رواية جنازة بدون ميت
الفصل الثاني
الكاتبه / مي علي
بصت المديره لها وقالت ...
يؤسفني اقولك أن ده جواب الرفد بتاع ابنك
بصتلها امي بنظرة كسره وقالت ...
ليه بس كده يا استاذه
تيجو ع الغلبان اكمنو ملوش اب يحاميله
ده عيل يتيم
- ابنك مش متربي يا ام عاطف
الراجل اداني خلفيه أنه متكفل تماما بتعليمه
تيجو ف الاخر وتهزقو ولاده
- والله ما حصل
ده احنا شغالين عندهم وبنرعي ف أرضهم
- دي أمور خارجه عن الموضوع انا مليش دخل بيها
- طب حتي اديلو انذار مش طرد وانا اوعدك والله انها مهتتكرر تاني
- اسفه يا امو عاطف
ابنك مينفعش يكون معانا ف المدرسه
الا اذا
- الا اذا اي يا استاذه
- حاولو تحلو الموضوع مع الحاج بطراوي
وهو راجل محترم اكيد كل شئ هيكون كويس
وانت يا عاطف بلاش مناخيرك اللي ف السما دي
احيانا عشان تسلك ف الدنيا لازم تتطاطي وتعدي الموجه
دي اسمها سياسه احسن متفتح صدرك وتترمي بره
بصتلها وهزيت راسي
كانت نصيحه عمري منسيتها وفضلت اعمل بيها طول عمري
وخرجت انا وامي
واحنا ماشيين قالت ....
هنروح انا وانت نحب علي ايدو ونعتذرلو
- مش هيحصل انا معتذرش لحد شتمني
- يا بني حرام عليك ده انا قايمه نايمه احلم باليوم اللي تخش الجامعه وتريحني وتشيل عني
الراجل معذور وعياله كمان
هما بيسقطو وانت من غير دروس بتنجح يابني
- اعملهم اي دي ارزاق ربنا مقدرها
قبلتنا ميس كوثر المشرفه تحت
- عملتو اي
بصتلها بكسره ...
واديتها الورقه
بصت فيها وهيا غضبانه
- ده ظلم واضطهاد
وانا مش هسكت
امي ...
معلش يا ميس كوثر انشالله هيرجع المدرسه انا هروح استسمحه وانشالله يجي للناظره ويرجع عاطف للمدرسه
- بتقولي اي يا امو عاطف
لا متعتذريش
انا بعد اللي حصل ده اتأكدت أن تربيتهم مش خارجه من بره دول وارثينو
خليكي هنا انا هطلع لابله الناظره
وسابتنا وطلعت
امي ...
يارب يابني تعمل حاجه
وطلعت ميس كوثر وشويه وصوتهم علي
ودخلو مدرسين اوضة المديره
عرفت أن حصل مشكله
نزلت مس كوثر بعدها
وهيا غضبانه
وبصتلنا وقالت ...
يلا يا امو عاطف تعالي معايا
- هنروح فين يا استاذه ابوس ايدك متجيبيش مشاكل لنفسك
- هههه مشاكل اي بس دي هفق ولا تقدر تعمل حاجه
يلا بس نطلع نتكلم بره
وفعلا مشينا مع بعض واحنا ماشيين قالت ....
ام عاطف اوعي تفكري تعتذري للراجل ده
- عشان عاطف اعمل اي حاجه
علامو ده اخر أمل ليا
- متخافيش هيتعلم واحسن علام كمان
ويشتغل وانا متكفله بيه
بصتلها وقولت ...
يعني يا ابله كوثر هتخليني اكمل علامي
- وتوصل لأعلي المراتب كمان
حضنتها
وامي قالت ...
اللهي يعمر بيتك يارب
- بصي يا امو عاطف
انا بنفسي هسحبلك ملف عاطف من المدرسه دي
وادخله ف مدرسة البنين المشتركه فيها ثانوي وإعدادي مع بعض
وهنقدم هناك
بس انا بقي عاوزه عاطف يكمل منازل
يعني يذاكر ف البيت
عشان مش عاوزه ولاد البطراوي يشوفوه وهو رايح المدرسه
قلوبهم غليله ومتعرفيش بيفكرو ف اي
قولت ...
