رواية انا ورغباتي
الفصل الثالث
بقلم انو انو
حوراء: الوووو
؟: حوراء
حوراء: اي حوراء
؟: اني زوجة ثائر ام تبارك بنت ثائر تبارك ورحمه
حوراء: مستحيل
ام تبارك : شنو مستحيل ليش حبيبتي اني اليوم زوجي يجي ويكلي خطبت وخبلني وشفت رسائلكم وعرفت انتي وبكته منا وخابرتج
حوراء: اكلج انتي متأكده ثائر ثائر عفيه لاتقهريني كليلي جذب عفيه حبابه والله مكيفه وفرحانه رجال يحبني ويحترمني وشاريني عفيه لادكولين هو جذاب وخاين عفيه كوليلي جذب حبابه هسه جنت ادعي ربي يسهل امرنا حبابه لاتقهرين كلبي
احجي وابجي ارجف مااشوف دربي
طلبت اعوفه وتحجي وياي بكل برود وسدته
خابرته اريد اغلط عليه اريد اسبه اريد اخنكه كرهته كره حقدت عليه حقد مو طبيعي
السخيف يريد يزوجني وهو مزوج
يريد يهجم بيته
كعدت افكر دايخه هذا يخابرني بالليل براحته
يمه يطلع من غرفته ويخابر بالسياره
جريء وياي طبعا جريء مزوج وحار
قهرني من صدك
بالليل خابرني اني ابجي ومااكدر انزل لاهلي اكلهم هسه يكلولي شمعرفج
ثائر: هلو حبيبي شلونج ماتسأل علينا شدعوه اخ حوري كلبي مورم عليج شكد احبج واريدج حلالي وبحضنج والله نعيش احلى حياة واعوضج الدنيا كلها ويصير عدنا اطفال
حوراء: اي اطفال ونسميهم تبارك ورحمه شنو رأيك
ثائر : والله ناوي اكلج واخاف منج واليوم مقرر اعترفلج شلون عرفتي سألتوا شبسرعه
حوراء: ماتستحي ياحقير ياادبسزز ياجبان تخدعني ليش ولك ليش مو اني امنت بيك وكلت راح انسى قصي والله عوضني بيك تخدعني واجذب عليه مزوج وساكت اي دكلك سمينه وجمالها بسيط لهذا توافق عليه واني حلو وشخصيه اني اكول شعجب حبني ويريدني الله ينتقم منك ياجلب ياحقير
ثائر: والله مامفكر هيج بيج والله حبيتج واحترمتج واحب كلبج الطيب انطيني مجال افهمج
حوراء: كول انطيني فرصه اجذب عليج الله ياخذ حقي منك حسب الله ونعمه الوكيل بيك ثائر
كمت ابجي غلقت موبايلي
يومين بغرفتي اتحجج مريضه تعبانه بالكوه قنعتهم مابيه شي
يوم الثالث نزلت لابوي
كلتلهم مااريده هذا الولد شعندي رايحه لديالى
لاتسالون ولاتسوون
بجيت مااريده اقتنعوا
صعدت ابجي احزاني وهمومي واسراري وحدي عايشتها
تعبت مختنكه ماكو احد احجي وياه صديقه اخت ام همومي وحدي بهل دنيا
بقيت الليل كله ابجي
الصبح كعدت لكيت امي خابرت اخواته عتذرت منهم
رفضتهم بقيت اكعد جوه
مااصعد غرفتي حتى مااضعف افتح موبايلي واتصل
بقيت اسبوع
بليل اصعد انام وابجي
ماتحملت فتحت موبايلي
بقيت اباوع على صور قصي حافظه صوره
احجي وياه واعاتبه كله بسببه خلاني احبه
عافني وبسرعه حبيت ثائر وبسببه
بقيت ايام محد يتصل عليه
رجع الفراغ العاطفي من جديد كتلني
كعدت اقره سادس والتهيت بالدراسه
قرىت ادخل جامعه واحب وانحب
نجحت بالتمهيدي
كمت اقره بكلوريا
اتصل عليه رقم غريب توقعته ثائر ورديت عليه
حوراء : الو
قصي: شلونج حوراء
حوراء: مستحيل قصي شذكرك بيه
