رواية جنازه بدون ميت
الفصل الثامن
الكاتبه مي علي
لقيته بيقولي انت ناسي انك هربان من جريمة قتل
الكلمه وقعت علي نفوخي زي الطبله هزلت رزع فوق دماغي
بصتله بحده محبتش ابان قدامه اني ضعيف وقولت ...
يعني كنت عارف
-فاكرني تلميذ ههههههعهههع الواد فاكرني تلميذ هشغل حد عندي من غير ما اعرف اصلخ واي اللي جاري ف حياته
اللي قتلته اسمه البطراوي ولقوه واقع والسكينه ف قلبو وبيدورو عليك عشان بصماتك اللي لقوها ف كل حته والقضيه شغاله وقريب هيتصدر فيها حكم
ها نقول كمان
- لا كفايه
- مدام كفايه يبقي تقعد كده وتهدي وخلينا نتكلم انا تاجر مخدرات امنتك وشغلتك معايا ولو اني ممكن اتشد فيها اه
تستر علي مجرم قاتل
بس قولت وماله واد جدع وجوزتك بنتي ودخلتك بيتي و
- عمال تعد ف الجمايل ليه بتذلني
- لا لا سمح الله انا بس بقولك انا حطيت نفسي ف مشاكل اد اي عشانك
- والمطلوب
- تبقي راجل من رجالتي وان قليت بأصلك يبقي هوصلك لحبل المشنقه
- اعفيني من الدور ده كفايه عليا الجزاره
- لا هتبقي هنا وهنا قولت اي
- قولت حسبي الله ونعم الوكيل
- هات صباعك
- ليه ؟!
- وزه قومي هاتي الورق
- ورق اي ؟!
وزه ...
حاضر يابا
وراحت جابت ورق
- اهو الورق يابا
بصلي وقال ...
ده ورق هتمضي عليه عشان لو فكرت تهرب هعرف اجيبك
- هههههه ده انتو مطبخنها سوا بقي
ههههه حتي انتي
- انت ناسي انها بنتي ولا اي
- هه لا صح تصدق زين ما ربيت والله
حسبي الله ونعم الوكيل يارب
- امضي
كنت مغلوب علي امري ومضيت
مخلاص حياتي انتهت لحد كده
رجوع مش هقدر ارجع وذل واتذليت واعدام واخدت وجواز ولبست
الحمدلله علي كل حال
بقيت بشتغل معاهم وانت بموت ف كل خطوه بعملها
ولو فتحت بوقي بتزل
واتعاير
بقيت عايش ميت
حتي وزه قرفت منها وهيا كمان قرفت مني
كنت عايش معاها كأنها مش موجوده
حياتي كلها يئست
وظهر لأعرج تاني نزلتله زي المجنون
مسكت فيه من خنقتي وفضلت اعيط
ولقتني بحكيله علي كل حاجه
بصلي وقال ...
هم هم هما وقعوك
ا ان ان انا حاولت احذرك بس بس انت مسمعتش ك ك كلامي
- احكيلي كل حاجه
- مش مش هعرف دلوقتي بع بع دين دلوقتي انا ل لازم امشي
- انت بتروح فين بس
- بع بع دين هتعرف خ خلي بالك من نفسك
وا انا هجيلك ت ت تاني قريب اوي
- ماشي متغبش عليا احسن انت الحاجه اللي مطمناني هنا
- سب سب سيبها علي الله
ومشي
وطلعت الشقه جري
بروح انام اكل وانام
وابيع السم لخلق الله
يارب خرجني من كل ده
وحاجات كتير اتغيرت اولهم علاقتي بوزه
اللي بدأت الاحظ انها طول اليوم ماسكه التليفون
وسرحانه وبتنزل تحت كتير
كنت مكبر دماغي من زهقي منها
وفضلت اراقبها بس ملقتش حاجه
الموضوع ابتدي يزيد
ادخل واسمعها بوداني بتتكلم بوشوشه ف التليفون ادخل ملاقيش حاجه
تنزل وامشي وراها الاقيها داخله الكوافير او ف السوق
قولت يمكن تهيؤات
لحد ما فيوم جت وقالت ....
