رواية حب مكتوب
الجزء الحادي عشر ..
للكاتبه / مي علي
انا عبيطه ولبخه وبتكعبل وانا ماشيه و
وفجأه لقيته واقف قدامي وبيقولي :
وانا اسف حقك عليا متزعليش
انا والله بس مضغوط الفتره دي معلش
انا اسف ولو سمحتي ارجعي الشركه وانسي اللي حصل
دعاء:
لا مي قلبها ابيض مبتزعلش وبعدين دي حبيبتي
ميوي خلاص بقي الناس بيتفرجو علينا ومتنسيش انو المدير ها
لحسن يفهمو غلط وكده
يلا يا حبيبتي
للكاتبه مي علي
دخلت معاهم مقدرتش اكسفو
بعد ما اعتذرلي كده
ودخلت وقعدت علي مكتبي وبدأت شغل وهو اتبسط من الشغل اللي عملتو وهو مش موجود
وطلبني علي مكتبو وابتدي يفهمني كل حاجه وقال :
بصي انا شغلي صعب وبصراحه متعودتش علي وجود سكرتيره معايا
دايما كان بيبقي دراعي اليمين راجل
بس عندي هنا عملاء بيدايقو من وجود راجل ف حبيت اغير ونجيب سكرتيره
بمعني اوضح حاليا هتبقي دراعي اليمين
انا بحب كل حاجه منظمه
ومتزعليش لو راجعت وراكي
ده مش تخوين فيكي او انك مقصره ف شغلك
كل الحكايه اني بحب اعمل شغلي بنفسي وبطمن اكتر انه خلص لما اراجع عليه بنفسي
انا ممكن اوقات اخدك ونروح الموقع ده وارد ف شغلي
ده غير سفرك لاني بحتاج الشخص الخاص بمكتبي يكون موجود معايا
واعذريني لو هكلمك بصيغة راجل
اتمني تحبي الشغل معانا
- اكيد شكرا لحضرتك
- لو في اس حاجه عاوز تعرفيها عن الشغل تسأليني انا او دعاء لو مش موجود
واهم حاجه شغل المكتب واي حاجه تحصل جوه الشركه ما تطلعش بره
- اكيد طبعا حاضر تحت امر حضرتك
- تقدري تتفضلي
وخرجت وقفلت الباب ورايا
وبدأت شغلي
عاوزه اوصفهولكو كشكل وكشخصيه
فضلت معاه اربع شهور شخصيته كانت كالأتي :
اولا منظم جدا وعملي بشكل رهيب وبيحب يكمل الحاجه علي أكمل وجه
مبيحبش الفتي ولا الأهمال
بيستخدم عقله ف كل شئ
عصبي جدا جوه الشغل
وطبيعي جدا ومرح بره
بيعرف يوزن بين حياته العمليه والعامه
طيب ومهذب جدا وجنتل ف نفسه واستايل لبسه جميل والبرفن بتاعه تحفه
للكاتبه مي علي
شكله بقي : هو قمحاوي وعينيه اللون الزيتوني وشعرو اسود ودقنه متحدده وطويل بس مش اوي ومفرود وجسمو مظبوط وعندو عضلات بس مش الجامده اوي
في شبه كبير من احمد حاتم الممثل بس ده علي قمحاوي سنه
فضلت بشتغل معاه فتره طويله مفيش بنا غير شغل وبس
انا مجذبنيش فيه غير انه عملي وطموح وفعلا اتمنيت ابقي زيه لكن اكتر من كده لا
ماما كانت مبهوره بيه من كتر كلامي عنو وافتكرت اني ممكن اكون حبيته
بس انا عمري ما هحب تاني
وف يوم طلب مني ولاول مره اني انزل معاه الموقع عشان في شغل
وركبت عربيته الفخمه جدا ووصلنا للموقع
وانا اشتغلت معاه وفهمت الناس اللي هو عاوز يقولو بطريقه كويسه وده لأنه عصبي جدا ومبيعرفش يوصل معلومه لحد
بس مع ذلك كلهم بيحبوه
هو كان مبهور بيا وبشغلي بس معرفش حد انبهاره اي
وجه البريك بتاع العمال وراحو يتغدو
قولتلو :
طب احنا هنرجع ع الشركه دلوقتي
- لا لسه في شغل
يخلص البريك بتاعهم ونرجع نكمل
- طب هنعمل اي دلوقتي
- انتي تعبتي ولا اي ؟
عاوزه تمشي
- لا بس الجو حر اوي
- فعلا طب تعالي نقعد ف العربيه ونشغل التكييف
وفعلا قعدنا ف العربيه شويه وبعدين قال :
