تصدكني )
نزلت ودقايق دز رساله الموبايل بأيدي مرتبكه مو هنا القهر القهر الكورسيه خنكني لان جديد مشتريته مشنطه بالكعده والفستان ضيك ومخصر اوووف الله يساعد البنات شلون متحملات هاي السوالف اني هسه مامتحمله لو مااكل ثريد مو هذا حالي كله من وره مرة كاظم تطبخ واسمن
بعدين انتبهت اني ملتهيه بالثوب وناسيه قصي والخطابه
ودزلي رساله فتحتها
(حوراء بداعتي لاتنزلين واني اعرف كلامج صح وماتجذبين ولاتخلينه يشوفج اني هذا الاسبوع اخطبج والله)
اني قريت رسالته نقهرت كعدت شويه يم النسوان وكمت منهن وصعدت ليفوك
نزلت دموعي وانقهرت على حالي بس اول شي سويته نزعت ملابسي يمه عبالك حررنا الموصل من نزعتهن
ردت اخابر قصي بس اول شي كلت لازم اتخلص من كل سيئاتي واتصل بي
اليوم اختم كل هذه المهزله ويه ثائر ووسام وهذا يوسف الدازلي امه ام نص حمصه
طلعوا الناس صعدت امي تغلط وتصيح عليه ناديه هم واني ابجي
نزلوا جوه
اني قفلت الباب وخابرت وسام
وسام: هلو حبي
حوراء : وسام انت تعرف احب قصي واسمه عدي بس والله احترمك وانسان راقي اهواي راقي بس ماكدرت احبك اني لكيت عندك حنان الاخ والحنيه والامان بس ماكدرت اخليك بكلبي كحبيب اني احب عدي ومااكدر اطلعه من كلبي رغم جذب عليه وجرحني ويوميه يطلعلي شكل بوجها بس اني احبه
وسام: شفتي
اني ماتحملت كمت ابجي
حوراء: اي شفته محترك وجها ولهذا السبب عافني ومايريدني
وسام : شنو
حوراء : هسه ادزلك صورته نص وجها متشوه محترك ورغم انت وثائر كدامي بس اني اكتشفت احبه واريده اريد كلبه مااريد شكله قصي حبي الوحيد قصي وكف وياي وحنون ويخاف عليه من الهوا عدي يسعدني واسعده وانسي جروحه وينسيني جروحي اني اريده واحبه
كمت ابجي ووسام مقهور عليه ويصبرني وطلب يشوفه دزيتله رساله صورته شافه ورجع خابرني
وسام: رانيا
حوراء: شوف كل حياتي صحيح بس اسمي مو رانيا حوراء
وسام: هههههه ادري مو رانيا
حوراء: شلون عرفت
وسام : متأكد مو اسمج من اصيح بأسمج تستغربين
حوراء: اسفه
وسام: لا حقج
سكتت مستحيه منا واخلاقه تخبل
وسام : حوراء انتي انسانه راقيه بكل معنى وصادقه وكلبج نظيف والصراحه اني ماحبيتج اني ارتاحيتلج والدليل ماشايفج بس صرتي مصدر راحتي واتمنى انسانه تحبني مثل حبج لقصي هنياله على حبج
حوراء: عدي
وسام: ههه عدي والله يوفقج ووعد هذا اخر اتصال النا وماازعجج ولااضوجج واتمنى اسمع اخبارج بخير وشوكت ماتحتاجيني اني حاظر اوكفلج وكفة اخو
حوراء: تسلم وسام وربي يوفقك
غلقنا الخط ومرتاحه من كلامه وماتوقعته بهذه الاخلاق واتصلت على ثائر احجي وياه حتى انهيها وياه واخابر عدي المشتاقتله وروحي بي
حوراء: هلو ثائر
ثائر: هلو حوراء بشري خربت
