قصة جحيمي الحلقة الثالثة
صحيت على صوت ضرب نار و كلام مش مفهوم.. لما اتضحت الرؤية ليا قومت اروح اشوف في إيه.. بصيت من الشباك.. الشباك ده كان محطوط عليه خشب فامكنتش شايفة كويس بس الحاجة اللي شوفتها علم اسود و مكتوب عليه ( لا إله إلا الله محمد رسول الله) أسألة قعدت تدور في دماغي كتير..و كنت بحاول اكذب كل حاجة بتدور في عقلي بس..قولت ياريت ده حلم.. جريت بسرعة على الباب و قعدت اخبط و انادي على عادل.. و بعد اكتر من نص ساعة الباب انفتح ولاقيت عادل داخل عليا ولابس اسود و حاجة على راسه.. و كده انا اتأكدت ان
كل اللي جه في دماغي صح.. بصتله و قولتله انت لابس كده ليه
يا عادل.. اتكلم بصوت صارم.. و قالي اسمي المنتصر بالله.. حسيت ان حد ضربني على دماغي.. قولتله.. انت بتهزر صح.. انا.. انا يمني حبيبتك.. قالي (استغفري الله) مفيش حاجة اسمها حب ديه حاجة من عبادة الشيطان .. من كتر الصدمات ما بقتش عارفة اتكلم.. نادي على واحدة اسمها ام زياد.. و قالها تجهزني علشان الفرح.. روحت مزعقة و قولت.. لو حد فكر يلمسني انا هموت نفسي سامعين... انا همشي من هنا فاهمين.. راح قرب مني و ضربني بالقلم..و قبل ما يخرج قال لأم زياد تنفذ اللي قاله...ام زياد مكنتش مصرية.. كانت من سوريا.. هادتني و قالتلي.. عدي الليلة ديه علي خير علشان لو رجع و ملاقش الكلام اللي قاله ما تنفذش هتضري نفسك.. نادت كمان واحدة تساعدها.. كنت بسمع كلامهم بدون اي مقاومة من الصدمة مكنتش حاسة بأي حاجة بتحصل و اصلا مكنتش فاهمة حاجة من اللي بتحصل.. و بعد ما خلصوا.. طلعوا برا.. و هو راح داخل عليا مرة واحدة و كان معاه راجل.. عرفت بعديها ان ده القائد.. و راح قايله.. هي ديه.. كان عمال يبصلي بطريقة مقرفة..امر عادل اقصد( المنتصر بالله) .. إن يخرج.. و فضل يقرب مني.. قعدت ادور على حاجة تحميني اللي لاقيت سكينة محطوطة على طبق الفاكهة مسكتها و رحت حاطها على رقبتي و قولتله.. لو قربت مني هموت نفسي.. قالي.. عايزة تموتي كافرة.. قولتله اموت كافرة.. على أن واحد زيك يلمسني.. مهموش.. و مسك إيدي و بعد السكينة عني و ضربني.. و فضل يضرب فيا.. و بعد كده.. مش محتاجة اقولكو.. و بعد ما خلص.. خرج.. لاقيت عادل جه.. و كمل عليا هو كمان.. و..