رواية الحب في سطور
الجزء الرابع
بقلم حنان درويش
عد ما أتخانقت رنا مع الشخص الغريب وهدومها باظت روحت البيت هي كمان
اما الشخص الغريب راح طول عشان يشوف صحبه وسأل علي مكانه وعرفه وأول ما وصل فتح الباب ودخل
الشخص: أيه يا كريم عمال برن عليك من بدري ومش بترد ليه 🤔🤔🤔
كريم:معلش يا عماد حصل مشوار كدا رخم أبقي أحكيلك عليه بعدين 😏😏😏
عماد:يا عم ماتقولش دا أنا وجاي الكلية عندك حصلي موقف زبالة ،أيه مش شايف هدومي عاملة إزاي 😏😏😏
كريم :آه صحيح أيه اللي بهدلك كدا 🤔🤔🤔
عماد: ابدا وأنا ماشي في الكلية أتخبط في بت هبلة كدا كانت ماسكه كنز وأهو زي ما أنت شايف 😏😏المشكلة البت عمال تغلط وتعلي في صوتها ،بنات عايزة الحرق😏😏
ضحك كريم علي عماد واللي حصل معاه وقاله : طيب وأنت سكتلها 😊😊😊
عماد:امال كنت هضربها مثلاً في وسط ىالكلية ،ياله يارب البعيدة تسقط في بلاعة مفتوحة ما تطلع منها 😏😏
كريم:يخرب عقلك يا عماد كفاية خلاص البت زمانها ماتت أساساً 😂😂😂 بس اللي حصلك ما يجيش جنب اللي حصلي حاجة 😔😔😔
عماد: خير حصلك أيه أنت كمان 🤔🤔🤔
حكي كريم اللي حصل معاه هو وسارة وسوء التفاهم اللي حصل وزعل عمه منه
عماد:أوبا يا معلم طول عمرك دبش وكلامك واقف ،واديك وقعت مع خطيبة عمك ،شوف بقي هتحلها إزاي 😏😏
كريم: والله ما أنا عارف إزاي ☹️☹️☹️أبقي أحاول اكلمها في حفلة الخطوبة أخر الأسبوع
المهم أنت هتروح الميعاد اللي قلت ليا عليه 🤔🤔
عماد:إن شاء الله هروح ،أنا عايز أخد فكرة عن السوق في مصر قبل ما أفتح الشركة من جديد
كريم:ربنا معاك يا عماد
عماد:أسيبك أنا وأروح أغير هدومي قبل ما الميعاد يجي ،وميعادنا انا وأنت بالليل سلام😊😊😊
كريم:سلام يا عمدة 😊😊😊
عند رنا
بعد اللي حصل روحت رنا علي البيت علي طول ومامتها شافت هدومها واللي جرا ليهم
والدة رنا:يخرب بيتك ايه حصلك يا بت يا رنا 🤔🤔
رنا :أبدا تور بيجري في الشارع خبط فيا وعمل كدا ☹️☹️
فايزة ام رنا:وهو لو تور كنت لسه واقفة قدامي 🤔🤔
رنا:امال كان حصل ايه 😏😏😏
رد عليها عيلين صغيرين في الوقت نفسه:كنت زمانك بيقروا عليكي الفاتحة 😂😂😂
رنا: عارفة يا جزمه منك ليه إن ما سكتوا لقرأ عليكم الفاتحة
(نتعرف بالاتنين القمر رامي ورهف اخوات رنا الصغيرين وهما توأم وشبه بعض في كل حاجه)
فايزة :خلاص أنتي كمان هتعملي عقلك بعقلهم ،روحي أطلعي غيري هدومك وتعالي أغسلي المواعين دي 😂😂
رنا:يووووه ،كل يوم غسيل مواعين أنا قرفت 🙆🙆🙆
طلعت رنا تغير هدومها عشان تنزل لمبارأة المواعين 😂😂
أما عماد بعد ماخرج من عند كريم روح البيت غير هدومه ونزل عشان مقابلة الشغل في شركة السنابل للأستيراد والتصدير وقابل المدير اللي هو ،،،،،
سيف الدين والد سارة وصاحب شركة السنابل:أهلا أستاذ عماد ،هو أنت تقرب لحمدي معروف صاحب شركة الرؤي للأستيراد والتصدير
عماد:أيوة حضرتك أنا أبقي عماد حمدي معروف وبابا الله يرحمه واللي ماسك الشركة دلوقتي أختي عاليه
سيف الدين: الله يرحمه
عماد:وأنا حابب أقول لحضرتك على الصراحة من أول الموضوع ،انا كنت مسافر وخدت ماجستير في إدارة الأعمال
ورجعت عڜان أخد فكرة عن السوق في مصر وسمعت عن شركة السنابل فحبيت اتدرب على أيد حضرتك خصوصا والشركة تعتبر نمرة واحد في السوق
سيف الدين:,وأنا تعجبني صراحتك ويسعدني أنك تشتغل معانا رغم أنك بكرة هتبقي من المنافسين لينا
عماد:وأنا متشكر لحضرتك والفرصة العظيمة دي
بعد فترة أستئذن عماد من سيف الدين وخرج من الشركة كلم كريم في التليفون
أما سارة فكلمت رنا وعرفت منها اللي حصل وأتفقوا هما الأتنين ينزلوا يعقدوا في الكافية شوية
سارة جهزت نفسها ونزلت تستئذن من والدها ولقيته قاعد الصالة مع أخوها معاذ
(معاذ أخو سارة وأصغر منها بتلات سنين وهو في ثانويه عامه دلوقتي)
معاذ:خير ست سارة لابسة ورايحة علي فين
سارة:ملكش فيه انت ،وبعدين أيه اللي مقعدك قدام التلفزيون مش المفروض ثانويه عامه والكلام ده ،ولا عايزين نجيب مجموع من الهوا 🤔🤔🤔
معاذ:شايف يا بابا بنتك بتقول ايه 😧😧😧
سيف الدين: خلاص انتوا الأتنين ،وانتي يا سارة علي فين ،
سارة :أنا جاية أستئذنك يا بابا خارجة أنا ورنا هنجيب شوية حاجات عشان الخطوبة وبعدين هنقعد شوية في الكافية
سيف الدين: طيب يا بنتي متتآخريش الساعة عشرة تكوني هنا
سارة:حاضر يابابا سلام
سارة ورنا لفوا شوية في المول عشان يجيبوا فستان الخطوبة الاكسسوارات بتاعته وبعد لف كتير سارة لقيت فستان أزرق تلجي لايق علي لون بشرتها البيضاء وكانت قمر فيه ودورت علي طرحة تليق عليه و لقيتها فعلا
وبعد ما خلصوا لف خرجوا من المول وراحوا الكافية اللي متعودين يقعدوا عليه وهو علي النيل
أما كريم وعماد ففضلوا يلفوا شوية بالعربية ولكن هما وماشين بالعربية حسوا بخبطة جامدة في العربيه من ورا . كريم:,يا نهار اسود واحد حمار خبط عربية عمي من ورا
أما أشوف مين الحمار اللي عملها ونزل كريم يشوف مين خبط العربية
عند سارة ورنا كانوا مروحين بالعربية ورنا بتتخانق مع سارة عشان تشغل أغاني وسارة مش راضيه ورنا شغلت الأغاني وسارة طفتها وفضلوا يتخانقوا لحد ما ،،،،،،