لا ده ملل
بصي انا عاوز اشرب قهوه في مكان هنا جمب الموقع ناخد فيه حاجه
اي رأيك
للكاتبه مي علي
- اللي تشوفو حضرتك
- تمام
وبلاش حضرتك احنا لوحدنا يعني
البساط أحمدي زي مابيقولو
ابتسمت وسكتت
وروحنا ف كافيه بصراحه طلبلي اكل وطلب هو قهوه
وقعدت مبحلقه للأكل كده
- اي مالك مش جعانه ولا اي
ولا مكسوفه تاكلي قدامي
- اه بصراحه مش متعوده أكل قدام حد
- طب عشان اخلصك من الأحراج هطلب أكل انا كمان وناكل سوا
أظن ملكيش حجه بقي
- اوك ماشي
وطلب اكل ليه وبدأنا ناكل وهو كان بيبصلي وانا باكل وانا محروجه منه اوي
وخلصنا أكل وطلب حاجه نشربها
بصلي وقال :
مي انا معرفش عنك حاجه لحد دلوقتي
ممكن تعرفيني بنفسك من غير أي رسميات
- اعرفك بنفسي ازاي
- يعني ابتديها من الأول اسمك سنك مؤهلك حالتك الأجتماعيه
ورفع عينيه وبصلي وعينيه بتلمع وهو بيقول حالتك الأجتماعيه دي
أخدت نفس عميق وقولتله :
اسمي مي
وسني دلوقتي يعني هكمل ال28 سنه ف أكتوبر الجاي
ومؤهلي خريجة كلية الألسن
اما حالتي الأجتماعيه ف هي
سنجل أنسه بائسه وحيده
- بس بس بس اي ده كلو التلاته
- اه شوفت بقي
- معلش ده فضول مني بقي بس ليه مرتبطيش لدلوقتي او انتي اصلا اتخطبتي قبل كده
- امممم اه اربع مرات
- ومكملتيش ليه ’ مش معقول مفيش واحد فيهم كويس
- بصراحه كلهم كانو كويسين بس بيني وبينك انا اللي كنت بطفشهم
ضحك ضحكه عاليه اوي وقال :
حلوه صراحتك دي
طب قوليلي كنتي بتطفشيهم ليه
- عشان ... عشان موضوع قديم كان بيتهيئلي انو هيحصل و
وسكتت مقدرتش أكمل
قال :
باين عليه حكايه حزينه لدرجة ملامح وشك اتغيرت ف لحظه
- فعلا حزينه جدا لدرجة قررت اتنحر او انتحرت بلفعل بس لحقوني
- ياااه للدرجه دي
- بص مش عاوزه اتكلم ف الموضوع ده
- طيب اللي يريحك
طب ليه مرتبطيش بعد كده مش الموضوع ده خلص
للكاتبه مي علي
- محبتش الصراحه ارتبط تاني نهائي انا كرهت الموضوع
سكت شويه وقال :
عارفه انك بتشبهيني كتير يا مي
بالذات ف موضوع الأرتباط ده
- ازاي بقي ممكن تفهمني
- ياااه دي حكايه طويله اوي وعدي عليها سنين
- ممكن تحكيها لو حابب
او اقولك عرفني بنفسك زي مانا عرفتك
- هههههه طيب يا ستي
انا عبدالرحمن
سني 29 سنه
- اي ده يعني انت اكبر مني بسنه
- اه شوفتي بقي
- كمل طب معلش قاطعتك
- المؤهل والله انا كنت خريج معهد حاسبات ومعلومات بس كملت تعليم مفتوح وأخدت كلية تجاره أنجلش واشتغلت علي نفسي جدا
حالتي الأجتماعيه شاب بائس سنجل حزين وحيد
كل الحاجات دي زيك بالظبط
- وليه مرتبطش لدلوقتي مع ان يعني انت حالتك الماديه كويسه ماشالله انا مش بحسد والله
-هههههههههه هقولك
انا لازم اعترف ان هيا ليها الفضل بعد ربنا ف اللي وصلتله
هو بشكل غير مباشر بس هيا كانت السبب
- هي مين
- اللي كنت مرتبط بيها
- اه كمل وبعدين كانت السبب ازاي
- كنا بنحب بعض من ايام ثانوي
كنت بحبها اوي وعمري م الاقي زيها
بس كنت طايش مبيفرقش معايا حاجه
وطبعا لما دخلت معهد هيا زعلت جدا
وكمان ف الفتره دي مكنتش بهتم
وبعدها بسنه هيا دخلت كلية الطب وكان في فرق ف المستوي الأجتماعي
بس كنت بحبها وروحت اتقدمتلها اخوها رفضني مره واتنين وتلاته
