قصة زواج استثنائي الجزء الحادى عشر11بقلم نور الهدى الموسوي

مشت الأيام اني انتقلت لغرفة شهد أنام وياها كلما ادخل للحمام أسمعها تخابر ومن اسألها تكول صديقتي طلبت من عمي انو يخليني اداوم وهو مقصر خلالي سايق يوصلني ويرجعني عرضت عليه 

-عمو متخلون جعفر ابن حسين يداوم وياية بالروضة 

-اي ليش 

جعفر كال 

-و شنو الروضة عمة

-حبيبي يعني اتشوف أطفال وتتعلم 

-و مينا همين

ضحك أبو ومحمد كلة

-أيا زاحف

كمت اخذ جعفر ومينا ونروح نداوم ومن نرجع جعفر يلزك لمينا وميخلينا نوصلها ﻷهلها فتضل يمنا للعصر يجي أبوها وياخذها ام جعفر مرت حسين اتسويلهم  شوربة "سيريلايك" مال اطفال ومحمد ياكل وياهم ومن يرجعون يسولفون لمحمد كلشي ومحمد يسمعلهم ويناقشهم مثل الطفل

صار يوم العاشر مال اختي فأخذت إذن من عمو حتى أروح ورضا العصر اجة حسين وجايب سيارة جديدة لمحمد نفس النوع سنتافي بس حديثة بفلوس عمو محمد كال 

-ما أريدها

حسين هدا وكلة لا تكابر

بالليل فزبت كلش عطشانة رحت للمطبخ لكيت الباب مفتوح طلعت باوعت وجان الكة محمد كاعد بالسيارة ويكلب بيها وهو فرحان هنا اعرفت انو هو صدك طفل ثاني يوم هو وصلنا مشغل اغاني ويركص هو والأطفال ومن خلصنا دوام وصل الأطفال وانوب وصلني للبيت مال أهلي ما رضى ينزل رجعلي بالليل ماكان عدنا احد بالبيت بس نسوان راويتة الطفل وهو بوسة ويشم بيه من رجعنا بالطريق كلة هو يحجي بي

- حلو ابيض مدرفش صدك يحب الأطفال وصلنا منطقة بيها بساتين دنعبر وصار إطلاق نار على السيارة هو عوج السيارة وطلع مسدس من الجكمجة انوب مد ايدة إلية ونزلني وضل يتضارب وياهم كانوأ اتلاثة اشوية وسمعنا صوت دورية مال شرطة اجتي كلش تخربطت ما اعرف شنو صار بية رحنا وياهم من دخلنا للمركز اتلكانة نفس الضابط الي سحبت يمة الدعوة دخلنا وبدأ يحجي وية محمد الي فهمتة انو ذولة عصابة مخدرات جان محمد مستلم ملفهم

اطرافي بردن وعيوني كامت تغوش محمد انتبهلي اجة علية وسألني

-ها فدك اشبيج

حتى ما رديت عليه العميد كللهم جيبوا مي شربني محمد وغسل وجهي اشوية ارتاحيت شفت كاظم دخل اول ما شافني اجة علية

-ها فدك اشبيج

محمد وكف كدامة وبعد الي مخليها على جتفي وكلة 

-تعرضنا لمحاولة اغتيال كاظم كلي 

-محتاجة شي

-آني أصير زينة بس تبعد

هو وكف على صفحة وطلع موبايلة خابر ابوية اجة أخذني لحكة محمد راد يحجي وية ابوية بس ابوية مارضى يسمع منة ركبنا السيارة التفت اباوعلة رفع ايدة إلية وطلع رقم 4باصابعة بمعنى العقاب الرابع

محمد باقر: اتصلت باخوية واجة اخذاني انقهرت كلش على سيارتي بيها أربع طلقات اخوية اتصل بصاحبة وكلة يوصلها للحي الصناعي من رجعنا اتلكاني ابوية كلي 

-هو مابيك شي 

-لا بس السيارة راحت

جر نفس وكلي 

- قحط سيارة اجيبلك احسن موديل المهم سلامتك

كعدت بالعشرة الصبح فتحت موبايلي جايتني رسالة من العقيد كاتب

💬محمد باقر غداك اليوم عندي 💬

بدلت ونزلت لعبت جعفر ابن اخوية صارت ب12 صليت و اخذت سيارة ابوية ورحت لبيت العقيد استقبلني واتغدينا وكلي انو طالبيني بعمليات بغداد و تم العفو عني بسبب المهارة ولازم اكتب تعهد بعدم العودة للاعمال القذرة الي كنت ازاولها كتبت التعهد

رجعت للبيت طاير فرح اول ما طبيت للاستقبال لاكتني فدك شلتها وكمت افتر بيها 

-هة عفيتي مو أكيد عفيتي

وهي دكلي كافي دخت

أبوها خزرني به هذا اججابة ابوية كلي

-ها طكن

-لا بس رجعوني للشغل بعمليات بغداد نفس الرتبة 

أبوها ماحجة شي وترخص وراح اني مامصدك مكضيها ركص و ونسة وية جعفوري كعدت من الصبح حضرت ملابسي و نزلت لكيتها مسوية ريوك

-هاي ليش متعبة نفسج

-لا مااجاني نوم ورى الصلاة فكلت اسويلك أكل 

أكلت و ودعتها وطلعت انوب رجعت

-اكلج ترة بقى بس عقاب واحد و تسامحيني مو

-اي أن شاء الله

طلع هو شفت أبوه طلع برى بيدة دولكة ماي شمرها براه ويكلي محمد ما يحبني يربي

                 الجزء الثانى عشر من هنا

لقراءة باقي الفصول من هنا