قصة #فتاة_سجد_لها_الشيطان. الجزء الثانى
دخل والد شهد غرفة شهد حيث تحادث علي الماسنجر شخص مجهول يسمي نفسه الشيطان أصابها بالحيرة والدهشة لانه اخبرها بأشياء دون ان يراها .
والد شهد .. وبعدين معاكي هتفضلي اليوم كله علي الزفت ده ويقصد اللاب توب ؟!!
شهد .. كمان ساعتين تلاتة واخلص متقلقش انت بس
والد شهد .. طب قومي عشان تتغدي معانا
شهد .. كلوا انتوا انا مش جعانة دلوقتي
والد شهد .. يا بنتي اسمعي الكلام ولو مرة في حياتك
شهد .. وبعدين معاك يا حمدي روح يلا مش فاضيالك عاوزه اعرف مين الحيوان ده اللي بيكلمني
والد شهد .. حيوان مين ؟!!
شهد .. بعدين ابقي اقلك ما انا بحكيلك كل حاجة.. روح يلا يا حمدي واقفل الباب وراك
والد شهد.. طب قومي البسي حاجة تقيلة الجو برد
شهد .. لا مش عاوزه البس حاجة تقيلة.. حرانة موووووت .. امشي بقي يا حمدي بلاش رخامة
والد شهد .. حاضر يا شهد لما اشوف اخرتها معاكي
ثم يخرج ويغلق باب الحجرة خلفة وشهد تعود لتكلم هذا المجهول مرة اخري
شهد ترسل له رسالة .. معايا؟
الشيطان .. مستنيكي من بدري .. وبعدين عيب اوي تقولي عليا حيوان !!!
شهد .. ايه ده .. هو انت سامعني بجد؟!!
الشيطان .. سامعك وشايفك .. انتي لسة مش مصدقة
شهد .. انت قلتلي انت جنسك ايه ؟!!
الشيطان .. خلي الجنس ده بعدين هتعرفيه لوحدك
شهد .. وعايز ايه بقي مني ؟!!
الشيطان .. قلتلك .. نكون اصدقاء
شهد .. اه .. طيب واشمعني انا ؟!!
الشيطان .. لا انا عندي اصدقاء كتير بس انتي هيكون اقرب صديق ليا
شهد .. اشمعني برضوا
الشيطان .. لانك تشبهيني في حاجات كتير
شهد .. طب انا صايعة .. وانت صايع ؟!!
الشيطان .. انا صايع وضايع وفلاتي وفاجر وكل الصفات الوحشة تلاقيها فيا .. تمام ؟
شهد .. تمام .. عرفت انك وسخ
الشيطان .. هتشتمي تاني ؟
شهد .. خلاص متزعلش يا عم الشيطان
الشيطان .. شوفي انا عاوز اعمل معاكي اتفاق
شهد .. اتفاق!! ايه هو؟!!
الشيطان .. عاوزك تعملي خمس مصايب .. لو نفذتيهم .. هنفذلك اي طلب تطلبيه
شهد .. مش فاهمة ؟!!
الشيطان .. سهله يا شهد .. هتعملي خمس مصايب ومش جديد عليكي انتي استاذة مصايب ولو نفذتيهم هنفذلك اي طلب تطلبيه
شهد .. مصايب .. اه .. طيب دي حاجة بسيطة انا اصلا بلوة مسيحة
الشيطان .. عارف .. عشان كدا اخترتك تكوني افضل اصدقائي
شهد .. بس انا عايزة اعرف انت مين ؟!! وشايفني ازاي ؟!!
الشيطان .. حقيقتي هتنكشف ليكي لوحدها بمجرد ما تنتهي من الخمس مصايب
تمام .. تحب اولع في البيت وفي ابويا وامي ونبقي عملنا خمس مصايب جملة.. هههههه
الشيطان .. لا .. انا اللي هختار الخمس مصايب وانتي عليكي تنفذي
شهد .. طب وانا لو طلبت اي شئ هتنفذهولي .؟!!
الشيطان .. اكيد
شهد .. طب انا عاوزة فيزا لاميريكا مش عاوز ه اقعد في مصر زهقت وقرفت من دي بلد .. تقدر تجيبلي فيزا ؟
الشيطان .. هتكون عندك وممكن اديلك الجنسية كمان .. اتفقنا ؟!!
شهد .. اتفقنا ولو طلعت كداب في النهاية ؟
الشيطان .. لا متخفيش .. وجربي صدقيني هتكسبي الشيطان
لم تدرك شهد معني تلك الجملة الا بعد فوات الاوان ..
