رواية بنوتة مسترجلة
عدا اسبوعين واحمد عرف حجات كتير عن مصطفى بس كان مستنى يقبض عليه
ويوسف و جنا مش بيتعاملو مع بعض
و ف يوم جنا كانت نايمة فسمعت صوت ف الاوضة اللى جنبها فقامت تشوف فى اية و دخلت الاوضة و هى خايفة والاوضة كانت مضلمة
فجأة حد خبط فيها و اتخضت
جنا بشهقة:انت مين
فجأة الشخص دة رش حاجة على وشها و كتملها بؤها و هى اغم عليها
تانى يوم منة صحيت ملقتش جنا فقامت تشوفها ملقتهاش و اتصلت بيها لقت موبايلها بيرن جنبها
منة لنفسها:يمكن تكون راحت تجيب حاجة
.................................................. ...............................
ف مكان تانى
يوسف كلم حازم واتفقو انهم يتقابلو عند مازن ويوسف اول مشافو مسكو واعد يضربو
حازم بعصبية:انت غبي...فى اية
يوسف و هو بيضربو:فى انك عيل زبالة
حازم و هو بيبعدو:و انا كنت عملتلك اية
يوسف:لا انت معملتش حاجة انا اللى مكنتش عامل حسابى انى هعرف عالم زبالة
حازم و ضربو:انت بتغلط لية دلوئتى
مازن:فى اية يا يوسف هو عمل اية لكل دة
يوسف:الدكر رايح يكلم اختى و عايز يرتبط بيها ويتخانق معاها ف نص النادى عشان هزقتو...انت فاكرها اية واحدة من الشمال اللى انت تعرفهم وحيات امك
حازم:بقولك اية متكنش اختك ماشية على حل شعرها و تيجي تحاسبنى انا
يوسف و راح مسكو من التيشرت:اخت مين دى اللى ماشية على حل شعرها
حازم:بقولك اية يا يوسف متمثلش...مانت ياما صاحبت اخوات صحاب لينا و عادى يا حبيبى كما تدين تدان
يوسف اتعصب اوى من كلام حازم وكان لسة هيضربو راح مازن مسكو
مازن:يوسف خلاص...اهدى...غور انت يا حازم دلوئتى
مازن فضل ماسك يوسف لحد ما حازم خرج و يوسف كان متنرفز منو اوى
مازن:اهدى يا يوسف مش كدة
يوسف بزعيق:نعم....عايزنى اسكتلو يعنى
مازن:مش اصدى بس حازم مش ملاك من السما عشان نأمنلو يعنى مانت عارف
يوسف:و الله لولا انك مسكتنى مكنت روحتو بيتو سليم
مازن:خلاص اهدى
يوسف:عارف يا مازن المشكلة اية
مازن:اية
يوسف:المشكلة فيا انا يا مازن...المشكلة انى عملت كل حاجة غلط ممكن تتعمل و معملتش حساب اختى او امى او مراتى وكل حاجة عملتها بتتردلى دلوئتى فيهم اول حاجة مراتى وموضوع ساهر و مصطفى و تانى حاجة اختى و اللى عملو حازم و الله اعلم هيعمل اية تانى
مازن:يابنى متجبش كل حاجة عليك دة قدر ربنا
يوسف كان لسة هيرد راح موبايلو رن و كانت جنا
يوسف باستغراب:دى جنا بتتصل
مازن:طب رد
يوسف:الو
منة:يوسف انا منة الحقنى
يوسف بخضة:فى اية
منة:جنا مش ف البيت من الصبح وسايبة موبايلها فقلت يمكن خرجت تجيب حاجة بس انا قلقانة وحاسة ان فى حاجة حصلت
يوسف بخضة:طب تفتكرى سابت البيت تانى
منة:لا مظنش عشان لما دخلت الاوضة اللى جنبنا لقيت الكرسى واقع على الارض و الحاجات اللى على التسريحة كلها متكسرة
يوسف:يعنى اية
منة:يعنى ممكن تكون اتخطفت يا يوسف
يوسف:منة خليكي عندك ومتحركيش اى حاجة من مكانها انا جاى دلوئتى
منة:حاضر متتأخرش
يوسف:ماشى سلام
مازن:فى اية
