(فارس احلامي)
الفصل السادس عشر
وفي البيت
كريمه : نورت البيت يا ابني والله وحشتني
فارس : حبيتي يا ماما عامله ايه
حسن : حمد الله علي سلامتكم يا ولاد
احلام : الله يسلمك يا عمي
كريمه : ازيك يا احلام يا بنتي
احلام : الحمد لله يا ماما
كريمه : تعالو يلا يلا انا محضره ليكم الغدا وكل الاكل الي بتحبه يا فارس
فارس : ربنا ما يحرمني منك يا ست الكل
احلام : تسلم ايديكي يا ماما (ياااااارب استرها معايا يااااااااااااارب )
فارس : حبيتي مالك
احلام وشوشته في ودنه : مش قلت مفيش كلام لم نفسك
فارس : هو انا اتكلمت
احلام : ايوه امنع اي رومانسيه خالص يا عم انا الي هدبس فيها في الاخر والله
فارس : ههههههههههههه حاضر حاضر
كريمه : بتقولو حاجه يا ولاد
فارس : ها لا لا يا ماما دي احلام بتقولي ريحه الاكل جميله
كريمه : ايوه مش بعمله لابني
احلام : ايوه طبعا هو فيه احلي من اكل الام ( ده بينها ايام فله اه والله )
وبعد اليوم الي عدي علي خير
فارس : احلام اصحي
احلام : ايوه يا فارس
فارس : صباح الخير يا حبيتي
احلام : صباح النور ايه ده انت لابس ورايح فين
فارس :انافطرت ولبست وجهزت وانتي لا ايه يا بنتي مش ورايا شغل ودراسه وولا ايه يا دكتوره ما انتي خلاص
احلام : خلاص ايه ما انا بجهز في العياده برده بس بلاش من النهارده يعني
فارس : كسوووووله
احلام : بره يا فارس
فارس : طب هتوحشيني بقي
احلام : وانتي لا
فارس : رخمه
احلام : مش ارخم منك
فارس : يا بت احترميني انا زي جوزك برده
احلام : هع هع لا لا
فارس : انا هسيبك للزمن وهو الي هيوريني فيكي
احلام : فيلم الخطايا بدا
فارس : هههههههههههههههههههههههه ماشي يا لمضتي
احلي صباح عشان شوفتك في اوله كده
يا سلام الواحد يروح يدرس الطلبه بمزاج
احلام : اااااااه صحيح الطلببببببببه حبيب قلبي جوزي العاقل يعمل ايه
فارس : يعمل ايه ها ها ايييييه
احلام : ما تستعبطش عنيك دي لو بس بصت لواحده هقتلك ايوووووووه هقتلك درس الولاد بس
فارس : والله ما اجيب ملايه بالمره واقسم المدرج
احلام : فكره مش بطاله يا حبيبي والله
فارس : حبيتي انتي مجنونه
احلام : ما انا عارفه مجنونه بيك انت
فارس باس راسها : يلا سلام بقي واستنيني اما ارجع هجيب ليكي شيكولاته
احلام : بجد بجد
فارس : هو انا عندي غير بنوته واحده
احلام : تسلم يا احلي اب
وخرج فارس
احلام في الاوضه بقي (طب اخرج ولا لا ...امال يعني هفضل محبوسه هنا
....طيب هتعامل ازاي ما انا خايفه يعني... هي هتاكلني .......انا هبله صحيح...... وبعدين دي امي برده ......يلا يلا اتشجعي يا احلام واخرجي الي المعركه ....