الشيطان .. نبدأ ولا هتخافي وتطلعي عيلة
شهد .. ابدأ .. مش شهد ياض اللي تخاف
الشيطان .. وائل اللي معاكي في الكلية
شهد .. وائل احسان ؟!!
الشيطان .. ايوه
شهد .. ماله زفت ؟!!
الشيطان .. عاوز يتجوزك عرفي وبعتل كذا مره مع اسراء صحبتك
شهد .. ايوه لأن هي اصلا متجوزة عرفي من هشام صحبه
الشيطان .. اقبلي واتجوزيه
شهد .. نعم
/ شهد .. نعم !!! اتجوزت عرفي ازاي بقي ؟!!
الشيطان.. زي اسراء صحبتك
شهد .. وده عشان ايه يعني اعمل كدا ؟!!
الشيطان .. اولا عشان انتي شهد اللي بتعمل اي حاجة في اي وقت.. ومبيهمهاش حد خالص عكس البنات كلها .. وبعدين احنا اتفقنا ولا انتي خفتي وهترجعي في اتفاقك معي
شهد .. انا مبخفش ياض .. لو انت شيطان انا شهد اللي علمتك الشيطنه
الشيطان .. انا يشرفني تكوني استاذتي .. بس خلي بالك لو بدأتي معايا وتراجعت بعد كده متزعليش مني
شهد .. انت بتهددني ؟!!
الشيطان .. مش بهددك .. انا بعرفك بس
شهد .. اوك اتجوزت عرفي هي اسراء احسن مني لما اتجوزت هشام وبعدين هو هيموت عليا فعلا
الشيطان .. تمام ..فلنبدأ اللعبة
ذهبت شهد تاني يوم الي الكليه وأخبرت اسراء بأنها توافق علي زواجها من وائل وفرحت اسراء واخبرت هشام الذي أخبر وائل وبالفعل تزوجا الاثنان عرفيا وكانا يتقابلان سرا في شقة والد وائل لأن ابواه كانا مسافرين خارج مصر للعمل بإحدى الدول العربية .. وبعد اسبوع اثناء تنظيف ام شهد لحجرتها رأت بالصدفة ورقة الزواج العرفي كادت تسقط مغشيا عليها من هول الصدمة واجهت شهد بالورقة فاعترفت أنها متزوجة عرفيا من صديق لها بالكلية فقامت الأم بأخبار الوالد ليجد حلا لتلك المصيبة
والد شهد .. انتي ايه اللي عملتيه ده؟!! انتي ازاي تعملي كدا ؟!!
شهد بكل برود .. معملتش حاجة غلط انا متجوزة عرفي ودي الموضه دلوقتي بين البنات والولاد
والد شهد .. موضه !!! موضة ايه دا جواز .. انتي خلاص بقيتي فاجرة للدرجه دي
الام .. انت السبب انت اللي دلعتها .. ياما قلتلك شد عليها دي بنت .. وانت تقلي لا هي اللي حيلتنا .. ادي النتيجة
والد شهد .. الواد ده يجي يقابلني بكرة عشان نشوف حل في المصيبة دي يا خسارة يا شهد
في اليوم التالي تحدثت شهد مع وائل وأخبرته بأن أهلها قد عرفوا قصة زواجهما وأن والدها يريد مقابلته
شهد .. لازم تيجي تقابل بابا بكرة
وائل.. ليه ؟!!
شهد .. يعني ايه ليه ؟!!
وائل .. بقلك عارف كل حاجة وعايزك تتجوزني رسمي
وائل .. اتجوزك رسمي ليه ؟!!
شهد .. هو احنا مش متجوزين عرفي ؟!!
وائل .. كنا متجوزين عرفي .. انا قطعت الورقة وحياتك بعدها بيوم
شهد .. هو انت مش كنت بتحفي عليا عشان تتجوزني عرفي وبتقولى بحبك و بموت فيكى ومقدرش اعيش من غيرك واعمل اي حاجة عشان افضل جمبك ؟!!
وائل .. ههههه .. دا كلام عشان اوصل لغرض في دماغي ووصلت له خلاص .. بس تصدقي انتي فعلا كنتي ممتعه يا بنت الايه
شهد .. اه يا واطي يا ابن الكلب
ثم تصفعه بالقلم علي وجهه
والد شهد يعلم بما حدث فيسقط من طوله ويصاب بجلطة في القلب من شدة الانفعال جعلته مصاب بالشلل
شهد تحزن بعض الوقت ولكن هل ستكتفي بالمصيبة الاولي ؟؟