رواية بنوتة مسترجلة الفصل الثامن عشر
تانى يوم جنا و يوسف يصحو يروحو الشغل و يجى وقت البريك عشان ينزلو كلو يخرج و ساهر يقول لجنا انو عايزها ويوسف ياخد بالو فيفضل واقف برة مستنى جنا
جنا:نعم يا ساهر فى حاجة
ساهر:انا كنت عايز اقولك انى........
جنا:انك اية
ساهر بحبك:انى معجب بيكى اوى و مش عارف ازاى حصل كدة بسرعة
جنا هى بترفع ايدها ادام ساهر و بتبين الدبلة:انا متجوزة يا استاذ ساهر
ساهر لنفسو:متجوزة ازاى.....يعنى متجوزة و عاملة علاقة مع يوسف لا كدة احلوت اوى
جنا:هاى رحت فين
ساهر:ها هنا....طب بصى بأة انا عارف اللى بينك وبين يوسف
جنا باستغراب:و اية اللى بينى و بين يوسف
ساهر:بلاش نضحك على بعض انا عارف انو عشيقك و عاملين علاقة و بتخونى جوزك معاه فاية رأيك تيجى عندى انهاردة و اديكى اللى انتى عايزاه....و غمزلها
جنا بعصبية:لا انا مسمحلكش
ساهر ببرود:متعمليهومش عليا و لو على الفلوس انا هديكى اللى تحبيه
جنا:انت اتهبلت انت عارف جوزى مين
ساهر:هيكون مين يعنى واحد بأف انتى مستكرداه
جنا:جوزي يبقى يـ.......
يوسف و يدخل يدى ساهر ف وشو:انا البأف يا ....... عرفت هى متجوزة مين
ساهر باستغراب هو حاطط ايدو على وشو:جوزها....يعنى كمان متجوزاه عرفى
يوسف:لا دانت طلعت غبى بأة
يوسف مسك ساهر و اعد يتخانق معاه و يضربو وساهر كمان يضربو ويجيو الناس يهدوهم
ساهر:انت بتضربنى عشان مبوظش سمعتك...سمعة اية مانت راجل يعنى عادى....لكن سمعة الحلوة بأة اللى تعرفك على جوزها و كذة مرة ادخل المكتب الاقيكو.........
يوسف بزعيق و عصبية و هو بيقاطعو:انت عبيط يلا دى مراتى فاهم....مراتى على سنة الله و رسوله و انا غلطان انى مقلتش انها مراتى من اول يوم جت هنا... ادينى بقولكو كلكو جنا تبقى مراتى فاهمين
جنا بعياط:يوسف خلاص يلا نمشى
يوسف:انا هفرجك يا حيوان...اما مشيتك من الشركة دى مبقاش يوسف اسماعيل.... يبص لجنا و بزعيق:يـــــلا
يوسف و جنا يمشو يركبو العربية و جنا بتعيط يوسف يبصلها و يدها منديل من غير ميتكلم جنا متخدوش تعيط اكتر
يوسف بحنان:طب بتعيطى لية دلوقتي
جنا بعياط:عشان اللى حصل مكنش قليل يا يوسف و شوف الناس هتألف و تقول اية بأة
يوسف و اتعصب:يبقى حد يفتح بقو بنص كلمة و انا اعرفو مقامو و بعدين مانتى اللى شغالة هزار و ضحك معاه
جنا بعياط اكتر:لا يا يوسف انا بتعامل معاه عادى و الله ما كان ف نيتى حاجة
يوسف و هدى:طب انا اسف متعيطيش اهدى
جنا بتعيط مش بترد
يوسف بهزار:خدى المنديل امسحى دموعك دى احسن الناس تفتكر المرادى انى خطفك و انا مش ناقص وربنا
جنا بابتسامة و خدت المنديل:شكرا
يوسف:شطورة يا قلبى
جنا بصتلو هى رافعة حاجبها
يوسف(حتى و انتى مضايقة بتتقلى):خلاص متبصليش كدة......بس انتى ناوية تروحى الشغل تانى
جنا:اة اكيد
يوسف:ازاى يعنى
جنا:لو مروحتش الناس هتقول ان كلام ساهر صح
يوسف:جنا سيبك من كلامهم... سيبك من الشغل دة انتى مش وراكى امتحانات
جنا:لسة شهر على الامتحانات....و هبقى اعد قبل الامتحانات باسبوعين
يوسف:اللى شايفة راحتك فيه اعمليه
جنا:شكرا
.................................................. ...........