حوراء: ثائر خابرتك حتى اكلك اني احب قصي ورجعلي وكل حياتي ومااكدر احب غيره ولااشوف غيره الله يخليك قدر هذا الشي وانت عندك بنات وعلى ساعه ترجع زوجتك وحتى اذا تزوجت اني يمكن راح اقصر ويه بناتك ومااعرف اتحملهن لا مااعرف نفسيتي ومسئوليه صعبه والله يخليك اعتبر انتهى كلشي بينا واحترم قراري
ثائر : تنجبين وتحترمين نفسج وانتي الي واذا تفكرين بغيري اني انشر صورتج بلبلوتوث وتنفضحين واحترمي نفسج واقبلي بيه وبلا قصي ولا فلان ادبسزز كاعد تقارنين الافضل وتختارين بنت شوارع انتي وجايه تستشرفين براسي
اني تخبلت من كلامه خفت يصيح وعصبي
سد التلفون دزلي صورتي فعلا محتفظ بيها
راح ينشرها تخبلت كمت ابجي ومااعرف شنو اتصرف ولليل بابا صاحني نزلت عيوني مورمه
بابا : حوري ليش فشلتيني كدامهم وكمتي
حوراء: بابا كمت بكل ادب
ماما: انجبي فشلتينا كدامهم
حوراء: وين فشلتج
بابا: حوري شنو رايج حتى ماشفتي الباجر الولد يجي يشوفج
حوراء: مااريد اشوفه ولايشوفني
بابا:حوراء 😡 الباجر يجي وتكعدين ومن تشوفي احكمي
اني انقهرت صعدت ابجي لكيت عدي متصل بيه ماخابرته ابجي على موضوع ثائر راح يفضحني بصورتي وشلون يحجي ويسولف وليش اني صدكته
عدي يتصل واني ماارد ولا احجي وياه
دزلي رساله
(الله يخليج لاتعوفيني الله يخليج والله احبج وتعلقت بيج اعرف ماعجبج وخفتي من شكلي بس والله احبج وادللج وعفتج حتى ماترفضيني )
كمت ابجي وكل حبي وهذا بعده مواثق بيه وخابرته عصبيه وابجي
حوراء: قصي كافي ارحمني كل عيوبك واني احبك ومافكرت لحظه اتركك ليش ماتحس بعد علاقتنا واحد خابرني وتعرف عليه وخطبني وماحبيته وافكر بيك ورجعتلك وخطأت بسببك وكل اخطائي واحبك وواكعه بمصيبه واستحسفت احجي وياك اكول اني رخيصه مايستاهلني والله يحبك وكل هذا ودكلي اني مااحبك
سديته بوجها وكمت ابجي وعاصره نفسي جوه الغطه وابجي الى ان غفيت الفجر
والصبح كعدت ولكيت ثائر مراسلني
(حوراء قرري اليوم لو اخطبج لو افضحج)
قهرتني رسالته وموتتني وكرهته كره
دزيتله رساله لان مااتحمل احجي وياه
(اخطبني تعال الباجر انته واهلك )
خابرت وسام مختنكه وحجيتله كولشي ومتعجب على المصايب
وسام: حوراء شلون دزيله صورتج
حوراء: ماادري وشسوي اني
وسام: لازعلين مني مخليه 3 اشخاص تحجين وياهم بنفس الوقت ودزين صورتج وتحبين قصي وانتي خالتنا اني وثائر وعدي وتشوفين ياهو الافضل اختاريتي عدي صح قبيح بس حبيتي فلوسه غني ويضل يباوع لحلكج العمر كله والله يحبني مااخذتج وجايه دكليلي بنت ناس روحي عمي روحي اذا امي هيج تتصرف هم اتبره منها روحي استغفري ربج واحمدي ربج هذا راح ياخذج ثائر ونصيحه كسري سيم كارت ولاتخلين عدي يعرف وهم يأذيج
سد الخط بوجهي وقهرني بكلامه
رحت سبحت وتوضيت وكمت ابجي ابجي ابجي
ثاني يوم اجونه اهل ثائر واهلي مستغربين من جيتهم واني مقهوره وخايفه
ناديه صعدتلي
ناديه : هذا الولد تحبي لهذا رفضتيهم ولج تحبين مطلق وبديالى يالثوله