قصي: حوراء مانسيتج واحبج واموت عليج وعذبني فراكج وحبج
حوراء: ههههه حيل بعد 5اشهر ياله حسيت بربك لو اسبوع شهر شهرين مو 5اشهر تتندم
قصي: اذا اكلج اجي لبيتكم وافوت منا كل يوم كل يومين من افتر بسيارتي امر عليكم اشتم هواج وارجع
حوراء: ياهوى يمعود سمينه و سمره وماافيدك وعلى حجاية بابا ألندلون وماادري بيك ولاجنك بلال الحبشي
قصي: الله كل هذا حاقده عليه
حوراء: روح بابا الله وياك شوف وحده طردتك وماحبتك مثلي وقبلت بيك كلت ارجع لحوراء السمينه توافق عليه لامتوهم انت جرحتني لاارجعلك ولاترجعلي واترخص مااريد خطيبي يدك عليه ويلكاني اخابر
سديت الخط
هو يخابر وماارد
اريد يطلعله انتظار ماعندي احد اخابر واحرك اعصابيه
صار تلفزيون كدامي اخذت بسرعه رقم رمشتله
صدك بسرعه اتصل عليه الرقم
اثنائها قصي يدك شافه مشغول
رديت حتى يطلعله انتظار
الولد ::الووو حب الووووو عيني وينج
حوراء: مرحبا
؟ : يمه يخبل صوتج رومانسي اه شكد حلو شسمج
حوراء: انته شسمك
؟: اسمي وسام
😱😱😱😱😱😱😱😱
تخبلت عزه وسام وعلي لكيته لوسام وقصي يدك عليه
حوراء: عاشت الاسامي
وسام: وانتي
حوراء: اني رانيا
ههههههه مستباركه بأسمي مااتوب من اسم رانيا
وسام : اها عاشت الاسامي حلو اسمج واه صوتج حلو
اني 😍 نعمت صوتي بعد
وسام: شكد عمرج رانيا اه اه
ويحجي وذايب ويتنهد ومااعرف شبي الولد
حوراء : عمري 18
وسام: اه ولج عيني يخبل عمرج اه يله تعاي يمي
يا شنو تعاي يمي
حوراء: انته شكد عمرك
وسام: 26سنه
حوراء: ها حلو عمرك
وسام: اه يابه اموت على الحلو اريد اشوفج دزيلي صورتج
حوراء: لابله شنو ادز صورتي وشبيك جنك وحده تطلك ذكرتني ب اختي من تجيها الطلوكه الغسل والكبر والجفن اي والله
سديت الخط قهرني شكد ادبسزز
بقى يدك عليه ومااقبل اجاوبه
ارفض وقصي يتصل ماارد
دزلي رساله قصي
(حوراء ردي اعرف جذابه وماكو احد ومامخطوبه وتتصلين بصديقاتج حتى تقهريني )
ورجع وسام دزلي رساله هم
(اسف والله عبالي من البنات مو زينات اذا انتي شريفه ليش اخذتي رقمي واتصلتي عليه مو اخلاق بنيه زينه ادك على ولد وتاخذ ارقام من تلفزيون )
صدك فشلني وقهرتني رسالته ليش اني هيج وصلت مرحله
خابرته ورد عليه وابن الجلب من رصيدي وط
كطعته وهمزين رجع خابرني
حوراء: اولا اني شريفه مو موزينه ثانيا اني صح خابرتك واخذت الرقم بس مو معناها موزينه اني مختنكه ومقهوره ومهمومه وحدي لاعندي صديقه لااخت وخابرتك بس ماتوقعت هيج تحجي وفهمتني غلط
وسام: اسف اني والله واني مو مال هموم وحب اريد ارتاح ماتفهمين قصدي زين خلينا اصدقاء بلا حب
حوراء: بعد احسن اني مااريد حب اكره الحب وعقدني
وسام: مبين مجروحه ومكسوره
حوراء: لا
وسام: اخ اخ ههههههههههههههه بس والله ضحكتيني من رزلتيني كل ساعه اذكرها واضحك
حوراء : لان ضوجتني
وسام: ياصف لو طالبة كليه
حوراء: سادس بكلوريا
وسام : ها اي شدي حيلج صعب السادس شك حلكي