ف مدرسة انس حبيبة وقت البريك
انس دخل المعمل لقى حبيبة بتنضف و هى سرحانة و هى ماشية اتكعبلت ف كرسى
انس وهو بيسندها:حاسبى
حبيبة باحراج:شكرا
انس ببرود:عادى ابقى خدى بالك
حبيبة:عامل اية
انس:كويس
حبيبة: طنط و اونكل عاملين اية
انس:كويسين عن اذنك عشان البريك قرب يخلص
حبيبة لنفسها:هو بيكلمنى كدة ليه....طب هو بجد كلو بيكرهنى عشان مغرورة....طب ماهى دي طبعتى انا مش قصدى...يا رب بأة
انس لنفسو:هى جنا كلمتها لا اية !!!
.................................................. ........
عند يوسف و جنا يوصلو البيت و ميلقوش حد و يطلعو فوق
جنا تدخل تاخد دوش وتغير هدومها و تلبس و تخرج مش تلاقى يوسف فتنزل تلاقيه بيتفرج عل التى فى
يوسف و هو بيغمزلها:اية دة دحنا بنحلو و احنا زعلانين اهو
جنا:انا على طول حلوة
يوسف:لا متواضعة
جنا هى راحة المطبخ:عارفة
يوسف:راحة فين
جنا:هعمل نيسكافيه
يوسف:طب متعمليلى معاكى
جنا:متعمل لنفسك
يوسف و هو رايح وراها المطبخ:قولى بأة ان النيسكافيه بتاعك وحش و مش عايزانى ادوقو
جنا:هو وحش عايز حاجة بأة
يوسف:مااشى
جنا تحط ماية ف الكاتيل و يوسف يحط ماية على البتوجاز و جنا تسخن لبن مكان ويوسف ف مكان تيجى جنا تاخد ماج يوسف يقوم واخدو
جنا:اية الرخامة دى
يوسف:دة بتاعى
جنا هى بتاخد غيرو:طيب
يوسف و هو بياخدو منها:لا خلاص هاخد دة
جنا هى بتجيب غيرو:اوووف خد الاتنين
يوسف:طب انا عندى فكرة
جنا:فكرة اية
يوسف:انا اعملك بتاعك و انتى اعمليلى بتاعى و نشوف انى احلى
جنا:اة و مالو
يوسف:يلا بأة بطلى رخامة
جنا:ممممم اوك
يوسف و جنا يعملو النسكافيه و بعد 10 دقايق
يوسف:دوقى يا بنتى النيسكافيه بتاعى هتخلينى اعملك كل يوم
جنا:اما نشوف
يوسف و هو بيشرب:ممممممم حلو اوى...دوقى بأة بتاعى
جنا اول متدوق تقوم رامية اللى شربتو
جنا:يــــــع اية دة
يوسف:مثلى بأة عشان تخسرينى
جنا و هى بتشرب ماية:طب دوق كدة
يوسف و هو بيدوق:ادوق و مدوقش ليه.......يــــــــــــــــــــــع اية القرف دة
جنا:انت حطيت سكر من انى علبة
يوسف و هو بيديها العلبة:من دى
جنا:دة ملح يا فـــــــــالح...عامل نيسكافية بملح
يوسف:اوبااااااا على الاحراج
جنا:شـــاطر...هات بأة بتاعى
يوسف و هو بياخدو و يخرج:هاهاهاها لا طبعا انا اللى هشربو
جنا هى بتجرى وراه:يوسف هات بأة انا مش قادرة اعمل غيرو
يوسف:لا انا اللى هشربو
جنا هى بتجرى:اوف على رخامتك
يوسف:تستاهلى
فجأة جنا تزقو فالنيسكافيه كلو يقع و الماج يتكسر
يوسف:اة يا جذمة...شوفتى اديه وقع كلو لا انا و لا انتى
