..الحلقة الرابعة { ٤ } ☠
بدر : اي اي اي 😂
( يضحك الكل )
بيري ب صوت رجولي : ولا منك ليه انزلوا من فوق نافوخنا 😠
فاتن : ايوة متفكروناش شوية شباب طرية هتحفلوا عليهم ✋
قمر ب صوت بناتي : لا دة احنا جامدين اوى 💪
( يفطس الكل م الضحك ع صوت قمر البناتي الي طلع مرة واحدة ، فاتن تخبطها )
فاتن : صوتك 😊🤦🏻♀
قمر : احم فاااا خلي بالكم بقا هاا 😐
( يقوم اسر والشباب يقربوا عليهم والبنات مرعوبين )
اسر ب تريقة : ايه ي سوسن براحة ع نفسك يختى اعصابك 🤷🏻♂
قمر : ابعد ي حيلتها منك ليه ✋
اسر : حيلتها !!!!
قمر : دة لو سمحت يعنى 😬
بدر : شكلكم كدة محتاجين ترحيب 😉
( لسة هيقربوا عليهم ، يدخل المدرس ، الكل يروح مكانه الا البنات )
المدرس : صباح الخير
الكل : صباح النور
المدرس : انتوا جداد ؟
غدير : اه
المدرس : طب عرفونا بنفسكم
قمر : انا احمد ودة غريب وفريد وبيري أأقصد باسم احم 😐
المدرس : طب اتفضلوا اقعدوا ف اي مكان فاضي
( تقعد قمر ورا اسر ، يبصلها اسر )
اسر : حليتها هاا .. دة انا هنفخك بس اتقل 😁
( تتوتر قمر ، تبدأ الحصة ، يخبط باب الفصل )
المدرس : ادخل
( يدخل كرم وشلته ب كل شياكة وهدوء ، تشوفه قمر تتخض وتحط الكتاب قصاد وشها خايفة يعرفها )
المدرس : ايه الي اخركم كدة ؟
كرم : سوري ي مستر 😒
( يقعد كرم وصحابه ورا بعض قدام ميشفوش قمر ولا صحابها ، يخلص نص اليوم وييجي ميعاد البريك ، يطلع الكل م الفصول ، قمر وصحابها واقفين والكل عمالين يخبطوا فيهم )
بيري : يلا ننزل مش هنخلص كدة 🤦🏻♀
( ينزلوا البنات يقعدوا تحت وشايفين كرم وشلته واقفين مع بعض عمالين يهزروا ويضحكوا )
قمر : شايفين ام بروده ولا كأن حصل حاجة 🤷
بيري : عادى يما اكيد انتى مش اول واحدة يعمل معاها كدة
غدير : متعود يعنى 🤔
بيري : بالظبط
قمر : وهنعمل ايه ؟
بيري : قوموا
( لسة البنات هتمشي يقرب اسر ويحط ايده ع كتف قمر ، تتحرج قمر وتتوتر )
اسر : مالك ي بنى بتترعش ليه ؟!!!
قمر : خضتنى ي عم اوعى 😕
( تزق ايده من ع كتفها )
ريكوا : Dubito che questi giovani شاكك فيكو 🤔
فاتن ب خضة : شاكك !! يعنى ايه شاكك !!!
( بدر يمسك ايد بيري )
بدر : مهى دى مش ايد شاب ولا دة صوت شاب 🤨
( تشد ايدها منه )
مصطفى : يمكن لسة محولين 😂
( يضحك الكل )
بيري : ميخصكوش شيلونا من نافخكم بقا 🙄
( يمشوا البنات )
اسر : وربنا العيال دي فيها حاجة غلط 😐
مصطفى : اقطع دراعي ان م كانوا بنات ومحولين ولاد قريب
ريكوا : Non a questo grado
بدر : الترجمة لو سمحت 😑
ريكوا : مش للدرجة دي 🤷🏻♂
( يعدوا البنات من جنب كرم ، كرم يلمح قمر يفضلوا باصين لبعض ، تمشي قمر ، يروح وراها كرم )
مروان : رايح فين ؟
كرم : جاي ثواني ✋
( يروح كرم ورا قمر ، يحط ايده ع كتفها ، تلف قمر )
كرم : هو انا شفتك قبل كدة ؟!!
قمر : معتقدش انا جديد 😐
( تضير وشها )
كرم : اه .. اوك اسف 😕
( يرجع كرم يقف مع صحابه مستغرب )
وليد : مالك ؟!!
كرم : الولا الي عدى دة فيه شبه من قمر !!!
