رواية جنازه بدون ميت
الجزء السادس
الكاتبه / مي علي
وهووووب لقيت قدامي خمس صبيان ماسكين سواطير وعنيهم مليانه شر
بصتله وقولت ...
مش رجوله يعني تتكاترو عليا طب متخليك راجل وتقف راجل لراجل
- جبت ورا يا حيلتها
بصتله بتحدي وقولت ....
لو فيها موتي عمري مجيب ورا
بصلهم وقال ...
أدبوه
وانا واقف مش عارف اتصرف ازاي
الواد اللي كنت بحوش عنه
قالي ...
خد الجنزززززيرر ام ام امسك
مسكت الجنزير ولفيته حوالين ايديا وزي الكرباج وفين يوجعك
مكنش نيتي أعور حد انا بس كنت بهوش عشان ميخطوش الدايره اللي واقف فيها
وقامت مدبحه
واضرب بالجنزير مطرح مطنت روحهم واتكومو واحد ورا التاني ضربت بعزم ما فيا
ولقط الواد اللي كنت بحامي عنو سطور من اللي وقعو ونزلت انا وكلاني ضرب ف بعض لحد ما بهدلت وشه ومبقاش فيه حته متشافه
ولحظتها دخل راجل له هيبه جته يسد باب بحاله
وصوته في خشونه
وراح مزعق...
ارفع ايدك عن رجالتي يااااض
جري الواد كيلاني زحف ع الارض لحد معلمه ومسك ف ديل العبايه وهو بيقول ...
اتضربت يا معلم
رجالتك اضربت ف حياتك يا معلم
زقه برجله وهو بيقول ...
حسابك معايا بعدين عشان تضرب زي النسوان يا كلاني
واحد بس يكومكو كلكو
وبصلي وقال ...
خد ياض
قربت منه ...
اؤمر
- بتضرب رجالتي يلا
تمد ايدك علي رجالة المعلم صباحي
- اسمع يا معلم م الطرفين
رجالتك استقوو ع الغلبان ده وانا دخلت احوش بلساني وبالأدب
الصبي بتاعك شتمني قدام الناس وكان عاوز يكومني جمبه وزقني ومد ايدو الاول
مش م الرجوله يا معلم يهزقني واسكت وانت باين عليك سيد من يعرف الرجوله
وانا يا معلم غريب ف البلد دي
بقي دي اصول معاملة الغريب يا جدعان
رفع حاجب وظهر علي وشه ابتسامه عريضه وقال ...
احنا نعرف الاصول
وانا يعجبني الراجل اللي من نوعك ده
وبص للناس....
يلا ياخويا انت وهو وهي كل واحد علي مطرحه يلاااا
وانت ياخويا خد الرجاله وروح مستوصف ولا ايتها داهيه تداويكو
تعالي معايا يا
الا انت اسمك اي
- عاطف يا معلم
- تعالي ورايا يا عاطف
وفعلا روحت ودخل بنايه جمب المحل
- اتفضل يافندي
كنت ساحب ف ايدي الواد الغلبان
بصلي وقال ...