يوسف بقلق:جنا من الصبح مش فالبيت وموبايلها كمان....يوووة انا ماشى سلام
مازن:استنى انا جاى معاك
يوسف:يلا بسرعة
يوسف نزل بسرعة مع مازن و ركبو العربية و راحو الفيلة و ف الطريق يوسف كلم احمد عشان يجيلو
ولما وصل
منة:اتأخرت لية يا يوسف
يوسف:لسة مجتش
منة:لا يا يوسف انا قلقانة عليها اوى
يوسف و هو طالع السلم:انا طالع اشوف الاوضة و لما احمد يجي خلية يطلعلى
يوسف طلع الاوضة لقى حجات كتير متكسرة على الارض و الكرسى واقع
وبعد شوية احمد جيه و معاه صحبو خالد من المديرية
لحمد:فين يوسف
منة:فالاوضة فوق
احمد:ماشى
يوسف و هو نازل:منة انتى لمستى اى حاجة ف الاوضة
منة:لا
احمد:خالد بعد اذنك اطلع شوف الاوضة و انا هحصلك
خالد:ماشى....وطلع
يوسف:هنعمل اية دلوئتى يا احمد
احمد بعصبية:مش عارف انا اتخنقت يعنى اية اختى يحصل معاها كل دة وانا زى الاهبل...بس وحيات امى ما هخلي حتة ف جسمو سليمة بس اشوفو
منة:اهدى يا احمد اكيد مش هتوصل بية انو يخطفها ان شاء الله
خالد و نزل من فوق:لا يؤسفنى اقلكو ان مدام جنا اتخطفت
يوسف بقلق:و عرفت ازاى
خالد:لان فى الاوضة اثار عنف و اكيد دى مش هتحصل لوحدها و لو افترضنا ان مثلا جالها انهيار عصبى و كسرت الحجات دى و دة طبعا احتمال بعيد اكيد كان الشغالين سمعو حاجة او حتى الانسة منة سمعت
احمد:خلاص يا خالد افتح محضر واكتب فية انو خاطفها و مطلوب القبض عليه
خالد:للاسف مش هقدر لان مفيش دليل واحد ضدو و لو حبينا نعمل محضر اختفاء مش هيبقى قبل بكرة الصبح عشان لازم يعدى 24 ساعة على اختفاءها
يوسف:طب ان شاء الله هنفضل اعدين كدة منعملش حاجة
خالد:للاسف اة وكمان انا وصلتلى معلومات من شوية من واحد زميلي من شرم الشيخ بيقول انو عرف ان مصطفى كان مرفوع علية قواضى اغتصاب و تحرش بس طبعا هو قدر يخفى المحاضر دى بالرشاوى و بأسم انو ظابط
يوسف:طب ماحنا ممكن نجيب المحاضر بالرشوة بردو
خالد:ممكن..بس دى هتاخد وقت على ما نقدر نوصل للناس اللى قبضت منو الفلوس
يوسف بزعيق:وقت اية احنا لسة هنصبر
احمد:لا مش هنصبر..بص يا خالد احنا عايزين نشوف و نراقب كل معارفو ف اسكندرية و هاتلى اسامى الناس اللى دخلت و خرجت من اسكندرية اخر 48 ساعة برى او طيران وكلم زميلك اللى ف شرم خلية يشتغل فموضوع الرشاوى دة و يدفع اى حاجة بس يوصل للمحاضر و انا هخلى معارف ليا يبعتو حملات تفتيش للمناطق المهجورة عشان ممكن يكون ف اى مكان منهم
خالد:بس يا احمد زى ما قلتلك لازم استنى لبكرة الصبح عشات اعمل كل دة
احمد:خالد اتصرف ابوس ايدك دى اختى
خالد:خلاص هحاول متشيلش هم انا هروح اشوف هعمل اية
احمد:ماشى..و انت يا يوسف كلم صحبتك دة شوف لو مصطفى كلمها قالها حاجة...و انا هروح اضبط حملات التفتيش و هبعتلكو ناس من المعمل الجنائى عشان يعملو تقرير ويشوفو الفيلة و الجنينة
يوسف:تمام
احمد:سلام
منة:احمد خد بالك من نفسك
احمد:حاضر........ومشى
احمد راح عشان يجهز حملات التفتيش و يوسف كلم ميرنا
ميرنا:الو
يوسف:ميرنا هو مصطفى نزل اسكندرية
ميرنا:لا معرفش لية !!
