قصة جحيمي الحلقة الخامسة و الأخيرة
دخل عادل الأوضة و قالي قومي.. بصتله بخوف و قولتله اقوم اروح فين.. زعق و قالي من غير نقاش قومي.. قومت و خرجت اخيرا برا السجن.. بس ياريتني ما طلعت.. و داني مكان بيدربونا فيه على ازاي نضرب نار و ازاي نمسك سلاح.. رفضت.. و لما رفضت راح ضربني بالقلم و قعد يضرب فيا لحد ما وافقت.. قعدت كام شهر تحت التدريب.. و خلال الكام الشهر كُنت بطلع معاهم عمليات.. بس عمليات بسيطة لان تحت التدريب.. و بعد ما فات سنة.. جه الوقت علشان اطلع عملية لوحدي.. و العملية ديه تفجير محطة المترو .. معدش عندي حل غير أن اسمع الكلام
لبست الحزام الناسف.. كل ده بعمله و انا بموت من جوايا ميت مرة.. و صلت للمحطة اللي المفروض افجرها.. كان في أطفال و ناس ملهاش ذنب و ناس ماشية في الشارع و ظباط ملهمش ذنب مجرد ناس بتحمي الوطن علشان نعيش كان عادل قاعد في العربية مستني يتأكد ان انا عاملت اللي اتفقنا عليه.. قربت من المكان اللي بنتفتش فيه.. و في اللحظة ديه اتكشفت كل حاجة.. او بمعنى أصح انا اللي قصدت اعمل كده.. الظابط اللي ارفعي ايديك.. كنت متحصرة من كل الجهات.. بكل هدوء روحت قالعة الحزام و رميته على الأرض.. الظباط استغربوا من اللي عاملته.. و بعد كده قولتله.. لو سمحت اقتلني.. انا خلاص مش معايا حاجة علشان ابقى خطر.. الظابط كان في حالة ذهول
بعد كده خدوني علشان التحقيقات.. قولت على كل حاجة.. من ساعة ما هربت لحد اللحظة اللي اتقبض عليا فيها الظابط حاول يساعدني و يعرف عن عيلتي حاجة بس للأسف هما سافروا و محدش عارف فين لأنهم خافوا من العار كل اللي طلباه ان هما يسامحوني.. و دلوقتي انا في السجن بعد ما اتحكم عليا ب١٥ سنة.. اقول لكم حاجة انا استاهل.. ايوة استاهل كل حاجة حصلت.. كل اللي حصلي ده بسبب قلة عقلي و قلة ديني.. بس مش انا السبب لوحدي السبب في ده كمان عيلتي.. انا كتبت القصة ديه علشان
تخلي بالك من نفسك في حالات خطف و اللي بيحصل فيها (سرقة أعضاء - دعارة - تجنيد للحساب جماعات إرهابية... الخ)
صدقوني مواقع التواصل هتودينا في داهية.. خلتنا نبقى بعاد عن دينَ و حياتنا.. خلتنا متبلدين المشاعر.. و مش كل واحد يقولك بحبك.. يبقى بيحبك.. بيتسلي هتبقى زيك زي لعبة في إيده هو هيكون مستمتع بده اووي.. خلي مشاعرك للشخص الصح اللي هيراعي ربنا فيكي.. اللي عارف قيمتك.. ياريت تقرب من عيلتك و تحافظ على اللمة.. سيبك من الموبايل.. صاحبي والدتك خليها صاحبتك الأولى و الأخيرة.. هي بعيدة قربي منها
اما والدك متحطيش راسه في الطين لما تصاحبي واحد كلها كام يوم و يسيبك
و انتي صاحبي بنتك متهملهاش.. و كمان مش كل حاجة لأ.. بردو احنا بنحب نجرب.. لو مجربناش مش هنتعلم هنخاف من كل حاجة صدقيني الضرب مش بيجيب نتيجة.. لأ بيخلينا نعاند
خلي بالك منها.. أياً كان اللي عاملته هو مش نهاية العالم يعني
النهاية