الفصل الثامن
رواية مجنونة الوليد
بقلمي : هدير ممدوح
{بسم الله الرحمن الرحيم }
في المساء بمنزل الحج صبحي
كانوا وليد ونغم يودعون العائلة قبل مغادرتهم
صبحي : خد بالك منها ياولدي
وليد : ف عيني ياحج صبحي
مسعد : ان سمعت فيوم زعلتها ولا حصل ليها حاحة بسببك يبقا يا ويلك مني
وليد : انا مقدر خوفك وقلقك علي نغم بس عايزك تطمن طول ما انا معاها يستحيل اخلي حد يقرب منها.
اسماعيل : واحنا واثقين فيك يا ولدي .
وليد : وانا هكون عند حسن ظنكم
نغم : هووووف كفاية كلام انا عايزة امشي
صبحي : مش عايزة تسلمي ع جدك يا غاليه قالها وهو يفتح يده لها
نغم : طيب بس اخر مرة دي ماشي
صبحي : ماشي ياضي عيوني
( واختضنها )
وبعد السلامات الحارة صعدا الي السيارة وغادروا
انتظروا حتي ان اختفت السيارة من أمام اعينهم ودلفوا للداخل
صبحي : مسعد اسماعيل تعالوا عايزكم في موضوع وانتي يابتي اعمليلنا شاي
زوجة مسعد : مسعد حاضر ياعمي
اسماعيل : خير يابوي
صبحي : نغم
مسعد : مالها يابوي
صبحى : شافت الصورة وصرخت وقالت هي اللي قتلتها
مسعد : تقصد اي يابوي ان هي........لا متفكرش اكده قلبها اكيد مش هيطاوعها تعمل اكده
اسماعيل : ايوة يابوي كلام مسعد صح
صبحي : بس هي طول عمرها قلبها قاسي وبتحقد عليها من وهي طفلة كأنها عدوتها
اسماعيل: مننكرش انها كانت بتكرها وده كان واضح عليها بس متعملش اكده وبعدين هي ماتت ف ازاي بتفكر اكده يابوي
صبحي : بس مشفناش جثتها
مسعد : تقصد انها عايشة
صبحى : ايوة وانت واخوك لازم تتأكدوا
اسماعيل : بس ازاي
صبحى : نفس المكان اللي اختفت منه
اسماعيل : تقصد السكن واصحابها
صبحى : اي..........
صمت فجأة عندما سمع صوت اصتدام كاسات الشاي بالارض
زوجة مسعد بتوتر : انا اسفة مكنش قصدي بس وقعوا مني من غير ما حس
مسعد: وانتي ايه اللي مواقفك يلا لمي القزاز ده واعملي غيرهم
صبحي : حصل خير يابتي جات سليمة
زوجة مسعد : هروح اعمل غيره ع طول
وغادرت
صبحي : اسماعيل مسعد من بكرة عايزكم تجمعوا ارقام اصحابها اللي ف مصر وتسألوهم عنها
اسماعيل : بس هنسألهم ازاي وهنقولهم اي
صبحي : اسالهم اي اللي حصل معاها الفترة الأخيرة الا مايكون حد عارف حاجة ولو معلومة صغيرة
مسعد : ماشي يابوي من بكرة ان شاء الله هنبدأ
********************
في منزل رباب
عند رباب كانت بغرفتهم هي وزوجها
شادي : رباب ضروري نحكي
رباب : قول
شادي : الزيت ازاي انكب
رباب : كنت سألت مامتك
شادي : تقصدي اي
رباب : اقصد اكيد انها سمعتنا وعشان كده هي عملت التمثلية دي كلها
شادي : انتي بتكدبي امي
رباب : ايوة لانك كنت اخر مرة معايا ف المطبخ ومكنش في اي حاجة
صمت شادي لانه يعلم ان كلامها صحيح
رباب : اي سكت ليه
شادي : يعني تفتكري انها ممكن تكون هي اللي عملت كده
رباب: انا معرفش اي حاجه عشان مترجعش ف الاخر وتقول اني بحرضك على امك و اختك
شادي : يا رباب دي امي برضه
رباب : وهو انا قولتلك حاجة دلوقتي انا متكلمتش ولا قلت حاجة بس ل ....هنا وبس
شادي : تقصدي اي