يوسف:لا مفيش بسأل عادى بس هو يعرف اننا نعرف بعض
ميرنا:لا بردو
يوسف:خلاص ماشى
ميرنا:هو فى حاجة يا يوسف
يوسف:لا بس حبيت اسأل
ميرنا:ماشى...سلام
يوسف:سلام
و فشقة ميرنا
ميرنا بسخرية و بعد ما قفل يوسف:هو فاكر ان انا هسكت انو يجرح كرامتى و يرتبط بيا و يرمينى بعد ما سبت بيت اهلى
شخص:احبك و انت عايز تنتقم كدة يا قمر
ميرنا وراحت حضنت الشخص دة:بس دلوئتى مفيش فقلبى غيرك يا مصطفى
مصطفى:وانا كمان بموت فيكي يا قلبى...بقولك اية متيجي نشوف الضيفة اللى عندنا فاقت و لا لا
ميرنا:يلا
مصطفى وميرنا دخلو اوضة و كانت مضلمة و جنا كانت مربوطة على الارض و اعدة تعيط و فجأة النور اتفتح
مصطفى:يا ترى الخدمة عجبت حضرتك يا مدام
ميرنا:اكيد لازم تعجبها
مصطفى:ميرنا فكيلها بؤها
جنا بعياط وبعد ما فكولها بؤها:انت عايز منى اية تانى
مصطفى:انا عايز حجات بسيطة اوى...اولا تخلى اخوكى يبطل لف ورايا عشان انا بضايق...ثانيا انتى عجبانى و انا عايز اخد منك اللى انا عايزو و بعدين اوعدك انى هسيبك
جنا بعياط و زعيق:انت واحد حقير و حيوان
ميرنا:توء توء..الزعيق دة غلط عليكي
جنا:سيبنى فحالى بأة و انا مستعدة اديك الفلوس اللى انت عايزها
مصطفى:ولا مال ادنيا كلو يغنينى عن حلاوتك يا قمر...و كفاية عياط بأة عشان صدعت
فجأة الباب خبط
جنا بزعيق:الحقونى......حد يلحقنى انا مخطوفة
مصطفى وكتم بؤها:روحى شوفى مين بسرعة
ميرنا راحت تشوف مين لقيتو........
ميرنا بقلق:دة يوسف
جنا:اعدت تصوت وبؤها مكتوم
مصطفى:مفيش هنا اى باب تانى اخرج منو
ميرنا:ف المطبخ فى سلم هينزلك ع الشارع
مصطفى:ماشى
مصطفى رش مخدر على وش جنا فأغم عليها و شالها و نزل وميرنا فتحت الباب
ميرنا:يوسف...اية اللى جابك
يوسف:مفتحتيش على طول لية
ميرنا:كنت نايمة
يوسف:لا واضح
ميرنا:هو فى حاجة يا يوسف
يوسف بجدية:فين مراتى
ميرنا:وانا هعرف منين
يوسف و مسكها من شعرها:بقولك اية متستعبطيش لان شغل الو.... دة يتعمل على اى حد الا انا
ميرنا بوجع:انت جاى تستقوى عليا بدل متستقوى على اللى خطفها
يوسف:و الحلوة بأة عرفت منين انها مخطوفة
ميرنا بارتباك:كلامك مبين كدة
يوسف:ميرنا قولى جنا فين بدل ماعليا النعمة اطلع القديم والجديد عليكي
ميرنا:انا معرفش حاجة
يوسف كان لسة هيضربها راح احمد دخل مسكو
احمد:يوسف اهدى هى مش هتتحل كدة
ميرنا بزعيق:اطلعو برة بيتى دلوئتى
احمد:بصى بأة انتى لو طلع ليكي علاقة بالموضوع و شوف امى لكون حبسك
واول ما مشيو اتصلت ميرنا بمصطفى
مصطفى:اية اللى حصل
ميرنا:يوسف شك ان ليا علاقة بالموضوع
مصطفى:طب انا طالع دلوقتي على مكان تانى هبعتلك العنوان ف مسج
ميرنا:خليها بكرة عشان انا هخاف اجى دلوئتى
مصطفى:اسمعى الكلام قبل ما يحطو عليكي مراقبة
ميرنا:ومين قالك انهم مش هيرقبونى دلوئتى
مصطفى:عشان لسة مفتحوش محضر و زيادة امان ابقى انزلى من الباب اللى ورا و اتأكدى ان محدش وراكى
ميرنا:ماشى سلام
مصطفى:سلام
.................................................. ............