اني : اطلعي ناديه خلي ابدل
ناديه تحجي وتغلط واني ماتحملت اسكت حسيت اريد اموت كمت اصيح ويسمعونا غرفتي قريبه على الصاله الجوه
حوراء: كافي ناديه مافكرتوا ولا يوم تحتوني انتي وامي انتي كل همج عمار وامي بس تطبخ مافديوم سالتني من ابجي تضحكون عليه من اضحك تضحكون عليه من احزن محد مهتملي من افرح محد يشاركني وبس تنصبون عليه كافي تعبت منكم واخطا ومادكولون وينج ليش بغرفتج شبي موبايلج تعرفين هذا ليش راح اوافق عليه لان مهددني يفضحني بصوري يفضحني ياناديه يفضح شرفكم وعرضكم
كمت الطم مثل المخبله ونزلت عصبيه واريد اخذ السجينه واضرب نفسي وركضت ناديه وامي واخوات ثائر يباوعن عليه
امي: تخبلتي
كامت تبجي وتحضني
حوراء: يمه تخبلت يمه لو ادري هذه السجينه تخليج تحضنيني اخليها بكلبي من زمان عمرج ماسالتي عليه عمرج مافكرتي بيه اذا تشوفين دمعتي دكليلي الدب هم عنده دموع وتضحكين وتستهزئين تعرفين شنو هذا كلامج تكتليني الف مره وتذبحيني وهسه جايه تحضنيني من ضاعت بتج وفضحت نفسها ودزيت صورتها
اكرم: شنو😡😡😡
تخبل عليه ماندري بي دخل بيتنا سمع كلشي وراد يكتلني ناديه وامي والبنات فكو مني
شردوني لغرفتي صعدوني وقفلت الباب
طلع لثائر اسمع صياح بالشارع واجه سجاد يفاككهم ومن عرف سجاد القصه هم ضربه وصارت الهوسه والجيران فكوهم وانفضحنا بالمنطقه
اني بغرفتي صارت كعده ويه ثائر بوقتها ثاير يحلف ماياذيني وماسح صوري
ماينشر هو يحبني ويريدني بس خله الوم بيه واني دزيتله صورتي بسهوله واكرم كام ضربه
ووكفوا الناس وبعدها ثاير كام يصيح
ثائر: صاير رجال براسي بيك خير روح اغسل عارك ردت استر على بتكم مصادقه 77رجال واني رضيت بيها صاير رجال وياي
تخبل اكرم من كلامه دخل للبيت واخذ سجينه من المطبخ وصعدلي وابوي ماكو بعده
امي وناديه وجيرانه النسوان وزلم وياه يهدئونه
اني اصرخ وخايفه احس هذا وقتي ويومي
اكرم: افتحي الباب ساقطه
يدفر بالباب وامي وناديه يصارخون ويسكتونه
دفر الباب وكسرها بدخلته خله السجينه بصدر حوراء
ام اكرم : يمه حوراااااااااااء
كعدت الصبح على صوت فيروز نسم علينا الهوى
ساهر يغني بالاغنيه
ضحكني واباوع على ابني شحلاته نايم مثل الملاك يخبل
حوراء:صباح الخير
ساهر: صباح العسل ياعسل
بسته بخده
حوراء: شعندك من صبح فيروز
ساهر: عاشق ولهان وموتتني حب حياتي وانسم عليها بلهوى واحضر ريوك الي والها
حوراء: هههههههههه
ومشيت عن وساهر جرني من أيدي
ساهر: وين
حوراء: للحمام اسبح
ساهر: ليش بله اليل كله نايمه😡 على شنو تسبحين لابوي
حوراء: ههههه متعلمه اسبح يوميه من تزوجنا لحد الان شبيك
ساهر: ماتسبحين على الفاضي
حوراء: يعني
ساهر: اخليلج سبب حتى تسبحين
حوراء: ههههه لاحباب ممصدكه ابنك نايم بس نروح يكعد واليل كله شلع كلبي
ساهر بلا تفكير سحبني واخذني للصاله
حوراء: وين ساهر