جو جو احلام ايوه شجع نفسك شجع واخرتي هتبقي جو فعلا بس جو تو هيل )
وخرجت احلام
احلام : صباح الخير يا ماما
كريمه : صباح النور يا بنتي
احلام : تحبي اساعدك في حاجه
كريمه : لا يا بنتي ما انا متعوده دايما اطبخ لفارس ولابوه تسلمي
احلام ( يعني معناها اتلمي وشوفي حته لولولوولوي بدايه خير بس علي مين نبتدي الخطه بقي )
احلام : انتي عارفه يا ماما
كريمه : خير يا بنتي
احلام : انا خايفه يكون فارس مش سعيد معايا
كريمه : ليه بتقولي كده انتي بتزعليه
احلام : لا لا والله انا بس بقول كده لاني مش عارفه هو بيحب ايه ولابيكره ايه مش عارفاه يعني زيك انتي
انتي برده امه وحبيته وروحه وانتي الي عارفاه اكتر من نفسه
وانا لسه يدوب بتعرف علي شخصيته
ونفسي اسعده طبعا ولو نص الي انتي بتعمليه
اهي اهي ( يلا نشغل كيد النسا شويه )
كريمه : يا حبيتي طيب تعالي
احلام : حبيتي يا ماما هتساعديني صح
كريمه : ايوه يا روحي تعالي تعالي
ويرجع فارس من الشغل
احلام : هههههههههههههههه كفايه يا كوكي والله مش قادره
كريمه : والله يا احلام وكنت ادور عليه الاقيه تحت السرير وبالشبشب عشان يطلع
احلام : هههههههههههههههههههههههههه تعبك اوووي يا كوكي
فارس : الله الله متجمعين عند النبي
كريمه : انت جيب يا حبيبي
فارس : اه يا ماما بس شكلي قطعت قعده الانس
كريمه : لا كنت قاعده ما احلام بنتكلم
فارس : عن مين بقي
احلام : عنك وانت صغير
كريمه : واه ولسه كنت بقولها بتستخبي فين وبطلعك ازاي
احلام : بالشبشب
فارس : يا سلام حوش انتي الي مش كنتي بتطلعي بالشبشب ولا كان ايه بقي
كريمه : ولد عيب كده
احلام :
فارس : الله الله ما اذا اري انقلاااااااب انقلااااااااااب
كريمه : احلام بنتي زي ما انت ابني وبطل رخامه
فارس : بقي كده موووشي طيب هتاكلونا ايه بقي عشان انا جعان
كريمه : ثواني والاكل يكون جاهز
فارس : تمام صحيح يا احلام تعالي اصل مش عارف انتي حطيتي الشراب بتاعي فين ودي حاجه مهمه جداا جدااا يعني
احلام : حاضر بعد اذنك يا ماما
كريمه : ماشي يا بنتي وزي ما اتفقنا بقي
احلام : اكييييد يا كوكي
كريمه : ربنا يهدي سركم يا بنتي
واول ما دخلت الاوضه
فارس : انتي عملتي ايه ابت انتي في امي ها ها اعترفي
احلام : مش هقووووووول مش هقوووووول
فارس : انتي مصيبه بجد بتحولي الناس معاكي
احلام : يا حبيبي خدي قاعده اي ام تتمني تشوف ابنها مبسوط وسعيد وعشان كده تستعد تقبل اي حاجه فهمت
فارس : تقريبا
احلام : مامتك لو حست اني هسعدك يعني وبسعي لده يبقي انا حبيتها الروح بالروح والغيره تقل من ناحيتي
اه ما المهم في الاخر سعادتك
فارس : اااااااااه يا قرووووبه
احلام : اتعلموها بقي بس بجد مامتك دي اطيب قلب شفته دي من الصبح بتحكي ليا عن كل حاجه عنك
فارس : بجد بجد
احلام : اهي سلتني لحد ما تيجي عشان انت وحشتني بس ايه ده انت كنت شقي وانت صغير اووي
فارس : ههههههههههههههه يوووووووه متعديش
احلام : وعرفت قصه نونو
فارس : كمان ده انتي متقعديش مع امي تاني
احلام : بقي تضرب البنت عشان مردتش تديك القلم
فارس : اه انا كده شرير هع هع
احلام : لا لا انت طيووووب خالث
فارس : اه حتي جبت شيكولاته لحبيه قلبي
احلام : هييييييييييه طلع طلع
فارس : طيب طيب مفيش تبس بقشيش اي حاجه طيب
احلام : لييييييييه فقير حضرتك
فارس : ما انا هاخد تبس يعني هاخد
احلام : ابقي قابلني وجريت علي المطبخ تساعد كريمه
فارس : ماااااااشي مش جايب شيكولاته تاني
وتعدي ايام والامن مستتب لحد ما
احلام : انتي عارفه يا ماما
كريمه : ايوه يا حبيتي
احلام : فارس متغير معايا بقالو يومين
كريمه : ليه خير زعلتيه
احلام : ابدا والله انا حتي بنزل عشان اجهز العياده وبرجع حتي قبله
كريمه : ايوه صحيح
احلام : بس مش عارفه بقي انطوائي ومش بيتكلم كتير
كريمه : بوصي يا احلام فيه نوع من الرجاله بيمل من الجواز بعد اول شهر وكده بيحس انه بقي روتين وملل
ويبتدي يبص ان ايه ده انا اتجوزت فعلا ايه المسئوليه دي او انه عايز حتي يخفف عن نفسه شويه ويخرج مع اصحابه وكده
