قصة العمل الاسود
الحلقة السادسة { ٦ } 🧿
( تدخل شروق تلبس ، يمسك مروان الفون )
مروان : الو
مازن : قلبي 💜
مروان : انت فين ؟؟
مازن : تحت ليه .. في حاجة ؟!!!
مروان : لا بس ورايا عمليات ف المركز وكنت ناسي اني قلت ل شروق اني هوديها عند اهلها وقافشة بقا اني نسيت وقلباها نكد ف فاضي توصلها والنبي وتبقا انقذت اخوك 😬
مازن : اه تمام ماشي هوصلها وروح انت شوف شغلك
مروان : مش عارف اقولك ايه بجد 🤦
مازن : تنقذني لو اتزنقت زنقتك دي 😂☝️
مروان : ههههه بس كدة انت تؤمر 😂💜
( ف اوضة شروق بتلبس )
مروان : انا نازل
شروق : وانا طيب 😕
مروان : قلت ل مازن هيوصلك
( تتخض شروق ب فرحة )
شروق : اه طيب 😌
مروان : خلي بالك من نفسك وابقي كلميني لما توصلي
شروق : حاضر
( لسة هيمشي .......... )
شروق : مروان
( يقف )
مروان : نعم ؟
شروق : متزعلش مني .. انا بس مضايقني اني مش لقياك اليومين دول وانا لسة عروسة يعني 😟
( يقرب عليها ، يحط ايده ع خدها )
مروان : والله غصب عني فترة بس وهتعدي اول م اعين دكاترة جداد ف المركز بس حالياً والله مضغوط ومش ب ايدي حاجة اعملها .. متزعليش مني ♥️
( يبوس دماغها )
شروق : مش زعلانة 😊
مروان : محتاجة حاجة ؟
شروق : سلامتك ي حبيبي 💚
( يمشي مروان ، تقلع شروق الفستان الي كانت لبساه بسرعة وتقرب ع الدولاب تنقي احلى طقم عندها ، تلبس بنطلون چينز ضيق جداً لونه تلجي وبادي اسود قصير ع لاين البنطلون وتفرد شعرها الطويل وتلبس كوتشي اسود وتاخد شنطة كروس وتظبط الميكب وتطلع م الشقة ، تدخل الاسنسير وتنزل بيه عند شقة حماتها ، تقرب ع الشقة وترن الجرس ، تفتحلها اخت مروان الصغيرة ، تتصدم من شكلها اول مرة يشوفوها لابسة لبس خروج )
ميار : تعالي ي شروق 😐
( تدخل شروق )
شروق : مازن خلص ؟
ميار ب استغراب : خلص ايه ؟!
شروق : مروان قالي انه هيوصلني عند ماما
ميار : لا معرفش هشفهولك 🤷
شروق : اوك
( تقعد شروق وتحط رجل ع رجل ، تدخل ميار جوة ، تقرب ع اوضة مازن تخبط ع الباب وتدخل )
ميار : مازن
مازن وهو بياخد موبايله من ع الترابيزة : نعم ؟
ميار : شروق برة مستنياك بتقول انك هتوصلها عند مامتها 😕
مازن : اه مروان قالي
ميار : هتوصلها يعني ؟
مازن : ايوة
ميار : اوك
( ياخد حجاته ويطلع برة ، يشوف شروق قاعدة ماسكة الفون ، يستغرب شكلها مش هي نهائي الي شافها فوق الميكب اوڤر مغيرها واللبس ضيق جداً مبين تفاصيل جسمها ذيادة عن اللزوم .. !!! )
مازن وهو بيحاول يبص ف اي حاجة تانية : معلش قعدتك 😅
( تنتبهله )
شروق : لا ولا يهمك 😃
مازن : يلا بينا
شروق : اه يلا
( تقوم شروق تطلع م الشقة ومازن وراها ، يدخلوا الاسنسير )
شروق : معلش بقا هتعبك معايا 😊
مازن وهو باصص ف الفون : تعب ايه بس انتي تؤمري يعني
شروق : الله يخليك 💜
( يسكتوا )
شروق : كنت قايلة ل مروان بس نساني كالعادة 🤷
مازن ب انتباه : لا هو بس شغله صعب شوية
شروق : ربنا يقويه
مازن : يارب
( يطلعوا م الاسنسير ويطلعوا م العمارة ، يقرب مازن ع عربيته ويفتح ل شروق الباب تركب ويركب ويمشوا ، ف الطريق )
شروق : صحيح مبروك انت وماجدة
مازن : الله يبارك فيكي تسلمي
شروق : امتى الخطوبة ؟
مازن : يوم ١٣ عشان هيبقا عيد ميلادها
شروق : اممم حلو دة مع بعض هيبقا يوم مميز
مازن : اهااا اكيد
شروق : انا عاوزة اغير موبايلي تقترح عليا ايه حلو ؟؟
( يدردشوا شوية ، يرن فون مازن )
مازن : الو
دياب : حبيبي الي واحشني
مازن : واحشك ايه بس فينك
( تنتبهله شروق )
دياب : ابويا ي عم داخل سخن عليا سلمني كل حاجة وطلع نفسه معاش 😂
مازن : هههههه ايوة اتحجج كالعادة 🤷🏻♂
دياب : عاوز اشوفك طيب
مازن : شوف انت فاضي امتى انا موجود
دياب : هجيلك يوم
مازن : خلاص اشطا .. خطوبتي يوم ١٣ هااا
دياب : لا والله !!!!