طب بس يا ابله انا مباخدش دروس كنت بفهم من شرح المدرسه
- ومين قالك انك مش هتحضر
المدرسه دي بتعمل مجموعات تقويه بالمجان لليوتمه
وليها ايام الصبح بدري تروح وهتستفيد جدا
وهتاخد كتبك كمان
امي ...
إلهي ربنا يعمر بيتك
- ويراضيكي يا ام عاطف
ومن بكره انشالله هعمل زي ما قولتلك
ولو عاوز تشتغل يا عاطف جمب الدراسه
مفيش مشكله هيبقي عندك وقت وانت مجتهد ما شالله
- انا بشتغل حارس الغيط
- ههههه ماشي يا حبيبي ربنا يوفقك
المهم يا امو عاطف بكره بس عوزاكي تيجي ومعاكي شهادة ميلاده وصور بطاقتك وصورة وفاة والده
وتجيلي
- من النجمه هكون عندك بأمر الله
- يلا يا عاطف خد ماما وروح واوعي ف يوم حد يذلك ولا يقلل ثقتك بنفسك
- حاضر يا ميس كوثر
ومشينا انا وامي
وربنا جابر بخاطيرنا
وف خلال شهر كنت اتنقلت من المدرسه وكل شئ تمام
وكنت بذاكر سوكيتي
وهما فاكرين اني سبت العلام
واتسحب الصبح اروح المجموعه ف المدرسه
ونويت اوصل وانشالله هوصل
وعديت تانيه وتالته اعدادي
ويوم نتيجة تالته
جبت مجموع يدخلني ثانوي عام
كنت ناقص بس عشر درجات
طلعت من الاوائل علي محافظتنا
محدش ف بلدنا كان بيوصل للمرحله دي غير القليل
جريت علي امي افرحها
وفضلت تظغرط لحد ما صوتها اتنبح
قطع صوتها
البطراوي وهو نازل ضرب ف هلال وبدر
مجبوش حتي مجموع يدخلهم زراعي ولا صنايع ولا تجاري حتي
وسامع صوت صريخهم وعمال يزعق علي آخره
وامهم تحوش عنهم
سكتت امي
وعدي اليوم عادي
ونبهت عليا مجبش سيره بالموضوع ده ابدا
وبليل متأخر
بعد ما كل الخلق نامت وانا كنت قاعد مبسوط
ولا ملك زماني
لقينا حد بيخبط بالعصايه علي العشه بتاعتنا
امي اتخضت
- مين
- انا البطراوي
بصتلي وقالت بصوت واطي ...
قوم شوف عاوز اي اي اللي جابه الساعه دي
فتحتله ...
ايوه يا حاج تؤمر بحاجه
- ايه ياض يا عاطف مفيش اتفضل ولا ايه
مش تعرف الأصول يا وله
- اصل يعني المطرح يعني زي مانت شايف يا حاج مش قلة اصول ولا حاجه
خرجت امي ..
ايوا يا حاج اتفضل
- لا ملوش داعي
الا قوليلي انتي الصبح أما كنتي بتظغرطي كنتي بتظغرطي علي اي
- ها ؟! لا ابدا اصل
اصلو يعني
- اصل اي متنطقي
رديت انا وقولت ...
اصلي انا نجحت ودخلت الثانويه العامه يا حاج
بصلي بإستغراب ..
ثانويه عامة اي يا ولا
انت مش سبت المدرسه
- لا منا نقلت ملف لمدرسه تانيه واخدتها منازل والحمدلله نجحت
- عااا طب مبروك ياخويا
- الله يبارك فيك يا حاج
الا صحيح حضرتك كنت عاوز حاجه
- ايوه
كنت عاوز اقولك اني جبت غفير جديد للأرض دي
وخلاص معدتش محتاج لخدماتك انت وامك ومن بكره تسيبو المطرح وتنجرو من هنا
امي ...
كلام اي ده يا حاج
دي اخرتها
اخرة خدمتنا ليكم
للكاتبه / مي علي
- خدمتك خدتي حقها يا ختي ولا يكونش كلت عليكي حقك
ودلوقتي انا مستغني عن خدماتك
وبكره تفضو المطرح وتتكلو علي الله
هتنطق سكتها ورديت وقولت ...
