قصة حكاية فاطمه الفصل الثانى
وانا وقاعده معا عشان امسح الحاجه شافني محمد وجيه قعد معانا انا اتلخبط مكنتش عارفه اقول ل محمد اي خصوصا اني بدات اعجب بي وباهتمامو بيا لقيت الولد الي كان قاعد قام وقال انا اسيبكم مع بعض ومشي
محمد بيتكلم بكل هدوء: ع فكره انت لو ف حد ف حياتك انا همشي من غير ما اعملك اي مشاكل
فاطمه: والله انت فاهم غلط وحاولت اكدب عليه بس للاسف عيوني كانت فضحاني
حمد بصلي بغضب شديد وقلي : اي ف انا مش بحب الكدب قوليلي ولو ف حاجه انا هساعدك
الصراحه مكانش عندي حل غير اني اقولو الحقيقه وفعلا قولتلو الحقيقه حسيتو انو اتردد شويه وبعدين قلي : اتكلمي معايا بصراحه انت فعلا عملتي كدا
فاطمه :والله لا انا بنت ناس ومتربيه كويس ومعملش كدا
محمد: طيب انت مسحتي الحاجه دي
فاطمه: ايوا واديتو فلوس
محمد بغضب : انت ازاي تقابلي واحد زي دا من غير ما تقوليلي وكمان ادتيلو فلوس وانت اي الي عرفك بقا انو مسح الحاجه دي بجد او انو معندهوش نسخه تانيه
فاطمه وهي بتبكي : انا مكانش عندي حل تاني انا لو جدتي عرفت حاجه زي كدا ممكن تروح فيها
محمد بصوت حنين: طيب انا اسف مش قصدي ازعلك والموضوع خلاص خلص انت عارفه اني بحبك وكمان كنت رايحه اشتريلك هديه
فاطمه: تشتريلي هديه بمناسبه اي
محمد: من غير مناسبه يا ستي وبعدين انا عايزك تلبسي النهارده احلا فستان عندك عشان هنخرج نتعشا سوا وهعرفك ع اصحابي وعايزك تكوني احلا وحده ومع اني خايف عليكي من الحسد
فاطمه وهي بتمسح دموعها وبتضحك : يسلام يا اخويا
محمد: مش مصدقاني
فاطمه: الصراحه لا
محمد: طيب انهارده هتخرجي وهتشوفي اني مش بكدب عليكي
وفعلا روحنا وفضل قاعد مع جدتي وانا قومت عشان البس واجهز نفسي دخلت جدتي وهي بتقولي : امال فين الحجات الي اشترتيها
فاطمه : مهو انا يا تيتا ملقيتش حاجه عجباني
جدتي : وفين الفلوس الي كانت معاكي
معرفتش ارد عليها لقيت محمد بيرد عليها وبيقولها : اصلي بطه شافت فستان حلو دفعت العربون بتاعو وهتاخدو بكره
جدتي بصتلي ب ضحك وهي بتقولي : اي خلاص مستعجله اوي ع الجواز اه يا جذمه
فاطمه : والله ابدا يا ست الكل بس عجبني ف خفت حد غيري ياخدو وبعدين انا هرجعلك يوم الصبحيه انت نسيتي اني مش بعرف اطبخ او اعمل حاجه ف البيت وبعدين انا هروح اقرفو ف عيشتو شويه وارجعلك تاني
محمد وهو بيضحك : هنشوف مين فينا الي هيقرف التاني
جدتي: طب يلا بطلو مناكفه ف بعض وروحي البسي عشان تتفسحو مع بعض
وفعلا سبتهم ورحت لبست وحطيت ميكب خفيف جدا بس يبين ملامحي ولبست كعب عالي وسرحت شعري وسمعت جدتي بتقول ل محمد انها هتعملو حاجه يشربها ف خرجت لقيت محمد قام وصفر ومسك ايدي ولفني وبيقولي: مش بقولك هتبقي احلا واحده انهارده انت قمر قوي
اتكسفت وبصيت ف الارض لقيتو قلب الموضوع وبيقولي : لازم تلبسي كعب عالي عشان متبانيش اوزعه بصتلو بضحك وقلتلو : ع فكره الاقصر هيبه والطول خيبه وبعدين القصيرين حتت جتو
بصلي وهو بيقرب مني وبيقولي : الصراحه همن احلا واجمل بنات
دخلت جدتي وهي جايبه ل محمد العصير وبتقولو: اتفضل يابني العصير
قلها: معلش يا تيتا مره تاني عشان نلحق صحابنا
جدتي : ماشي يابني براحتك بس متتاخروش
فاطمه: حاضر يا دودو يا عسل انت وبستها ومشيت
وفعلا مشينا ورحنا خرجنا وعرفني ع صحابو ولاد وبنات والصراحه طول القعده مبطلوش يبصولي وخصوصا البنات وبعد ما مشينا قلي: مش قولتلك انك احلا واحده فيهم
جيت ارد عليه لقيت موبيلي رن رديت بقول : الو مين
لقيت واحد بيقولي : اي الجسم النار دا انا مكنتش اعرف انك موزه كدا
فاطمه: مين معايا
الرقم : افتحي واتس
وقفل السكه بصيت ل محمد وقلتلو ع الي حصل بصلي بغضب وقلي: مش قولتلك افتحي بقا شوفي اي ف تاني
فتحت واتس لقيتو بعتلي فديوهات ليا بس المره دي كنت انا ف حد كان بيصورني ف الحمام بيتنا ولقيت الرقم بيقولي انوو عايز فلوس عشان يمسح الحاجه دي وبعدين عمل بلوك بصيت ل محمد ومقدرتش استحمل ف اغمي عليا ولما فقت لقيت نفسي ف المستشفي بصيت ل محمد انا وببكي : انا اتفضحت
محمد: لا يا حبيبتي انا هجيب ابن الجذمه دا اديني رقمو
فتحت الموبيل ومليت ل محمد الرقم الي كلمي وكانت الصدمه .......