وبليل ف الفيلة لما احمد و يوسف وصلو
يوسف:انا هتجنن هيكون خطفها فين
احمد:المشكلة انى فتشت اماكن كتير و بردو مش لاقيلو اثر
يوسف:طب و تقرير المعمل الجنائى هيطلع امتى
احمد:مش قبل يومين
يوسف:لية يومين
احمد:لان ف العادة التقرير بيطلع بعدها بيوم و لاننا مفتحناش محضر فهيضطرو يطلعو التقرير كمان يومين
يوسف بعصبية:والمفروض اننا نستنى يومين و ساعتها الله اعلم هيكون عمل فيها اية
احمد بزعيق:هو مش كل دة بسببك
يوسف:و انا هعرف منين ان كل دة هيحصل
منة:بس بأة بطلو خناق مش وقتو....احنا هنعمل اية مع العيلة
احمد:هنضطر نخبى عليهم طبعا و لو حد سأل هنتوه الموضوع
منة:ماشى ربنا يستر
خالد و دخل:انا وصلى فايل بالناس اللى دخلت وخرجت من اسكندرية و طبعا من ضمنهم مصطفى بس مفيش اى حد من معارفو دخل او خرج فاليومين دول
يوسف بسخرية:خلاص انسو بأة اننا نوصلهم
احمد بضيق:مش وقتك يا يوسف
يوسف بعصبية:عايزنى اعمل اية يعنى..اسقف للبيه على المعلومات اللى جابها
خالد:استاذ يوسف احنا مش ساكتين و بنعمل اللى نقدر عليه
يوسف و هو خارج:لا كتر خيرك انا هروح ادور على مراتى بنفسى...و خرج و سابهم
.................................................. ..............
فشالية مهجور على البحر جنا كانت مربوطة فسرير و بؤها مكتوم ودخل مصطفى عليها
مصطفى:ينفع كدة جوزك يعكنن عليا
جنا:بصتلو بقرف
مصطفى وهو بيفكلها بؤها:لا بلاش البصة دى احسن انا بخاف
جنا:مانت لو راجل كنت واجهت جوزى او اخويا مش تيجي تتشطر عليا
مصطفى بضيق:اصدك اية
جنا:اصدى ان انت مش راجل واللى سماك كدة غلط فيك
مصطفى:اتعصب وراح ضاربها بالقلم
جنا بوجع:اة يا حيوان
مصطفى:بأة انا مش راجل ها...انا بأة هثبتلك انى راجل و بطريقة انا شخصيا بعشقها بس مش دلوئتى عارفة امتى...لما البيه جوزك يشرفنا هنا هخلى قلبو يتحرق عليكي و انتى وحضنى
جنا:اتفو عليك يا حيوان
مصطفى:انا همسك اعصابي عنك عشان لو اتعصبت هعمل حجات كتير انتى مش هتستلطفيها
جنا:انت بنى ادم معقد
مصطفى:لو مسمية شخصيتى تعقيد يبقى يشرفنى انى اكون معقد
سابها مصطفى وخرج وجنا اعدت تعيط
عدا يومين و تقرير الطب الشرعى طلع واثبت ان دى حالة خطف واحمد و خالد عرفو يجيبو المحاضر اللى مصطفى خفاها ورفعو قضية علية بأن هو اللى خاطف جنا
كل دة جنا ولا بتاكل و لا بتشرب ويوسف كل يوم كان بينزل يدور عليها و احمد كمان بس مكانوش عارفين يلاقوها
و فيوم دخل مصطفى وميرنا على جنا
ميرنا:اووووه يا حرام...شكلك تعب اوى
جنا بتعب و عياط:انتى ازاى كدة معندكيش قلب طب هو راجل انتى جيبتى القساوة دى منين
ميرنا:الدنيا بتعلم كتير
مصطفى:جيه الوقت بأة عشان نكلم حبيب القلب و نجيبو هنا عشان بصراحة اشتقت اقرب منك
جنا بقلق:ملكش دعوة بيوسف
مصطفى:خايفة علية اوى
يوسف كان ف الشارع اعد يدور على جنا و كانت الساعة 5 المغرب و موبايلو رن
يوسف:الو..مين
جنا بخوف و زعيق:يوسف الحقنى
مصطفى:اظن كدة انك اطمنت عليها
يوسف بقلق:جنا...انت عملت فيها اية
مصطفى:متقلقش اوى كدة انا لسة هعمل
يوسف:انت مشكلتك معايا انا ملكش دعوة بيها
مصطفى:بص بأة او خايف عليها تجيلى لوحدك فاهم والا بأة هخلى مدام جنا متبقاش مراتك لوحدك..اظن فاهمنى
يوسف:اجيلك فين
مصطفى:كدة تعجبنى هبعتلك العنوان فمسج
جنا بزعيق:يوسف متجيش لوحدك
مصطفى بزعيق:اخرسى
يوسف:الو...جنا...الو
مصطفى قفل السكة و بعت ليوسف العنوان
ولما كان ف الطريق قابل مازن
مازن:يوسف بتجرى كدة لية...ورايح فين
يوسف بارتباك و قلق:مصطفى كلمنى..و جنا...يوووه انا ماشى سلام...وسابو
مازن:يوسف طب اصبر هاجى معاك
يوسف و ركب العربية:لا و متعرفش حد فاهم
يوسف سابو ومشى ولما وصل حصل..