جنا بضحك:ههههههه احسن عشان اللى يجى عليا عمرو ميكسب
يوسف:بأة كدة
جنا:اها
يوسف و يجرى وراها:طيب
جنا بضحك:ههههههههه خلاص يا يوسف خلاص و الله هههههههههه مش قادرة امسك نفسى الله
يوسف:وربنا لوريكى بس امسكك
يعدو يجرو ورا بعض لحد ما مامت يوسف تيجى
والدة يوسف:فى اية يا ولاد
جنا و هى بتجرى و تقف ورا مامت يوسف:هههههه الحقينى يا طنط عايز يضربنى
والدة يوسف:انت اتهبلت يا يوسف عايز تضرب مراتك
يوسف و هو بيحاول يمسكها:يا ستى انتى بتصدقى على طول كدة ماهى بتجرى تضحك زى القردة اهى
يوسف كان لسة هيمسيك جنا تقوم جنا طالعة تجرى:هاهاهاهاها معرفتش تمسكنى بردو
يوسف و هو طالع وراها على السلم:يبنتى اتقى شرى وفجأة يوسف يمسكها
جنا:اااااااااااااااااه رجلى مش قادرة
يوسف و مامتو بخضة:اية مالك!!!!
جنا تطلع تجرى مرة وحدة:هههههههههههه تعيش و تاخد غيرها يا جو
يوسف و طلع يجرى وراها:اة يا بنت الـ........ الله لوريكى
والدة يوسف:ربنا يهديكو
و جنا تدخل الاوضة و تطلع تقف على السرير
يوسف:كدة مفيش مكان تروحيه يا قطة
جنا بضحك :هههههههههه يوسف اعقل
يوسف لسة هيمسكها و جنا تيجى تنط من على السرير يقوم يوسف ماسكها من ايدها وشدها على السرير ووقع عليها
جنا تعد تضحك جامد ويوسف اعد يبص عليها
جنا بضحك:هههههههههههه انت مسخرة بجد انا مش قادرة امسك نفسى كل مفتكر شكلك ههههههههه
يوسف:يخربيت عسل اللى جابت امك
جنا و خدت بالها من اللى هم فيه و اتكسفت:اية دة انت بتبص كدة ليه... بعدين اوعى
يوسف بحب:انتى زى القمر و انتى بتضحكى على فكرة
جنا بكسوف هى بتزقو:و انت رخم على فكرة...اوعى بأة
يوسف:ياعينى على الناس اللى خدودها بتحمر دى
جنا:يوسف اوعى بأة مش بهزر
يوسف:لا اتأسفى الاول و اوعدينى انك هتعمليلى نيسكافيه غير اللى وقع
جنا: انا مالى متعمل لنفسك
يوسف و هو بيقرب منها عشان يبوسها:براحتك
جنا و هى بتحط ايدها على بقو:خلاص خلاص هعملك
يوسف:ايوة كدة ناس مش بتيجى غير بالعين الحمرا
يوسف قام و جنا نزلت بسرعة ابل ميتكلم و يوسف راح وراها
يوسف:يلا يا جبانة
جنا:اهو انت مفيش نيسكافيه
يوسف:ماااااشى لينا اوضة تلمنا
جنا اتكسفت و راحت اعدت ادام التى فى مع مامتو ام يوسف جيه اعد جنبهم و شد الريموت منها و حول
جنا و مامتو:اية الرخامة دى
يوسف:ششششششش عايز اتفرج
جنا:يا طنط خليه يحول
يوسف:هاهاهاها طنط مش هتعرف تعملك حاجة دى بتموت فيا و متقدرش ترفضلى طلب
والدة يوسف:ولد حول هات البرنامج اللى كان شغال
