الفصل التاسع
رواية مجنونة الوليد
بقلم هدير ممدوح
بسم الله الرحمن الرحيم
(الكلام اللي من تحت الكل يقراه فضلا )
وقفنا عند
ايمان : يقصد اي ب....مراتك عايشة
وليد: ولا حاجة يا امي متشغليش بالك انتي
ايمان: مشغلش بالي يعني اي انا عايزة افهم كل حاجة دلوقتي قولي يا مصطفي يابني اي اللي انا سمعته وصحيح ان نورهان عايشة
مصطفي: سامحيني يا أمي مقدرش اقولك اي حاجة الاحسن وليد هو اللي يحكيلك وعن اذنكم انا همشي
وغادر مصطفي
ايمان : احكي يابني فهمني مخبي اي عني تاني
وليد ايوة نورهان عايشة يا امي
ايمان : ازاي و فينها انت لما رجعت من شهر العسل قولت انها ماتت ف الحادثة اللي عملتوها اااااه فهمت ليه مخلتناش نعملها جنازة وخليتنا نمشي من المنطقة بتاعتنا.
وليد ياريت لو الزمن يرجع لورا ومكنتش قابلت نورهان وياريت سمعت كلامك و متجوزتهاش
ايمان فهمني يابني اي اللي حصل وعايزة اعرف الحكاية من أولها انا لحد الآن معرفش حاجة مفيش غير اليوم اللي جيتلي انت وهيا وقولتلي انها مراتك وحطتني تحت الامر الواقع وسكت .
وليد : هحكيلك يا امي انا وقتها كنت شاب طايش وف الكلية شوفت نورهان حبيتها وهي حبتني بس عيلتها كانت غنية جدا ودي العقبة اللي كانت ف حياتنا اهلها موفقوش بيا عشان كنت شاب فقير محلتيش ولا حاجة وغير كده عيل عنده ١٩سنة
وعدت ايام كتير وانا و نورهان بنتقابل لحد ما ف...يوم جاتلي نورهان
فلااااش باك
كانت نورهان تقف امام باب الجامعة الخلفي تنتظر وليد بعدما هاتفته
و كانت تحمل حقيبتها الصغيرة علي ظهرها
ودموعها علي خدها
حتى جاءها وليد
وليد : نورهان في اي بتعيطي ليه واي الشنطة دي
نورهان : وليد بابا عرف ان احنا بنتقابل دايما وهو عايز يبعدني عنك وغير كده عايز يجوزني ابن صاحبه وانا هربت منهم و جتلك اتصرف ياوليد انت عارف اني بحبك
وليد : نورهان اللي عملتيه ده غلط انتي لازم تروحي بيتك دلوقتي
نورهان بعصبية : بقولك عايز يجوزني ابن صاحبه
وليد : اهدي و أبوكي عنده حق ان مش هقدر اعيشك نفس المستوي اللي انتي فيه يانور
نورهان : انا هكون معاك اسعد واحده ف العالم صدقني
وليد : كله كلام يا نورهان انا مش هقدر علي مصاريفك غير كده انا لسة طالب و بشتغل ف سوبر ماركت والقبض يدوب بيكفيني انا وامي وانتي ماشاء الله كل يوم بفستان غير المطاعم الكبيرة اللي بشوفك بتاكلي فيها علي طول ده غير مكياجك وشعرك انا معنديش اي حاجة من دي
نورهان : وليد صدقني انا بحبك جدا ومش عايزة اي حاجة من دول وكمان انا هخدم مامتك واللي هتطلبه هعمله
وليد : نورهان احنا مش هينفع نكون لبعض
نورهان : يعني اي يعني انت اصلا مكنتش بتحبني وكل ده كنت بتضحك عليا فهمني
وليد : لا يا نور انتي عارفة كويس انا بحبك قد اي
نورهان :اثبتلي حبك ووافق اننا نهرب مع بعض
وليد : هثبتلك بس مش بالهروب
نورهان ازاي
وليد : يا نتجوز بالحلال وبموافقة اهلك لأما نلغي الموضوع ده كله
نورهان: ازاي واهلي مش موافقين عليك
وليد: لا انا هتقدملك مرة تانية
نورهان : رجعنا لنفس الموضوع انت عارف كويس ان اهلي رافضينك
وليد : يعني انتي عايزانا نتجوز ازاي من غير وكيل ولا حتي شهود
نورهان : انا عندي فكرة ومتأكده انها هتنجح
وليد هي اي..............