احلام : يا ماما فارس مش من النوع ده وانت حتي تعرفيه عني
كريمه : فارس فعلا من النوع الكتوم والي يحب لو مخنوق او مضايق ميقولش يحب يبعد بس لحد ما يهدي
احلام : وانا عشان كده قلقانه هو هادي بقاله مده
كريمه : طيب ما تساليه
احلام : انا عايزه اعمل كده فعلا بس قلت استشيرك انتي خبره عني
كريمه : ربنا معاكي يا حبيتي
واستنت احلام الوقت المناسب
احلام : فارس
فارس : ايوه يا احلام
احلام : ايه رايك نقعد بره في البلكونه شويه ده حتي الجو حلو
فارس : ها لا مش عايز انا مرتاح كده
اجلام : فارس انت متغير كده ليه
فارس : متغير يعني ايه
احلام : فارس بوص ليا انت متغير ليه
فارس : مفيش يا احلام
احلام : انت عايز تخبي حتي عليا طب فين اننا واحد وان الحياه مشاركه واننا روح واحده ها فين
فارس : يا احلام قلت مفيش
احلام : لا فيه انا متاكده انت مش بتعرف تكدب حتي عنيك بتفضحك
هو انت مفكر يعني هيحصل حاجه يا فارس احنا مع بعض علي الحلوه والمره
وانا جمبك ومش هسيبك في ايه بقي
فارس : يا احلام انا بس مضغوط شويه
احلام : طيب من ايه
فارس : دراستي الي بكملها
بجانب شغلي في الجامعه
والشقه وتظبيطها تاني واني لازم اكون معاهم يوم بيوم
وانتي اهملت حقك عليا اني برده اراعي عيادتك واشوف احوالك
وكمان زمانك مليتي من القعده هنا وعايزه ترجعي شقتك
احلام : كل ده وكنت بتقول مفيش
فارس : انا مش عايزك تزعلي يا احلام
احلام : وانا يعني مزعلتش دلوقتي وانت مخبي عليا
يا فارس انا المفروض اول واحده اعرف بكل الي يجري ليك وبزعلك قبل فرحك
مش عايزني ازعل انا اساسا مكنتش زعلانه
يا سيدي علي البيت انا مبسوطه هنا والله يعني اهلك مش بيعذبوني يعني ولا حاجه
والشقه بتاعتنا براحتها خااالص وعلي فكره ممكن والدك او بابا يتابع الشغل فيها عادي
وانا العياده بجهز فيها براحتي وعلي مهلي ومش مستعجله يعني مين قالك اني مضايقه
وانت اتفرغ لدراستك وبس
فارس : يمكن بتقولي كده بس انا من اول واجب عليا ليكي اني اوفر ليكي حقوقك وانتي مش لقياها دلوقتي
وابس...
احلام : هششششششششش انتي حقي وبس ومش عايزه يا سيدي اي حقوق تانيه
فارس : يا احلام انا بتكلم جد
احلام : ويعني انا الي بهزر انا معاك استحمل اكتر من كده يا فارس ايه يعني شقه
انا لو في عشه بدام معاك انا راضيه
اعترض بقي يا استاذ
فارس ممكن اطلب طلب
فارس : نعم
احلام : خد نفس
فارس : هههههههههههههههههههههههه
احلام : قلت نفس مش تضحك
فارس : ماشي يا لمضه ههههههههههههههههههههههههه
احلام : ممكن اطلب بقي الطلب
فارس : اؤمري
احلام : ممكن حبيبي ميزعلش وميفكرش في مشاكل هي مش موجوده وكله باذن الله هيتحل
بلاش تشيل نفسك اكتر ما هي تقدر
وسبها علي الله وانا والله مش زعلانه انا معاك هي دي سعادتي ومش عايزه غيرها
فارس باس ايدها وراسها : ربنا يخليكي ليا يا احلي زوجه في الدنيا
احلام : ممكن اطلب طلب بقي
فارس : ههههههههههههههههههه تاني
احلام : اه عايزه شيكولاته حالا بقي
فارس : طيب هروح اجيبها وانتي جهزي بقي القعده في البلكونه
احلام : تمام يلا يلا
وخرج فارس
وخرجت احلام في البلكونه
كريمه : ها يا بنتي عرفتي حاجه
احلام : لا يا ماما الحمد لله مكنش فيه حاجه انا الي عبيطه فكرته زعلان بس هو عادي والله
ده حتي خرج يشتري شويه اكل عشان هنقعد في البلكونه شويه تحبي تقعدي معانا
كريمه ابتسمت ليها وحضنتها : هههههههههههههههه فارس عرف يختار الي تصون بيته صحيح ومتطلعش اسرار البيت
ربنا يهنيكم يا بنتي ويحميكم لبعض
احلام باست ايديها : ربنا يخليكي يا ماما
كريمه : ويخليكم بعض يا بنتي
وفي مره احلام وهي في العياده
احلام : ها يا لبني كل ده تمام صح باقي ايه
لبني : مكتب وكرسي تحت هخلي البواب يجبهم
احلام : اه تمام كده
فارس : احم احم مش دي برده عياده الدكتوره احلام
احلام : فاااااااااااااااارس
فارس : ها خلصت بدري قلت اجي اشوفكم بتعملو ايه وبعدين معايا هديه كده ليكي