الله انت ساحبه معاك ليه
- معلش يا معلم انا معرفوش بس صعب عليا
- ههههه اللي يصعب عليك يفقرك يا جدع
ومع ذلك ماشي
خش ياض يا اعرج اعملنا كوبايتين شاي
اتفضل اقعد يافندي
- يزيد فضلك يا معلم
- الواد لأعرج ده من رجالتي بس هو كلاني كده اما يكون في حاجه معكننه مزاجه يحب يزاول الواد ده شويه
- بس مش بالكلاب الصعرانه يا معلم ده رجله مبتوره اعتبره عيل من عيالك
أو حط نفسك مكانه
- انا محطش نفسي مطرح حد يافندي
قصرو انت منين بقي واي اللي حدفك هنا علي منطقتنا
قولتله علي بلد غير البلد اللي انا منها وفهمته اني مش متعلم واني من طرف واحد باعتني ليه عشان اشتغل
- الله هو انت اللي عاوز تشتغل
- ايوا يا معلم انا
- مش كنت تقول كده م الصبح
- معلش يا معلم اتاخدت ف الدوكه
- وانت تفهم اي بقي عن شغل الجزاره
- انا اتعلم يا معلم حطني ف اي حته بسلك
- عاااا وطبعا زي معرفت ملكش حته تبات فيها
- والله يا معلم لا بس عاوز اتاوي ف اي حته لحد ما يبقي معايا فلوس واخد مطرح
- لا سهله انت هتبات مع لأعرج ف اوضته هي اوضه ف بير السلم ف البيت بتاعي
حاكم انا عندي يجي عشر عماير ف الشارع ده
- ربنا يزيد ويبارك يا معلم
- عاوزك متتحمقش كده مره تانيه
انت خلاص هتبقي صبي من صبياني ولو عجبتني هتبقي دراعي اليمين
- حقك عليا يا معلم بس ليا طلب بس صغير اللهي يكرمك تنفذهولي
- اه اتفضل
- الواد ده ف حمايتك يا معلم وانت سيد من يعرف الأصول متخليش حد يقرب منه اعتبره اخويا
- انت باين عليك محترم وقلبك طيب
وانا هديك كلمه اهه انو محدش عيدوسلو علي طرف بعد كده
للكاتبه مي علي
- ربنا يعمر بيتك يا معلم
- ولا ياأعرج خدو علي البيت هيبات معاك هناك
اتكل يلا
واخدت لأعرج وروحنا ع البيت
المدخل كان ضلمه
وعماره بسم الله ماشالله جميله
فتح لأعرج باب الاوضه
فضلت اكح
ياساتر يارب اي ده
بصتله وقولت ...
انت ازاي عايش هنا
كان بيتهته ...
مع مع لش اصل ااااانا بقبقالي كتتتير منضفتهههاش
- اه لا ولا يهمك
طب بس انا متعودتش انام ف مكان كده
عندك اكياس نلم الزباله دي ولا اي
- اي ايوه ع ع عندي
- طب يلا
وفعلا لميت الاوضه من الزباله ونفضت الفرشه
وكلو تمام
- عندك جردل ميه
- لا
- طب حتة قماشه نمسح بيها الاوضه
سابني وخرج معرفش راح فين
وشويه ورجع بخيشه وبدأنا نبلها ومسحنا الأرض
والاوضه بقت فله
بس الملايه كانت زي الزفت
- معندكش ملايه نضيفه ننام عليها غير دي
- ل ل لا
سمعت صوت واحده نازله ع السلم وعماله تقول ...
هو انا ياض ياعرج مش قولتلك من ساعه روح جيبلي الحاجه من عند الكوافيره ده انا هخلي ابويا يقطعك
رد عليها وقال ...
اصل اص اص
- انت هتقصقصلي جتك القرف
خرجتلها ...
اي ده بسم الله الرحمن الرحيم بيطلعو منين دول
كانت حتة بت مشوفتش زيها ف حياتي
مرسومه رسم من راسها لضفر رجليها
وبيضه قشطه ومرسومه
بصتلي وانا سرحان فيها وقالت ...
خدتلي كام صوره يدلعادي
انت بتجيب حشاشين البيت يا أعرج طب والله لهخلي كلاني يرميك للكلاب
للكاتبه مي علي
- يا انسه استني بس حضرتك فهمتي غلط انا الحاج صباحي هو اللي قالي ابات معاه انا صبي من رجالته
ابتسمت وفردت وشها اخيرا وقالت ...
يادي النور يا مرحب لا مؤاخذه معلش اصلي يعني متعوده أن الحمار ده ساكن هنا لوحدو
- لا منا من النهارده سكنت معاه فكنت بروق الاوضه شويه احسن مبهدله ع الاخر
- طب والله فيك الخير ده معفن
طب مش عاوز مساعده ولا حاجه
- كتر الف خيرك إن كان بس ولابد كنت عاوز يعني
- قول متتكسفش
- ملايه نضيفه عاوز ملايه نضيفه ننام عليها
- بس كده عنيا
وفعلا طلعت جري علي فوق
بصيت للأعرج....
هي جارتنا ؟!