⚘⚘⚘⚘⚘⚘⚘⚘⚘
يقاطع حديث وليد صوت نغم
نغم : عمو وليد انا بدور عليك من بدري انتو ليه سبتوني لوحدي .
وليد نغم انتي مش كنتي عايزة تنامي روحي نامي
نغم لا انا بخاف انام لوحدي
ينظر وليد إلي ولدته بحيرة
لتتحدث ولدته
ايمان : روح يابني ناموا وارتاح شوية انت يلا راجع من السفر ولما تفوق نبقا نكمل كلامنا
وليد ماشي يا امي بس مصطفى عرف ازاي انا ان هاجي النهاردة
ايمان بعد ماقفلت معاك امبارح لقيته رن عليا وسألني عليك وقولتله انك هتوصل حاولي خمسة او ستة بس
وليد تمام ماشي يا امي يلا يانغم
(ده جزء من قصة مرات وليد نكمل ف الحلقة اللي بعديها )
صلي علي محمد
♡♡♡♡♡♡♡♡♡♡♡♡♡¤
⚘⚘⚘⚘⚘⚘⚘⚘⚘⚘⚘
بمنزل رباب
كانوا جلسون جميعهم يشاهدون التلفاز
شادي : رباب بما ان النهاردة إجازتي ف ايه رايك نخرج افرجك علي اسكندرية وجمالها
وكمان اهو نشتري كام طقم ليا وليكي
رباب : ودي محتاجة سؤال اكيد طبعاً
شادي : اشطا روحي غيري يلا وانا ه.. .....
تقاطعهم شيماء : لا والله اومال مين اللي هينضف الشقة
شادي : لا ما احنا هنسبهالك تنضفيها اتسلي شوية علي مانرجع و اه متعمليش حسابنا ف الغدا انا ومراتي هناكل برة
شيماء وانا جاية هنا عشان ابقا الخدامة بتاعتكم
شادي وهو حد ضربك علي ايدك وقالك تعالي
شيماء : ماتقولي حاجة ياماما
اعتماد : اي يابني يعني انا واختك مالناش نفس نخرج معاكم ولا اي
شادي :هو انتي مش رجلك مش قادرة تمشي عليها هتيجي ازاي معانا
اعتماد بإرتباك : اه صح انا رجلي مش هقدر امشي عليها بس خد اختك معاكم متكسرش خاطرها
شادي : لا احنا هنطول ومش هنرجع غير ع العشا كده واكيد مش هنسيبك لوحدك فهي هتقعد معاكي وتحضرلك الاكل وتونسك يلا يارباب ياحبيبتي روحي البسي انتي لسة واقفة
رباب : ماشي
( وذهبت )
شيماء : بقا كده تخلي مراتك تشمت فيا
شادي : الشماتة مش من طبع رباب وانتي عارفة كده كويس
شيماء : لا كده كتير انا مش هستحمل الوضع ده اكتر من كده انا همشي
شادي : وهو حد ماسكك امشي
اعتماد : اي ياشادي يابني بتتكلم مع اختك كده ليه
شادي : انتي عارفة ليه كويس
تخرج رباب
ليتمسك بيدها
شادي: يلا احنا هنمشي وتابع بسخرية وانتي
ياشيماء خديلك دش عشان نارك دي تهدي شوية لحسن تولع ف الشقة
تنظر له شيماء بغيظ
اما شادي يخرج وهو يبتسم وبجانبه رباب التي تكتم ضحكتها
رباب بصوت منخفض : ياعمي حرام عليك تلاقيها زعلت
شادي : تستاهل .
