ولا يا احمد
عاوزة ايه يا زفته
اخويا بيحبني اوي
اخلصي انتي بتكلمي نفسك
تعالا خرجني
وانا مالي
مالي في البنك والبنزين في التانك
يا خفه دمك سكر يا بت
اه ما انا عارفه ان انا مسكرة ملكش دعوة انت.... يلا بقا خرجني
لا
لا ليه يا اسطى
اسطى في بنت تقول لاخوها يا اسطي دا انا حاسس ان انا بكلم واحد صحبي مش بكلم اختي
يا عم يلا بقا
قولت لا يعني لا
متأكد
اه
طيب والله لاروح اقول لأمك وابوك انك بتحب واحده اسمها امال وكل يوم تفضل تكلمها وبتحب هبه وسوسن وأماني وان قلبك دا عامل زي الميكروباص
إيناس يا قمر
ارغي
انتي كنتي عاوزة تطلعي صح
اه ليه
خلاص يلا بقا روحي البسي عشان اخرجك
وهتجيب ليا شكولاته ولبان وشيبسي وحاجات حلوة كتير
يا رب صبرني... ايوة هتنيل واجيبلك
اشطاا.....خمس دقايق وجايه
بعد ساعه
انتي يا بنتي اخلصي دا اللي خمس دقايق وجايه
خااااص جيت أهوى اصبر بس
يا رب صبرك اخلصي يبنتي
حاضر
بعد لما نزلوا من البيت
ها يشتي عاوزة تروحي فين
عاوزة اروح الملاهي
بزمتك في واحده في سنك تقول عاوزة اروح الملاهي
اه مش انا قلت
اه
خلاص يبقا فيه
طيب يلا يا لمضه قدامي
طيب يا عم بس متزقش
وراحوا الملاهي وهما في الطريق إيناس قابلت واحده صحبتها معاها في الجامعه وهما الاتنين صحاب وجيران
ازيك يا مني
الحمد لله تمام يا قلبي انتي عامله ايه
تمام يا حبيبتي.... دا احمد اخويا.... ودي مني صاحبتي يا احمد
أحمد مد ايديه عشان يسلم علي مني وبيقول لها ازيك يا مني بس هي مرفعتش ايدها وقالت وهي باصه في الارض الحمد لله واعتذرت من إيناس ومشت
أحمد بص لمني باستغراب وقال هو فيه ايه وهي مسلمتش ليه
بص يا معلم
معلم... ماشي قولي يا معلمه
انت بتتريق طيب مش هقول
خلاص يشتي اسف انجزي بقا
شوف بردوا
طيب قولي
لا
لا ايه
روح هاتلي حاجات كتير الأول
امال ايه اللي في ايدك دا
لا دول هيخلصوا قبل ما نوصل الملاهي
يا رب صبرني
راح يجيب الحاجات اللي إيناس طلبتها ورجع لها تاني
ها يستي بقا احكيلي
مني دي انا عرفاها من زمان انا وهي أصحاب بقالنا كتير هي محترمه جدا وتعاملها مع الولاد بحدود جدا وهي من الناس الملتزمه جدا ودا السبب انها مسلمتش عليك ولولا انك اخويا مكنتش اتكلمت معاك اصلا
أحمد سرح بخياله شويه وفكر فيها ياه. لسه فيه بنات محترمه كده
أحمد ولا يا احمد
ايه يبنتي فيه ايه
كنت سرحان في ايه
لا ابدا
طيب يلا بقا وديني الملاهي
طيب يلا
وراحوا الملاهي واتبسطوا وبعد كده روحوا
وتمر الايام واحمد لسه بيفكر في مني اللي شغلت باله وتفكيره من يوم ما شافها
ولا يا احمد
ايه يزفته
كنت عوزاك تعدي عليا في الجامعه وانا مروحه عشان تيجي معايا اروح أزور زميلتي
لا
بالله عليك... مني زميلتي من زمان وزي اختي ومقدرش اسيبها لوحدها في الظروف دي
مني مين
مني اللي انت قابلتها
ايه.... هي مالها فيه حاجه حصلت ولا ايه
ايه يعم اتخضيت كده ليه لا مفيش مامتها تعبانه بس شويه فكنت هروح اطمن عليها
خلاص ماشي بس انتي هتخلصي أمته
هخلص علي الساعه ٣ العصر كده
ماشي
بس انا مستغربه من حاجه كده
ايه فيه ايه
لا اصلك وافقت اول لما قلت مني مع انك رفضت في الأول
هااا لا ابدا بس زياره المريض صدقه مش كده ولا ايه
اه طبعا ماشي انا هعمل نفسي مصدقاك
طيب يلا يا لمضه بقا علي كليتك
طيب يا اخ بس متزقش
اخ!!!!!