كنت بحبها وهيا كانت بتحبني
فوقت ساعتها وقررت اشتغل وفكرت اسافر واعمل اي حاجه عشان اخدها بس
للكاتبه مي علي
- بس اي
- بس كان الوقت فات وفوقت متأخر وهيا كان لازم تدور علي مصلحتها مش هتقعد تستناني
أخدت دكتور زميلها
عندو شقه وعربيه وبيكافح من سنين
انا فاكر كويس أخر حوار بنا لما بلغتني الخبر
وقفنا قدام بعض ف اخر مقابله وقالتلي
عملت اي عشاني من سنين وانا مستنياك
وانت ولا فرقت معاك ، لو كنت غاليه عندك كنت عملت عشاني من بدري ، فوقت بس يا خساره فوقت متأخر وانا مش هقدر استني ، انا اسفه اوي بس مفيش نصيب
ومشيت وانا اتكسرت وكرهت حياتي مبقتش عارف ارمي العيب علي مين
عليا انا ولا عليها انها مستنتنيش ونست الحب ده كله ولا علي أخوها اللي رفضني
لكن مع الوقت اكتشفت حاجه مهمه
- اي هيا
- اكتشفت انو كان عندو حق لما رفضني
منا كنت ضايع لا شقه ولا وظيفه ثابته وأكدلي ده لما اتقدم لأختي عريس أول حاجه بصتلها هتعيش مرتاحه ولا لا ولو لبنتي بردو لازم افكر كده
واكتشفت ان العيب كمان مش عليها مهي بردو مكنش ينفع تستني جمبي وعمرها بيعدي
انا حققت ذاتي من سنتين بس
مكنش ينفع تبور جمبي كده
ف القصه دي كلها الغلط كان عندي انا
انا اللي سبتها تضيع
وفضلت عايش علي أمل انها ترجع وانها لو اتطلقت فيوم من الأيام هاخدها بردو وهكون اول واحد يخبط علي بابها حتي لو معاها عيال
- للدرجه دي
- واكتر بس ده كان مجرد أمل تافه
وقررت ألتفت لشغلي أفضل وأبطل اعيش ورا أوهام
ونسيت نفسي وسط زحمة الشغل
ونسيت اني لازم اتجوز واكون أسره و
ههههههههههههه قلبناها غم ليه كده بس
وحط ايدو علي وشو كأنه بيمسح دموعه
فكرني بكل اللي فات والموضوع اتكعبل اكتر
هو حكي قصتي بس بالشقلوب
هو اللي سابني ومشي مش انا
وحزنت وجوايا تعبت
وهو فضل يتكلم وانا مش سامعاه
تايهه ف دنيا تانيه
- مي مي
انتي سرحانه خالص
- هاا
- مالك رحتي فين
- لا انا معاك اهو
- طيب يلا عشان نقوم بقي الوقت عدي
- اه طبعا يلا
وحاسب وقومنا ورجعنا وخلصنا شغل وروحت البيت وانا دماغي بتفكر ف كل كلمه قالها
مانا كمان كنت من فتره عايشه علي أمل
بس عندو حق لازم ألتفت لنفسي
وتاني يوم رحت الشركه وحسيت انو بيعاملني معامله مختلفه ورقيق جدا معايا
وعدي وقت طويل وهو بيقرب مني جدا وبيعاملني أحسن معامله
وكملت ال29 سنه وهو عملي عيد ميلاد وجابلي هديه حلوه اوي
وعزمتو مره عندنا ف البيت واتعرف هو ودعاء بأهلي
وبقينا كويسين جدا
بس انا مش بحبه انا مبهوره بيه كشخص بس مش أكتر من كده
وف يوم كلمني لما روحت وقالي أنو بكره لازم احضر شنطتي عشان مسافرين شرم الشيخ ف شغل ضروري بكره
طبعا استأذنت من ماما وبابا وحضرت حاجتي وهو كان
اتفق معايا انو هيجي ياخدني الصبح من قدام البيت
وفعلا الساعه سابعه لقيته تحت
نزلت بسرعه وركبنا العربيه وطلعنا المطار
وركبنا الطياره ووصلنا
قال :
حمدالله ع السلامه
- الله يسلمك
- ده مفتاح السويت بتاعك ادخلي جهزي نفسك عشان في ناس تحت مستنينا
انتي فطرتي ولا لسه
- اه فطرت فول قبل مانزل بقي هههههههههه
- الله فول وحشني اوي
نفسي اكله بس من ع العربيه
