الفصل السادس
رواية مجنونة الوليد
بقلمي هدير ممدوح
بسم الله الرحمن الرحيم
صلي علي محمد
عند مصطفي يقتحم رأفت مكتبه.
ليقف مصطفي ويتحدثبعصبية
مصطفي رأفت انت ازاي تدخل بالطريقة الهمجية كده
ليقف رأفت امامه
مباشرة وبنفس الحدة ويتابع : نغم فين
مصطفى :انت بتستهبل
رأفت انا عايز اجابة وليد خد نغم لفين
مصطفى ان كانت نغم زي مابتقول وليد خدها معملتش ليه بلاغ ها تقدر تجاوب
رأفت انت بتحاول تقول ايه وضح كلامك
مصطفى وهو يجلس ويضع قدم اعلي الاخري ويتحدث بكل برود : انا مقولتش
حاجة انت بنت اخوك تايهة او مع وليد زي ما بتقول يبقا ليه معملتش بلاغ .
رأفت :معملتش بلاغ لاني متأكد ان نغم مع وليد .
مصطفي تمام يبقا استنى لما وليد يرجع واسأله نغم فين .
رأفت: وانا عايز اعرف هو فين دلوقتي
مصطفي :معرفش
رأفت: قولي حالا هو فين
يقف مصطفي مقابلته لتتقابل نظراتهم ويتابع ....
مصطفي : ولو مقولتش فين هتعمل ايه
رأفت: افهم ايه من كلامك
مصطفي: زي ما تفهم .
يذهب رأفت بكل عصبية وهو يصفق الباب خلفه بشدة
مصطفي: للسكرتيرة لو اي حد دخل تاني بالطريقة دي هتخسري وظيفتك
يارا : انا اسفة يافندم بس انا كنت عندك هنا ومش.....
يقاطعها مصطفي وهو ويطرق بيده ع مكتبه :انا مش هعيد كلامي مرتين
يارا اسفة يافندم عن اذنك ...
تخرج يارا ليتابع مصطفي
مصطفي: كنت متوقع انها معاك ياوليد بس ليه ليه بتعمل كده يا صاحبي معقول
تكون حبيتها بجد ولا هيتكرر معاك نفس اللي حصل المرة الفاتت ..........
اذكر الله
💗💗💗💗💗💗💗
عند وليد
يسمعون صوت نغم ليركض إليها ويمسك اسماعيل بوالده ويخرج به
وليد : نغم في اي اهدي اهدي يانغم
نغم ببكاء حاد : ماما انا عايزة ماما هي هتقتلها هي هتقتل ماما بابا فين انا عايزة
اقول ل..بابا كانت تتحدث بصوت منخفض لتغمض عنيها وتسقط مغشي عليها
صبحي :مسعد ياولدي انده ع يسرا بسرعة ياولدي
يذهب مسعد سريعا ليأتي بتلك المدعوة يسرا
يحمل وليد نغم ويضعها ع الأريكة
ولم يمر الكثير من الوقت حتي تأتي تلك المدعوة يسرا
يسرا:
صبحي بنت عمتك يابتي وقعت من طولها ياحبة عيني
يسرا متقلقش انت يا جدي انا هشوفها
تفحصها يسرا بسمعتها الطبية وتتابع
يسرا اللي حصل معاها ده صدمة عصبية ادت للاغماء انا هديها حقنة تريح اعصابها وشوية وهتفوق .
صبحي ماشي يابتي .
وليد هي شافت ايه واي اللي خلاها تصرخ بالطريقة دي
صفاء : كانت بتلعب ياولدي وبعدين شافت صورة امها وفضلت تصرخ اكده زي ماشفتوها
وليد : بس هي قالت انها اللي قتلت ماما كانت تقصد مين
صفاء والله يابني ماعرف هي ليه قالت كده بس هي اول ماشوفت الصورة وهي بالحال ده
وليد : حج صبحي انت كنت هتحكيلي عن الل......
صبحي : مش قادر ياولدي ولا اتكلم ولا اقول حاجة ومش عايز افتكر حاجة من اللي راح .
اسماعيل : تعال يابوي ادخلك اوضك ترتاح شوي .
صبحي : ماشي ياولدي وانتي يابتي حضري اوضه لوليد عشان يبات فيها
وليد لا ياحج انا هحجز ف اي فندق
صبحي : فندق اي ده ياولدي احنا معندناش الكلام ده وبعدين البيت كبير وفي اوض كتير فاضية.