اه اه امال اخت
قام احمد ضربها بالقلم علي قفاها
ها ايه رايك بقا
ماشي الأخوة ماتت
يلا يبت بقا عشان مجيش اديكي كمان واحد
خرجت إيناس واحمد فضل يفكر في مني وانه هيقابلها تاني اخيرا
أحمد راح لايناس الكليه وهما رايحين سالها علي مني
بت يا إيناس
هاا
ها ايه
عاوز ايه أنجز
أنجز ماشي يا لمضه... كنت حابب أسألك علي حاجه
عارفه ايه هي الحاجه دي
ها عارفه منين
بص علي نفسك وأنت تعرف عاوز تسأل علي مني صح
هااا اه
بص يا سيدي هي زي ما انا قولتلك قبل كده هي عايشه مع والدتها واخوها وهي محترمه جدا وعمرها ما كلمت ولد وكانت دايما بتقول لي أن نفسها بإنسان ملتزم ياخد بايدها الي الجنه ويساعدوا بعض علي طاعه ربنا
أحمد سرح وبدأ يفكر في الحاجات اللي بيعملها وانه بيصلي فرض ويسيب عشرة وبيتكلم بنات وانه خلي مسافه كبيرة اوي بينه وبين ربنا
فاق علي صوت إيناس وهي بتكلمه
رحت فين يبني
لا ابدا طيب يلا عشان وصلنا
طلعوا ولسه هيرنوا الجرس وسمعوا صوت زعيق وعياط جوه واول لما الباب اتفتح اتصدموا
البارت التاني
احمد وايناس كانوا لسه
هيرنوا الجرس بس لقيوا
الباب مفتوح وفيه صوت عياط جامد
طالع من جوه احمد زق الباب ودخل هو وايناس واتصدموا لما
لقيوا مني حطه راس مامتها علي رجليها ومامتها مغمي
عليها وإبراهيم اخوها واقف جنبها وبيحاول يتصل علي
الإسعاف ودموعه بتنزل ومتوتر ودا مخليه مش عارف يتصل
إيناس لما شافت مني
بالمنظر دا دموعها نزلت وجرت عليها وندهت علي أحمد اللي
لسه واقف مصدوم من المنظر
إيناس... احمد بسرعه رن علي الاسعاف
أحمد... حاضر
ومسك موبايله وطلب الإسعاف وقالهم علي حاله مامت مني وقال لهم علي العنوان
بعد نصف ساعة.....
أحمد... الإسعاف وصلت يا ابراهيم بسرعه يلا
أحمد وإبراهيم ساعدوا الممرضين انهم ينقلوا مامت مني العربيه
ابراهيم ومني ركبوا مع والدتهم في عربيه الإسعاف وراحوا بيها علي المستشفى
أحمد..... يلا يا إيناس نركب تاكسي ونحصلهم
ايناس.... يلا بسرعه
في المستشفى......
ابراهيم بعصبيه وهو بيزعق ..... عاوزين دكتور بسرعه
الممرضه.... اهدي يا استاذ بعد اذنك
ابراهيم...... فين الدكاترة اللي هنا بسرعه امي بتموت
مني بعياط هستيري.....بسرعه ارجوكي
الدكتور....... فيه ايه
ابراهيم...... الحقنا يا دكتور ابوس ايدك والدتي تعبانه اوي.... بالله عليك الحقها
الدكتور...... لو سمحت اهدي يا استاذ واحنا هنعمل اللي علينا.... يلا بسرعه ودوها الاوضه
الممرضه ... حاضر يا دكتور
ابراهيم ومني كانوا قاعدين قدام الاوضه ومني منهاره من العياط وإبراهيم واخدها في
حضنه وبيحاول يمسك دموعه بس مع الأسف دموعه بتخونه وبتنزل غظبا عنه
"وهل الفراق بهين..... فكيف بفراق من بها نملك العالم كله"
أحمد ومني وصلوا المستشفى
وسئلوا علي الاوضه بتاعت مامت مني وراحوا لمني وإبراهيم
إيناس اول لما شافت مني
جريت عليها واخدتها في حضنها واحمد قعد جنب ابراهيم
وحاول يهديه بس إبراهيم فجأه حضن احمد جامد وفضل يعيط
بعد ربع ساعه........