جنا و هى بتقلدو:هاهاهاها طنط مش هتعرف تعملك حاجة دى بتموت فيا و متقدرش ترفضلى طلب
يوسف:كدة يا حجة تخليها تشمت فيا
جنا جت تروح الجنينة يوسف راح وراها
جنا:يا بنى انت اعد تلف ورايا زى النحلة كدة لية
يوسف:مين انا
جنا:اة انت
يوسف:لا انا خارج اتمشى فيها حاجة دى
جنا هى بتعد:خلاص انا هعد
يوسف و هو بيعد جنبها:و انا كمان
جنا:انت رخم
يوسف:و انتى عسل
وبعد شوية يلاقو حبيبة داخلة و طلعت على اوضتها من غير ولا كلمة و جنا قامت عشان تروحلها
يوسف:راحة فين
جنا:هطفش
يوسف بابتسامة:هطفش معاكى
جنا:يوسف بطل هزار انا هطلع اشوف حبيبة مالها
يوسف:اوك متتأخريش عليا
جنا هى طالعة:هو انا مسافرة
يوسف:جنا
جنا:نعم
يوسف بحب:هتوحشينى
جنا ابتسمت و طلعت
يوسف و هو بيحضن المخدة و بيرمى نفسو على الكرسى:يالهووى على يوسف منها عســــل
والدة يوسف:انت اتهبلت يا واد
يوسف:اية يا ماما الفصلان دة راعى انى ف لحظة رومانسية
والدة يوسف:اة اخيرا لقيت اللى تعدلك
يوسف بهيمان: احلى عدلة الله
والدة يوسف:يا عينى
يوسف:تانى مرة لما تلاقينى كدة متفصلنيش فاهمة...يعنى ان راضى ذمتك لما بتكونى اعدة مع بابا اعدة رومانسية انا بفصلكو ها....و غمزلها
والدة يوسف:ولد عيب
يوسف:عيب اية يا سوما البيت دة مفهوش حاجة اسمها عيب
عند جنا ولما تطلع لحبيبة تخبط على الباب
حبيبة:اتفضل
جنا هى بتدخل:اذيك يا بيبة
حبيبة باستغراب:الحمد لله
جنا:دايما يا قمر
حبيبة:فى حاجة و لا اية
جنا:اة بصى يا حبيبة انس حكالى على اللى حصل مابينكو
حبيبة:مردتش
جنا:حبيبة انا كان نفسى تخلينى زى اختك وتحكيلى على كل حاجة زى ما انس بيعمل بس انتى مش راضية
حبيبة:هو انا مغرورة الناس بتكرهنى
جنا:مين بس قال كدة
حبيبة:انس هو اللى قال
جنا:انس قال كدة بس عشان كان مضايق بس انتى كويسة طيبة
حيبة:بس انا فعلا بتعامل مع الناس كلها كدة
جنا:بس دة غلط يا حبيبة مينفعش تتعاملى مع الناس كلها انهم اقل منك
حبيبة:بس انس اضايق منى انا اتعودت اننا نغيظ بعض بس هو لما زعل كدة انا اضايقت
جنا:متزعليش انا هكلم انس ماشى
حبيبة:ماشى....وشكرا
جنا:عادى يا بيبة بس اهم حاجة احنا من انهاردة اصحاب اشطة
حبيبة بابتسامة:اشطة
جنا:يلا غيرى هدومك و تعالى اعدى معانا
حبيبة:حاضر
تسيبها جنا و تخرج وتروح الاوضة تيجى تفتح الباب تسمع يوسف بيتكلم ف الموب و بيقول
يوسف:يعنى فى مزز....ايوة بأة....احبك و انت مظبتنى كدة
جنا هى بتدخل:..............................
يِّأّلَهِهِهِهِوِيِّ أّيِّ دِهِ يِّخَربِيِّتّګ يِّ يِّوَِّسفِّ جِنِأّ