قصة الملوك البيضاء
الجزء الاول
انا تمارا عندي 32 سنه متزوجه
شادي و عندي مروان 11 سنه و ميرا 5 سنين ... عايشه معاهم في فيلا واسعه لان احنا من عيله غنيه و كبيره اوي .....
في يوم مروان و ميرا كانو
بيلعبو في الجنينه و فجأه سمعنا صوت صريخ جامد نزلنا لقينا ميرا مرميه علي الارض و وشها ازرق و عروقها بارزه جدا
و عنيها حمرا اوي و عماله
تصرخ و مروان قاعد علي الارض جنبها و عمال يبكي ..... فضلنا نفوقها و اول ما فاقت خدناها
و طلعنا المستشفي .... الدكتور معرفش ايه اللي حصلها ده أو ده بسبب ايه ... بس هو قال ان دي ممكن تكون تشنجات بس بردو مش عارفين ايه سببها .. رجعنا البيت و نمنا ...
تاني يوم ....
كنا قاعدين بناكل و طول ما احنا قاعدين ميرا عماله تبصلنا بنظرات غريبه بس و تبرق
جامد بس احنا مهتمناش .....
نفس اليوم بليل الساعه 3 الفجر....
الكل كان نايم بس كان في صوت غريب جاي من غرفه ميرا رحت اشوف في ايه .. فتحت الباب براحه ..... و لقيت ميرا ماسكه في اديها عروسه بس
مش بتاعتها و شكلها غريب و ميرا عماله تكلمها بصوت غريب اوي و تقولها كلام مش مفهوم حتي ... خفا جدا و روحت انادي شادي رجعنا الغرفه بس .... لقينا ميرا نايمه في
مكانها عادي بس ملقيناش العروسه اللي كانت في اديها حتي .... انا خوفي زاد ... بس شادي قالي ان ممكن يكون
ده بيتهيألي و ان ده مش حقيقي فضلت اقوله اللي انا شوفته
بس مصدقنيش .....
تاني يوم روحت اصحي ميرا بس الغريب اني ملقتهاش في سريرها ... فضلت اجري في
البيت كلو و ادور عليها .
... بعد نص ساعه تدوير عليها لقيتها في........