رواية جنازه بدون ميت
الجزء السابع
الكاتبه / مي علي
اكتشفت إن وزه مش بنت
قومت قعدت قدامها وبصتلها بدهشه ودماغي هتطق
- مالك بتبصلي كده ليه ؟!
- انتي انتي مش بنت
كنت متوقع رد أنها هتقولي انت بتقول اي انت اتجننت والكلام ده
ردت عليا وقالت ...
هههه وانت مكنتش تعرف
مسكتها من شعرها وقولت ...
اعرف اي يابت انتي
- نزل ايدك ياعاطف
- ردي عليا مكنتش اعرف اي
- اني كنت متجوزه قبل كده
- متجوزه قبل كده !!!!
- اه مرتين
- انتي بتقووولي اييييه انتي
- هو اي أصله ده هو الجواز حرام ولا اي
- ومقولتليش ليييييه
- الله وانا اش عرفني انا كنت فاكره ان ابويا قالك
- قالي هههه اه قالي دي تدبيسه بقي
- تدبيسه!!! اه يا واطي وانا اللي فاكراك شاريني وبتحبني طلعت بتبصلها كده
وبعدين تفرق اي بنت البنوت عن اللي كانت متجوزه يا عاطف متقولي
- متفرقش
تفرق بس ف حالة انك مقولتليش خدعتيني ولبستيني العمه
- عمة اي كل ده عشان كنت متجوزه ثم انا لا عملت حاجه غلط ولا حرام
يكش هو النصيب اهئ اهئ اهئ يا ميلة بختك يا وزه
وانا اللي قولت خلاص الدنيا فتحتلك صدرها وهتاخدك بالحضن ولقيتي اللي يحبك ويتجوزك وشاريكي
تقوم تطلع مبتبصش غير لكده
- طب بس متعيطيش
لا حول ولا قوة الا بالله
وسبتها وقومت خرجت بره افكر مع نفسي
وقولت ف نفسي ...
مانت كمان بتكدب يا عاطف منت كمان هربان وحالتك بالبلا ومقولتلهاش
واحده قصاد واحده متبقاش رفاص للنعم
فضلت قاعد مخنوق وبفكر وهمدت
شويه لقيتها جايه وبتحضني وقالت ...
متزعلش انا كنت فاكره ابويا قالك
بس اوعدك مش هخبي عليك حاجه تاني
وعيشتك معايا هتبقي كلها حب وحنيه و
يخواتي الجو برد
تعالي من البرد قوم
للكاتبه مي علي
واتجوزنا انا ووزه
وكنت بقول يا حيطه داريني
الواد لأعرج اختفي معرفش بيروح فين
كنت كل اما افتكر كلامه
واللي حصل ليلة الدخله ابقي عاوز اقبض روحو بأيدي
وفضلت عايش انا ووزه
الحياه حلو وزي الفل
وكنت بحاول طول الوقت انسي اي اللي حصل
حمايا خلاني سبت شغل المحل وبقيت اطلع مع صبيانه
حبة صبيان مشغتهمش قبل كده
كنت اطلع الم إتوات وفلوس من ناس
قالي أنه بيلمها حق عجول بيصدرها للمحلات بتاعة الحزاره دي
وعدي وقت وانا بلم الاتاوه
من المحلات
وبدل إتاوات بقيت اطلع اجيب العجول والخرفان بنفسي
وكلو كان زي الفل
لحد ما فيوم طلعت مع الرجاله
عشان نجيب جواميس
واحنا راجعين بالليل
وقفتنا لجنه
دونا عن كل العربيات
زي ماتكون عارفه أن في حاجه
والظابط أمر اننا نروح ع القسم بالعربيتين والصبيان اللي كانو عليها
وانا فضلت اهلل وانا مش عارف ليه واخدنا
ووصلنا الحبس
ورزعو فينا لما قولنا يابس
وانا كنت هتخانق مع الظباط منا مش عارف في اي
لحد ما وصل المعلم
وحصل قدامي اللي لكان علي البال ولا ع الخاطر
دخلت انا وعيل من الصبيان الاوضه مع الحاج
والظابط دخل وقفل الباب ومنع حد يدخل
بصلنا وقال ...
اتكلم يا حاج صباحي ولا اي
- اتكلم ياباشا الدار امان ده صبي من صبياني وده عاطف جوز بنتي
- انا كام مره حذرتك يا حاج لازم نقرص ودانك يعني
- انا عملت اي وهو انا قصرت
- مبعتش الشحنه اللي اتفقنا عليها وبضاعتك مرطرطه وصبيانك
وناسي ان الحاجات دي بتمشي مصالح ناس وترقيات ناس تانيه
للكاتبه مي علي
- هههههه ياباشا كنت بحضرهالكو
يباي عليكو زعلكو وحش اوي
بكره الصبح ياباشا هتكون عندك
- ماشي يا معلم وانا هستني
- بس وحيات ابوك متوقفو العربيات كده تاني احسن الرجاله بتتخض
- ههههه سلامتهم م الخضه يا حاج
- هههه شربات ياباشا طب تؤمر بحاجه
وخرج الظابط
وانا ميلت ع الحاج
- فهمني يا حاج اي الموضوع واي الحاجات دي اللي هو عاوزها
- اسكت انت مصالح ملكش دعوه بيها
ودخل الظابط وقال ...
حاجتك وعربياتك وصبيانك كلو خرج بالسلامه
عقبال متخرجلنا حاجتنا
- عنيا يا ساعدت الباشا
تؤمر بخدمه تاني
- لا يا معلم
اه صح بالمناسبه
حلوه فكرة انك تخبي البضاعه ف بطن العجول
فكره بنت ابلسه
- هههههه من بعض ما عندكم يا باشا
سلامو عليكو
للكاتبه مي علي
وروحنا وانا كول السكه فاتحله تحقيق بس مش راضي يرد
وكل شويه يقول ...
اصطبر هتعرف كل حاجه نوصل بس وقولك
ياتري اي اللي مستخبيلك تاني يا عاطف
وروحنا
ودخلت انا وهو الشقه ووزه وامها وكنا قاعدين
- فهمني بقي يا عمي اي الحكايه
- لا حكايه ولا روايه بأختصار كده انا بشتغل ف التجاره جنب الجزاره
- وياتري بتاجر ف اي
فضل يتكلم كلام من الشرق ومن الغرب وف الاخر قال الكلمه اللي كنت اتمني اموت ولا يقولهاش
لأكتشف أن حمايا العزيز تاجر مخدرات
الراجل التقي الصالح
- بقي انت تاجر مخدرات انت قول حاجه غير دي قول أنه مش حقيقي
طب ازاي ده انت مبتفوتش صلاه
- وده اي علاقتو بالصلاه
- اي علاقتو يا راجل يا ضلالي انت بتموت اجيال
يا اخي حسبي الله ونعم الوكيل فيك ينعل ابو اليوم اللي شوفتكو فيه
اسمع انا بنتك هطلقها وملعون ابو معرفتكو ومش هتشوف وشي تاني
وبلف ضهري عشان امشي
- استني عندك
هههه انت فاكر خروج الحمام زي خروجه يلا ولا ايه انت خلاص بقيت معانا واوديك ف داهيه لحد حبل المشنقه بأشاره بس مني
للكاتبه مي علي
- مش قبل ما ابلغ عنك انت وصبيانك يا ضلالي
- بلغ يا ولا هههه قبل ما يمسكوني هتكون انت بتتشنق
ونزلت علي راسي اوحش كلمه ممكن اسمعها
- انت ناسي انك هربان من جريمة قتل ولا اي ........