الدكتور خرج من الاوضه واول لما شافوة جريوا عليه بسرعه
الدكتور باسف......للاسف
احنا عملنا اللي علينا.... البقاء لله
الجمله دي نزلت علي مني وإبراهيم زي الصاعقه
ومني قعدت في الارض وفضلت تصرخ جامد وتعيط وايناس جنبها وبتحاول تهديها
وإبراهيم من صدمته قعد علي الكرسي واحمد كان جنبه وبيحاول
يواسيه وحضنه وإبراهيم فضل يعيط جامد ومني من كتر عياطها وصراخها فقدت الوعي
ايناس..... مني مني ردي عليا مني عشان خاطري ردي عليا
واحمد وإبراهيم جريوا عليها وحاولوا يفوقوها بس مش بتفوق
أحمد راح بسرعه ينده للدكتور
الدكتور.... بسرعه انقلها اوضه بسرعه
الممرضه.... حاضر يا دكتور
مني اتنقلت اوضه وكان ابراهيم جنبها ودموعه بتنزل علي وفاه والدته واللي حصل
لاخته وايناس حاضنه احمد وعماله تعيط وصعبان عليها اللي بيحصل لصحبه عمرها واحمد حاضنها ودموعه بتنزل
الدكتور بعد ما كشف علي مني...... دا إغماء نتيجه الصدمه وشويه وهتنفوق
ابراهيم.... شكرا يا دكتور
ابراهيم باس جبين مني وراح هو وأحمد للدكتور عشان يخرجوا الجثه بدون تشريح
وايناس فضلت جنب مني وماسكه ايديها وعماله تعيط
بعد نص ساعه......
الدكتور وافق انهم يخرجوا الجثه بدون تشريح واحمد وإبراهيم ودوا الجثمان بتاع مامت مني البيت عشان بتغسل ورجعوا لمني وايناس تاني
ومني بدأت تفوق واول لما فاقت بدأت تعيط تاني وايناس حضناها وبتحاول تهديها بس هي كمان عماله تعيط وإبراهيم دخل لقاها كده جرا عليها واخدها في حضنه
مني بعياط وشحتفه..... وديني لماما يا اب ابراهيم عشان خاطري وبتعيط اكتر
وإبراهيم بيحاول يهديها ودموعه بتنزل اكتر... شالها ووداها العربيه وراحوا البيت
في البيت.....
والده احمد وباباه جم وقرايب مني وإبراهيم
مني بعياط...... وديني اوضه ماما يا ابراهيم عاوزة اشبع منها قبل ما تمشي عشان خاطري يا ابراهيم وبتعيط اكتر
ابراهيم وبيحاول يتماسك..... حاضر يا حبيبتي
مني دخلت الاوضه وقفلت الباب وقعدت جنب جثمان والدتها وبدأت تعيط اكتر... ليه يا ماما ليه مشيتي وسبتني هونت عليكي... هانت عليكي مني..... ليه سبتني ومشيتي طيب مين هيخاف عليا قدك ومن هينصحني لما اقصر في حق ربنا مين هيصحيني كل يوم.... مين هيحبني قدك.... طيب ليه سبتييني زي بابا.... انتي قولتي ليا انك عمرك ما هتسبيني صح... طيب ليه خلفتي بوعدك..... قومي يا ماما عشان خاطري وقولي انك بتهزري وانك هتفضلي معايا... قومي يا ماما وانا مش هزعلك تاني ابدا والله ومش هنتخانق انا وإبراهيم قومي بقا..... عشان خاطري يا ماما متسبنيش انا محتجاكي اوي عشان خاطري يا ماما
وبدأت تصرخ جامد.... يا ماما.. يامامااااااااا..... ليه عاوزاني اكون وحيده
وإبراهيم دخل علي صوت صريخها واخدها في حضنه وهي فضلت تعيط وتقوله هي
اكيد بتهزري هي مش هتسبيني صح يا مامااااا وإبراهيم بيحاول
يهديها بس هو كمان دموعه بتخونه وبتنزل اكتر
دفنوا جثمان مامت مني وايناس اطمنت علي مني. شويه وبعدين هي ومامتها وباباها
واحمد روحوا وقالوا لإبراهيم لو احتاج حاجه يرن عليهم وهما هياجوا بكرة
تاني يوم......
إيناس..... يلا يا احمد عشان نروح لمني
أحمد..... اه يا حبيبتي يلا انا جاهز أهوه
إيناس..... يلا
عند بيت مني
أحمد بيرن الجرس وإبراهيم بيفتح
اول لما بيفتح ابراهيم بيحضن احمد جامد ودموعه بتنزل بس بيحاول يخبيها
إيناس... البقاء لله
ابراهيم.... ونعمه بالله
إيناس...... هي فين مني يا ابراهيم
ابراهيم....... لسه نايمه في اوضه والدتي الله يرحمها ومش راضيه تخرج منها من
امبارح ولا حتي راضيه تاكل
إيناس..... طيب انا هروح اشوفها
ابراهيم...... اتفضلي يا إيناس
إيناس راحت ناجيه الباب وخبطت بس محدش رد فتحت الباب ودخلت لقت مني
نايمه علي السرير وحاضنه
هدوم والدتها اول لما قربت منها اتصدمت
إيناس...... منييييييييي