حوراء: ليش انته شنو
وسام: مهندس صار سنه متخرج
حوراء: موظف
وسام: هستوني ماصارلي اهواي كم شهر على تعييني وتعب
وراء: ناقصك بس مره
وسام: هههههه يامره يمعوده شعندي بشلعان القلب والضيم اعيش حياتي ومن يصير عمري 30 افكر بالمره هسه خليني اتونس اسافر اكون نفسي بلدنا تعبان مو مال زواج
حوراء: هذا تفكيرك هيج بس شحلاتها المره وياك وتكون اسره وبيت وعائله واطفال حلوين
وسام: الله كريم سولفيلي عن شكلج
وراء: رجعنا
وسام: ههههه احوص مو
حوراء: اهواي
وسام: ياعيني لساني فلات شسويله
حوراء: كصه
وسام: ههههههه الله عليج احجيلي مواصفاتج
حوراء: احجيلي انت
بقينا نسولف بس هوه لامه
اخواته مزوجات
اخوته مزوجين
بس هو عايش ويه امه وموظفه امه هو هم
من نحجي دك الباب تحجي شكد وبأدب
مو مثلنا اكرم وسجاد بالصياح والعياط عائله مخربطه عابتلهم
ومرت ايام اني ووسام نتخابر بس بليل يتصل بعد ال 12
ادرس يشجعني على دراستي
لسانه يفلت مايبطل سوالفه
اني امنعه قصي مرات يتصل
ارد عليه اجاوبه بثكل ومااقبل احجي وياه
قصي: شكد قاسيه انتي ماتحبيني
وراء: احبك وبسببك خطات اهواي كسرتني وجرحتني وتريد ارجعلك
قصي: والله اسف ولج والله مو قصدي اني لخاطرج ماردت اجرحج واذيج وشفتج شكلج حلوه ومرتبه وطفوليه وكلبج طيب وبالحظة ضعف رفضتج
حوراء: شتريد قصي مني
قصي: اريدج واحبج وجنت اختبرج ومااكدر على فراكج
حوراء: شنو قصدك تختبرني
قصي: اريد اشوفج شكلي الحقيقي وجنت اريد اشوفج تحبيني وفعلا طلعتي تحبيني اني مو اسود
حوراء : شنو مستحيل
قصي: والله اني رجل عاقل ومو مال هذه الامور بس جنت اريد اوصل لغايه وياج
حوراء: قصي مااريد اشوفك وانت بنظري حلو دزيتلي شكل واحد اسود واكتشفت احب گلبك مااحب شكلك وانت لا اختاريت شكلي مو كلبي بعد شلون أمن عليك
قصي: شوفي انتي عصبيه وراح اعوفج ترتاحين وتكملين سادس ونتخابر وهذه الايام قربت الامتحانات تكملين ويصير خير
اني ضجت خبطت عندي وسام وقصي وبيومها خابرني وسام بليل
حوراء: وسام اني شنو بلنسبه الك
وسام: صديقه عزيزه وبس اطماني اني مااحب وماافكر بالحب
حوراء: مبين مجروح صح
وسام : بنت خالتي احبها حب وبعدين تزوجت ابن خالي وحب طرف واحد ولحد الان نفسي بيها ومااكدر اتزوج واني كلبي وروحي يمها
حوراء: تحبها لعد ليش تحجي كلام جريء
وسام: غريزة رجل مااتحملها يختلف عن الحب تعرفين حتى انام ويه بنات بالحرام اجيبهن للبيت
حوراء: عزه شكد عيب
وسام: رانيا اكيد حبيتي
حوراء: اي
كعدت اسولفله عن قصي وحبي اله
وثائر ظهر بحياتي بس بقيت احب قصي
رغم شكله حبيته وحجيتله خابرني واعترفلي بشكله الحقيقي وسام صافن عليه
مستغرب من حياتي وحجيتله عن شكلي واهلي وكلشي سولفتله
بقينا نضحك ونسولف
صار مؤدب وياي ومشت الايام
قربت امتحاناتي شجعني بدراستي
انطاني قوه وهدف وعزيمه
بديت اقره بلامتحانات غلقت الموبايل
بالي يم قصي احبه
