روايه_احببت_صاحبة_القهوة
الجزء السادس
كريم نزل جري وراها وفضل يدور عليها
لحد لما شافها ماشيه في شارع وبتعيط
راح وراها و فضل ماشي وراها يشوفها رايحه فين
فجاه لقاها راحت قدام البحر وفضلت تعيط جامد
قرب منها وقعد جمبها وبعدين قالها ان اسف
وعد بصتله وقالت انت ايه اللي جابك ورايا ابعد عني بقا حرام عليك
كريم وعد انا بحبك بجد سامحيني انا عمري ما ضعفت قصاد حد زي ما ضعفت قدامك سامحيني ي وعد
وعد وانا مش عايزاك ومش بحبك
كريم مش بمزاجك علي فكرة وعمرك ما هاتكوني لحد غيري ي وعد فاهمه
وعد قامت علشان تمشي
كريم مسكها من ايدها جامد وقال لما اكون بكلمك اوعي تسيبيني وتمشي فاهمه مش معنا اني بحبك تعملي اللي عايزاه
وعد شفت غرورك انا مستحيل اقبل بيك فاهم
كريم بكره تشوفي ي وعد
وعد ده غرورك اللي مهيالك اني ممكن اوافق عليك
كريم هاتوافقي ي وعد وهاتحبيني ومش هاتقدري تعيشي من غيري
وعد ضحكت ده من سابع المستحيلات
كريم بغيظ هانشوف اتفضلي ارجعي علي شغلك
وعد انت اناني
كريم اه وبعدين خمس دقائق تكوني في الشركة فاهمه
وعد حاضر يا فندم
كريم سابها ومشي راح علي الشركه وهي كمان دخلو مع بعض هي راحت علي مكتبها وهو كمان راح علي مكتبه
كريم دخل
حازم هاا ايه اللي حصل وافقت
كريم لا بس هاتوافق
حازم ازاي يعني
كريم حكالو كل اللي حصل
حازم بردو كنت قاسي معاها قلتلك اتعامل بهدو ي كريم
كريم حازم اللي حصل بقا وهي كده كده هاتحبني بمزجها أو غصب هاتحبني
حازم غرورك ده ممكن يضيعها منك اتعامل معها بحنيه ي كريم
كريم ماشي يا حازم سيبك منها بقا وخلينا في شغلنا
حازم حاضر اخبار فيروز اي
كريم وحضرتك بتسال علي فيروز
حازم عادي يعني بسال عليها
كريم عارف ان حازم بيحب فيروز جدا وفيروز كمان بتحبه بعدين قال كويسه
حازم ابتسم وقال سلملي عليها
كريم حاضر يا استاذ حازم اي حاجه تاني انت تؤمر وغمزله
حازم انت مستفز يلا
كريم ضحك وقال اتعلمت منك وبعدين هي واقفه ماقلتليش لي هاا
حازم حاولت المح وانت مش فاهم قلت اسيبك بقا انت ونصيبك وفضلو يهزرو ويضحكو
نروح عند وعد
قاعده بتفكر وبتقول ممكن يكون بيحبني فعلا لا مش معقول ولي لا ماهو اعترف وهو مش شايفك واعتزر منك
وبعدين قالت لنفسها فوقي ما تضعفيش انتي مش بتحبيه كانت بتفكر بصوت عالي وما خدتش بالها من اللي كان واقف
كريم لا هاتحبيني وغمزلها
وعد بعينك
كريم بداتي تفكري فيا يبقا وقعتي ي وعد هانم
وعد مغرور
كريم عنيده ولسانك طويل بس اتنيلت وحبيتك
وعد ياه وجيت علي نفسك كده لي
كريم بجدية ما يخصكيش خالص انك تسالي فاهمه
وعد خافت وبعدين قالت حاضر
كريم يلا روحي
وعد حاضر سلام واخدت حاجتها ونزلت جري وروحت
كريم واقف مكانه بيضحك علي شكلها وهي خايفه ويقول لو تعرفي حبيتك قد اي ي وعد
فاق علي رن الفون بتاعه الو
فيروز فينك يا عم
كريم جاي ي روز
فيروز طيب انزل نروح مع بعض انا كنت في النادي ولسا جايه واقفه تحت
كريم طيب أنا نازل نزل كريم راح ركب مع اخته وسلم عليها وهي كمان
وكريم كان سرحان في وعد طول الوقت
فيروز كريم كريم كرررررريم
كريم اي ي بنتي بتزعقي لي
فيروز بكلمك بقالي ساعه وانت مش موجود معايا بتفكر في اي ي كيمو بغمزه وضحكت