رباب : اني انا مش الخدامة اللي جبتها ليهم انا عندي اهل وناس يا استاذ شادي وبعد كده مش هسكت علي اي غلطة او كلمة هتتقالي
شادي : انتي بتتكلمي ليه كده
رباب : لان امك واختك مش ناوين علي خير وحاجة كمان بعد كده اللي عايز حاجة يبقا يعملها لنفسه لان اختك سليمة ومتجيش عندي انا وتتشل عايزة حاجة تعملها ل...روحها
شادي : بقا كده
رباب : ايوة بقا كده ولو كلامي مش عاجبك كل واحد يروح لحاله
شادي : انا خارج و ياريت لما ارجع تكوني عقلتي
قال جملته تلك وغادر
*صلي على محمد *
💗💗💗💗💗💗💗💗
بإحدي المنازل كانت تلك المكالمة المجهولة تتدور
........... اهلا اهلا بس ياتري اي اللي فاكرك بيا بعد السنين دي كلها
المجهولة ....... مش وقت كلامك دلوقتي
ليتحدث الطرف الاخر بسخرية : يا ساتر ليه كده في اي اه ليكون حد مات
المجهولة ......... كفياكي مسخرة وكلام فاضي اللي هقوله ده يهمك اكتر ما يهمني
لتتحدث بجديه : ف ايه احكي قلقتيني
المجهولة : شكين انك عايشة وهيدوروا عليكي من بكرة
مجهول ٢ : انتي بتستهبلي انتي بتقولي اي
مجهول ١: زي ما سمعتي اكده
مجهول 2: عرفتي ازاي وقالوا اي
مجهول 1: مقدرتش اسمع حديثهم كله بس اللي فهمته ان ابوكي عرف انك عايشة
مجهول 2 : ازاي
مجهول 1: انا معرفش انا اول ما سمعت دورت غ رقمك واتصلت عليكي قولت ألحقك قبل ما تقعي ف مصيبة
مجهول 2: متنسيش اني لو قعت مش هقع لو حدي
مجهول 1: تقصدي اي
مجهول 2: زي مافهمتي كده ودلوقتي عايزاكي تعرفيلي ناوين علي اي بظبط
مجهول 1:ماشي هحاول اعرفلك ....
يقاطع حديثهم صوت احد من الخلف ......... لا تغلق هاتفها سريعا .........
💗💗💗💗💗💗💗💗💗💗💗
بالندن عند تالا
كانت مع اصدقائها
كريستينا : لماذا لا تخبرين اسرتك عن حالتك الصحية وماذا اخبرك الطبيب
روما : ليعطوكي الدعم وتتحسن نفسيتك اكثر
تالا : لن اخبرهم
روما: لماذا
تالا : لانهم لن يعطوني اي دعم ولن يهتمون بي
كريستيا : ولكن والدتك كانت خائفة عليكي كثيرا حينما اخبرتها
تالا : فتيات دعونا ننهي هذا الحديث نحن خرجنا لنستمتع بوقتنا ليس إلا وكذلك يمكن ان تكون هذه آخر مقابلة لنا
روما : لا تتحدثين هكذا ان مرضك في بديته و ستتحسنين عما قريب
تالا : لن اهتم لذلك ولا للعلاج اريد ان اعش ايامي الاخيرة بسعادة دون عذاب وادوية فقط ما اريده هو نشر السعادة قبل موتي ليتذكرني احدهم ويدعو لي .
كريستينا : تالا ارجوكي لا تتحدثين هكذا .
تالا :اذن لماذا نتسوق ونأتي ببعض الاغراض
كريستينا : حسناً و نجلب بعض الحلويات والآيس كريم
تالا : فكرة جيدة هيا بنا
وذهبوا جميعهم .
(استغفر الله العظيم واتوب اليه )
♥♥♥♥♡♥♥♥♥♡♥♥♥♥
في سيارة وليد نظر بجانبه ليجد نغم نائمة
ليمسك بهاتفه ويهاتف والدته
وليد : الو
ايمان: الو ياحبيبي عامل اي يابني مقربتش ترجع
وليد : انا بخير يا امي وانا ف الطريق هوصل حوالي الساعة 5 الصبح. عايزك تحهزي اوضي
ايمان : من عيني يابني توصل بالسلامة ان شاء الله بس انت متعود تقولي من قبلها بيوم....
وليد : لم اجي هفهمك كل حاجة يا امي.
تفيق نغم بجانبة وهي تتحدث
نغم : عمو وليد انا عايزة اشرب.