مردش وكان علي وشه نظرة قرف
ليها
ونزلت وادتني الملايه ...
اتفضل ملايه نضيفه اهي وكيس المخده كمان
- منحرمش
- انا بنت المعلم صباحي وساكنه فوق معاكو أن عوزت اي حاجه بس قول يا وزه
- ههههه وزه ده اسمك
- ايوه في حاجه
- لا حلو اوي
- نشالله تسلم
طب هسيبكو بقي احسن امي تستعوئني وانت ياض يا أعرج تجيب الحاجه زي مقولتلك قبل ما تتنيل تتخمد
وبصتلي وضحكت وقالت ...
تتمسي بالخير
وطلعت وهي بتتمايل ووشها زي البدر المنور
كانت زي القمر
وانا كل أما اكلم الواد لاعرج ميردش
لحد ما زهقت منه
وتاني يوم صحيت وروحت المحل وكيلاني كان بيدربني ع الشغل بأمر المعلم
وطبعا السواد ماليه من العالقه اللي اخدها
لاحظت أن المعلم بيعملي اختبارات ف الشغل للامانه والشده والفهلوه
والحمد لله كل يوم كان بيزداد ثقه فيا
وانا كنت مبسوط بالعيشه هناك وانا كل يوم القمر دي تطل عليا
حسيت انها بتبادلني النظرات
حلوه اوي حلوه الوزه اللي حلت ايامي بضحكتها
وزه وهي وزه
وبدأنا نتكلم حبه بحبه
وبدل منتكلم كلمتين ف بير السلم بسرعه
بقت تطلع واروح وراها ونتكلم مع بعض
وحبه بحبه اتعلقت بيها ونسيت نفسي معاها
وهي فهمتني اني لازم اكسب ثقة الحاج
وفعلا كسبت ثقته وف شغله كنت بمشيله أموره
ولغيت كيلاني خالص
لحد ما فيوم
كلاني بطل يجي المحل
وانا بقيت ماسك محل الحاج ده كلو
وغيره من المحلات
للكاتبه مي علي
وانا واقف ف المحل لقيت كلاني جاي وانا بقفل وكنا دخلنا ف الشتا والناس بقت تكن بدري ف بيوتها
لقيت كيلاني جاي وسكران ع الاخر
وعمال يهلفط بالكلام
مدتلوش اهتمام
- اقف يا ض قوووددامي وانا بكبكبكلمك
- عاوز اي يا كلاني
- فكفكرني هسيبلك المحل
ده محلي انااااااا
- ده محل الحاج صباحي وانا بس صبي عندو انت اللي مزعل نفسك من مفيش
ويلا بقي اتكل عشان مش فايقلك
- واديتلو ضهري ومشيت
محستش غير بسكينه لازقه ف جمبي
ووقعت ع الأرض والدنيا بتلف بيا
وكلاني بيجري
فقدت الوعي وفوقت ف المستشفي
والحمدلله كنت كويس
اه اتخيطت وكان في جرح
بس ممتش
والحاج كان موجود ووزه وامها
والصبيان كلهم
والحاج دفع تكاليف المستشفي
- كيلاني اللي عمل فيك كده
بس متخافش انا هجبلك حقك
- ملوش لزوم يا معلم عفا الله عما سلف
انا عارف أنه مغلول بردو
- واد خرع ومش راجل
قوم انت بس بالسلامه المحل ضلمه من غيرك
وزه ...
والبيت كمان والله
استغربت من ردة فعلها وحسيت ان المعلم ممكن يكون عارف باللي بيني وبينها
بس لا ده لو عارف يموتها
ما علينا
وخرجت من المستشفي وعلاقتي بوزه بقت احسن من الاول
عدي ست شهور وانا معاهم والحاج بيثق فيا وكان راجل تقي ويعرف ربنا وميفوتش صلا
لحد ما لقيته بيعرض عليا وبدون مقدمات وقال ....