كريم مجنونه والله
فيروز قول قول سرك في بير
كريم انتي اي ما بتصدقي اي حاجه تتكلمي فيها عمرك ما هاتتغيري ي روز
فيروز اكيد ي صحبي قول بقا مين اللي اخدت عقلك وقلبك كمان
كريم بتنهيده وعد
فيروز بصدمه مين
كريم اي اترشطي بقلك و عد
فيروز ضحكت وربنا كنت حسه
كريم ماشي يا حساسه حبتها ازاي مش عارف بقا يومي ما بيكملش الا بيها عنادها وعصبيتها ولسنها الطويل كل حاجه فيها حبتها ولا قهوتها بتسحرني ي روز
فيروز وقفت العربيه وكانت بتسمعه وهو بيتكلم ومبسوطه اوووي ان اخوها المغرور بدا يحب اخيرا بس خافت لما افتكرت كلام امها وسندي وخافت احسن امها تعمل حاجه تفرق بيها وعد وكريم وفجاه السعاده اتبدلت بحزن
كريم لااحظ ده وسألها فيروز مالك
فيروز ضحكت وقالت ولا حاجه بس سرحت فاكر لما قلتلك انك هاتحبها وانت ما صدقتنيش
كريم اه فاكر
فيروز طيب قلتلها
كريم حاكلها كل حاجه حصلت
فيروز طيب هاتعمل اي
كريم مش عارف ساعديني انتو مش صحاب
فيروز ما تقلقش هاتصرف ي كبير
كريم هو ده الكلام بعدين افتكر حازم غمزلها
فيروز اي في اي عينك وجعاك
كريم لا بس حازم بيسلم عليكي
فيروز وشها جاب الاوان وقالت بكسوف حازم هو رجع مصر امتا
كريم من يومين
فيروز الله يسلمه
كريم وانتي مالك وشك جاب الاوان كده لي
فيروز حطت ادها علي وشها وقالت فين
كريم ضحك على اخته وقال بهزر ي روز
فيروز ولا انت رخم
كريم طيب ي اختي يلا امشي عايز انام
فيروز طيب
كريم فيروز اوعي تقولي لحد دالواقتي علي موضوعي انا ووعد
فيروز عيب ي كريم
كريم مستني بس تحبني وانا اللي هاقلهم بس
فيروز افرض ما وفقوش
كريم اتعصب وقال دي حياتي وانا اللي هاعشها مش هما ولو ما وفقوش انا هاخدها وامشي خالص من البلاد
فيروز يعم بقول افرض ما تقفش كده
كريم طيب ي اختي امشي يلا
نروح عند وعد
روحت سلمت علي مامتها واخوها ودخلت اكلات وقعدت معاهم شويه وبعدين راحت علشان تنام ماقدرتش تنام
وفضلت صاحيه تكلم نفسها اي ي وعد معقول بتحبيه
وعد لالا مش معقول انا احب الكائن ده وترجع تقول لنفسها طيب بفكر فيه لي حبيته لا وبعد صراع طويل مع نفسها نامت وهي بتفكر فيه
نروح عند كريم روح وطلع علشان ينام فضل يفكر في وعد لحد لما نام
وعند فيروز كانت مش قادره تنام من التفكير حب حياتها رجع مصر تاني بتحب حازم من وهما صغيرين بتحبه اي دي بتعشقه بس مش عارفه مشعره تجاها اي ي تري بيحبها ولا لا طول عمرها بتتمنه تكون ليه وبعد تفكير طويل نامت
عند حازم بردو كان بيفكر ف فيروز وازاي هايعترف بحبه ليها وياتري هاتوافق ولا لا ونام
سندي بقا كانت بتكلم خالد
بحبك اووي ي سندي
سندي وانا كمان ي خالد بحبك اوووي اوعي تسبني لوحدي
خالد انا لا يمكن اسيبك ي قلبي كلمه كله بخبث
سندي خايفه
خالد من اي
سندي خايفه كريم يعرف الحقيقة ويقتلني
خالد هو انتي غبيه علشان يعرف يعني
سندي لا انا عماله كل احتياطاتي بس بردو
خالد طول مانا معاكي ما تخفيش فاهمه
سندي حاضر
خالد ايوه كده ي قمر بكره تروحيله الشركة وبعدين تروحي عند امه تاني وتشكيلها منه لزم تخليها تقف جمبك
سندي حاضر
وعدي اليوم علي ابطالنا
وجه تاني يوم