روايه (حب الصدفه ♥️)
الفصل الثاني عشر :
أدم :اممم بصي انتِى طبعا عرفتي إللي حصل من ليلي مش كده
مريم( بانفعال) :ايوة عرفت
ما كان يقولها من الاول ولا عشان
قريبته يتسلي بيها عادي والله لوريه عشان يبقي يوجع قلبها تاني هدفعه التمن و..
أدم :طب اهدي اهدي اتكتمي
حبه بكابورت أتفتح عليا اصبري أفهمك.
مريم: اتفضل يخويا فهمني.
أدم: اخوكي بردو عيب دا انتِ هتبقي المدام بردو.
مريم( ب اضطراب) :اااا م بس واخلص فهمني.
أدم بضحك طيب يستي هفهمك بصي بقي
وقص عليها ما قاله له
مراد في الهاتف ثم قالت
مريم: علي فكره مراد غبي كده حد يعمل كده بس بردو هعاقبه.
أدم :طب اهدي يا مس ونبي قال عقاب قال اهدي وخلينا نشوف هنعمل أي عشان نحل المشكلة دي.
مريم: بص هو انا قولتلها
اننا نتقابل كلنا بكره ونتكلم واظبطه.
أدم: الله يخربيتك يا شيخه انتِ اي يابت واخده الدنيا دراع اي حد يزعلك تضربيه مثلا.
مريم: بس يلاه يا رخم انت.
أدم: الله الله اتعودي عليا بسرعه يا مريوم.
سكتت مريم وعلم أدم إنها خجلت وأخذ يفكر ثم قال
أدم: بصي موضوع اننا نتقابل دا مش هينفع وهي كمان مش هترضي تقابله ف هقولك علي خطه ونعملها اشطا ؟
مريم :اممم طيب ربنا يستر من خططك.
و أخذ يحدثها عن ما سوف يفعلانه.
مريم :طيب تمام أنا كده فهمت.
أدم :يافرج الله ساعه افهم فيكي بس الله يكرمك شغلي الطاسه إللي فوق دي.
مريم :هه ظريف يواد والله يلا اقفل عشان اعمل إللي اتفقنا عليه.
أدم (بضحك) :طيب يا قلب الواد يلا باي.
مريم :بااي.... لالا استني صحيح نسيت أسألك.
أدم :في اي تاني اوعي تقولي نسيتي إللي قولته يخرابييي أجيب لطامه.
مريم :اهدي يعم لا منستش بس عايزه أسألك سؤال.
أدم :اسألي يا قلبي.
مريم :بس بقي. هو مراد عارف اللي هنعمله.
أدم :لا انتِ غبيه يابت أمال أنا لسه قايل اي من شويه هبقي ازاي عارفه يعني ويلا بقي عايز أنام.
مريم :ماشي ماشي روح اتخمد باي
أدم بضحك بااااي.
وجاء الصباح واستيقظت ليلي واعينها منتفخه من البكاء وادت روتينها اليومي ووجدت مريم تتصل
مريم :آلو يا حبيبتي
ليلي: بصوت خفيف إزيك
مريم: كويسه الحمدالله وإنتِ؟
ليلي :سكتت قليلا وقالت
ليلي :عايشه أهو
مريم :امم طب بقولك إحنا مش هتقابلهم النهاردة ماشي يوم تآني تكوني اتحسنتي
ليلي :لازم المقابله دي أصلا مش عايزه أقابله خالص يا مريم
مريم :لا معلش لازم تقابليه عشان تخلصي من الموضوع ده
ليلي :بتنهد طيب ماشي أمري لله
مريم :ايوااا برافو عليكي كده
ليلي :بقيت شطوره صح
مريم :اه جدا كمان
ليلي :طب اقفلي عشان مشتمكيش يا مريم
مريم :لا وعلي أي الطيب أحسن سلام ي أختي لحد ما أشوفك
ليلي :سلام ابقي تعالي ها
مريم :من عيني حاضر
واغلقت مريم الخط مع ليلي واتصلت ب أدم
مريم :كده تمم أول مهمه تمت
أدم :طب كويس آوي جه دوري بقي
مريم :أما نشوف هتعمل أي
أدم :عيب عليكي بردو دا انا دومه
واغقلوا الخط و ذهب أدم إللي الشركه ووجد مراد في مكتبه فقال في نفسه
أدم في نفسه امم وقت كويس ومفيش حد يبقي استعني علي الشقي بالله يارب معانا
ودخل علي مراد المكتب