رواية حب مكتوب
الجزء التاسع
للكاتبه / مي علي
بصتله واستجمعت شجاعتي وقولت ...
عشان بحب واحد تاني
للكاتبه مي علي
سكت شويه وبعدين قال:
طب ومقولتليش ليه
ليه تقبلي تتخطبي لواحد وانتي بتحبي واحد تاني
- بص انا مقصدتش ده انا كنت مجبوره
- مجبوره !!!
- اسمعني بس انا الموضوع معقد جدا ف ارجوك اسمعني
هو مسافر وبيكون نفسو وهما مش راضيين عشان كده فمقدرتش اقول لبابا لا
- تقومي تيجي عليا
- انت اكيد عارف يعني اي حد بيحب
بس انا والله مكنتش اقصد
- عارف يا مي
بس اللي مش عارفه هو انا مش عارف اقولك اي
بس انا بتمنالك السعاده
- انا اسفه اوي يا كريم
- متتأسفيش يا مي عادي خلاص
كل شئ قسمه ونصيب وعموما انتي كنتي فتره حلوه ف حياتي و
- هتقولهم
- علي اي
- علي اللي حكتهولك دلوقتي
- لا متقلقيش انا هخلي الموضوع يجي من عندي انا وكأن احنا متفقناش
للكاتبه مي علي
- انا مش عارفه اقولك اي بجد
- متقوليش حاجه انا مهما كان في بنا عشره وعيش وملح بس نصيحه مني
متعمليش كده تاني
انا ممكن اكون متفهم بس غيري لا
ف يا مي لو اجبروكي متوافقيش ده عشانك اولا وعشان متجرحيش حد تاني .. يمكن يكون حبك
- اكيد حاضر وانا بجد اسفه
- انا هروحك وانتي تقوليلهم اننا اتخانقنا لاي سبب بقي وانا وبابا هنيجي بليل نفض الموضوع
- طيب يا كريم
- قومي يلا
وفعلا قومنا وروحنا
اول ما دخلت ماما قالت..
كان عاوزك ف ايه كريم
- مفيش يا ماما اتخانقنا
- ليه
- بيتلكك معرفش
- ايوه اي السبب يعني
- السبب ا ا السبب انو هو
اه السبب أن هو عاوزنا نكتب الكتاب دلوقتي ونبقي نتجوز بعدين
- اممم وبعدين
- وبعدين قولتله لا يمكن
كتب الكتاب بعد سنتين قبل الفرح فشدينا مع بعض وهو اتعصب وسابني ومشي
للكاتبه مي علي
- يعني انتي رجعتي لوحدك
- اه يا ماما
- طيب
وخرجت وانا عارفه انها مش مقتنعه بكلامي بس هعمل اي
وبليل جه بابا وكان عمو توفيق اداله خبر انو عاوزه ف البيت وجايلنا
ماما بصتلي طبعا
وجم وقعدو واتكلمو
وبابا بقي زعلان اوي والحاج توفيق قام وقال ...
مفيش نصيب بس احنا اصحاب ومش العيال اللي هيخسرونا بعض
وسلم عليه ومشي
وبابا مكملش دقيقه وكان نده عليا ولما حاكتله اتعصب اوي وقال...
وليه تردي علي رأي زي ده
كلامه ف الموضوع ده المفروض كان يبقي معايا
عجبك كده زعلهم
- والله يا بابا دي مش مبرر يسيبني علي كده بقي لو كنا اتجوزنا وكنت ناقشته ف حاجه كان طلقني مره واتنين وتلاته عشان وارد نتخانق
ردي كان مقنع انا مش عارفه اصلا رديت كده ازاي
واستأذنت ودخلت
وانا ف الأساس انا اللي سايبه بس هما ميعرفوش ده
وكان لازم الشبكه ترجعلو
بصراحه هو مطلبهاش بس انا رجعتهالو واصريت علي كده
وده شكك ماما فيا اكتر اني قولتله حاجه خليته يمشي
وسألتني ...