حسين : لا ي راجل 🤨
كرم : والله شبها اوى بس دة بشرته غامقة شوية
( قمر وصحابها واقفين ع جنب بيتصنطوا )
وليد : يمكن اخوها او يقربلها 🤷🏻♂
كرم : لا ملهاش اخوات ولاد .. يمكن قريبها
مروان : مقلتلناش هتعمل معاها ايه ؟
كرم : حظ امها ان اجازتى خلصت هطر استنى الاجازة الجاية واتصرف معاها
حسين : مش قلت هتجيلك البيت ؟
كرم : مجاتش ولما رحتلها ملقاتهاش ف البيت .. دة انا ناولها ع نية سودة بس ارجعلها 🙂
وليد : هتعمل ايه ف ورقة الجواز ؟
كرم : شايلها هنا
مروان : مشلتهاش ف البيت ليه لو اتقفشت بيها هنا هتبقى كارثة !!
كرم : بالعكس هنا أأمن مكان لانها متعرفش المكان هنا
حسين : شايلها فين ؟؟
كرم : ملكش دعوة
مروان : ي عم قول يعنى هنقول لمين 🙄
كرم : هتكون فين يعنى ف دولابي 💁🏻♂
( يفرحوا البنات عرفوا مكان الورقة )
غدير : ايوة بقا اخيراً 😃
( يرن الجرس ، يطلع الكل يكمل حصصه ، يخلص وقت التدريس ، ف وقت الغدا ، الكل قاعد بياكل )
قمر : بيري انتى هتاكلي سمك انتى مبتحبهوش !!!
بيري : لا هاكل رز بس
غدير : اومال خدتى سمك ليه ؟؟
بيري : هقولكم
( البنات ف اوضتهم )
بيري : دلوقتى بقا هنخش اوضته ازاى ؟؟
فاتن : لازم الكارت بتاع الاوضة
قمر : طب بصوا انتوا تروحوا اوضته وتخبطوا عليه حاولوا تختلطوا بيه 🤷
بيري : مش هتيجي معانا ؟
قمر : لا انا هستناكم هنا عشان لو حد سأل علينا
بيري : ماشي يلا
( يمشوا البنات يخبطوا ع اوضة كرم ، يفتحلهم مروان )
مروان : ايوة ؟
غدير : هواااا كرم هنا ؟
مروان : لا مش هنا
( يدخل مروان والبنات وراه ، تطلع بيري السمكة وتحدفها ورا الترابيزة ، يلف مروان )
مروان : انتوا عاوزينوا ف حاجة ؟
بيري : لا ابداً بنسأل عليه
فاتن : طب هو فين ؟
مروان : تحت بياخد دش .. وانا كمان نازل
( ياخد مروان هدومه )
مروان : عن اذنكم
( يخرج مروان ويقفل الاوضة ويحط الكارت ف جيبه وينزل ، يرجعوا البنات اوضتهم )
فاتن : قومى يلا
قمر : ع فين ؟؟
بيري : كرم والشباب تحت
قمر : تحت فين ؟؟
غدير : بيستحموا واكيد مش ب هدومهم هنسرق منها الكارت كل واحد فيهم بيبقى معاه نسخة
فاتن : ندور ع الورقة ونرجعوا تانى
قمر : طب تمام يلا
( تنزل قمر والبنات يدخلوا حمام كبير مليان شباب ، يتصدموا من منظرهم ، الحمامات قصيرة الي بياخد دش ودماغه باينة والي قاعد بالشورت والي لافف فوطة ع وسطه )
فاتن وهي بتلف : شكلنا جينا ف وقت مش مناسب 😳
بيري : تعالي هنا احنا مصدقنا جت فرصة
قمر : وبعدين ف الزحمة دى ؟؟
غدير : دى احلى حاجة الزحمة محدش هياخد باله 🤷
قمر : طب بصوا احنا نتقسم وندور ع كرم او حد من صحابه لانهم معاه ف نفس الاوضة والي يشوف حد منهم يدور ف الهدوم الي قدامهم اوك ؟
الكل : تمام اوك
( يتقسموا البنات ، قمر تلمح كرم ، لسة هتقرب عليه يقف قدامها اسر )
اسر : اهلاً بالطري 🤔
قمر : يخربيت كدة 🤦🏻♀ فكك مني ياض انا مش فيقالك ☝
اسر : فيقالي !!!!!
قمر ب ارتباك : اااا مش فايقلك اقصد 😕
اسر : طب اقلع
قمر ب صدمة : نعم 😳
بدر : مش هتاخد دش ولا ايه اقلع 😌
( يشوفوهم صحاب قمر يرجعوا )
قمر ب توتر : اااا لا لأ انا هدخل الحمام بس 😬
غدير : ايوة اه
ريكوا : كلكوا جايين تدخلوا il bagno ؟؟
بيري : لا دة احمد بس
اسر : وانتوا جايين تشطفوه ؟؟
( يضحك الشباب ، تتغاظ قمر )
قمر ب انفعال : لا جايين نشطفك انت 😡
( يسكت الكل ويتصدموا )
اسر : نعم !!!!!!!!!
قمر : احم 😐
فاتن ف سرها : الله يخربيتك 😱
اسر : بتقول ايه ؟؟
قمر ب خوف : مقلتش 😟
غدير : معلش ي شباب حقكوا عليا 😊✋
( بدر يزق غدير )
بدر : اركن بس انت ع جنب كدة ✋