رواية الحب في سطور
الجزء العاشر
بقلم حنان درويش
وقفنا البارت لما عربية سارة مرضيتش تشتغل وكريم شافها وعرض عليها أنه يوصلها وهي مكنتش عايزة تركب معاه كانت عايزة تأخد تاكسي
كريم:تاكسي وأنا موجود،عايزة عمي رامز يزعل مني ولا ايه
سارة ؛لا طبعا ،خلاص أنا هركب مع حضرتك بس العربية 🙄🙄🙄
كريم: متخافيش علي العربية ،هخلي حد يوديها الميكانيكي يصلحها تمام 🤨🤨
سارة:طيب ماشي
ركبت سارة مع كريم العربية، طول الطريق كان الأتنين ساكتين فكريم شغل راديو العربية وكانت شغالة أغنية
إليسا وقالوا سعيده في حياتها
وقالوا سعيده في حياتها واصلة لكل أحلامها
وباينة عليها فرحتها في ضحكتها وفي كلامها
وعايشة كأنها في جنة وكل الدنيا مالكها
وقالوا عنيده وقويه مبيآثرش شئ فيها
ومحدش في الحياة يقدر يمشي كلمته عليها
هتحلم ليه وتتمنى مفيش ولا حاجة ناقصاها
ومن جوايا أنا عكس اللي شايفنهاوعلي الجرح اللي فيها ربنا يعينها
ساعات الضحكة بتداري جرح كبير وفي حاجات في حياتنا مبنحبش نبينها
كتير أنا ببقي من جوايا بتآلم ومليون حاجة كتماها بتوجعني
بيبقي نفسي أحكي لحد وأتكلم وعزة نفسي هي اللي بتمنعني 😔😔😔😔😔😔😔
كانت سارة تسمع لكلمات الاغنيه وتفكر في حياتها ،عندها أب يحبها وخطيب يحترمها ،بس هي ليا مش حاسه بالسعادة ليه حاسة إنه في حاجة ناقصها ،حاجة مش مخليها مرتاحة زي الحب مثلاً رنا صاحبتها كل يوم بتحكي ليها عن عماد وحبه ليها وتعلقها بيه ،رنا تقريباً بقت واحدة تانية والفرحة مالية عنيها ،هي فرحانة لرنا ونفسها تبقي زيها ،وتلاقي حد يعاملها كدا ويأخد باله منها وتبقي هي كل حياته ،حد يبصلها بحب ويشوفها أحلي واحدة في الدنيا
سارة وهي بتفكر بصت ناحية كريم من تعرف ،واتفاجئت بيه كريم كان في الوقت ده كان بيبص علي سارة ومركز فيها
وفي الوقت نفسه نظراتهم اتقابلت وعيونهم كأنها كانت تايهة ولقيوا بعض ،كريم حس بالخطر وبعد عينيه فجأة وسارة كمان حست بكدا وإزاي هي لأول مرة تسيب قلبها كدا
سارة لنفسها:سارة هو انتي ايه اللي بيحصلك وقلبك ماله بيدق كدا ،لازم في حاجة غلط أنا أول مرة أحس الأحساس ده ،انا مش لازم أقابل كريم تاني لازم اركز مع رامز ،هو خطيبي والمفروض هنتجوز 😧😧😧
أما كريم فقال لنفسه:تاني يا كريم مش كنا قولنا سارة لا
سارة متنفعش ،دي خطيبة عمك والمفروض انت اللي تحافظ عليها،عمك اللي رباك بعد ما أبوك وأمك ماتوا وانت عندك ستة عشر سنة وفضل وراك لما ذاكرت ونجحت ووصلت للأنت فيه ،دا بدل ما تحافظ على الأمانة
بس أعمل ايه أنا لا عمري فكرت في حب ولا الكلام الفاضي ده ،كنت طول عمري مركز في دراستي عشان انجح وافرح عمي بيا ،وأول مرة قلبي يدق ويتعلق بواحدة تكون هي اللي عمي أختارها ليه😔😔😔 الموضوع ده لازم يتوضعله حد سارة خط أحمر يا كريم افتكر كدا 😔😔😔
فضلوا سارة وكريم كل واحد يأنب نفسه علي اللي حصل لحد ما وصلوا بيت سارة
سارة نزلت علي طول من العربية ودخلت بيتهم
وكريم ساق العربية وفضل يلف بيها شوية ،كان مخنوق علي الآخر وعايز حد يتكلم معاه بس خاف لأحسن يقول لعماد فعماد التاني يفهمه غلط ،آخر ماتعب روح البيت ونام علي طول 😔😔😔
أما سارة فأول ما روحت دخلت اوضتها وقفلت الباب عليها وفضلت تعيط ،مش مصدقه إزاي هي سارة تعمل حاجه زي كده ،سارة اللي عمرها ما آمنت بالحب وأعتبرته أنه كلام فاضي وملوش وجود،إزاي قلبها يتهز كدا،ومشاعرها تتحرك بالشكل ده ،دا ملوش غير معني واحد أنها ،،،،
أنها بتحب كريم ،ايوة كريم من دون الناس كلها قلبها ومشاعرها اتحركوا ليه ،طب ليه مش رامز خطيبها ليه هو بالذات،لا يا سارة مينفعش الموضوع ده لازم يموت في أوله أه ،لازم تركز مع رامز ،رامز هو المستقبل
بعد شويه دخلت سارة الحمام وغسلت وشها وأول ما طلعت اتصلت برامز عشان تطمن عليه
رامز:أيوة يا سارة معلش نسيت اكلملك وأقولك علي حكاية السفر والمؤتمر اللي جه فجأة ،اوعي تزعلي
سارة:أبدا مش زعلانة ولا حاجة 😔😡 بس كان نفسي تقول قبل ما تسافر
رامز :معلش أنا آسف ،علي العموم المؤتمر أسبوع اوعشرة أيام ويخلص ،المهم لو احتاجتي حاجة كلمي كريم أنا موصيه عليكي 😊😊😊
سارة: حاضر
رامز:طب يا سارة أبقي أكلمك بعدين عشان لازم استعد للمؤتمر
سارة: ماشي ،سلام
رامز: وعليكم السلام
قفلت سارة التليفون مع رامز وكانت مخنوقه اوي
فرنت علي رنا وكلمتها
رنا :،سارة صورصارة 😂😂 اخبارك وحشتينا
سارة بصوت باكي :رنا أنا ،،،،،،،