مازن : ايوة
دياب : اخس عليك ومتقوليش غير بالصدفة 😐
مازن : لسة والله ملحقتش
دياب : الكل هيحضر ولا ايه ؟
مازن : لا نص الناس مش عاوز زحمة .. ف الفرح بقا ابقا اعزم كله
دياب : ماشي ي معلم الف مبروك
مازن : الله يبارك فيك متنساش بقا
دياب : عنيا حبيبي .. ماجدة العروسة ؟
مازن : اه ماجدة طبعاً متلبسناش ف حيطة هههههه 😄
دياب : هههههه ماشي ي باشا اشوفك ع خير
مازن : ب اذن الله ي معلم .. سلام
( يقفل مازن ويشغل اغاني ف العربية ، يعدي الوقت ، يوصلوا منطقة شروق )
شروق : بص نزلني ع اي جنب عشان العربية كبيرة اوي صعب تدخل بيها هنا
مازن : هحاول طيب يمكن تنفع
شروق : اوك بس مش هتنفع صدقني عربية بباك وقت م جم اتقدمولي مدخلتش
مازن : اه الشوارع ضيقة اوى
( يركن العربية )
شروق : م قلتلك شوارعنا هنا زفت خالص 🤷
مازن : طيب هتعرفي تدخلي ؟
شروق : ايوة طبعاً دة بيتنا ي بني 😄
مازن : ايوة صح ماشي .. هو مروان هيرجع ياخدك ولا ايه ؟
شروق : مش عارفة هبقا اتابع معاه بالموبايل
مازن : تمام اوك سلميلي ع اهلك
شروق : الله يسلمك حاضر 😊
( تنزل شروق ، يشوفها مازن غصب عنه يلاحظ لبسها الي مينفعش تمشي بيه ف منطقة زي دي )
مازن : استني 😑
( تقف شروق ، ينزل مازن ويقفل العربية )
شروق : رايح فين ؟!
مازن : مينفعش تدخلي لوحدك هوصلك للبيت
شروق : ي بني الناس عرفاني هنا متقلقش 🤷
مازن : معلش خليني اوصلك احسن
شروق ب فرحة : طيب اوك 🙂💜
( يمشوا ف المنطقة وطبعاً عيون الناس عليهم الأتنين يلفتوا النظر لان اللبس دة مكانش من عادات شروق ، يعدوا ع شلة شباب ، الشارع ضيق ، ب حركة تلقائية مازن يحط ايده ف وسطها يقربها نحيته عشان الشباب الي واقفة ، تتفاجئ شروق وجسمها يترعش ، يلاحظ مازن يعرف ان مكانش المفروض يعمل كدة ، يوصلوا عند البيت )
شروق : دة البيت 👈
مازن : طيب اطلعي يلا
شروق : م تطلع طيب اشرب حاجة
مازن : الله يخليكي ي شروق شكراً
شروق : مش بعزم عليك ع فكرة يلا
مازن : لا والله م هينفع خليها مرة تانية
شروق : لا مينفعش تيجي لحد هنا ومتطلعش عيب يلا
مازن : ورايا حاجات والله 😬
شروق : معلش مينفعش هزعل منك والله لازم تطلع يلا
( تطلع شروق البيت ويطلع وراها مازن ، يطلعوا اول دور ، تطلع شروق المفتاح وتفتح )
شروق وهي داخلة : ماماااا
( مازن واقف ع الباب )
شروق : ادخل ي بني
( يدخل مازن )
شروق : اتفضل 👋
( يقعد ع كنبة ف الصالة جنب الباب )
شروق : معلش البيت مش اد كدة يعني 😅
مازن : لا طبعاً دة زي الفل وروحه حلوة 💚
شروق : تسلم 🙂💜
مازن : هو مفيش حد هنا ؟!
شروق : مش عارفة ثواني
( تدخل شروق اوضة ، عزة نايمة )
شروق : عزة .. انتي ي بت
عزة : شروق 😞
شروق : قومي فوقي مازن معايا برة
عزة ب خضة : مازن مين يخربيتك ايه الي جابه هنا 😳
شروق : ششش وطي صوتك ليسمعك وقومي فوقي عشان مقعدش معاه لوحدي
عزة ب تريقة : والنبي دة انا اخاف ع الولا منك مش انتي الي تخافي منه 😏
شروق : بطلي ام هزار مش ناقصة وبعدين يختي ياما تحت السواهي دواهي ميغركيش
عزة : طب اوعي خليني اقوم
شروق : طيب