ساهر: ابنج خطيه نايم ونومتي اني هم خطيه نوميني وسبحيني
حوراء:هههههههههههه ساهر لا
ساهر: حوراء اي
حوراء: ههههه لاتقلد
صرت بحضنه
حوراء : راح تنكسر القنفه
ساهر: نصلحها يوميه كاسريها وادكها
حوراء : هههههه
بعدها كام يبجي علاوي
حوراء: ساهر علاوي
ساهر: عوفي يقوي كلبه
بقيت بحضنا
علاوي يبجي بقوه دفعته ويضحك عليه ساهر
كمت لعلاوي ارضعه دخل وراي ساهر اخذ ملابسه
ساهر: ابن الكلب وكتك اريدك ماترتاح ولا لحظه ويه مريتك
حوراء: اسم الله لاتدعي على ابني
ساهر: هههههه خايفه عليه يمه يمه مرتي الدبدوبه
باسني بخدي وباس علاوي ودخل للحمام
اباوعله شكد حلو ساهر وطيب وسعيده وياه
عوضني عن كل جروحي واخطائي
تذكرت من اكرم ضربني بصدري وهمزين مامتت بيومها ركضوا بيه للمستشفى وامي وناديه وسجاد يتصارخون عليه عبالهم ميته
الحمد لله كمت بسلامه ومابيه شي مو خطره
صارت بكتفي طلعت من المستشفى
ابوي مايحجي وياي كلهم يلوموني
بالكوه خلصنا اكرم من المشكله وطلع منها بحجة اني انتحرت وصارت فضيحه
صارت كعدة زلم وعشاير ويه ثائر اعتذر منا
وسام ذاك يوم وهذا يوم اني ماحجيت وياه من اخر مكالمه رزلني بعد مااعرف اخباره
اما عدي اوووف ياعدي وسوالف عدي
طبعا اخذوا الموبايل مني وعدي حسيته عرف بفضيحتي لان يجي بمنطقتنا
اكيد عرف بس ماجنت اكدر اخابره ولااكدر احجي وياه ماعندي موبايل
ابوي سنتين مايحجي وياي ولا ويه امي وحزين
امي مستحيه مني وعلى تصرفاتها وياي
تحجي وياي رسميات
اكرم 3 اشهر ونسى السالفه عادي وياي بس اكو حاجز بينا يراقبوني وماعندي غرفه انام بالصاله
عاقبوني عقابات بس الله يعلم بيها ممنوع اصعد غرفتي ممنوع اكعد وحدي ويه اهلي
طلعت نتيجتي ناجحه ومااهتميت
ابوي من سمع ناجحه نزلت دمعته عليه
مقهور مني ومعدلي حلو بس ماقبلوا اكمل بالبيت كاعده وماحجيت
صار 7اشهر على سالفتي كرهت حياتي
كمت ابجي اختنكت يعاملوني معاملة حيوانه يراقبوني
بعدين ناديه انقهرت عليه قنعتهم اروح يم بيت عمي ويه بناتهم ارتاح ورحت يمهم واشكي للبنات وابجي وبنت عمي اقترحت اخابر عدي من رقمها وخابرته
حوراء: هلو عدي
عدي: هلوووووو حوراء شدعوه عليج هستوج ذكرتيني
حوراء: ماعندي موبايل
عدي: اي ماعندج خطيه الله يعينج
حوراء: عدي شبيك اني ماعندي ومن اجيت لبيت عمي اخذت موبايلها واتصلت بيك اني اريد اعرف اخبارك واشكيلك همومي
عدي: هههههههه اي انتي شردتي من شكلي انتي ماتحبيني
حوراء: عدي كافي هاي سوالف اني صارت بيه كارثه
وكعدت اسولفله كل قصتي ويه ثائر ويسمعني ومتعجب عدي على قصتي وابجي واسولفله قصتي ويسمع
عدي:زين ليش ماحاولتي تخابريني من اي رقم كل هذه الفتره عبالي انتي تزوجتي وتركتج
حوراء: ليش ماسألت انت عليه
عدي: اني حاليا متزوج حوراء
حوراء: 😱😢 علخير
