قصة زواج استثنائي الجزء الاخيييير
كلشي بالبيت وكف الكل يباوع على التلفون حسين أخذا وضل يحجي وية عباس اشوفة يحجي بس اسمع شي اخذت نفس بس أحس سكاكين تجرح بكلبي عمي كام وانوب لزم ايدة اليسرى و وكع الكل اتجمع عليه نقلوه للمستشفى الناس كلها تبجي وتنوح واني صافنة اجتي أمي حجت وياي بس ما افهم شتكول وحدة من عمات محمد اجت علية وتضرب على صدري وتكلي
-أيا فكر أيا شؤم ريحتي ابنة
أمي كامت تصيح عليها وتناكرن أمي ما تحملت وكالت كلشي محمد مغتصبني وباقي الحكاية انوب أخذتني وياها ابوية وصلنا للبيت ورجع اني بعالم ثاني عالم بي بس محمد ضحكتة وية الأطفال ولعبة ومن يبجي على امة أهلي يحجون وياية واني ساكتة ما أرد أصلا ما اسمعهم
اسمعت ابوية يكول همة أربعة جنود محمد من ضمنهم باقين بس اشلاء راح يسونلهم تحليل DNA حتى يتعرفون عليهم و الي اعرفتة عمو ما يرضى يسوي فاتحة لمن يتأكد محمد وياهم جنت أنام بين ابوية وأمي وأسمع كل حجيهم
بعد اتلث ايام إجه خالي سالم اجة علية ومسح على رأسي كلي
-فدك حبيبتي خالو احجي ابجي لا تضلين ساكتة
نزلن ادموعي وكتلة
-خالو احبة ومسامحته بس خل يرد كلشي ما أريد بس يرد
أيام صعبة جدا مرت علينا عمو دافع فلوس للمستشفى حتى يتأكد من التحليل والحمد لله تأكدوا
-محمد مو وياهم
هذا احلى خبر وصلني بحياتي صمت تلث أيام بعد هذا الخبر داومت ولكيت جعفر مخلي مينا بحضنة ويبجون أوف أصعب منظر كعدت ابجي وياهم من اجة حسين رجعت وياه عمو متغير مو نفسة بس اكو بسمة على وجها لهذا الخبر كعدت وياهم بقينا اني ويا بس كلي
- تدرين اني أحب محمد هواية
هزيت رآسي ونزلت دموعي
اموت عليه ولج بوية روحي هذا بس اني ما درت بالي عليه عندي شكد واسطات ليش ما دخلتهم ونسقلتة كلها مني
-عمو ليش اتزوجت على أمهجر حسرة وكلي
-جانت مريضة بالسل الرئوي وكلتلي انو اتزوج بنت خالتها جانت حاجية وياها ومقنعتها مع انو هية بنية شابه واني أكبر منها بهواي بس هي قبلت على احساب اطفالي حاولت افهم محمد بس محمد ما صدك
محمد باقر: مرحبا خليكم من فدك و ابوية ذولة بس يتباجون وضعهم سادي كلش تعالوا وياية حيث الأكشن والإثارة
اني والقوة الخاصة بية ومن ضمنهم الشباب الي كانوا بالدبابة كان عدنا مهمة مراقبة لوكر من أوكار داعش شمالي العاصمة بغداد اني و كم واحد من الشباب مهمتنا نتسلل للوكر ونلقي القبض على الإرهابيين بس للاسف من دخلنا كانوا راصدين شبابنا الي بالدبابة واحد كان لازم قذيفة ومصوب عليهم هددونا انو نزل اسلحتنا وميكتلوهم فنزلناها بس همة غداريين أطلقوا القذيفة وقتلوا الشباب وانوب اعتقلونا ضلوا يعذبونا إلى أن اجة يوم بالليل اجوي وكالوا منو منكم من أهل السنة والجماعة اكو شباب ويانة سنة رفعوا ايديهم كلولهم تتصلون على أهلكم وتطلبون فدية واحنا نتركم والباقين الروافض باجر نذبحهم
صاحبنا شاهين الله يرحمه ولد من الاعضمية كانوا شادين أيده بإيدي كام يسبهم ويصيح انتو مو منة انتو سفلة مارقين منافقين مدعين الداعشي ما تحمل كلامة وضرب طلقة بنص راسة من وكع انفتح اشوية من الحبل خليناهم يرحون وفتحت ادية انوب فتحت ايدين الشباب واحد واحد وكفنا يم الباب و اول داعشي دخل هجمنا علية واخذنا اسلاحه حتى اللاسلكي أخذنا حددنا الموجة واتصلنا بالمركز حتى يدزون دعم نص ساعة والدعم وصل القينا القبض على كل الي بالوكر
عباس ما صدك من شافني خطية يشبك بية ويبوسني اول شي سوينا وصلنا شاهين لاهلة سوينالة زفة شهيد وانوب رجعنا لبيوتنا رجعت وية عباس ما خلة واحد ماكالة استقبلنا اخوية يدك هورن بسيارته ومن وصلت تلكتني العشيرة كلها هوسات ودبجات ابوية مكمش بية ابد ما تركني خطية كل شوية بحضني ومينا وجعفر يبوسون بية لليل اجة عمو أبو فدك وسلم علية وخالها سالم همين
ماصدكت خفت شوية ودخلت للنسوان اتلكتني اختي تبجي و حضنتني النوب شهد ومرت ابوية اول مرة بحياتي احضنها خطية عيونها مورمات من البجي أوف ما حسيت بحب الناس الي بقربي لحدما بعدت عنهم رحت على بيبي وبست ايدها وباست رآسي كلتلي -اي حتى تشوف الحجية مليكة ما تربي بس أبطال
كمت منها وأشوف فدك كدامي كانت واكفة يم امها دموعها تجري وساكتة رحت عليها وكتلها
-خلص العقاب الخامس بعيد عن أهلي وصلت الموت وزفيت صاحبي الوردة شهيد لازم تسامحيني
هية بجت بصوت عالي وحضنتني كلتلي -انتة شدتججي لك اني روحي راحت لما كلولي متت لك ما اكلت ما اشربت ماكنا بهذا العالم اصلا لك كلبي وروحي وربي كلها مسامحتك
طبعا ما اضم عليكم عمي أبو فدك ما رضى بالبداية إلا نطلك بس بالكوة قنعوا😅 والحمد لله اتزوجنا من صدك هسة عندي ولد عمرة 3 اشهر اموري بس ملعب روحي لازك لأمة واني كلشي ما شايف منها
كل الي أريد اوصلة للشباب انو لا تكونون مثلي وتغلطون غلطتي اني الله ستر علية بس مو كل مرة تسلم الجرة لا تبتعدون عن ربكم و خلوا حد لاهوائكم الدنيوية
النهاية