وليد ماشي ياحج تسلم
صبحي يلا ياولدي هروح انا ارتاح اشوي.
وليد ماشي ياحج .
قاموا بتوجيه وليد لغرفته وذهب شارد وهو يفكر بالذي تمر به نغم .
♥♥♥♥♥♥♥
عند رباب اتي زوجها من الخارج ليتفاجئ بوجود والدته واخته
شادي :امي شيماء انتو هنا من امتي
شيماء :مالك متفاجئ ليه كده مش عايزنا نيجه ولا ايه
شادي : في اي مش بسأل .
والدته : مالك بتزعق ف اختك ليه كده ولا ليكون حد مسلطك علينا ( قالتها وهي تنطر ل رباب )
شادي : شغل التلقيح ده
مياكلش معايا وانا يلا داخل يعني محدش لحق يسلطني يامدام اعتماد.
والدته : مدام اعتماد دي اخرتها ابني يكلمني بالطريقة دي وتابعت بحزن ( بتمثل ) ده انا
شيلتك وكبرتك وسهرت عليك وف الاخر تكلمني بالطريقة دي يعني دي اخرتها
شادي : وهو انا قولت حاجة ولا غلط حتى
اعتماد : اظهر كده ان وجودنا مش مرحب بيه بت ياشيماء هاتي الشنط من جوة خلينا نمشي من هنا
شادي : يا امي استهدي بالله واقعدي بس كل الموضوع اني اتفاجأت من وجودكم هنا .
اعتماد : خلاص يابت ياشيماء متجبيش حاجة.
وتابعت وهي توجه كلامها ل .... رباب
وانتي واقفة تتفرجي روحي جهزي لقمه ناكلها وتلاقي شادي كمان متغداش زي
ومراتك مبتسألش ف حد ولا حابتلنا حتي كوباية مية
رباب بس انا حطيتلكم اكل اول ماجيتو
اعتماد: اي انتي هتحسابينا ده بيت ابني لاعاش ولا كان اللي يحسبني علي حاجة .
شادي : رباب روحي انتي جهزي الاكل وانتي يا امي هي مش بتحسابك علي حاجة هي بس بدافع علي روحها.
اعتماد : بدافع ليه يعني
عاملنلها اي ولا ليكون بنتبلي عليها
شادي بعصبية : ما كفاية اي كل كلمة بتعملي منها حوار طويل من ولا حاجة
اعتماد يابني انا مش قصدي ح. .......
شادي: يبقا كفاية كلام لحد هنا وهي دخلت تجهز الاكل وانا هروح اغير هدومي .
ويغادر من امامهم
اعتماد : انتو لسة شوفته حاجة ان مطفشتها مبقاش انا اعتماد
شيماء ؛ بس شوفتي زعق فيكي ازاي غشان خاطر ست الحسن والجمال .
اعتماد : وست الحسن والجمال مش مطوله وانا هوريها انا هقدر اعمل اي .
استغفر الله العظيم واتوب إليه
♥♥♥♥♥♥♥♥♥
عند وليد كان يهاتف والدته
وليد : انا والله بخير ياست الكل
ايمان : اخيرا يابني قدرت اطمن عليك ده انا كنت هموت من خوفي وقلقي
وليد: بعد الشر ياست الكل ربنا يطول ف عمرك
إيمان ربنا يخليك يابني ويجعل يومي قبل يومك
وليد متقوليش كده يا امي
ربنا مايخرمني منك ولا من رباب صحيح هي عاملة اي ف شقتها الجديده
إيمان: هي كويسة يابني و انا هبقا ارن عليها دلوقتي بس صحيح يابني نغم متعرفش
عنها حاجة انا روحتلها لحد البيت والشغالة قالتلي انها سافرت
وليد : هي بخير يا امي
ايمان: انت تعرف حاجة عنها يابني
وليد اول ما وصل هفهمك مل حاجة يا أمي
ايمان ماشي يابني تيجي بالسلامة يارب
وليد الله يسلمك ياست الك..... يقاطع مكالمته
صوت صفاء
صفاء نغم فاقت يابني وبتسأل عليك
وليد : حاضر انا جاي
وانهى المكالمة مع والدته وغادر
♡♡¤¤¤♡♥♥♥♡♡♡¤¤♡♡
عند الحاج صبحي كان بغرفته يفكر بما حدث مع نغم
صبحي : معقول اللي ف بالي ده يكون صح لا ازاي وهي ميته بس انا مش عارف إذا
ماتت ولا ﻷ انا مشوفتش جثتها بعيني بس اي اللي بفكر فيه
ده لا مش معقول تعمل فيها كده هما الاتنين كانوا بيعشقوا بعض
عشق بس برضه منكرش كلامها اللي سمعته وانا معدي صدفة من قدام اوضتها.