تسمع إيمان صوت نغم لتتحدث
إيمان : مين اللي بيتكلم معاك يابني هو الصوت مش واضح بس كأن في بنت بتتكلم صح
وليد : أمي أول ما وصل هتعرفي كل حاجة هقفل انا
ايمان : ماشي يابني ربنا يستر طريقك.
♥♥♥♥♥♥♥♥♥♥
نرجع لمجهولنا اخر مرة
يقاطع حديثهم صوت احد من الخلف
لا تغلق هاتفها سريعا
............ مع مين هتتكلمي واي هو اللي هتحاولي تعرفي ليها ده
........... لتتحدث بتوتر : ان...ا ....انا.. ك...كنت
.............اي خرستي اتكلمي زين
...........مسعد انا يعني كنت
مسعد : ما تقولي كنتي بتكلمي مين مش عارفة اتجمعي ليه ولا سؤالي صعب لدرجة دي.
يقاطع حديثهم صوت والد مسعد
صبحي : ف ايه ياولدي صوتك طالع ليه مالها مراتك بتزعقلها ليه اكده
مسعد : انا سمعتها وهي بتقول هحاول اعرفلك بقولها مين ده ليها ساعة بتحاول اتجمع ف الكلمة
صبحي : اهدى ياولدي العصبية دي مهتنفعكش وانتي يابتي مين اللي كنتي هتتكلمي معاه
سناء (زوجة مسعد ) : دي صحبتي ياعمي وهي بتسألني عن احاول اهلها هما ف القرية اللي قريبة مننا وانا قولتلها معرفش بس وف الآخر قولتلها هحاول اعرفلك بس ده كل الموضوع .
مسعد : وهما اهل مين فيكم وهي متسألش ليه عليهم ده كلام ميدخلش عقل عيل صغير
ويقبض علي يدها بشدة ويتابع
مسعد : قولي مين احسنلك
صبحي : بزياداك ياولدي الموضوع مش مستاهل ده كله سيب ايدها يلا
مسعد : هسيبك اليوم ده بس عشان خاطر ابوي مش اكتر
ويتركها ويذهب .
كده عرفته مجهولنا الاول .
ياتري كانت بتكلم مين ؟؟؟؟؟؟؟؟
♥♥♥♥♥♥♥♥♥♥♥
بعد مرور الليل
جاءت الساعة السادسة صباحاً كان وليد ينزل من سيارته هو ونغم .
طرق ع الباب عدة مرات
لتفتح له الشغالة بإبتسامة
الشغالة : نورت ياوليد بيه
وليد : الله يخليكي امي صحيت ولا لسة نايمة
الشغالة : فاقت وبتحضرلك الفطور
وليد : تمام
ويمسك بيد نغم التي كانت تقف خلفه ودلف للداخل تحت استغراب الخادمة
تقابله ايمان بإبتسامة ولكن سرعان ماتختفي تلك الابتسامة عندما ترا نغم
ايمان : نغم
وليد : طاب سلمي عليا الاول وبعدين نقعد ونحكي
تقترب منه وتحتضن ابنها وهي تتحدث.
ايمان : مش مستريحة
يمسك وليد يدها ويجلسان
وليد : امي نغم بقيت.......
يقاطع حديثهم صوت نغم
نغم : عمو وليد انت ليه مش قولتلي قعدي زي امي .
وليد وهو يجز علي اسنانه غيظا منها لمقاطعة حديثه : قعدي يانغم ياحبيبتي قعدي
تجلس نغم وهي تكتف يدها وتتابع : انت اصلا وحش ومش هكلمك تاني.
وليد : تمام ماشي اسكتي
ايمان : فهمني يابني اي اللي بيحصل ونغم بتعمل اي معاك
وليد : انا اتحوزت نغم يا امي
ايمان نعم اتجوزت نغم يعني اي الكلام ده
وليد : اسمعيني للاخر يا امي
ايمان اسمع اي ان ابني اتجوز واحدة مجنونة
وليد : يا امي نغم مش مجنونة
لتتحدث نغم وهي تبتسم ببلاهة انا هبلة يا امي مش مجنونة
تنظر له ايمان بغيظ
ليبتسم وليد : هي بتوضحلك بس صح يانغوم
نغم : انا مخصماك متكلمنيش
وليد : اه فعلا معلش نسيت
ايمان : هو ده وقت هزار انا خلاص الضغط قرب يترفع عليا
وليد : انا هحكيلك كل حاجة وقص عليها ماحدث معه عن مقابلته لنغم بالمطار وزيارته لبيت جدها حتي الآن : بس ده كل حاجة ياست الكل
ايمان : يابني انا عارفة انك عايز تساعدها بس مش تروح وتتجوزها
وليد : يا امي نغم هتتعالج وهتبقا كويسة
ايمان : وممكن متخفش وتفضل زي ماهي يبقا اي اتجوزت واحدة محنونة
وليد : يا امي نغم هتخف قريب
ايمان : ولو مخفتش يبقا هتتجوز عليها اوعدني بكده
وليد: وعد يا امي بس عشان انا متأكد ان نغم هتخف قريب .