بيوم امتحاني الصبح ب6 خابرني رقم رديت عليه
حوراء: الو
قصي: احبج اموت عليج
اني نزلت دموعي وماتحملت الموقف
قصي: لاتبجين
حوراء: احبك بس انت فشلتني وقصرت بحقي واني حبيتك
قصي : حوراء اطلب طلب
حوراء: شنو
قصي: اريد بوسه اول مره اطلب منج بوسه لان حيل مشتاقلج واحبج وبراحتج
اني بلا وعي ولاتفكير بسته بالموبايل وتحصر الف مره قصي على البوسه وباسني هوه هم
قصي: متحضره للامتحان
حوراء: اي
قصي: يوميه اخابرج هيج وكت ومن ترجعين بس رمشيلي طمنيني عليج وانتبهي على دراستج وامتحاناتج ماشي عمري
حوراء: ماشي
قصي: يله مع السلامه
حوراء: مع السلامه
سديته فرحانه ب قصي وتصرفه وحبه
شكد احبه وفعلا حب الاول ماينسى
بس بقيت دايخه بشكله خايف منا اكثر من قبل
يبوووو لو باقيه على بلال الحبشي افضل
كعدت افكر بي اشهب لو معوق هوه ضابط اووف والله دوخني
رحت للامتحان رجعت وقصي خابرني يطمأن عليه
قصي: شخبارج شلونج بلامتحان
حوراء: زينه
قصي:ياعمري
حوراء:قصي اريد اشوفك
قصي : اشوفج بس مو هسه
حوراء: لا جذب شلونه شكلك
قصي: هوه نفسه
حوراء: اهوووو قصي رجعنا لبلال الحبشي
قصي: هههههههههههههههه شكد احب طيبة كلبج اريد بوسه
حوراء: ما
قصي: اووف الحلو يدلع عليه
حوراء: يله اريد اشوفك بداعتي قصي
قصي: يمه يمه مستعجل على شوفتي وعيونج بعدين
حوراء: زين اني هسه احب الاسود مااحبك شلون هسه
قصي: هههههههه اصبغلج نفسي واكعد شتريدين بعد
حوراء : ههههه والخشم اموت عليه اكبر خشم بالدنيا كرهتني بكل الخشوم بهذا خشمك
قصي: ههههههه ولج طلعتي صدك ماتحبيني
حوراء : اني بجيت اهواي بليلتها من شفتك بس حبيتك ورغم اسبوع على علاقتنا وبقيت احبك
قصي: بعد عمري انطيني بوسه
حوراء : ما ما
قصي: لا افلت احسن يخبلني صوتك يله عمري ديري بالج على نفسج وادرسي زين ماشي حبي
اني حجيت وياه بصوت ناصي ودلع
حوراء : قصي
قصي: اروح فدوه لاسمي شكد حلو بصوتج ها عمري
حوراء: شويه اسمع صوتك مشتاقتلك
قصي: ياروحي صوتج يعذبني وتدلعين عليه وماترحميني وتنطيني بوسه وعندج امتحان وتعرفين من اشتاقلج اخاف عليج واشرد من صوتج والله مشتاقلج بس اتحمل لعيونج تكملين امتحانات ونتخابر مثل قبل لصبح وعندي اهواي حجي وياج بعد الامتحانات وهدية نجاحج اخطبج
حوراء : ياعمري انت هديتي وجودك يمي
قصي: ماتنطيني بوسه وتحن عليه
حوراء: هههههه ما
قصي: هههه ماشي اروح مكسور الخاطر
حوراء : لا اوكف احبك اممممممممممووووووووووااااااااح
قصي: من اروح فدوه احبج يله عمري ركزي ماشي
سد المكالمه بليل وسام خابر يشوفني شلوني
حوراء: وسام الصبح قصي خابرني وحجه وياي
سولفتله على قصي تصالحنا يسمع مني وسام ضايج وزعلان
حوراء : شبيك وسام
وسام : رانيا اني احبج
😱😱😱😱😱😱😱
وسام: اني احبج
حوراء: عززززه وسام لا حباب اني فرحانه بيك صديق
وسام: يجذب عليج قصي وين جان لاتكسريني واني ماصدكت حبيت وحده بعد بنت خالي عفيه لاتعوفيني وتركيني ابد حبابه