ماشي يا حاج احنا كده كده كنا هنمشي اصلا
- لا والله وهتروحو فين انشالله
- ارض الله واسعه يا حاج وبأذن الله بكره هنسيب المطرح ونمشي
بصلي بغل
وسابني وقدم خطوتين قدام
ولف وقال ...
الا قولي يا عاطف المدرسه اللي انت قدمت فيها ديه فين
- بتسأل ليه يا حاج
- هو السؤال حرم يا ولا مترد وخلاص
- مش مضطر يا حاج ارد عليك
تصبح علي خير
خشي ياما
ودخلنا انا وهي وسبتو زي القرد يكلم حاله بره
امي فضلت تعيط ...
هنعمل اي يا عاطف
- سيبيها لله ياما هتتعدل متخافيش
وفضلت اطبطب عليها وانا جوايه بركان
والصبح من النجمه
قومت وروحت لميس كوثر اللهي يعمر بتها وحكتلها اللي حصل
مكنتش طالب منها مساعده ماديه
كنت عاوز بس تشوفلي مطرح اتاوي فيه انا وامي
لحد ما القي شغل
وفرج ربنا كان علي ايديها ...
سبحانك يارب
عارف ياض يا عاطف انت وامك فيكو شئ لله
- الحمدلله بس ليه بتقولي كده
- في اوضه فوق السطح بتاع العماره اللي ساكنه فيها امبارح بس صحابها عزلو
اجري اجري هات امك وحصلني
للكاتبه مي علي
- بجد يا ابله كوثر
- اجري يا واد متضيعش وقت
وفعلا طلعت جري افرح امي
واول ما وصلت
لقيت الناس ملمومه ع الخص بتاعنا
وكان مولع نار
جريت عليه
- امي امي فين
لقيتها قاعده ع الأرض بتلطم
قومتها وحضنتها
كل خوفي كان عليها
- قومي ياما قومي
- كل حاجه اتحرقت يا عاطف حتي الهدمه
- تتدبر ياما تتدبر
اي اللي حصل
- والله يابني معرف
وفضلت تكلم وتحكي اللي حصل بس انا مش سامعها
عيني كانت بتبص
علي البطراوي اللي كان واقف وحاطط ايدو ع الصور
ساعتها بس عرفت اي اللي حصل
قومت اخدت امي وسبتهالهم والعه
ومشينا
روحنا علي ميس كوثر اللي اخدتنا وروحنا
علي عمارتها
الكاتبه مي علي
وندهت صاحبة البيت
وفهمتها الدنيا
اكتشفت بس وقتها أن احيانا مساعدة ربنا بيحطها كسبب ف شخص
الست صاحبة البيت مرضيتش تاخد ايجار
لما عرفت اني يتيم
وان حالتنا يعني
الحمدلله
وطلعنا واحنا معناش حتي هدمه
ابله كوثر أدت لامي هدوم من عندها
وادتني هدمتين من لبس ابنها
كانو فعلا بيعاملونا زي مانكون من اهلهم
والله لسه الدنيا بخير
نزلت دورت علي شغل
لقيت شغل ف ورشة حداده
اشتغلت صبي حداد
وصبي جزار
وحلاق وسواق توكتوك
اتمرمطت
كل ده بجنب التعليم
مستوايا ف أولي وتانيه مكنش كويس اوي
وجيت ف تالته شديت
وربنا الحمدلله كرمني ودخلت سياسه واقتصاد
الكاتبه مي علي
قبلها بيوم ....
كانت امي دعيالي وقالت روح يابني الهي ربنا يرضي عنك وتنجح ويراضيك
وفعلا ساعة مجبت النتيجه افتكرت كلمتها
طلعت اجري افرحها
وطلعت ملقتهاش فوق
قولت اكيد عند ابله كوثر تحت
نزلت جري وخبطت فتحتلي واحده معرفهاش
وكان في زحمه جوه
والكل كان وشه مش طبيعي
سألت واحده من اللي كانو واقفين ..
هو في اي لو سمحتي
بصتلي وقالت ...
البقاء لله.....