قصة #زواج_استثنائي - الجزء التاسع
محمد باقر: كعدوني الأطفال هذا اليكرصني وهذا اليدفعني
-شتريدون
-موطة
كلهم فرد صوت اخذتهم وطلعت شتريتلهم كعدنا بالصالة شفت فدك نزلت بما انو عماتي موجودات اجت كعدت يمي طلعتلها وحدة من العلاكة وانطيتها وضلت تأكل اجة عباس ابن عمي كامل انطيتة وحدة وطلعنا اني وياه للحديقة سولفتله كلشي وهو انفعل وضربني واتضاربنا اني وياه لحد ما اهلنا فكونا اجة عمي كامل هو ميدري كلشي كعدة على صفحة وكال
-اشبيكم انحسدتوا عباس شكوا ليش تضاربون
-بابا...
سكت عباس مو على حسابي شفت يباوع لفدك بزعل انوب دنك راسة مد ايدة على الميز الكبالة وأخذ السويج وطلع راح لبغداد اني دخلت للغرفة وتمددت على السرير اجتي فدك تأخذ ملابسها كتلها
- فدك يا رقم اتفضلين
رفعت حواجبها
-ليش
-جاوبي
اهنا دخل أخوية هية رادت تدخل للحمام
-كتلج جاوبي
اخوية كال
-شكو
-اريد اعرف يا رقم تحب
اخوية كلي
-ولك محمد متتبطل سوالفك هاي مال الزعاطيط
-معليك انتة يلا فدك جاوبي
اخذت نفس وكلتلي
-خمسة
-الله يلعنج يعني بعد اتلاثة
-شنو
ضحك اخوية وكللها باقي تلث عقابات هو هيج عقلة مال زعاطيط
جاوبتة
-لا مو مال زعاطيط اني مجربهة شوفي فدك اول عقاب جان فصلي من شغلي والثاني عباس صاحبي ضربني وتركني باقي تلاثة إذا خلصت اتسامحيني
هنا هية ضحكت وهزت ايدها ودخلت للحمام الساعة الأربعة ارجو أهلها كمشت بأبوها وكامت تبجي انقهرت عليها فوكفت يمها من راحوا ومسحت ادموعها وكلتلها
- آني زوجك وابوج وامج
طبعا هي لو بيدها تركعني بوكس وابوية يباوعلي هيج 😑 مشت الأيام هي تنام على السرير واني بالكاع ليوم السابع سون حفلة العصر اني رحت للسوك وارجعت للغرفة لكيتها لابسة بدلة تجنن من شافتني
-شتسوي هنا
-هاي غرفتي
-أنت مو رحت للدوام
-يا دوام؟؟؟؟
سكتت انوب كلتلي
-نزل عينك لتباوع
اخذتلها اشوية وأسمع الملة تكول فدوكة كومي بدلي
اجت آني فتحت الكاميرا مال الفيديو وعطلت الفلاش واجتي هية اخذت بدلة ثانية ودخلت للحمام وطلعت ياببة😨 تخبل طبعا اني مبتسم واباوع للموبايل تكول عرض ازياء كدامي النوب اجت اختي صاحتني حتى البسها الذهب دخلت ولبستها امها خازرتني ماصدكت طلعت يومة
خطية بالليل لزمنها عماتي وخلنها تأخذ من كل واحد بالبيت ملابس وتغسلهن تقليد بما إنو طلعت السابع لا والنوب بإيدها اني كاعد بالغرفة واسمعها تشتم😂
صارت عركة بين مينا بنت اختي ورحاب بنت خالي مينا تكل لرحاب
- شعرج كفشة ام الكمل
طبعا رحاب تلوي شعرها ومينا تسمي كفشة واشتغل العرك بالكوة فكيناهن
بالليل جنت متمدد و اباوعلها تراسل بأهلها تركت الموبايل والتفتلي
-باجر أريد أروح ﻷهلي اختي راح تسوي عملية مو ولادة طبيعية
-اوك
وصلتها ثاني يوم لبيتهم أخوها فتح الباب ودخلنا للاستقبال هية دخلت لجوة واخوها لحكها بقيت أكثر من نص ساعة كاعد وحدي لعبت نفسي وطلعت هاي اول مرة هيج الناس يستحقروني
جنت أسوق بسرعة اول ما وصلت الشارع مال بيتنا ما أحس إلا وراسي وكع على الاستيرن والدم يجري منة أيدي تخدرت وعيوني غوشن آخر شي شفته هو الرجال الي ضربني نزل من السيارة واجة يدك على الباب مايكدر يفتحة