نغم : هو احنا مش هناكل بقا
ايمان : الاكل جاهز يلا تعالوا .
(صلي علي محمد )
♡♡♡♡♡♡♡♡♡
في شقة رباب
سمعت صوت طرقات ع باب غرفتهم لتفتح اعينها هي وزوجها
شادي : اي ده هي الساعة كام شكلنا اتاخرنا ف النوم عشان كده بيخبطوا
رباب : وانا متاكده ان الساعة ستة دلوقتي واختك او امك اللي بتخبط عشان الخدامة اللي ابنها جايبها تقوم
شادي : رررباب
رباب : انا مقولتش حاجة غلط بس ع تليفونك كدن وشوف الساعة كام
ينظر شادي الي هاتفه ليرا ان الساعة السادسة صباحاً
رباب : ها اتأكدت ان كنت كل يوم ع الحال ده ومتعودة النهاردة اجازتك كويس عشان تشوف اللي كان بيحصل وانت ف الشغل
شادي : خليكي وانا هقوم افتح .
يفتح شادي الباب ل....يرا اخته
شيماء ؛ شادي
شادي : ايوة عايزة حاجة
شيماء : ايوة صحي مراتك عشان تحضر الفطار لامك .
شادي : وانتي ايديكي اتكسرت
شيماء : ها
شادي : المطبخ جوة عندك اهو والتلاجة فيها كل حاجة حضري انتي الفطار لينا كلنا
شيماء : نعم انت عايزني انا اللي احضر الفطار ومراتك نايمة جوة و مستريحة
شادي: بس بما انك عايشة هنا الموضوع يختلف من النهاردة اللي عايز حاجة يعملها لنفسه ويلا المطبخ جوة ونص ساعة والفطار يجهز فهمتي وقال اخر جملة بصوت عال
شيماء : وهي تجز علي اسنانها : فهمت
واغلق شادي الباب بوجهها
شيماء : بقا كده يا استاذ شادي ان ما وريتك انت والهانم اللي جوة مبقاش انا شيماء
وتوجهت الي المطبخ .
♡♡♡♡♡♥♥♥♥♡♡♡♡♡
بمنزل وليد
يأتي مصطفي صديقه الي المنزل
مصطفي : صباح الخيرر
ايمان : صباح النور يابني تعالى افطر معانا
مصطفي : تسلمي ياست الكل بس انا عايز وليد ف موضوع على انفراد
وليد : ده بدل ما تسلم عليا
مصطفى : اخلص قوم معايا
وليد : قمت اهو تكون
مصطفي : ياريت نحكي ف مكتبك
وليد : مفيش مشاكل
( توجهوا إلي المكتب )
ليتحدث مصطفي : يلا احكيلي كل حاجة
يقص عليه وليد ماحدث معه
مصطفي : اتجوزتها ليه
وليد : عشان اساعدها
مصطفي : ومش خايف
وليد : انت عايز توصل لايه
مصطفي : نغم اغني منك
وليد: و إذا
مصطفي : مش خايف تعمل اللي عاملته مراتك الاولي
وليد : نغم مش زيها ومتقولش مراتي هي بالنسبالي ميتة
مصطفي : نغم لو خفت وعرفت انك متجوز ومراتك عايشة هتعمل اي ولو اختصرت ده كله وعملت نفس اللي عملته مراتك الاولي هتعمل اي
وليد بعصبية : خلاص كفاية نغم يستحيل تعمل كده والتانية دي مش مراتي ومش هخلي اي حد يعرف اي معلومة عنها وهي ف نظر الجميع ماتت ف الحادثة
مصطفي : انا خايف عليك انت ياصاحبي
يقاطع حديثهم صوت والدته
ايمان اي اللي انا سمعته ده يقصد اي بمراتك عايشة ...............