يقاطع تفكيره صوت ابنه اسماعيل
اسماعيل نغم فاقت يابوي اخدك اتشوفها ولا اجبهالك اهنة
صبحي لا يا ولدي متجبهاش انا هروح معاك وكمان امشي رجلي بدل قعدتي دي
إسماعيل : ماشي يابويا .
***********
أثناء خروج وليد من غرفته يعلن هاتفه عن اتصال من مصطفي
وليد معلش ياست الكل دي مكالمة مهمة هرد وهجي وراكي علي طول
صفاء : ماشي ياولدي
(وذهبت)
وليد الو يامصطفى
مصطفى نغم معاك صح
وليد.انت متصل عشان تسأل
مصطفى : انت ناوي على اي
وليد.كل خير
مصطفي متتكلمش معايا بكل برود رأفت جه النهاردة و.........
وليد :: ههههههه
مصطفى بتضحك على ايه
وليد :قول ل..رأفت اللي عندك اعمله و اه يامصطفى نغم معايا اي سؤال
مصطفى : ليه
وليد: اللي هو....
مصطفى : انت شخص مستفز
وليد : اه عارف
مصطفى: انت بتعمل ليه كده ونغم بتعمل اي معاك اللي ناوي عليه مش خايف يحصل نفس اللي حصل ف الحوازة الأولي
وليد : ده كان ماضي والحال اتغير دلوقتي
مصطفي : مش هقولك غير اعمل اللي يريحك واغلق مصطفى الهاتف بعد تلك الجملة
يسمع مصطفي صوت مسعد خال نغم
مسعد : فين الاستاذ اللي اسمه وليد
وليد : في حاجة
مسعد: وكمان بتسأل
صبحي : فهمنا ياولدي في اي
مسعد : الاستاذ اللي قدامكم طلع نصاب ......
♥♡♡♡♡♡♡♡♡♥
عند رباب شقيقة وليد
رباب : شادي انا مش هقدر استحمل الوضع ده
شادي : صدقيني ولا انا وانا هطلع وهحكي معاهم ف الموضوع ده
رباب تقوم تفتكرني اني انا مسلطاك صح
شادي لا مش صح لاني انا كمان زهقت من العيشة دي يعني ايه مش عارفين نقعد مع بغض ويقبالنا بيت لوحدنا. انا عارف انك استحملتي منهم كتيرر وانا هطلع فورا وهحكي معاها ف الموضوع ده
رباب بس كلمها كويس لتفتكرك انك بتطردها
شادي يابنتي اطرد مين بس وانت هقدر علي امي واختي دول ياكلوني
رباب اومال هتقولهم اي
شادي : تعالي وانتي تعرفي ده إحنا حتي مكملناش يومين مابعض عشان يلحقوا يجولنا هنا
رباب : ماشي بس ثانية احط طرحة علي راسي
شادي : ليه بقا مفيش حد غريب
رباب : ما انت عارف اللي فيها
شادي: اه غشان اختي شيماء بتغلي اول ما تشوف شعرك وتاكل ف روحها صح
رباب صح وكمان ممكن تقصه ليا
شادي عشان اقتلها
ظلوا يتحدثون
اما بالخارج
كانت اعتماد واقفة وسمعت حديثهم بإكمله
اعتماد بقا عايزين تمشوني وبتقولي كمان ان بنتي بتغير منك طاب شوفوا بقا انا هعمل ايه
وتوجهت الي المطبخ و امسكت بزحاجة الزيت وافرغتها جميعها ع الارضية و جلست عليها وقامت بالصراخ
اعتماد ياشادي ألحقني يابني رجلي اتكسرت.. ..........
استوب
اللي بيقرا يعمل متابعة عشان اعرف مين بيقرا ومين ﻷ لاني بصفي الاكونت
عارفة انه قصير بس والله كل شوية التليفون بيفصل ولما يفصل وانا بكتب بيتحذف منهم شوية ف ده مش ذنبي
اما بالنسبة كل يوم فأنا مش فاضية عندي امتحان وبذاكر فمش هقدر اكتب كل يوم .