طلقني
- نعم !!!
- اي اطرشيت طلقني
- ههههه لا
- اي البرود ده
لا اسمع اما اقولك انا العيشه دي تقصر العمر من الاخر كده انا زهقت منك وكفايه عليك كده
- ههههههه حلوه زهقت منك ليه شوخشيخه انا
- انا كده خلقي ديق ومبحبش الخنقه
- امممم وياتري ده كان سبب طلاقك من الخمسه
هههخ اسف قصدي الاتنين اللي اتجوزتيهم
- مش شغلك طلقني
- انسي
- لو قولت ابويا هخليه يموتك
للكاتبه مي علي
شديت درعها
- اسمعي اما اقولك انا مستحملكو عيله زباله
انما تهدديني هجيب رقبتك تحت رجلك
انجري جوه يلا امشييي
وزقيتها وقعت ع الارض
ونزلت وسبتها
وهي هتطق شرار
كام مره بعدها نتخانق عشان اسمعها بتتكلم ف التليفون واسألها تقول مبكلمش حد
انزل يدوبك اهو نازل
الاقيها نازله
مفيهاش كلام البت دي بتخوني
وابوها القرد ميهموش كل ده هو قاعد وسط المعلمين الغفر بتوعه يلم ف فلوس حرام
والدنيا تضرب تقلب
اخر ما زهقت
يوم كنا طالعين شغل
استأذنت منو اني هحصلو بعدين
عشان اي حجه
وخرجت واستخبيت
ويدوبك انا خرجت
كانت هيا نزلت
بس علي اول الشارع حصلت حاجه غريبه
اتكلمت ف التليفون
وبعدين وقفت ف نص الشاره تتكلم ولفت ورجعت
وهي بتضحك
ودخلت البيت وبصت وراها
وطلعت
فضلت واقف حبه
باب العماره كان ليه ناصيتين
ناصيه ع الشارع وناصيه من حاره جانبيه
وانا واقف ولامح اللي داخل واللي خارج من الناحيتين
فضلت واقف حبه حلوين
بس مفيش حاجه
واتصل بيا يستعوقني
فخدت بعضي ومشيت
العمليه دي كانت هتطول فكنت هبات بره
واتصلت بيها قولتلها
واللي شاككني ان بعد ما قولتلها
اتصلت بأبوها تسأله وهو اكد للكلام لانه كان معايا
بس العمليه خلصت
وقال لكل الرجاله بما فيهم انا نروح
وانو هو قاعد مع المعلمين
فخدت بعضي وروحت
ووصلت للمنطقه قرب الساعه اتنين بليل
الكاتبه مي علي
وانا قرب العماره
والشارع هوس هوس
لمحت واحد بيتلفت ولابس ظعبوط ف مشوفتش وشه
ودخل العماره
بس قبل ما يدخل العماره
لف وبص بصه
وانا كنت اداريت عشان ميشوفنيش
والمفاجأه كانت ان اللي داخل العماره كان كلاني
اي اللي جابه هنا
استنيت اما دخل شويه
وروحت طيران ع البيت
استخبيت ف المدخل
وسمعه طالع
مش طالع لشقة المعلم
لا كان مكمل
الكاتبه مي علي
بصيت لقيته وقف ف دوري انا
ومسافة دقيقه كان الباب اتفتح واتقفل
وعرفت انو دخل شقتي مهو الدور مفيهوش غير شقه واحده
وهو وقف ف الدور عندي
وفتحتله ودخلته
وزه بتخوني معاه
اتجننت طبعا وكان لازم امسكهم متلبسين
انا مقتلتش بحق وحقيقي بس هقتلها وكده كده حياتي منتهيه
ف مش هتفرق
علي الاقل اتعدم ع الحق
الدم غلي ف عروقي
كان معايا لسه مفتاح اوضة لاعرج
دخلت جري جبت سكينه
وخرجت جري
ولسه جاي اطلع
والسكينه ف ايدي
لقيت حد مسك دراعي جامد ولواه ......