فكريني اما نرجع نروح ، لو تعرفي عربية فول كويسه بقي هههههههههههه
انا سرحت رجعني بلزمن تسع سنين ورا
فول زكريا اللي جمب الجامعه والفطار
ومحمود و
لأ يامي فوقي متفتكريهوش
فوقت نفسي وقولتله :
انشالله
هلبس طيب وأحصلك
- طيب انا كمان هخلص واستناكي
وخلصت ونزلت وكله تمام وخلصنا شغل واتعشينا بليل أفخم عشا بس كان عشا عمل بقي وهو كان وسيم جدا
عدي يومين واحنا ف شرم الشيخ ومبنعملش حاجه غير الشغل
تالت يوم صحيت بدري وفضلت مستنياه يخبط عليا عشان ننزل عشان كالعاده في شغل
لقيت تلفوني بيرن
ببص لقيته هو
- الو
- اي يا مي صباح الخير
- صباح النور
- ممكن تنزلي عشان نفطر سوا
- حاضر
ونزلت لقيته لوحده مفيش ناس معاه
- اي ده اومال فين الناس
- خلاص يا مي مفيش ناس عشان الشغل خلص
هتلاقيهم موجودين بس بيستجمو بقي
- طيب يبقي نرجع بقي طلاما خلصنا شغل
- مستعجله ليه بس
ع العموم ياستي احنا هنرجع بكره بس النهارده
او دلوقتي هنفطر وننزل البحر وبليل بقي عاوزك تلبسي احلي لبس عندك عشان هنتعشي برا الاوتيل
- الله ده برنامج خاص بيا انا
- ايوه بالظبط كده ويلا بقي افطري
وفعلا فطرنا وخلصنا واخدني وكان عاوز ننزل البحر
بس انا مرضتش اصلا مبعرفش اعوم
هو احترم رغبتي وقال :
طب اطلعي اوضتك جهزي نفسك وشوفي لو هترتاحي شويه
أهم حاجه الساعه تمانيه ألاقيكي جاهزه
- اوك
وفعلا طلعت وظبطت المنبه ونمت شويه وصحيت أخدت دوش
ولقيت الهوم سيرفز بيخبطو
- ايوووه
وفتحت ادالي شماعه فيها فستان
جديد ولونه أسود بس شيك جدا
قولتله :
من مين ده ؟
- استاذ عبدالرحمن قلنا نطلعه لأوضتك يافندم
أخدته ودخلت
كان حلو اوي
لبسته وكان فعلا تحفه و وكان مش عريان بس شيك اوي
وحطيت بيرفن وميكب خفيف ولفيت الأيشارب بطريقه سمبل
وتمانيه بالظبط لقيته بيخبط
فتحتله
أول ما شافني تنح
وقال :
احم يافندم ممكن تندهيلي مي ولا هي لسه بتاخد دوش
- هههه اي شكلي اتغير للدرجه دي
- كنتي حلوه وبقيتي أحلي
- ميرسي
اتكسفت اوي وهو بصلي وضحك
- يلا طيب
وعملي ايدو انججيه
- اي ده
- اي دي أصول الأتيكيت كده
- اممم طيب
ومسكت ايدو ونزلنا وركبنا عربيه فخمه وروحنا لمحل من بره يخطف القلب
علي شكل مركب وعلي البحر
دخلنا واتعشينا وكان بيعاملني بمنتهي الرقه
وفجأه بصلي وقال :
تيجي نطلع بره ف الهوا
- اوك
وطلعنا بره علي الفراغ اللي بره ف المركب وعلي البحر والمنظر خرافه
فضل ساكت كتير ماتكلمتش
- مالك ساكت ليه
- مفيش
ممكن تغمضي عينك
- ليه في حاجه ولا اي والنبي انا مش حمل اي مفائجه تانيه
-هههههههههههههههههههه انتي مصيبه
غمضي بس
- اهو
فضل ساكت بردو
- اي طيب افتح
- لا لا اوعي تفتحي دقيقه واحده
فتحي
فتحت لقيت كل المديرين واصدقائنا ف الشغل ودعاء واقفين حواليا
وهو واقف قصادي وماسك علبه فيها خاتم وبيقولو :
تتجوزيني
انا قلبي مش مصدق مردتش عليه وقولتلو :
جم امتي دول
دعاء بصتله وقالت :
كمل الروايه يلا ووطي علي ركبتك يلا
الله انا بحب الروايات اوي
تنح شويه وانا متنحه ولقيته وطي علي ركبتو ومسك أيدي وقلي :
تتجوزيني يا مي ..... يا جماعه تابعو صفحتي ف تاني بوست عندي