حوراء: وسام حتى ماشايفني
وسام: بس حاجيتلي كل مواصفاتج وعيوبج وحبيتج لهذا السبب انسانه نقيه وصالحه وجوهره
كلام وسام حلو عجبني صدمني بس اني مااحبه
سد المكالمه ودزلي صورته ويمه مو وسام موزه أخر حلاوه ياحلاوه يمه اذا اخذه اكيد البنات كلها تكفخني
بقيت افكر بكلامه انقهرت عليه صح حلو ومو مؤدب
بعدين صار حباب وياي بس اني احب قصي
مااغير فكري وبالي غير قصي
جنت فرحانه بوسام صديق اشكيله كل همومي
بقيت سهرانه اقره ومامركزه زين
ثاني يوم خابرني ب9قصي الامتحانات بين يوم ويوم
قصي: صباح الخير ياعمري
حوراء: صباح النور
قصي: جاي تقرين
حوراء: قبل شويه كعدت
قصي: اذا تحبيني اريدج تنجحين بداعتي وركزي على دراستج ماشي عمري تره كافي مشتاقلج وعلى اعصابي منتظرج تكملين
حوراء: هههههه ماشي اوك
قصي: احبج
حوراء: اموت عليك امووووووواح
قصي: يمه كلبي شلون اموت اليوم انباسيت بدون طلب يله عمري روحي اقري وشدي حيلج
حوراء: اوك
سديته كمت نشطه غسلت وكعدت اتريك ومن دخلت ماما وبابا سكتوا
اكرم : ليش سكتوا
بابا: من تكمل امتحانات نحجي وياها
اكرم: هههه بس تسمع تشمر الكتب بتكم دثو تريد عرس مو شكولات دراسه
حوراء: بابا شكو
شكد قهرني اكرم شكد سخيف
مايبطلون سوالفه وياي
امي تضحك على كلامه
الغربه ارحم منهم يحترموني ويقدروني
بابا: كملي امتحاناتج بابا
حوراء: هوه شكو
امي: هههه فارت بعد ماتتحمل سمعت عرس
بابا: اكو واحد صديقي تقدملج
حوراء: بابا اني هسه امتحانات ومااريده ارفضه
اكرم: ههههه هم ترفض الطحش مالنا ولج منو ياخذج يكلج اموره توب
امي: عنده بيت وحلو وبس امه وياكم واخواته اثنين
حوراء: ماما اريد اخذ شهادتي والله كريم نحجي بعدين
بابا : كملي واذا نجحتي شتقررين اني موافق وادخلج كليه والله
حوراء: اي بابا عفيه اريد دراسه اني متندمه بطلت
امي: امداج ثوله وتبقين ثوله اليوم اجاج واحد باجر محد يجيج
كمت من الريوك صعدت ضايجه
لكيت وسام مخابر مارمشتله وطسكتت عفته
بقيت اقره وارجع اصفن على القسمه
ارجع اذكر كلام قصي يريدني انجح
ارجع اقره واركز وموبايلي يرمش وسام
مااريد احجي وياه واتوتر
بلاخير دزيت رساله لقصي
ح اغلق جهازي لايضل بالك وبالليل افتحه
غلقته وبقيت اقره وماانزل جوه
بس بغرفتي وبلليل ب12 فتحته
وصلني 3رسائل من قصي و8رسائل من وسام
قريت رسائل قصي يسأل عليه ومشتاقلي وشكد حلوه اسألته الي
وفتحت رسائل وسام يتعارك وياي برسائله
(وينج ليش غلقتي موبايلج)
(رانيا شبيج وشخبارج بلدراسه ولج بس لا ماتت رانيا من شافنني)
(رانيا لاتخليني بقلق )
وكلهن قلقان عليه والاخيره اتعارك وياي
(كافي رانيا ب11وانتي ماكو من تفتحين الخط خابريني عيب مجرد رجعلج قصي شمرتيني شنو اني احتياط مخليتني)
ضوجني بكلامه وخابرت بلاول قصي
كلت اخابره بعد قصي
رمشتله بسرعه رفض وخابرني خطيه منتظرني