مي في حاجه مخبياها عليا
- حاجه زي اي يا ماما
- بخصوص كريم وفركشته الخطوبه فجأه
للكاتبه مي علي
- والله يا ماما معرفش المفروض انو قال السبب لبابا
- محمود ليه علاقه بالموضوع
- محمود اي يا ماما واي اللي هيوصل ده لده
- قصدي عليكي انتي
جبتيلو سيرة محمود او انك مش عاوزاه
- لا يا ماما
- متأكده
- ايوه
- طيب يا مي طيب
وسبتها وخرجت وبقيت بدعي الموضوع ينتهي علي خير
للكاتبه مي علي
وعدي وقت واهتميت بشغلي وبقيت زي الفل
والعرسان نازله ترف عليا
وانا ارفض فيهم
بقي عندي اربعه وعشرين سنه
عدي سنه ونص علي محمود وهو مسافر معرفش عنه حاجه
حتي رسايل مبييعتش
وقليل لو مروان جاب سيره عنه
ومروان خطب واحده بنت ناس وجاب شقه واتوظف وبيجهزها عشان يتجوز
وطبعا لما حصل ده ماما وبابا كانو لازم يجوزوني
بس انا كنت برفض دايما العرسان
بأي حجه بقي
واتقفلو سنتين بالظبط
ومفيش اي خبر عن محمود نهائي
وماما هتتجنن مني ومش عاوزه تسيبني ف حالي
وزن زن زن
جالي بعدها مدرس شغال معايا ف المدرسه
ماما قلبت البيت نكد وعاندت معايا
وجت قالتلي ...
انا عارفه اللي ف دماغك كويس يا مي
واوعي تفكريني عبيطه
انتي فاهمه
وعارفه انك قاعده مستنيه البيه
اللي عمرو مهيرجع دلوقتي
وبقي عندك خمسه وعشرين سنه وهيعدي عمرك كله وانتي مستنياه ومش شايفه غيرو
- يا ماما انا
للكاتبه مي علي
- فوقي لنفسك يامي
احنا مش عايشيلنك ومروان هيتجوز واحنا لازم نطمن عليكي
ولا انتي هتفضلي كده طول عمرك لحد ما تعنسي
فوقي لنفسك انا قولتلك اهو
كلامها تعبني
ياتري يا محمود لسه ع العهد ولا خلاص نسيتني
وافقت ع العريس عشان ارضيها
وانا في حاله من الخوف والقلق جوايا
ومفيش من محمود اي خبر نهائي
انا فعلا تعبانه
معداش شهرين وفركشت الخطوبه
عشان بردو اللامبالاه اللي انا فيها
تعبت وقرفت بس كنت بحاول اكون كويسه
واهتم بشغلي افضل
علي أمل أن محمود يرجع
وبدل السنه عدي اتنين
ودخلت ف السته وعشرين سنه
ومروان اتجوز
مبقتش حتي قادره اعرف اي حاجه
اخر ما غلبت اتصلت ع الرقم اللي كان باعتلي منه الرسايل
بس لقيته مقفول
لا يمكن الاتصال به
اتخطبت بدل المره اربع مرات
والناس مبتسبش حد ف حاله
اربع خطوبات وافركش
اللي يقول نحس واللي يقول معيوبه
والناس الشر كتر
وماما الضغط بقي بيعلي عليها بسببي
انا عاوز خيط امل اتعلق بيه
اي امل
وف يوم
لقيت مروان جالنا هو ومراته
كان لسه متجوز يا دوب خمس شهور
وقعدنا واتغدينا
وفضلنا نتكلم
واتفتحت سيرة الجواز
ومروان فضل يتكلم ويسألني
ماما ردت...
الله يجازي اللي كان السبب
مروان رد ..
قصدك اي يا ماما
- ولا حاجه
- قصدك محمود ولا مين
انا سمعت اسمو قلبي اتخطف
بقيت عاوزه مروان يكمل يمكن اسمع اي معلومه عنه
مروان قال ...
محمود ماله يا ماما ومال بنتك اللي بتطفش ف العرسان
- مهو بسببه يا مروان
- لو بسببه تبقي عبيطه
- قولها يابني احسن ريقي نشف معاها
- هقولها حاجه افضل من كده هتقفلها الموضوع ده خالص
يمكن مقولتلكيش قبل كده بس آن الأوان اقلك
انا بصتله بإستغراب
تقولي اي يا مروان
- من فتره قابلت أخته جيهان هيا وجوزها
من شهر كده
كانت ف مصر
وطبعا انا عارفها
وسلمت عليها وعلي جوزها
وكنت بقالي فتره طويله معرفش حاجه عن محمود حتي رقمه اتقفل ولا واتس ولا فيس كل حاجه اتلغت
فسألتها عنه عادي
أخباره اي ... عارفه قالتلي اي
- قالتلك اي يا مروان انطق
- طمنتني عليه وقالتلي أنه كويس وأنه كمان ...
للكاتبه مي علي
وسكت
- مروان سكت ليه ما تكمل
- وانه اتجوز يا مي .....