وغادروا البناية
عند اعتماد وشيماء
شيماء : شوفتي اللي حصل بيتريقوا عليا ازاي وهي طالعة ماسكة ضحكتها شوفتي
اعتماد : اصبري بس ان مكنتش انكد عليها لما ترجع من برة مبقاش انا اعتماد يابت
شيماء : لما نشوف
اعتماد هنشوف بس اهدي انتي بس .
(جوز الحريم دول عايز طخهم بالنار ) 😂😂😂
♥♥♥♥♥♥♥♥♥♥♥♥♥
بمنزل الحج صبحي
تجد سناء زوجها يحمل حقيبته ويخرج
سناء : علي فين اكده
مسعد ملكيش صالح
ونزل للأسفل وهي خلفه
يجد مسعد اخيه إسماعيل في أنتظارة
صبحي : يلا ياولد طريقكم اخضر ان شاء الله ا
مسعد اسماعيل / يلا السلام عليكم
صبحي وعليكم السلام
وغادرا
سناء : عمي هو مسعد واسماعيل راحوا علي فين
صبحي : هيقضوا شغلانة اكده وراجعين يابتي
سناء : ايوة بس هما واخدين شنط معاهم
صبحي : ايوة يابتي عشان مسافرين القاهرة
سناء : ليه شغلانة اي دي
صبحي : في اي يابتي هو تحقيق
سناء لا مش قصدي ياعمي بس انا قلقانة علي مسعد بس
صبحى لا يابتي متقلقيش
سناء: ماشي هروح انا احضر الاكل
وجاءت ان تغادر حتى وقفت عندما سمعت جملته تلك
صبحي :منيرة بتي لسة عايشة صح يا سناء
سناء : منيرة ماتت ياعمي شكلك نسيت ولا ايه
صبحي : كانت قريبة منك ودايما تحكيلك عن اسرارها صح
سناء : اي اللي فكرك بيها ياعمي الله يرحمها
صبحى : روحي يابتي شوفي اللي وراكي
ذهبت سناء دون اي كلام وتوجهت إلي غرفتها
وامسكت بهاتف وهاتفت احدي الأشخاص
حتي ان جاءها صوت احد
.......الو
سناء : الو منيرة شكوكي طلعت صح و ابوكي عرف انك عايشة و أتاكدت ان المرة الفاتت كانوا بيحكوا عليكي واخواتك سافروا القاهرة
منيرة : يعني اي واي اللي خلاهم يعرفوا
تعرفي لو انتي كنتي ورا الموضوع ده هدمرك
سناء : انتي غبية انا عارفة كويس ان روحي ف ايدك هقولهم كيف يعني بس انا عرفت ليه ابوكي شك انك عايشة
منيرة اخلصي قولي ليه
سناء نغم كانت هنا وشافت صورتك وصرخت وقالت ماما وقتل وقالت كلام كده
منيرة انتي اتجننتي ونغم ازاي جات وهما عرفوا ان نغم لسة عايشة ازاي فهميني
قصت عليها سناء عن عن مجيئ وماحدث معهم
منيرة اقفلي دلوقتي وانت هتصرف في المصيبة دي .
♡♡♡♡♡♡♡♡♡
اغلقت الهاتف معها لتتحدث مع رأفت
رافت : الو قبل ما تتكلمي لو هتسأليني عن نغم ف انا لسة بدور عليها ومعرفش هيا فين كأن الارض انشقت وبلعتها
منيرة غبي وهتفضل طول عمرك غبي
رافت انتي ازاي تتكلمي معايا بالطريقة دي
منيرة لان نغم عند وليد
رافت وليد وانتي تعرفي وليد منين
منيرة مش وقته دلوقتي اسمعني انت لازم تتصرف في نغم دي اقتلها اعمل اللي هتعمله لانها ممكن تفتكرني .
رأفت انا هتصرف مع وليد وهعرف اخد نغم منه كويس
منيرة هتعمل اي
رأفت : هتصرف ولينا كلام مع بعض
منيرة ماشي
واغلق هاتفه وغادر المنزل .........