الا يا عاطف اي رأيك ف وزه بنتي
بلعت ريقي بالعافيه
- ابلع ريقك ابلع انت فاكر أنها ممكن تخبي عليا حاجه ده وزه بنتي دي واحد صحبي
اه اومال اي ربيتها تربية راجل
للكاتبه مي علي
- يا زين ما ربيت يا حاج
- المثل بيقول أخطب لبنتك ومتخطبش لابنك
وانا عارف انك ممكن ميكونش معاك حاجه تتجوز بيها وده اللي مخليك متردد ف موضوع وزه
بس انت عاجب البت والبت عجباك
وانا مستعد لكفة شئ اومال اي انا بشتري راجل
- والله يا حاج ده كرم منك بس انا
- ولا بس ولا حاجه
شقتها جاهزه ف نفس البيت يدوبك هتنزلو تنقو العفش وكتب الكتاب والدخله بعد شهر من دلوقتي الخميس زي النهارده
مكنتش مصدق نفسي
هتجوز الوزه دي انا فعلا حبيتها حتة ملبن كده
بس كنت كل انا افتكر اني هربان من جريمة قتل وهتمسك ف اي لحظه واني عاجز حتي اني اعرف اي الاخبار
وعاجز حتي اني اطمن علي امي
ابقي عاوز ارفض الموضوع
الراجل اكرمني وأواني وهو ميعرفش عني حاجه
وهيجوزني بنته وانا معيش حق سرير ننام عليه
معقول في حد كده والله لسه فيها خير
وفعلا ف خلال شهر كانت كل حاجه جاهزه
لحد قبل الدخله بيوم
نزلت اشوف الواد لأعرج اللي اختفي طول الشهر معرفش عنه حاجه
لقيته قاعد تحت وازايز البيره محوطاه من كل ناحيه
وعمال يشرب
للكاتبه مي علي
- اي اللي انت عملو ده حرام عليك يا اخي
- أو أو اوعي سيبني
- مالك في اي
- مفيش حاجه
- هو مش انت بتثق فيا مش انا حميت عنك سيب الازازه وكلمني
وبعدين انا محتاجك معايا انا فرحي بكره
يعني عاوزك فايق
لقيته رما الازازه من ايدو ومسكني من لياقتي وفضلت يصرخ .....
لا للللللا لا مش تتجوووزها لا أو أو اوعي
بصتله وانا مش فاهم اي حاجه
- مش عاوزني اتجوزها ليه
- ك ك كده اس اس اسمع كلا م م ي
- طب بس فهمني ليه عارف اي عنها معرفوش انا
- ااانت س س ساعدتني ا ا ن نا مش عا و زززك تتأذي
- طب بس في اي
فجأه حمايا بينادي ....
عااااطف انت هنا
- ايوا يا عمي
وخرجتله .....
تعالي عاوزك ف المحل
- حاضر حالا
وسيبت اعرج اللي كان بيبصلي بصه غريبه
وانا دماغي بتلف
ممكن يكون بيحبها
ليه لا
طب ممكن يكون سكران
انا مش فاهم حاجه
للكاتبه مي علي
حتي مدانيش فرصه اعرف حكايتو
فضلت انسي نفسي اللي حصل وماخدش علي كلامه
وفعلا نمت وتاني يوم كان الفرح
ودخلنا عشان نكتب الكتاب
قلبي ف قبضه جامده اوي
وبالذات لما شوفت أعرج واقف بعيد وعنيه بتقولي بلاش
مقدرش ارجع من موقف زي ده
خلاص وصلنا لكتب الكتاب مقدرش ارجع دلوقتي
وخلص الفرح وانا بحاول اداري القلق والتفكير
واتزفينا ودخلنا الشقه
خبرتي عن الجواز مكنتش اد كده لكن الغريب
إن وزه كانت بتتعامل عادي
مش حاسس منها بكسوف أو خوف علي حسب ما بسمع يعني أن البنات بيكونو خايفين ليلة الدخله
وفي كسوف وكده
بالعكس كانت عادي
وده اللي دخل ف قلبي الخوف لتكون لقدر الله يعني مش بنوته
فضلت اتعامل عادي واحاول اكون لطيف
لحد ما جت اللحظه الحاسمه اللي هتقطع شكي باليقين
لكن صدمتي ووكستي السوده
إن وزه طلعت مش بنت ......