حجه وياي وسلم عليه وسأل عليه اثناء كلامه وسام اتصل بس سكتت
بقيت احجي ويه قصي
قصي هم ماتأخر شويه وراح حتى انام
جنت تعبانه من الدراسه وعندي كعده ب4
بلغت قصي اكعد ب4 اراجع وباسني وراح حتى انام
اني غلقته وشفت 22مكالمه وسام
حوراء: الو
وسام: ويامن تحجين😡
حوراء: لاتصيح وويه قصي احجي
وسام: ليش مامحترمتني
حوراء: وسام شنو قصتك اني احب قصي وتعرف من زمان احبه ويحبني
وسام: ثوله منو يحبج شايفج وماتحمل شكلج وعافج ماتفتهمين انتي غبيه ومالكه غيرج رجعلج ثوله افتهمي اهتمي بدراستج ولاتهتمين بلخرابيط
اني ضجت منا وسديت الخط
بجيت ضليت افكر بكلامه دوخني
غلقت الخط ونمت
كعدت الفجر اقره خابر قصي ب 6
ثكيله بوجها افكر بكلام وسام
رحت للامتحان الحمد لله جاوبت امتحان عربي
بس من رجعت تلكتني امي ولكيت اختي عدنا
ناديه : ها طبيه ان شاء الله ههههه
امي : هههه يمه مانريد 100 نريد 99 موافقين
اني ضحكت بوجهم ومجروحه منهم حتى مااهتموا بيه صعدت لغرفتي
عفت موبايلي مافتحته مخنوكه
كعدت اقره رياضيات نزلت على الغده
بابا سألني على الامتحان وجاوبته زينه
اكرم يضحك عليه
اكرم: يعني برفسوره ان شاء الله ههههه نحضرلج جثة ميت تقرين عليها
امي: ههههه انجب اريدها دكتورة عيون لعيوني
سجاد: حتى العراق كله يصير اعمى شكو واحد يروح لحوراء
ناديه: هههههه لا ولك والفصول علينا تركع يوميه فاصلين ابوي هههههه
ويضحكون عليه خنكتني العبره
نزلت دمعتي ماتحملت
صعدت لغرفتي بلا كلام كعدت اقره ومخنوكه من اهلي وكلامهم واسلوبهم
ماتحملت حسيت محتاجه وسام خابرته
حوراء: وسام 😭😭😭
وسام: شبيج مو زينه بلامتحان
حوراء: وسام انت احترمك واحبك صديق مااحبك حبيب حباب لاتزعل وتتركني الله عليك لاتحبني اعتبرني اختك😭 والله احبك مثل اخوي وتعبانه وانته الوحيد تفهمني
وسام: ههههه ولج مخبله شبيج تبجين شلونج بلامتحان
حوراء: زينه واهلي مزقوني بكلامهم
كعدت اسولفله وابجي
وسام: وانتي ليش تسكتيلهم رديهم بكل قوه وثقه
بقينا نسولف زين وياي علمني
ما سالني على قصي يتجنب الموضوع شويه وغلقناه ارتاحيت ورجعت اقره
وقصي خففت مكالماتي وياه
افكر بكلام وسام الي
مرت الايام وثكيله بوجه قصي
وسام عادي احجي وياه واسولف
يعلمني شلون اتعامل ويه الناس
يشجعني ويضحك وياي مستمره ويه وسام اكثر
كملت الامتحانات من رجعت فرحانه لان احجي ويه قصي اسهر وياه
اريد اعرف شيسوي من خلصت وراح اشوفه
التقي بي ومن رجعت للبيت تلكوني اهلي
حوراء : شكو
امي: حضري نفسج اليوم تجي ام يوسف تخطبج
حوراء : منو ام يوسف
امي: ام صديق ابوج يوسف
حوراء: ماما مااريد اني
تعاركت وياها بابا دخل سمع كلامنا وصار ويه ماما ضدي صعدت عصبيه مقهوره مااريد تجي ام احد لبيتنا
صعدت اخابر قصي مارد عليه
كعدت ابدل وشويه وتلفوني دك رقم اعرف اني مرات قصي يتصل عليه من ارقام غريبه
حوراء : الو
ثائر: هلو حوراء شلونج