عدي: حوراء اني شكلي مامشوه ومابيه شي وبلعكس شاب مرتب وجان كل همي اجربج تحبيني وماتوقعت لهلدرجه تحبيني اني متندم
ديحجي سكته
حوراء: لحظه لحظه يعني الصوره الثانيه هم مو انت
عدي: لا مو اني
حوراء: مع الاسف شكد انسان تافه يوميه تختبرني وتجربني وصارت بيه كوارث بسببك وبعدني احبك وهسه جاي دكلي مزوج وموشكلي يالنذل ياحقير ياسخيف
غلقت الموبايل وكمت ابجي مثل المخبله
عدي يضحك عليه بالصور ويوميه صوره ولحد هذا اليوم مااعرف شكله ومااتمنى اشوفه كرهته وكرهت اسلوبه ورجولته
كرهت نفسي على اخطائي ولا واحد صالح وصادق بكلامه وياي بالموبايل وكانت اكبر عبره بحياتي بسبب رغباتي خسرت سمعتي واهلي و دراستي
سنتين لااطب ولااطلع بس بالبيت كاعده
كمت بس اصلي واستغفر ربي يوميه
ابقى لصبح اصلي اقره قرأن حتى اهلي تخبلوا عليه
ضعفت ضعف بعدها ناديه قنعت اهلي اكمل دراستي
خافو من اسلوبي ومااحجي وياهم
بس اعبد ربي ودموعي تجري بس الله يعلم
بهلسنتين شنو مرت عليه
بعدها قدمولي جامعه ادرس ورحت لغه عربيه تربيه مسائي هناك تعرف على ساهر مرحله ثالثه ويكمل دراسته مرحله رابعه
جبير بالعمر اكبر مني ب20سنه بس حلو ومرتب معتني بنفسه
حجيتله كل قصتي وفاجأني خطبني ماردته وماقبلت بي
بس اهلي جبروني لان محد اجه خطبني من صارت فضيحتي تزوجت واني مامقتنعه بشكله وعمره
احس مثل المغصوبه صح احترمه بس مااريده زوج وتزوجنا وبلليلة زواجنا
ساهر: حوراء اعرف ماتحبيني بس والله اخليج اسعد انسانه وثقي بيه حتى اكدر اسعدج وتسعديني ومااتقربلج اله برضاتج
كلامه حلو وبقى يسولف وياي ومااقبل يتقربلي وهوه مايتقرب بس نار عليه ول2بليل نسولف والى ان غفيت ونعست على التخم وكعدني كومني لسرير وهنا هوه بعد مايتحمل وبقى يبوسني الى ان اني ذبت باحضانه
وصرت حلاله
الفارس...
كان اسلوبه وتصرفاته وحبه الي حلو ويخبل والحمد لله مرتاحه وياه ومدللني وبعيده عن كل الناس حتى اهلي بالمناسبات
مرتاحه ويه زوجي ابو علي وبعد زواجنا ب10اشهر اجانه علاوي وهسه عمر علاوي 3اشهر ومرتاحه وسعيده وتخرجت وكاعده بالبيت ماكو تعيين حالي حال الكل
رجعت من كل ذكراي وانتبهت على علاوي نام الحلو وخليته بسريره وكمت اتحركت بالبيت
ساهر: حورية ساهر
حوراء: ها
ساهر: تعاي
ههههههه بعده بالحمام اعرف سوالفه
رايحه لزوجي وحبيبي وعمري وابو ابني وسندي بلحياة وكل املي هوه
حكايتي اكتملت هذه قصتي واتمنى تكون عبره لكل ام ولكل بنت واتمنى رغباتكم تكون بحدود ونحافظ على ثقة انفسنا قبل ثقة الاهل واتمنى القوه والعزيمه والصبر وعدم الانهزام من سماع السلبيات حولك
وفي قصتي مهما يكون اخطاء الاهل او الرجل لااحد يلومهم فقط البنت تلوم وتكون ضحية المجتمع وهذا داء ليس له علاج بأنصاف المره عند مس شرفها
وعسى ربي يحفظ بنات العراق وبنات العالم جميعا ويستر على كل بناتنا
وللحكايا نهايه
النهاية